海灣茶居

营业中

休息中

餐廳環境同一般傳統茶樓有別，比人感覺好新穎，舒適，係個好適合同朋友、家人慢慢食下野，傾下偈閒聚既地方☺️今次係度叫左一個小菜同埋幾籠點心。首先係沙薑雞套餐，一人份量岩岩好。沙薑雞肉質好嫩好滑，夾埋啲汁送飯一流😎。套餐仲跟埋一碗綠豆沙，呢碗綠豆沙真係不得不讚，味道岩岩好，唔太甜好岩個人口味。點心方面，首先係蒜蓉蒸排骨，啲肉又係好滑，底下既芋頭吸哂汁，蒜蓉味好香！流沙包都唔錯，內餡唔算流心，但綿密滑順，外皮鬆軟。然後係鮑魚燒賣，餐廳可以比客人選擇揀兩粒/四粒，對於兩人用餐的客人十分友好，唔需要一次食太多，可以試多啲唔同既野，鮑魚燒賣口感豐富，燒賣大大粒，一大啖咬落去好滿足。最後再點多一碗薑汁撞奶，$10一碗無諗到味道都不錯，熱辣辣好嫩滑，薑味都好濃郁。

在大角咀想搵個地方飲茶，去酒樓太嘈，好難傾偈。海灣茶居坐得舒服，想食點心之餘同朋友聚一聚，真係好地方。餐廳環境設計舒服，枱與枱之間不會太迫👍🏻👍🏻👍🏻淮山螺頭燉瘦肉湯每一啖湯都有濃郁的響螺味😋😋😋👍🏻蠔皇腩叉叉燒包麵包鬆軟，包餡有很多叉燒和豐富醬汁，好好味😋😋👍🏻家鄉煎薄罉做得夠薄身，外邊非常香脆😋😋👍🏻鮑魚燒賣皇燒賣上的鮑魚煙靭，豬肉肥瘦均勻，而且有好多蝦，好有口感🤭🤭👍🏻越南米網蝦腸香脆米網包住淡淡蝦肉，腸粉滑捋捋，配上豉油，真係一絕😋😋😋👍🏻海灣蝦餃皇蝦餃皮通透煙靭，厚薄剛剛好，裏面好多蝦，超級爽，好味！

港灣豪庭入面有好多美食，其中見到這間海灣茶居好多人， 看看menu , 原來可以晚市可以叫點心的， 這裡沒有收加一服務費， 只是收統一茶價（位）$5 ， 可以叫普洱茶、鐵觀音茶， 茶來得很快， 可以邊看茶單邊洗餐具。 我主要是叫晚市小菜， 叫了鼓汁蒸黃花魚， 魚是新鮮的， 魚肉很滑， 骨不是太多， 我另加一個湯， 是蟲草花雞湯， 湯夠味材料足， 飲完好潤！ 另一個叫了蒜蒸班頭腩， 用了粉絲蒸， 魚肉很滑， 蒸得很入味， 粉絲吸了魚的精華， 有鮮甜味！ 最後這些套餐都送糖水是香草綠豆沙， 不會太甜， 綠豆味剛剛好， 今晚食左一餐滿足一餐！

好久沒有外出飲茶 今天去的不是傳統茶樓 而是比較新式的茶居 鋪頭在商場內 位置尚算就腳 而且吸引個位系即叫即蒸 下午茶個價錢都相當抵食牛肉球彈牙爽口 啲肉好有嚼感 配埋喼汁簡直一流蘿蔔糕配上自家制嘅辣椒醬都好好食 呢間嘅蘿蔔糕同出面食開嘅有少少唔同 口感偏綿密 冇蘿蔔一條條嘅口感 但食落有驚喜糯米雞入面有鮑魚肥豬肉鹹蛋黃肉碎 傳統得嚟帶點新意菜苗餃 一個個入口 好滿足 不過小心熱得濟 會漏汁豉椒排骨 排骨蒸得剛剛好 口感鮮嫩 配合豉椒的香辣味道 唔錯唔錯雞扎 調味好出色 算系我食過比較好食嘅雞扎燒賣入面嘅蝦仁都大大粒 肉同蝦嘅比例搭配得唔錯 感非常鮮美 蝦肉鮮嫩多汁 皮薄而有彈性推薦大家去試下 下午茶時間係兩點半 座位卡位為主 所以會比較舒服 最尾三張圖有價錢參考

今日同朋友去咗海灣茶居食晚飯，真係唔錯～未入到去見到餐牌都好吸引，入到去都好有驚喜🤩店內環境好乾淨，餐具同茶壺都好靚，我地坐咗係比較靠窗嘅位置，可以睇街景之餘旁邊仲有霓虹燈打卡位，食野之餘不妨打番張卡🥰至於茶就有普洱同鐵觀音可以揀，雖然選擇比較少但有茶包pack住，唔會好似平時茶樓咁飲到茶葉，我地揀咗鐵觀音都好香😍至於食物方面，我地叫咗沙薑雞套餐，同埋三款點心✨沙薑雞好滑，而且好入味，啖啖肉配白飯一流😋 白飯好大碗，兩個人食都好夠👍點心就叫咗叉燒包，鮮竹卷同菜苗餃，都好有水準！叉燒包鹹甜適中，包都好鬆軟～鮮竹卷係蠔油汁，但比起出面嘅鮮竹卷淡口一啲，唔會太鹹夠曬健康。餡都好足料，咬落去好滿足👍最後係菜苗餃，入面有蝦仁同菜，皮薄煙韌，餡都好充足！職員都好友善，收碟嘅速度都好快，唔會堆到一枱都係碟👍總括而言真係唔錯，下次有機會再經過呢頭會再黎😋#海灣茶居 #香港美食 #香港茶樓 #旺角美食 #香港探店 #港式茶樓 #香港酒樓

今日去大角咀接女朋友然後就去咗海灣茶居呢間餐廳，呢次係我第二次去。覺得呢度嘅性價比比較高，唔會太貴，今次叫咗三樣菜，滷水豬手飯，沙薑雞半隻，手撕雞腸粉首先沙薑雞9/10分，肥瘦適中比較嫩滑，而且薑味都比較濃，啱曬各位食，亦都比較大隻手撕雞腸粉8/10分。我都係第一次食呢個比較有驚喜，花生醬和甜醬上的手絲雞，味道非常搭配。滷水豬手飯9/10分。呢個同樣比較好食，頭先佢嘅豬手係大大件，而且都整得比較入味推薦

今日放工之後， 我同同事去左大角咀既海灣茶居🙌🏻🙌🏻聽講佢地既小菜比較出色，我地當然要一試😍我地點左胡椒豬肚湯！！！😎😎😎超多豬肚 超加分！佢地既豬肚好乾淨 超重胡椒味 好香 但又唔會話重味精 食完都唔會話口乾 係好好食😋！ 佢地仲配左啲養生食材 感覺好健康呀haha 另外仲黑椒金薯牛仔粒😈 份量又係超級多 送飯食真係一流呀 佢地既薯仔炸得剛剛好 唔會overcook 所以咬落去好香好脆口 而牛仔粒都重牛味 又唔會太難咬 火喉控制得好好 我哋最後仲每人叫咗一個甜品 綠豆沙煲得好綿好好食 亦都好啱而家熱辣辣嘅夏天 燉奶都好香好滑 鍾意食薑汁燉奶嘅人一定唔可以放過❤️❤️

尋日同我媽媽去左大角咀港灣商場嘅海灣茶居食中菜。我哋叫咗士多啤梨咕嚕肉🍓🥩同南乳雜齋煲🍲。士多啤梨咕嚕肉真係好吸引！個肉外脆內嫩，啤梨咕嚕醬汁酸甜可口，而加咗士多啤梨片就更加豐富口感。佢嘅色彩亦好靚，真係令人食嘢時有啲心情愉快. 😋🍓南乳雜齋煲都好出色。湯底醇厚，有濃郁嘅南乳味道，而茄子🍆、腐皮🥬、粉絲🍝同香菇片🍄都入味好好。煲裡面嘅食材都煮得恰到好處，蔬菜爽脆，粉絲入味，真係一碗香氣四溢嘅菜煲. 🍲😍海灣茶居確實係一間唔錯既中菜餐廳. 👍佢嘅食物新鮮美味，服務亦好好，設計富有香港特色，環境舒適. 只係可能因為係商場入面，人流多咗啲，要提早來拿位。下次我哋一定會再嚟試試其他菜式！👌😊

尋晚心血來潮想食中餐🥢，就同男朋友去咗大角咀海灣茶居食飯🍽️，呢個餐廳🍴嘅裝修好有味道👅，摩登的中式氣氛好舒服。我哋坐咗窗邊，仲可以望到街景🏙️，好浪漫啊！🌹🌹我哋嚟到呢度，首先叫咗例牌叉燒白切雞飯🐔，份量好足，雞肉係白切嘅，好嫩好多汁，叉燒係燒得恰到好處，唔會太硬唔會太腍，最重要係肥瘦分佈平均，咬落好juicy😋。包埋白飯，🍚飽滿軟糯，好滿足！之後，我哋又叫咗一道🐟魚香茄子煲，茄子好軟滑，仲有啲濃郁嘅魚香味，啱啱好，唔會太辣太酸🌶️，送飯真係一流！而豆豉蒸黃花魚🐟嘅魚肉好嫩，仲有豆豉嘅味道，好開胃🤤！黃花魚大小適中，兩個人食啱啱好。最後，佢哋送咗我哋兩碗綠豆沙🥣，綠豆沙甜度恰當，而且熬到起沙，好正好解膩！除咗食物好好味之外，海灣茶居嘅服務同環境都好滿意！服務員姐姐👧好友善，唔會太過甚謙，令到我哋好舒服。海灣茶居嘅食物🥘質素確實不錯，仲有好浪漫嘅環境同服務，好滿意👍！下次再來一定要試埋佢地d點心🧆先得。價格：叉雞飯 $58豉汁蒸黄花魚配白飯配綠豆沙 $72魚香茄子煲配白飯配綠豆沙 $78地址：大角咀福利街8號

呢間茶居原來晚市唔只有點心食，仲有小菜、烤魚、手撕雞呢啲晚飯餸菜，都幾多元化😆不過我同朋友都係為點心嚟食就冇試到小菜。月滿晶螢蝦餃皇 $22兩粒蝦餃都幾大粒，正常發揮，蝦肉幾爽口😋黑松露燒賣 $22 兩粒燒賣口感好爽口，有蝦肉同埋豬肉，味道唔錯😋但係就食唔出有黑松露味🙈四寶滑雞扎 $40雞扎好足餡飽滿，好好味。薄薄腐皮卷住有一件大爽滑雞，仲有魚肚、蟹柳、同埋粉糯嘅芋頭😋菜粒叉燒炒飯 $62炒飯幾有鑊氣，飯粒粒粒分明，幾有蛋香，加埋肥瘦適中嘅叉燒粒同埋爽口菜粒，幾香口👍🏻大排檔釀茄子 $25呢個係個炒飯嘅優惠加配，幾抵食，有三件，茄子好淋滑，釀嘅係蝦膠，半煎炸咁好香口，上面淋左玻璃芡汁，好好味😋順德薑汁糕 $15呢個甜品又係跟炒飯加配嘅， $15/4件勁抵。薑汁糕薑味都幾香，煙煙韌韌，又保持柔軟，係唔會甜膩嘅飯後甜品👍🏻

平時都係同屋企人去傳統茶樓，今次同男友去食呢間位於大角咀嘅海灣茶居認真有驚喜～首先環境好靚，地方尚算寬敞舒適，茶具上嘅花紋仲好吸引～💖茶位只需$5/位，沒有多餘收費。點心方面選擇都多，而且仲有一啲午市套餐&點心孖寶，價錢優惠好多架！其中一份點心孖寶嗌咗鴛鴦蒸燒賣&秘醬蒸鳳爪。鴛鴦蒸燒賣即係牛肉燒賣+黑松露燒賣～每樣兩粒啱啱好，牛肉燒賣夠哂彈牙，而黑松露燒賣估唔到黑松露香氣濃郁，令人食指大動！而$58下午茶就有鮑魚糯米雞+黑松露燒賣。黑松露燒賣果然係人氣之選😝🤣而鮑魚糯米雞大大隻，荷葉香十足，而中間真係俾我挖到原隻鮑魚架！🙈🙈金牌爆漿流沙包就係男朋友話一定要食！表面掃上一筆金色，即刻高級感滿滿😍💖一分為二，即刻見到令人食欲大增嘅金黃色爆漿流沙，真係色香味俱全！而甜品嗌咗一份可愛嘅慕絲酸奶兔🐰兔兔造型好可愛🥹💓差啲唔捨得食～酸奶味濃又唔會過甜～最後係口水醬手撕雞腸粉，腸粉滑嘟嘟～口水醬手撕雞夠辣夠惹味，食完個手撕雞仲心思思，結果用埋剩返嘅口水醬去點腸粉🤣🤣🙈一點都不浪費～總括而言，我同男友都食得好飽好滿足。只係兩個人胃口有限😫好多點心其實都好想試…唯有搵多個借口遲啲嚟多次繼續食啦！😝😝

夜晚路經大角咀，有啲想食點心，咁啱見到有間海灣茶居，晚市都有供應點心，於是就決定入去試吓星期五七點前去到，就已經全場滿座，睇嚟有好多街坊幫襯除咗點心之外，仲有小菜叫，所以就決定試晒佢嘅小菜同埋點心小菜揀左酸菜魚，啲魚肉好滑，入面亦都有好多配料，有豆卜、娃娃菜、寬粉等等，魚片嘅數量亦都相當多。每個小菜套餐仲有一碗白飯同綠豆沙送，唔使另外加飯點心就揀咗鵪鶉蛋燒賣，一籠三件，好飽滿煎黃金糕亦都非常甘香彈牙仲叫左一籠叉燒包，本身唔係好鍾意食叉燒包，因為覺得有啲餡好鹹，而佢嘅叉燒醬唔會過鹹，餡同包嘅比例，亦都適中，幾好食埋單兩個人食咗$200左右，唔使加一，茶錢$5一位，都幾抵食

最近我和朋友去了大角咀一家新式茶樓海灣茶居，試了他們的招牌菜絕味沙薑雞🐓和四川老壇酸菜魚🐟。座位闊落，仲有分二人枱、卡位、圓枱，裝修優美，茶具乾淨美觀。😍茶葉方面可以揀鐵觀音或者係普洱。老壇酸菜魚鍋🐟非常豐富，魚片新鮮嫩滑，加入了寬薯粉、豆卜、酸菜、芽菜和節瓜等配料。這些配料的結合使得每一口都充滿了層次感。寬薯粉充滿軟嫩口感和豆卜吸收咗酸汁惹味，而酸菜則為整道菜增添風味，芽菜和節瓜則更加豐富了整體口感的多樣性，值得推薦👍🏻😋除了酸菜魚，我們還點了半隻絕味沙薑雞🐓。沙薑雞的外皮爽口，內裡鮮嫩多汁，沙薑汁是精華，雞塊完全吸收了沙薑的香氣。咬下去時，口感細嫩，而沙薑的辛辣和香味則在口中綻放。😋整道菜吃起來既滿足了味蕾的需要，又帶來了一絲溫暖的感覺。這兩個餸都是下飯小菜，晚市小菜套餐均搭配白飯和香草綠豆沙，非常飽肚，香草綠豆沙的香甜口感和清新的味道，讓整餐的口感更加豐富。

記得讀書時期的大角咀得奧運站附近有野食，依家已經伸展到大酒店附近。天時暑熱係港灣商場決定食個簡單中式下午茶，環境幾舒服之餘估唔到食物都有驚喜！首先要多謝自己，平時唔食泡飯既我突然之間想試泡飯，而呢度既#手撕雞泡飯 完全滿足到味蕾同肚仔：飯粒飽滿 唔係d雪到溶晒既隔夜飯，湯底濃濃既雞味，加上勁多手撕雞，唔係雞絲係真係去晒骨既手撕雞，啖啖肉又好飽肚，兩個人分係超飽（加上d點心）其次想重點表揚係#綠豆餅，見幾少見咁又好抵食 所以叫左。薄薄一塊但竟然做到9成係綠豆蓉餡！口感似超薄皮版老婆餅，但餡料唔甜，非常岩岩好，綠豆蓉好滑好細膩，呢個真心會令我再幫襯 絕對需要自己食晒三舊。另外有驚喜既唔太甜甜點包括#薑汁糕（超煙軔又多層）同#斑蘭蒸糕，係白糖糕既質地，好彈，斑蘭味唔重但亦唔甜，老人家應該都好岩食。咸點例如#煎釀茄子、#炒鳳爪都唔錯，中規中矩夾大份。整體黎講係好抵食，坐得舒服，無加一，茶介都好似只係$5一位。大人細路都應該飽到摸住個肚仔走

心血來潮想晚飯食點心🥢搵到呢間喺屋企附近夜晚有供應，又有d小菜/飯食😙Menu好多選擇，環境都企理.✨一人籠仔蒜香斑片蒸飯✨呢個籠仔飯有驚喜😳d飯唔會濕笠笠，蒜味又夠足，斑片無骨唔會蒸到老晒，但如果斑片份量多d就好喇🤩✨薑汁糕、金錢肚、咸水角、鵪鶉蛋燒賣✨點心就比較令人失望🥺尤其係本身係想食點心而去既🥲雖然都知係來貨野，但質素就真係一般般，特別係咸水角勁痴牙🥶😉總括就係小菜比點心出色，想食點心都係去返茶樓～～