海盜王餐廳

营业中

休息中

上水新開海盗主題餐廳，童心主題吸引一大班小朋友的𦲷臨抱滿童心的大人也可以一到餐廳內環境寬敞，裝潢以海盗為題，侍應也是水手裝束😃餐廳的價錢也超值，難得的是奉送冷熱飲品，不另收費漢堡係餐廳招牌之一價錢只係50蚊！有安格斯牛肉漢堡，薯皇同飲品，相信好難找得到比它更抵食餐廳上枱啦！雖然50蚊，餐的份量也不少漢堡的材料豐富，芝士剛好熱溶，邪惡程度高牛肉厚度同個包係一樣嫁！睇相都知牛肉有幾厚即刻忍唔住要開餐啦！煎得外層香脆，封住肉汁，咬落去肉汁滿瀉之餘，肉質嫩滑，肉味並不輸蝕配上香脆煙肉，加上熱溶芝士，滋味十足為食嘅我仲要點多杯紅豆冰，奶茶香滑，加上粒粒紅豆，令人餐後更覺滿足餐廳的價錢大眾化，足料份量，食物質素也不差，的確抵食之選！用餐體驗滿意，下次一定再到

中女覺得今次係有少少伏😢！話說上水最近都開左唔少餐廳，都各有特色，咁行左一個圈就打算試下呢間。開頭係比佢個環境吸引左，覺得幾光猛，入面整左好多唔同國家既國旗，幾有心思。之後望望晚餐餐牌，覺得價錢都OK，唔算貴，而自己又好喜歡吃意粉西餐，所以就決定入去。點左個最普通既蜆肉意粉，同杯熱情果茶。首先想講講個意粉好硬亦比較乾，食落有少少哽住個喉嚨……唔係咁好食，行番屋企時仲哽住個胃！而杯熱情果茶甜左少少，但係可以接受既。其實可以用個靚少少既杯裝，話晒特飲嘛，點可以用茶餐廳洗筷子果Ｄ滾水杯呢？即係期望同現實有反差，就算好飲都扣左分喇….不過值得一讚係佢地在報置係花左心機既，希望佢地接受評價再努力改進，下次食既時候令我眼前一亮啦！

今次來到北區上水覓食，沿路的確很多水貨客及藥房，入左舊區見到搶眼的藍色牆同一個可愛的海盜公仔，多走一轉最後決定午餐於此，餐廳環境較為簡約沒有富麗堂煌的景象，特色雲朵燈，不同國家的國旗及米字櫈為主調，令人感覺較為簡約舒適香草烤雞扒意粉($65)雞不是新鮮雞，但肉質還是鮮嫩，雞烤得香口入味，亦juicy不乾香草味調得剛好，意大利麵都幾爽口芝士肉醬焗脆薯王($38)新鮮炸起香氣散發，薯仔沾滿美味的肉醬和芝士，味道十足，不過薯仔略嫌過硬餐飲凍檸茶位於舊區的海盜王，打著親民價錢，全店店員態度友善和藹可親，真心支持小店

新開張既海盗王率先試餐牌選擇款式多，價錢大眾化紐西蘭極級牛扒大大塊，肉汁豐富，牛肉味濃郁，醬汁略厭多了一點脆薯王既薯仔餡多，新鮮熱辣炸上，外脆，內裏啖啖薯蓉，滋味無窮紐西蘭牛肩扒配意粉，牛肩扒肉質更嫩，肉汁煎封一流，入口溶化之餘，肉汁豐富，口感外點脆，內裏嫩滑，的確令人回味午餐62蚊，的確抵食飲品方面，見網友推介班蘭椰子豆奶，做立心一試，真係無介紹錯！班蘭味濃，椰汁同豆奶配搭一流，班蘭香配椰香，入口豐富濃郁，豆奶唔過甜，整體新鮮之感青蘋果氣泡茶入口果味清新，檸檬配上青蘋果，茶濃而不苦澀，令人覺飲品也不徨多讓

今日Lunch同媽咪喺上水塭食，行多上水舊墟見到呢隻間門口非常光鮮原來係一間新開嘅餐廳，仲要係用海盜作主題的，比餐廳嘅佈置吸引左入去！入到去打開餐牌，原來有好多款選擇，同埋全部都幾有特色非一般茶餐廳，但睇吓個價錢同一般茶餐廳差唔多幾抵食！我哋兩個人叫咗： 水手咖喱牛肋條配白飯套餐＄52呢個真係有驚喜，白飯竟然係用珍珠米，軟熟又有飯香，白飯上邊仲加左一啲日式嘅脆脆，好日式feel又好好食，入正題講返個咖喱，咖喱係正宗印度嗰隻，真正有咖喱辣同好香，牛肋條分量多，仲有幾舊係半筋半肉我最愛！非常入味，十分推薦！安格斯牛肉芝士漢堡配脆薯條套餐$50呢個漢堡配薯條一上枱嘅時候，媽咪問我有無睇錯？唔係呀嘛，咁抵食？＄50有啲個質素？因為有時同媽咪出去食西餐，一樣嘅嘢要成過百！所以有啲唔敢相信！跟住我哋兩個馬上試吓好唔好食！點知估唔到個牛好有牛味，又好juicy!! 加埋個脆煙肉，拍絕對拍得住出邊過百元的漢堡！我哋兩個食到唔停得口！而條都好香脆！我哋舉晒手指公狂讚！見到啲嘢咁吸引我哋兩個都忍唔住要啊多個招牌菜，去骨烤菠蘿雞中翼$48:一碟有六粒，啖啖肉嘅雞中翼裏邊有成粒大菠蘿！酸酸甜甜，感覺非常之fr

新開的店,行過看見外觀蠻漂亮的,一直想試試看,今天終於來到此一遊,內裏裝修很有心思。食品款式以西餐為主,但亦有一些韓式食物提供~今天先試推介~安格斯牛肉芝士漢堡~份量看著是一般大小,但足以飽肚。反而我更欣賞的是飲品,比想像中有驚喜~喜歡這店的特飲,鴛鴦紅豆冰及青蘋果氣泡茶真的值得一試!而店舖的服務態度就是與茶餐廳沒甚麼分別囉～

每次中午時份經過上水符興街都有種好趕忙嘅感覺，因到處充斥着拖喼的水貨客。一行喼龍排列食肆外的情景，並不罕見。偶然行過見一間藍白色裝修醒目嘅海盜王餐廳，裡面有個開放式廚房，好清潔整齊。西餐廳的裝修、工作人員的衣服如其名以海盗為主題，天花的白雲燈平添活潑、愉快的感覺，令忙活左半晝的我，心情也好起來。侍應見我們大汗淋漓，好意提點我們可先點飲品再慢慢選餐，最後更幫手轉飲品為跟餐價，真體貼。友人的煙三文魚薄餅，焗得超脆，蘑菇煙三文魚香噴噴，仲有芝士粉可自助增加。加左$15元要了一個煙三魚麻酱沙律，這價錢本對它沒甚麼大寄望。送來時三文魚都算大塊，沙律菜都有好幾款，車厘茄超甜，麻醬可能加了點醋，托起全個沙律的滋味，超值之選。我就點了個西西里芝士焗豬扒飯，大熱天時食這甜酸的西西里酱，好開胃，個飯底我覺得該是炒過的，食時好味多了。其實這裏仲有頗多選擇，因此我們點餐時也猶豫了一少段時間。

今天在上水做完短暫part time 後經過一間很光猛的餐廳內裡用海盗作主題，椅子也用上色彩繽紛的英國國旗，樓頂用藍天白雲做布景很適合帶小朋友。地點位於上水地鐵站A3 出口行6分鐘。 白酒忌廉藍青口$58忌廉稀稀的，可是沾上過多忌廉，把青口的味道也覆蓋。沒太多酒味，小朋友也可嚐試。 千島海鮮 $ 48 剛好的一人份量pizza，有4塊，又簿又脆批，有海鮮及磨菇。芝士不是太多，不怕小朋友過胖。班蘭椰子豆奶 $ 26 班蘭蛋糕，千層糕吃得多，而今次點選了班蘭椰子豆奶，很香好夾。

係上水好難得見到一間裝修特別既餐廳。餐廳主題係海盗，以藍天白雲做背景，店員都著住船員既服飾。班蘭椰子豆奶依個豆奶唔只外觀吸引，味道亦都好好。豆奶細滑，味道帶甜，除左有豆奶既味道，班蘭既香氣同椰子味都好足夠，好好飲。白酒忌廉煮藍青口青口好新鮮，細細隻但係鮮味十足，配合埋細滑既忌廉汁食，口感好好，仲有白酒既香味。紐約芝士漢堡雖然個樣就平平無奇，但係食落就有功夫啦。個漢堡肉係好彈牙，而且煎得夠香，入面亦都有肉汁，牛味香濃。跟餐可以加過煙三文魚沙律，好抵食。

2017.09.23 😐【玩味海盜主題餐廳】•上水上水是個舊城區 除了水貨客外還有大量金行藥房 是個講求效率的地方最近卻有一間心思主題餐廳開業全店裝潢玩味十足🤠破格以海盜為主題 配上大量國旗🇨🇳🇬🇧藍色天空跟局束的舊城區形成很大對比蛋黃煙肉卡邦尼意粉 $58carbonara 是來自羅馬 裡面包含著煙肉粒 班馬臣芝士 黑胡椒等🧀來到玩味十足的小店亦要不忘品嘗一下小妹最愛的卡邦尼🍝意粉的份量適中 對小女生來說剛剛好煙肉 蘑菇的份量挺多 而且帶著濃濃蛋黃香惟芝味略為欠缺 麵亦有點干身煙三文魚芝麻醬沙律 $15新鮮的三文魚的厚度十足 值得一讚沙律菜亦很新鮮 惟配上了大量芝麻醬🥗若然加上意大利醋及少量蜂蜜會更上一層樓另外我們的前菜是選擇了沙律卻意粉都差不多食完才上桌😥上菜的次序有進步空間熱情果氣泡茶 $13跟餐價這杯特飲是精髓 看著顏色驟眼一看以為是檸茶小妹跟友人卻非常欣賞🍹熱情果味濃 加上了一片檸檬 不會太多糖水酸酸甜甜帶著微微氣泡 又可以消膩海盜王餐廳 💌上水符興街21號地下Mon-Sun: 0700-2200

呢間餐廳開係藥房附近，幾得意。以海盜為主，仲有好多國旗，好似海盜佔領返黎既地域咁。叫左個菠蘿雞中翼。雞翼冇骨，入邊有粒菠蘿仔，食左一啖，雞翼同菠蘿一齊燒，味道好甜，有少少菠蘿香，呢個小食有創意，好味。另外再叫左個牛肩扒套餐。牛扒煎得啱啱好。口感超滑，呢個澳洲牛肩肉質真係超靚，索曬配料既香味，加埋燒汁一齊食，勁好味。仲有炸薯角，原來薯角同燒汁食都好好食。，不過最正當然係牛肩。呢個口感真係好，又多汁。忌廉餐湯唔錯，好熱，香噴噴。再叫埋個跟餐野飲熱朱古力。慢慢嘆，好好味既海盜王餐，上水有間咁得意既餐廳都幾好！

今日經朋友推介, 專誠一試。試了個水手咖哩牛肋條, 咖哩味道很好。牛肋條則可以淋啲, 但以價格來說算非常不錯。又談到性價比,48元的卡邦尼意粉簡直超水準。紅豆冰和班蘭椰汁(不記得準確名字)很有驚喜,正呀。唯獨是芝士肉醬薯角,可能淋左醬，反而唔夠脆。下次會再試下個招牌漢堡。我覺得是物超所值了，性價比高的餐廳。

餐廳新開張，朋友話裝修幾靚入黎試下...環境可以、食物質素可以，但服務質素真係唔得!員工好惡...請佢清枱面大聲燥燥地咁講話佢知道自己出錯單請佢轉返又黑面  上菜又fing落枱面....如果大家想體驗特別既服務質素可以一來

8號波完左既晚上好多餐廳都無開.行行下見到呢間野裝潢幾靚幾特別都入黎試試.價錢合理.又多選擇.最意外既係去骨菠蘿雞翼.估佢吳到咁夾.令到雞翼食落無咁膩.飲品都吳錯.有機會會再去試多d野