海雲天

营业中

休息中

海雲天點心放題我同朋友一早喺KK地book咗聖誕節正日下午2:30嚟食呢個點心放題，每人$188 ，到步得知原來要再收加一服務費，嗰度就每人$44 。朋友早咗度，就話原來2:30到咗都要逐個逐個叫名入座，全程都係用手機落單，不過去到3:30就截單。我哋叫咗兩輪嘅食物，食物冇其他食評講得咁差，我覺得蝦餃、鮑汁鳳爪、口水雞、碗仔翅、排骨、蜜汁雞翼都幾好食。我哋坐到面對海景嘅位置，呢個景120分！不過不過最大嘅敗筆位係啲服務真係十分之差，仲差過屋村酒樓，首先侍應係唔會主動收任何嘅碟，同埋加水，而且十問九唔應。侍應好似覺得我哋點得太多，甚至開口問我哋會唔會食唔晒，其實我哋最後係食得晒嘅，同埋問侍應拎牙籤，侍應仲要特登講句比多一包你，總共有四支牙籤，嗰種感覺令人好差，覺得好似個過嚟食放題嘅客人都好貪心好彩嘅係我哋食最後一輪可以坐到四點幾先走，如果上一輪食就比較慘，一定要準時走。

四人同行吃龍蝦燕窩鮑魚海鮮晚餐，每位有半邊芝士焗龍蝦，但龍蝦唔新鮮，仲有很多綠色的物體，經理說是龍蝦的膏，其他顧客說好好味本人自己上網查，據了解這是龍蝦的胃，要求經理幫我退換，但經理說其他的龍蝦都是這樣，換了都會有同樣的結果。最後本人根本沒有吃，直接把龍蝦掉了。非常失望的用餐經歷。

2人lunch 放題賣單$5xx..重點係D 食物水準好差，點心好少少，叫做熱熱地。但其他食物全部凍既/唔熱 ...中晒伏 ...環境都好麻麻，26/11當天被安排入座位置係內廳，同一般茶樓一樣，無景，同鄰枱好近 ...聽到晒人地講咩 ...侍應服務都好一般 ..同職員反映食物係凍既，但佢好似聽唔到，完全無理我 ...總結 ..需然lunch 2人 $5xx 唔係話好貴，但係甘既質數真係好需要改善 ...總結係 "沒有下次 "..

6點到達，人手安排入坐非常緩慢，一入坐就問：係咪可以上菜！答咗係 同埋 餸菜慢慢上檯。一開始上頭盆：完清酒鮑魚、蒜泥白肉、雙色柿跟著一次過上 大鮑翅、燒豬肋骨、香煎比目魚及軟殼蟹伴上 3.6炒鮮奶；我話一次過上 4度菜？點食呀？凍哂啦！我唔係一坐下來就講咗菜式慢慢上的嗎？？？鮮菌釀花膠筒伴濃雞湯，花膠是彈牙的，咁就可以想像得到味道有幾淡！！！入唔到味好似食像筋似的！跟著就 20分鐘後才上 虎蝦脆窩巴；再過多20多分鐘送上六兩大閘蟹壹隻（所謂價值 ＄388/隻）全晚最精彩就是 虎蝦、燒豬肋骨，而比目魚的骨多到不感想像，大閘蟹拆繩後 對蟹鉗甩掉的，即是不新鮮，食落一點鮮味都無。上甜品的碟上有灘污垢。話哂這間中菜是位於酒店內，食完這頓晚餐，真係唔會再來！

第一次食點心放題，是日星期六12:00，早去左10分鐘、要攞籌。入座起計90分鐘，落單時間就得60分鐘，所以要捉緊時間落單喇，好在呢度係用手機掃qr code 落單，咁就唔驚無侍應啦！喺海雲天網店買左2位，每位$208，去到現場會再額外收你茶位$23/位+服務費，總之Total $250一位啦！食物選擇都唔算少，質素中規中矩，但有一樣野真係好難頂！因為早攞籌關係，分配左海景窗旁座位 （我並沒有要求）。景觀打卡雖然一流，但係超 級 多 大 烏 英！！😨😨從未諗過光天化日 咁多 仲要好大隻烏英挨哂窗度，有啲直頭飛左落我張枱 / 窗旁啲假花度….. 飛黎飛去，真係好影響食慾！直頭衰過我去食街邊大排檔！當時有想提出過調枱，但眼見已經差唔多坐滿、同埋得60分鐘落單 廢是啲單亂哂我又無得食…… 希望酒店方面留意下！真係好鬼得人驚😓😓😓

海雲天點心放題，不知所謂！！成日講到海雲天啲中菜好出名，所以特登響網上平台 booked 咗星期日點心放題，仲要揀兩個鐘，$268一位。（一心念住可以嘆住個海景食，點知….伏中伏😤）點知嚟到嗰侍應先嗌點心時間係個半鐘，坐就可以坐兩個鐘。都算。問題係款式少，冇一樣好食。豬潤燒賣同香草雞翼由坐低order，等咗成個鐘先來，問侍應侍應係唔會追，淨係叫我哋再落過單，點知冇耐就幾籠咁嚟。佢每一樣點心嘅味道質素，都差過你喺出邊是但一間酒樓，雞翼竟然仲新鮮到有兩條雞毛黐住。食得出佢啲豬肉係冇味唔新鮮嘅食材，炸物油，碗仔翅唔熱，口水雞一份原來係等如一舊，仲要勁重雪味。我同老公食到媽媽聲。同埋要留意網上平台嘅價錢係唔包茶芥同加一。網上平台啲評語都係好到不得了，係完全冇負評咁滯嘅，各位自己諗吓喇。結論係：大伏，完全唔明酒店嘅質素點解可以咁差。如果你係為咗個海景而嚟，咁你都諗吓，因為其實近海景嗰邊只會係呀大枱，如果你兩至四個人係唔會有枱。咁嘅價錢求其去一間都好食過多多聲。難得一個週末，食餐咁嘅嘢，心情乜都冇晒🌚。-我望住雞翼果2條羽毛🪶….真係即刻想嘔🤮-成世人都未見過咁長的雞翼羽毛🪶，所以影左佢特寫記念下

海雲天出名環境靚，至於食物嘅質素，食過就知道。今次係同朋友一行4人專登嚟encore。去到餐廳仍然未開始，等咗大約十五分鐘，準時十一點安排入座，平時関係，人不多。海雲天都係用q R code下单，於是就點咗都唔少食物如下:點心外觀合格，食落大不如前，退步咗好多，蝦蛟，蜆蚧鯪魚球，鮮奶蛋撻合格好食，牛肉，鮮竹卷，春卷，排骨，腸粉，沙律都好一般酒樓貨色。武大郎煎餅，冰花沙翁，超難食，尤其是武大郎煎餅皮好厚，咬落去感覺滿口麵粉no good😑麻辣豬耳，一啲味道都冇，得一个辣字，香蔥蘿蔔絲酥餅蘿蔔唔夠，覺得皮厚。最搞笑落單時，腸粉寫明一條上碟，點知上枱時得一舊仔👆呢度已經係三條腸粉嘅份量😂叉燒、蝦、牛肉各一嚿仔，Oh my god 🙄睇下個臘腸卷👆細到仲以為佢俾錯🤣沙律好一般，可以唔駛嗌，同半年前吃過，完全不一樣，真係好失望。

跟本地旅行團到海雲天食中午點心自助餐。無敵海景夠chill。點了不少點心，炸物好快就到，幾脆口。口水雞冇乜肉，骨帶血。鴨肉炒飯好咸，鴨件粥和炒海鮮河好淡。豬大腸好入味。之後蒸點到，牛肉，蝦，叉燒腸粉夠大件，金錢肚和排骨好味。蒸包好細件，無最基本叉燒包。甜品以沙翁和桑寄生蛋茶好味。

今日同阿妹一齊去咗紅磡行街，行到海邊碼頭就去咗海雲天飲茶，見到有個點心放題。餐廳位於酒店嘅一樓，環境唔錯，尤其大堂嗰條長長嘅樓梯，真係好靚，而我哋座位望住個海景😌即刻任何壓力都冇晒😝服務員態度一般，坐咗都好耐，先有人來招呼！點心選擇唔多，一般普通酒樓貨式，確實有啲失望最後可以推介比大家嘅有蝦餃，叉燒包，灌湯餃及奶皇包。選擇唔多嘅時候食物質素又唔係好似預期😆的確係有啲失望！但係環境真係一流👍🏻尤其是無敵大海景。

旅發局 11 月推出 「香港早晨」活動，多達50多間餐廳推出早餐美點、套餐等優惠低至33折‼️ 有中西日泰多國不同款式早餐/早午餐選擇🌎今朝就去左九龍海逸君綽酒店「海雲天」食返一盅兩件😋係網上買完book左時間就可以去到直接兌換，好方便！二人點心餐一共有五樣點心，湖箔金魚餃賣相都幾靚，真係兩條魚係湖水綠色既碟上面呈現🐠🐟 富貴鳳凰糯米雞都幾創新，加左鹹蛋黃煎糯米雞，外面脆脆地咁都幾好食😗最特別係流心金沙腸，第一次見，佢啲流沙真係有啲多🤣🔸二人點心餐🥟$214 (連茶芥加一)湖箔金魚餃、鮑魚燒賣、富貴鳳凰糯米雞、流心金沙腸、菊花鮮蝦春卷

【一口鮮蝦腸粉】：蝦肉彈牙🦐【莞荽一口叉燒腸粉】：叉燒薄身，偏瘦，莞荽味明顯【芝麻煎堆仔】：香脆，麵粉略多【爆荽和牛酥】：略乾身，牛味淡，沒有莞荽味【炸鮮奶】：香脆，淡淡的奶味🥛【芝士蛋撻仔】：撻皮酥脆，芝士味濃郁🧀【香煎蘿蔔糕】：麵粉多，煎得焦香一點更佳【日式炸豆腐】：炸豆醬外脆內軟，吸滿甜甜鹹鹹的醬油，配上表面的木魚絲，鹹香味更加濃郁😋【中華沙律】：昆布爽脆，酸酸甜甜，很開胃🥗【茄湯浸菜苗】：番茄味偏酸🍅菜苗爽口【晶瑩鮮蝦餃】：蝦肉大粒彈牙，餃皮略厚【鮮蝦莧菜餃】：蝦肉彈牙，莧菜味明顯，餃皮薄身【莞荽上素餃】：菇味濃郁🍄餃皮薄身爆荽燒賣皇：略乾，莞荽味明顯💚蟹籽燒賣皇：略乾、紮實黑金流沙包：流心效果一流，鹹蛋黃和奶味濃郁🤩黑糖蜂巢糕：Q彈，黏性高，黑糖味明顯😍蜜汁叉燒包：略乾，叉燒份量少金絲蜜糖脆脆：香脆，蜜糖甜度高🍯黃金涼瓜：鹹味和苦味平衡得剛剛好⚖️椰汁桂花凍糕：軟Q，味道清淡🌸薑茶湯丸：薑味濃，湯圓內餡的黑芝麻沙沙的，甜度適中😚最荽牛肉球：莞荽味濃，頗彈牙👍🏻蒸排骨：排骨軟嫩，醬汁入味😋XO醬炒腸粉：質感略粗糙，味道略淡胡椒鹹菜豬肚：微嗆辣🥵椒鹽豆腐粒：外脆内軟，微辣🌶莞荽雞絲

網上預訂，訂咗蟹每人兩隻，五両重嘅。 一早已經上網比哂錢。 去到酒樓，有位店長，話冇貨😡。仲屈我哋落錯單❗️❗️❗️❗️之後我哋同佢交涉，店長全程串嘴，仲講埋粗口，叫我哋「唔鐘意就咪黎」。大家以後去呢度 食蟹🦀 真係要諗過！

.有一日突然間好想食片皮鴨😗，上網見到呢間做緊特價，二話不說就落咗單🤣整體黎講都唔錯，性價比高，二百蚊有找就可以食到質素都唔錯嘅片皮鴨，🐷絕對可以過吓口癮。🙉.京式片皮鴨套餐 （外賣自取）$180👅8/10🤣打開數過一共有24塊肉，鴨肉油香味重，肉質亦都OK，😚不過因為外賣關係所以鴨皮係唔脆既。🫓至於烤餅方面，全部加埋有18塊，口感柔韌💓，但係美中不足嘅係皮邊有少少乾咗🥺 ，🤣另外海鮮醬就係普通大家平時食到嘅味道，🥒青瓜同京蔥都唔算俾得小氣。🤣雖然食到呢個片皮鴨唔會好食到哇一聲，但係以呢個價錢嚟講，絕對已經係水準以上！.鴨肉炒飯 +$40👅6/10普普通通冇乜特別嘅炒飯😹鴨肉唔多，口感有少少油膩🙉個人認為如果唔係驚就咁食片皮鴨唔飽嘅話就唔使特別嗌啦～.味道👅：8/10賣相👀：7.5/10環境🌸 ：-/10服務👼🏻：9/10扺食💰：9/10

信用卡優惠，買3送1，加上現場支付茶芥及加一後，每位185港元，90分鐘任食星馬點心放題，幸運地被安排坐窗邊位置，美食加上無敵大海景，個人覺得相當滿意手機點心落單，可以逐件點，不用擔心叫太多或太少，食物新鮮熱辣出爐，我們2成人加2長者，共叫了99件點心，全部到齊及清空，沒有浪費，可以想像食物質素不錯有機會會再光顧，可能食2小時會舒服一點，不用食得太急，因食物準備要時間，我地last order嘅冬菇飽就喺最後3分鐘先送到，哈哈

訂購了片皮鴨及加購鴨炒飯。炒飯味道不錯，飯夠爽口。至於片皮鴨方面，有一盒全皮，一盒肉加皮，再加上一包薄皮及一盒青瓜加蔥。 由於要一早取貨，所以要待到晚餐才可以食用。鴨皮就變得欠缺了即時吃的口感。但整體都算不錯。唯獨是訂購時，服務員指定話食物只會在選取的時間出。如要其它時間，食物只會放於前台待收取。 但當去取外賣時，不但指定時間沒有貨，還要多待半小時。令到門外待著很多人呢！這個情況真的要改善！