海雲天

营业中

休息中

款式算係好少，蒸籠同普通酒樓一樣會污糟，但係都算正常，環境唔錯有海景都尚算乾淨，但係海景位要早啲去先至有，服務員個別態度唔好，其他都正常質素，水果點心，虛有其表，得個名有啲夾硬嚟，不但冇水果味，仲有啲唔夾。最難食係菠蘿酥1秒都唔想放入口。燒賣正常發揮。雞腳鳳爪超級鹹但係入邊冇味。不過都尚可接受。但係最難接受嘅係佢嘅上菜混亂問題。上菜速度極慢，但係得一個半鐘食，你預佢上得三四次。好多時候叫咗都冇嚟，但係反而上咗啲唔係我哋叫嘅嘢，數量都唔少，例如粉果，各種蒸糕，因為唔食嘢冇可能會叫到，但係都上咗好多，其他鳳爪我叫咗一客，但係上咗四籠。可見上菜情況混亂，上菜速度唔理想，同埋員工見到空籠，唔會主動收，積咗成枱都係

♡好好味既外賣片皮鴨♡之前見父親節就到，知道會冇得出去堂食，所以一早訂左九龍海逸君綽中菜廳-海雲天既片皮鴨試下🦆。片皮鴨二百蚊有找💰，配青瓜絲、蔥絲同包皮；加40蚊有鴨肉炒飯。片皮鴨唔算好肥，肉質好嫩，外皮就因外賣關係焗軟左唔算好脆，但絕對係比平時酒樓食既好味‼️我一次過食左成10塊😂🙈，屋企人都讚好味，佢地因為疫情關係避免出街，好耐冇去飲茶了，而家食到咁好味既片皮鴨，見佢地咁開心就知我冇買錯😋😌。

味道😋😋😋🌗環境😋😋😋😋服務😋😋😋😋衛生😋😋😋😋抵食😋😋😋🌗今次黎到位於九龍君綽酒店嘅海雲天，試佢個生果點心放題！聽到生果點生放題，係咪以為係剩食生果？緊係唔係啦，其實係用生果入饡，做成點心😀睇到咁樣係咪感覺有d伏呢，當然成個放題都有d傳統點心啦！係網上都有人彈到痴左線，話上菜慢，d生果點心唔好食咁，所以今次就黎試下。11點黎到門口已經整多人，等入去，冇諗過依d鐘數同位置都會咁多人黎食😅坐底後，d職員都好有禮貌啦，我地用qrcode落單，見到聽個名都感覺怪嘅點心，我地點左幾少少黎試下就算🤣傳統點心就唔係到介紹啦，因為都唔會話有咩咁得別。今之主要上講幾款生果點心1.芒果牛肉球睇落正常，食落其實唔會話好怪，佢d芒果味比d喼汁遮左，所以唔算太覺眼，芒果係用生d嘅芒果，所以蒸出黎都食到爽口2.蘋果蝦餃睇落個款幾靚，食落個蘋果味唔算出，但都夾到蝦餃本身個名，另外，佢仲加左肉桂粉，食落有d似粉果版蝦餃，不過都可以的。3.柑桔燒賣睇落正常，聞落都清香，但食落佢柑桔皮就苦，所以就不了4.提子春卷食落正常，入面有一粒咁大把嘅提子囉，不過味道都可以5.火龍果腸粉個皮用白肉火龍果做，同普通皮唔同，食落感覺怪

點心都有放題真係夠哂過癮☺️！！有部分點心配合主題以水果入饌～淺嘗玉桂蘋果鮮蝦餃、柑桔燒賣外表靚靚 但水果味存在感不重🤫.作為專業包控 堅持易飽都要食！黑金流沙包就最得我心🤤(自己都食幾個🤣).小食方面風沙粟米岀奇地惹味炸鮮奶脆卜卜仲口感煙韌 正😆我地都𝚎𝚗𝚌𝚘𝚛𝚎好幾轉🤣～可惜酸仔菠蘿酥同想像中有落差 不太好味(以為好似鳳梨酥🥺).最後仲送上灌湯餃 係有啲誠意😉.呢餐可謂十分滿意❤️點心款式唔敷𧗠 熱辣辣 味道都唔錯😌亦欣賞上菜速度快 不會讓你餓著乾等～除左可以飽覽海景 連外面雲石樓梯都可以打卡🫶🏻

今日中午去試吓所謂自助點心，其實麻麻，食物質素十分之一般，款式又少，漏單情況嚴重，侍應服務態度差，竟會當面同客人講食唔晒就唔好叫，但其實係食得哂既，只係佢嚟咗啲我哋冇叫嘅。仲有好似成日想趕你走咁，另外要睇清楚截單時間，自助點心限時間兩小時，但竟然入座後一小時便會截單，正常都應該唔會咁快啦，離座前半小時就差唔多，酒店價錢，但只係一般酒樓嘅質素，冷氣極不足，不建議大家去食。實在想不到有什麼優點，可以令到我以後再去幫襯，完！

原本懷著高興嘅心情去食姊妹聚餐，因為疫情已經多月沒有一齊聚一聚啦！ 有朋友推介話呢間酒樓地方闊落，靜靜地可以傾計，所以我哋就選咗喺度食。 雖然買一送一但都唔平，但諗著五星級酒店，就試試啦！ 食物質數同外觀都尚算不錯，但係份量實在太少。最好味就係嗰隻龍蝦加伊麵，其餘嗰啲就好像小食一樣， 一啲飽肚感都冇。侍應招呼就同茶記一樣，服務態度一啲都不是五星級水平。 或者佢覺得我哋係團購所以對我哋嘅態度比較差啦。 一開始就上湯，諗著慢慢食，但好快跟啲餸就逐一上枱，我哋其實都未食曬，但係成枱都係餸。又收曬我哋啲碗碟，佢話每一個餸都係獨立分開上俾各人，問佢攞豉油同辣椒醬就好耐先至拎畀我哋， 上菜時唔係行埋你身放底，而係叫你喺對面接收碟菜。 最後上甜品，放底枱中間就走咗，碟同叉都無跟埋嚟，要我哋先有。叫加茶就叫咗幾次先至有人理會，但酒樓入面只係得四張枱有客咋！最後仲要另外收加一服務，我諗如每人加多一嚿水就可以去食唔錯嘅自助餐啦！ 實在中伏呀 ！！我唔會再俾機會依間酒樓，冇下次！

紅日假期搵餐廳真係好難 仲要想坐耐啲傾偈好彩搵到海雲天點心放題有位 坐到120分鐘9秒9問哂朋友都ok 就即比錢錢💸💛肉鬆豆腐肉鬆同豆腐嘅愛好者要試不過豆腐表面可惜唔夠脆💛火龍果蝦腸本來以為會伏 但原來無乜火龍果味就係普通蝦腸 層皮都唔算好厚 幾好食💛菠蘿生炒骨正常發揮 鍾意食生炒骨嘅朋友可以一試💛黑金流沙包流沙餡好正 但麵包唔太好食🫣💛鮮蝦菜苗餃層皮好易爛 但係食落都係煙靭 出色 要試💛燒賣好食 唔係好多肥肉 皮薄 蝦彈牙👍🏻👍🏻💛洛神花蘿蔔糕本來都係驚中伏 但原來都係普通蘿蔔糕咁嘅味💛花膠灌湯餃送嘅 無乜特別 食咗幾啖就棄咗💛提子雞絲春卷加咗生果去整 甜咸甜咸好好味不過可惜在塊皮偏厚 餡唔夠多🫣💛肉桂蘋果蝦餃又係試伏 但食落口都幾Fresh 好過柑桔燒賣 信我！💛鴨絲腸粉食落就係叉燒腸粉 可以試💛蝦餃好煙靭嘅蝦餃皮 好彈牙嘅蝦肉 正💛山楂排骨酸甜排骨 好味 需要一試😋其他都有試 但圖只可以出12張 可惜～💛葱油餅：一咬出哂油 太肥膩啦 朋友兩口棄咗💛口水雞：正常發揮💛冬菇叉燒包：朋友話表面朱古力味好食 但個餡唔得

作為一間酒店，屋邨酒樓嘅服務都好過佢！上菜位置已經有一個半人濶嘅空位，但係都唔知點解啲碟一定會喺你膊頭經過。黎收碟又叫你遞出去俾佢。侍應唔願做，態度又差！成餐飯都好似趕收工咁，成日問你啲碟係唔係食完…. 重有野架隻碟！食物質素非常一般。放得入口，但係絕對唔可以話係好味。上枱嘅所有野食，溫度都係暖，唔係熱嘅。如果繼續保持呢一種服務態度同埋食物質素，應該啲人最多都係試一次就冇回頭。酒店價錢，平價屋邨酒樓質素，冇下次囉！

是次的主題是水果點心！蝦餃燒賣腸粉皆加入水果元素，感覺清新！燒賣加入柑桔，充滿果香，減輕油膩感；蝦餃加入玉桂和蘋果，兩者本為絕配，但一直都是以甜品示人，第一次吃甜甜的蝦餃，本以為會接受不了，結果一咬，想不到又能跟中式點心完美結合，而且賣相精緻，令人忍不住吃了一隻又一隻；腸粉粉漿加入火龍果，細嚼下火龍果味慢慢出現，味道特別，值得一試！餐廳繼續保持水準，食物味道很好，每位客人更送上鮑魚灌湯餃一盅，我們都盡興而歸！

香港的點心放題，迷你燒肉一直很想吃，所以心動不如行動！早上11點去吃，時長90分鐘，不多人，還安排了海景位置給我們，可惜當天下雨一天公不作美，美中不足手機下單，點心款式多，份量可以自己選擇，避免造成浪費，也可以嘗試多點不同的點心。每位預訂的都會送3款小吃，分別是燒肉、椒鹽鮑魚、帶子灌湯餃。雖然燒肉真的很迷你，但味道不錯、很脆、肉質鬆軟。鮑魚很有椒鹽魷魚的味道，如果是清蒸會更加好。由於本人不喜歡吃灌湯餃，所以不予置評。其他都還好，不過不失，不過這個價錢可以無限吃：由點心、主食、甜點、涼拌小吃，真的很划算。吃飽喝足大滿足。

唔知大家鍾唔鍾意食中式點心呢～小妹近排發現唔少中菜廳都推出咗點心放題！上一次嘅芫荽點心放題覺得幾好食😋一知道依家轉咗生果點心放題就再encore～最正嘅係可以望住個海景食，超級開心❤️🍋 120分鐘生果點心放題 $268 （另收茶芥及加一服務費）🫑 120分鐘芫荽點心放題 $268（另收茶芥及加一服務費）食物方面主要分為四大類別🥘 傳統：燒賣，蝦餃，粉粿...🧁 甜品：紅豆沙，煎堆仔，芝麻卷...🥮 創新：按放題主題而定，如芫荽鮮竹卷🌯 小食：手拍青瓜，豬手，雞粥...留意/建議事項1. 人比較多，一坐低嗌咗嘢食先！2. 網上落單要睇清楚有冇confirm到3. 叫晒啲想食嘅點心先，澱粉類之後再點4. 想食先好嗌，唔係嘅話好浪費食物！5. 有時會放咗啲其他枱嘅order，唔想食嘅記得叫佢收返6. 120分鐘會食得冇咁趕，可以慢慢品嚐啲食物⭐️ CP值：🐘🐘🐘🐘⭐️ 打卡able：🐘🐘🐘🐘🐘⭐️ 舒適度：N/A⭐️ 再食指數：🐘🐘🐘.5（5 星為滿分）

今次好好彩搶到KKday $180外賣自取京式片皮鴨套裝（weekend)。之前都有見到呢個優惠，但一迅即逝。今次一見到，即刻落單🤣🦆片皮鴨約24片 套餐包括京式手工烤餅18塊、京蔥條、青瓜條及山楂條。因為餐廳地點在黃埔，拎到返屋企時已經凍咗，應該唔係片皮鴨最好食嘅時機。如果翻熱返效果應該更好。片皮鴨醬汁偏鹹, 唔好點太多。食到一半已經覺得不夠青瓜條和山楂條，因為烤餅唔夠，所以一塊烤餅要包兩片鴨，再加上偏鹹嘅醬汁，會有啲濟，需要多啲青瓜和山楂條中和一下。招牌棗皇糕 4件店員叮囑要返屋企整返熱，數過有三層，偏薄和細舊🙈 味道係唔錯唔會過甜👍🏼環境：3.5/5有酒店嘅光環，入到去似普通酒樓。但只係喺門口拎外賣，可能睇唔到入邊有海景嘅位置，不夠全面。服務：3.5/5本身預約咗15:00拎，但大約13:00打去問可唔可以遲d拎。職員好好可以俾我哋17:00前拎。大約四點去到，等咗九個字覺得唔係好對路。問一問職員，之後等多5分鐘就可以拎（懷疑漏咗我哋張單🙈）。食物：3.5/5感覺質素一般🙈 以一隻鴨計，份量較少。之前食過另一間片皮鴨店外賣，保溫措施做得更好，例如用錫紙袋去保溫。如果多啲refre

喺KKday 見到$698買一送一套餐，仲喺酒店內嘅中餐館，有9樣嘢食就試吓啦。首先環境係好嘅，每台距離適宜，唔會好逼，好彩嘅話仲可坐到窗邊位望住個海添。服務亦唔錯，始終係酒店級數，傳菜姐姐亦好有禮貌。 上菜速度就有少少扣分。我哋6點幾嚟，遲過我哋嘅幾張檯已食甜品但我哋只去到第六個菜。後面嗰檯仲早過我哋嚟已經問係咪漏咗單。員工亦禮貌地解釋係有d單攪亂咗少少。不過唔緊要啦，反正唔趕時間，開返晚市堂食咪慢慢enjoy 下囉。最後食到9點埋單。比埋全單加一同茶芥，總消費$84x 兩位

疫情重開后，4月27日網上買了2:30分時段的90分鐘4位套票第一次去觀光下，完全失望質素比我小時在屋邨酒家重差雖然說點心品種不少，但沒有一款能評上拿like 食物：炸物幾乎全部可以說成冷品，上到枱全是凍的脆麻花像打開了幾天的薯片，淋晒蝦餃皮太厚不知食物味道，故此點了2人份量試吓，盛載小食的用個裝山竹牛肉碟仔上，太小家吧，不像酒店的格局，賣相已大打折扣，一小碟一小碟放在枱上，好像前菜一樣，食欲大減，係我吃點心自助餐第一次不願拿起筷子如果説能接受的可能係上湯鮮竹卷叉燒包吧因為端上來還係熱騰騰灌湯餃只因網購才有得送的，但也沒特別驚喜，説不上有貴氣感覺，沒特別上湯味道和有點淡能說得上可以入口的就係那個豬骨粥，可能我哋係最後一輪，一路煲著夠晒火路基本上沒有可以領顧客去推介給朋友去嘗試，只能暴露出一間十分差的酒店中菜質素我們是最後一節的90分鐘時段2:30，Last call 竟然係45分鐘之前通知，基本上食完第一輪唔叫就收得工朋友説女洗手間有兩隔都塞咗，什麼大酒店的配套呀代客泊車，$500一小時，$800才兩小時，多一架車也不能方便結論酒店埸比一般的街市點心店還差，收$100位已算是高攀了😩😩

今日係假日，點心放題好多人，QR code手機落單。首先，點左既點心有十樣黎左一樣，等左一陣，嗺完待應之後，一黎黎左三籠（12件）蝦餃，但我只叫左2件，其他既野都打孖上左，同我點既份量完全唔同。跟住，同待應講佢check都唔check就話係我禁多左，d待應又好似唔識邊張枱打邊張枱噤，亂噤放低d食物就走左。結果想食既野，到走果刻大部份無黎到，但食同一樣野就食飽左。佢最後仲拎住一d人地枱唔要既點心問我地要唔要，第一次食放題噤差既體驗。