海鮮角樂

营业中

休息中

見有唔少好評自己又鍾意食海鮮諗住試吓啦。叫咗$128嘅花甲得7隻；蟶子皇$48/隻又煮到好老；蟹粥不過不失….最慘係食幾樣海鮮都完全冇海鮮應有嘅味道同甜味。最後上粥時見個碗有啲之前花甲嘅清湯想換過一隻，個阿姐竟然話：用返呢隻得啦，就倒走我啲湯諗住算…我話啲服務點解可以咁垃圾時，佢就拎過個新碗「掟」向張枱度🤬🤬🤬🤬食到把幾火！！！！好少會寫食評，但真係好希望唔好再有其他人中伏啦！！！！！！！

見網上食評唔錯，今日嚟開呢頭，見午餐有蒸兩味海鮮加肉餅，再加十蚊要魚湯。只有一個阿嬸招呼，水吧上有杯及水樽，叫佢俾杯水，佢唔肯俾，話個餐跟嘢飲。order餐飲後好快就有。魚湯先上，好咸。湯入面粟米好硬。蜆同帶子唔鮮味，唔係新鮮貨，比街市買番屋企味道差，三隻蜆中有一隻比較梅，同樣個汁好咸！帶子尚算okay, 個飯好硬！飲完餐飲，仍覺得好咸。再叫阿嬸俾水，話嘢食好咸，今次佢粒聲唔出，俾咗杯水。唔會再嚟啦。

離堅尼地城地鐵站都算近，提早訂左位唔洗等。渠d海鮮真係超入味，又大只。外加燒牛仔骨，燒羊架，都係好惹味。味道風格我覺得係港式嘅。鹽燒類會係胡椒味，我勁中意，口味淡人士都唔洗太擔心，因爲我覺得唔會over左。元貝勁大只價錢又平，聖子微辣勁好味（開頭好肚餓唔記得影相。）不過我自己就冇預算食龍蝦鮑魚果d，價錢會貴多d，希望下次黎試。我自問都算大胃王果類人，食左好多野，埋單先487 HKD，隔離都有外國人去開嘅酒吧，好近地鐵，地段唔錯，簡直超抵。

早前女友人MY夫婦約我哋食飯,我就揀咗大前日(3-4-2021 Sat)晚嚟黃秋生介紹過嘅呢間,我哋book咗枱,而我同老公早好多到,店員睇吓有冇枱,原來有,因客人早走,就俾我哋入去坐同等.冇耐, MY夫婦到嚟喇.呢喥有好多選擇,而MY唔想出現選擇困難症,就揀咗兩個分別$888.00嘅海鮮盛宴同$688.00嘅角樂精選二人餐.1. 呀媽魚湯端上嚟時我哋只知係湯,一飲,魚味好濃,好足料,好正呀!味道: 5分2. BBQ鹽燒大蟶子皇落單時其實想要蒜蓉粉絲蒸,但店員提議我哋試BBQ鹽燒,因為係signature.食落味道真係好夾,好味.味道: 5分3. 蒜蓉粉絲蒸扇貝大大隻又足料,唔會過老,唔錯.味道: 5分4. 燒雞翼甜甜地,蜜味夠.味道: 5分5. 海鮮沙律蝦仁同蔬菜新鮮,醋嘅味道又啱啱好,好正.味道: 5分6. 黑椒牛仔骨細細件,略嫌黑椒味唔夠.味道: 3.5分7. 蒜蓉粉絲蒸原隻加拿大龍蝦味道同口感都正常冇問題.味道: 5分8. 慢煮星班扒用慢煮溫油浸,外脆,冇問題.味道: 5分9. 蠔仔肉碎粥有好多蠔仔,都幾甜.味道: 4分10. 加$18.00嘅秘製芝士香焗原隻加拿大龍蝦芝士好厚

$388一籠海鮮蒸籠飯，有兩款選擇：1. 南非鮑魚、花竹蝦、鮮艇魷、紅鏡貝2. 龍蝦、鮮蟹、星斑、花甲升級+$110可加配2隻蒜蓉粉絲蟶子皇+阿媽魚湯2碗🥣可先以whatsapp落單預訂，再到店取📲蒸籠包裝吸引，外賣回家可趁熱即吃，或再翻蒸也可🔥 份量夠三人分享，蒸籠內的紅鏡貝🐚、魷魚🦑、石斑魚🐟較美味，而南非鮑魚🦪則口感韌，花竹蝦🦐未夠新鮮，肉質太淋😔，反而加配的蒜蓉粉絲蟶子皇，就大大隻，啖啖肉而質感彈牙，是整個套餐內比較出色的海鮮😍整體海鮮水準參差，但籠仔飯伴有不少蒜蓉，是香口不錯的，也不算太油膩🍚以外賣來説，包裝和賣相絕對高分，味道整體則一般😉

好耐冇食過啲令我個頭可以fing足全晚嘅meal!先頭部隊泥個蒜蒸蟶子, Oh The MG, 勁肥美勁鮮甜， 彈口嘅程度係咬住條蟶子嘅時候對筷子跣手，然後佢回彈動L咁bounce😂蒜蒸乜乜都係我嘅天堂，龍蝦啖啖肉，surprisingly好多膏！星斑石斑扒不得了，完全將個魚昇華咗，外皮脆到soksok聲，條尾可以當薯片食，然後肉又很嫩離一離題講吓non海鮮先，牛舌好值得一提， 史無前例嘅厚切，燒得泥，內心是軟軟juicy的，未食過咁好食嘅牛舌😭蠔仔肉碎粥好好癲啊，個湯鮮甜已不在話下，啲蠔肥肥大料，有兩粒眼球咁大🤤 同埋因為係潮州version嘅關係，啲米係粒粒分明非常之啱我口味！ 味道：9/10 海鮮角樂 4人精選套餐 $1388魚湯,上湯雜菜,蒜蒸聖子,蒜蒸龍蝦,星斑石斑扒,手打肉餅,羊架,水上人家糯米飯,蠔仔肉碎粥 加料!厚燒牛舌x2 $46燒雞中翼x2 $56鹽燒雞皮x2 $44蒜香茄子 $19 📍堅尼地城

雖然宜家已經多左出去食番好西,不過繼續外賣🥡都係有必要性既🙃今日算係一個特別既日子,所以決定食豪少少,黎個海鮮🦞🦐🦑🐙大餐———————————————-@seafood_corner 想試左好耐既特盛大海鮮🦞🦐🦑蒸籠飯🍚本身有A/B兩個款式選擇而我今次揀左哩個就係B款,包括有:南非🇿🇦鮑魚/花竹蝦🦐/紅鏡貝🐚/墨魚🦑,另加$38/1加配蒜蓉粉絲蒸扇貝2隻哩個🦑🦐蒸籠飯除左鋪滿左各式各樣新鮮既海鮮之外,蒸籠底下既飯底份量亦都係非常大,真心係絕對夠晒2-3個大人👩🏻👨🏻既份量架🙃————————————————-外賣🥡或者送貨番到屋企之後凍左都唔洗怕,海鮮飯連蒸籠直接放入煲/鑊/蒸爐入面,蒸番大約5-10分鐘度就直接食得,超方便！碗🥣碟🍽都唔洗用咁多🙈————————————————-鮑魚厚身得黎又唔會韌！紅鏡貝鮮甜,墨魚🦑就爽口彈牙！蒜蓉🧄蒸既蝦同扇貝就自然無得輸😋海鮮🦞🦐🦑蒸完既肉汁流晒入籠底粒粒分明既飯入面,超級好送飯🙈 鮮味😋到連平時麻麻地食飯既男朋友同佢媽媽👩🏻都食左好多飯！三個人食到一粒飯都無剩添😋😋🙈

海鮮蒸飯 + 升級大聖子🐟🦞🦀超讚的一餐飯2-3人完全夠食海鮮足料又新鮮個聖子王👑大到我個碟都放唔落😛個「呀媽魚湯」搶手到相機未食已經分左落肚🤣🤣🤣超級鮮甜，一啲都唔腥👍🏻👍🏻👍🏻而家外賣自取價$388唔想自己拎仲可以幫你call埋車送到屋企樓下🚐 （5籠以上仲可以免運費）返黎蒸返3-5分鐘熱辣辣超正 🎉🎉🎉好似即叫即蒸咁食完個籠仲可以留返自己屋企整野食，蒸點心🤟🏻🤟🏻老闆好好人回覆超快唔明講到你明❣️取貨時間非常彈性絕對係貼心嘅服務真港人自助💋💋

▮海鮮角落▮ 外賣自取優惠海鮮籠，超抵食，HK$388/籠，已經夠2-3人份量啦！即叫即製，啱晒鍾意seafood既朋友，特別係住附近既西環友有福啦！籠內包括：☆龍蝦🦞一大隻，啖啖肉 ，彈牙新鮮😍😍😍😍😍！食到lamlam脷啊！依家諗返起都流口水🤤。-☆蟹一又係一大隻 ，味道鮮甜 ，可惜無咩蟹膏 😊。-☆野生星斑件四小件 ，肉質紮實 ，有海水位 ，不過有點兒蒸過籠 、有d鞋 😅。-☆大花甲4大隻 ，入口鮮甜 、無沙🤪。-☆蒸飯鋪滿整個籠底 ，吸滿上面既海鮮既鮮味 ，真係好正 ！加少少配既海鮮豉油吊下味就已經好好味 ，我哋差不多清曬所有飯粒 😋😋！-☆另外 ，我哋加左HK$110 ，要多兩隻蟶子皇，同埋招牌鮮魚湯 ，超值 ！前者真心好大隻 ，肉質鮮嫩彈牙 ，連埋大量蒜蓉 ，食到lamlam脷😝😝。後者湯色呈奶白色 ，好鮮甜 ，好有住家老🔥靚湯既味道 ，飲得好滋味 ，仲唔係幾夠喉添 🙈！-☆蝦米上湯雜菜HK$38 ，份量有d少 ，不過個上湯幾好味 ，夠清新 、無味精 ，有蝦米既少少咸鮮調味 ，感覺健康 ，我哋都清埋d湯☺️☺️。-☆☆☆☆☆☆☆呢個套餐性價比好高 ，一定會再encore！ ❤️❤️

今日返工之前去買個外賣做午餐餐廳都係啱啱開門，但都好熱情招呼我地入去睇到餐牌都唔少家常餸菜我特登揀啲屋企少食嘅揀左個蝦醬豬頸肉炒烏冬聽到個名都想食🤤🤤🤤🤤點知落單果時老闆仲提議可以加少辣🤤🤤🤤🤤太對胃口了老闆真係好有心思！另外再要多個蠔仔粥所有野即炒即煮等等下，我都忍唔住去左廚房偷望下老闆炒野但老闆都好好人，無嫌我阻住偷師😂😂成個感覺都好好家庭式就有呢個好處！最衰叫外賣否則坐喺度慢慢食，傾下計都幾好炒烏冬好香口，拎走都仲好熱辣老闆提議嘅少辣其實係好微辣但加上蝦醬真係有提鮮嘅感覺蝦醬又唔會太鹹但夠香，好好味！！蠔仔粥呢原來係泡飯海鮮湯好鮮味蠔仔肥美，正！下次一定要去食晚飯試真啲！

而呢間係位於堅尼地城，蒸海鮮+日本串燒🦞小店。有誠意服務態度友善👍🏻 角樂精選：（$688二人餐）1.呀媽魚湯： 好鮮甜無加味精，有家既感覺2. 上湯什菜：新鮮蔬菜加粉絲3. 蒜蓉粉絲蒸蟶子：大大隻蟶子，又甜又多肉4. 秘製芝士香焗原隻加拿大龍蝦： 都係估唔到咁大隻，芝士可以拉絲，樂肉地😋😋（有好多人淨係外買龍蝦，可見抵食又好食😋） 5. 慢煮星班排：香滑新鮮6.手打肉餅/蝦餅：彈牙7. 汁燒羊架：味道香濃8.蠔仔肉碎粥：蠔仔🦪好大隻又肥美多到食唔晒要帶走😆再來：會呀，不過地方有啲遠推介：推介俾港島區朋友及行完西環既人

有雜誌推薦呢間黃店，大大隻秋生個樣話好食，過咗好耐終於同朋友嚟一試究竟。兩個女子食量少，所以叫嘢就住就住，只試咗幾樣。首先上枱係一煲魚湯，天氣凍又落雨飲熱湯最正。依個係細份，兩個人都每人飲到3碗，但係！好腥！上枱非常滾燙，但依然聞到好重腥味，飲落更加係腥，湯係好飲，但怕腥既朋友最好“不了”。飲住魚湯，一碟貴妃蚌都上枱，跟人頭一人一隻，係平時都可以食到既好味，不過都跟平時一樣食到砂，唔知係咪每間既貝類都有依個問題。仲有碟芝士撈公仔麵無影到，點解？因為太好食，影唔切。本身想叫烏冬，但朋友唔鍾意食烏冬，於是叫咗邪惡既公仔麵，我本身對芝士無特別喜好，但今次如果唔係要矜持，我一個人可以食兩碟。最後上枱一份“don't 升班”骨，呢個真係有斑，唔使俾食環告。上枱前老細話會好細件，但本身唔係好食得就叫佢即管上，嚟到又唔覺。未試過慢煮其他野，但就呢件骨嚟講我覺得好油，包括臨上碟前淋既熟油，有d扣分，但整體嚟講係好食。骨煮到透，可以嚼，但始終件骨唔細，唔可以成件煮到擺落口。敗筆係d蔥同豉油，淋油個時淋d唔淋d，好多蔥上枱仲係生，個陣辣味同碟菜完全唔夾，對於我依d鍾意食蔥既人好唔友善。其實仲有一籠菜心，叫

我們一行六人，第一次幫襯這間食肆，我們預先叫了小食：串燒一口牛，牛舌，猪頸肉，台灣黑椒香腸（牛舌太乾身 ，猪頸肉勁咸，但一口牛又冇乜味，只有香腸最正常呵），主菜叫了：芝士大……扇貝，蒜蓉大………聖子（正常夠味），龍蝦多士（勁少肉），咕嚕肉（正常），大蜆（冇味），芥末八爪魚（正常）。但最緊要一樣嘢：樓面伙計態度勁差（尤其是有個阿姐……似洗碗多個樓面嗰個），真正：得罪人多，稱呼人少，海鮮唔新鮮，食物超咸，份量少，肯定揾客笨，列明大聖子，大扇貝，完全超細隻，好肯定嗰句：永遠唔會再幫襯，奉勸各位：真係唔好幫襯這間食肆，簡直貼錢買難受！！！！！！！！！

有時因為工作關係，間唔中都要去到堅離地城，放工時間又想食埋野先走，唯有係堅離地城食埋先走，同朋友行下行下，就行到去一個角落，就見到有間叫海鮮角落既餐廳，細細間，但都好多人，門口見到魚缸由的海鮮都好新鮮，就入去試下，因為當日星期五，都好full 下，係門口等左一陣，老闆就安排左二人枱比我地坐，雖然係二人枱，但都好大張，好夠坐，唔會話好逼果種。當日就點左個佢招聘既阿媽魚湯，好正，唔話好咸，甜甜地咁，有粟米同紅蘿蔔，好有一種阿媽屋企煲湯既味道。點左一隻芝士龍蝦，夠晒大隻，兩隻扇貝（斷隻計）好足料，一碗蠔仔粥（雖然話係蠔仔咋，但佢d蠔仔都有返咁上下大仔，唔係果d超細仔既蠔仔，總之睇落去都覺得好滿足。 除左海鮮之外，佢都會有一d小食同串燒，見到佢有個叫做蒜茸茄子，同魚香茄子，初時就係到諗個分別係邊，以為蒜茸茄子就好似好多串燒舖賣果d燒茄子咁，成條一開二，上面放d蒜茸去燒，丫，又唔係喎，上菜後，係一個個，一口咬落去，果種感覺，d茄子肉汁必出黎，好食。總之就好滿足。時此消費大約500元，兩個人食唔算貴，（我初時其實無睇價錢點餐，以為會過500）其實自己就真係好小食海鮮，唔識得分係唔係好食，但至起碼我

新居地區有唔少小店，重要係💛💛💛！之前已經食過一次佢哋嘅主打海鮮🦞，所有海鮮都係即叫即整，所以製作需時，價格亦都不菲，但係值回票價。所以今次encore，想試多d唔同既美食。我同老公叫左個「角樂精選」二人套餐 ᴴᴷ$688+10% ，食足八道菜 。♛♛♛♛♛♛♛♛龍蝦同埋蟶子都好鮮味彈牙，好新鮮，加蒜蔥粉絲呢個組合一定係無得輸😍😍😍😍😍，🦞龍蝦仲有條長長既紅色蝦膏架🤤🤤！ ♛♛♛♛♛♛♛♛魚湯奶白色，味道夠鮮甜 ，好有住家湯既感覺，唔覺得有味精，食完個餐都唔會好口渴👍🏻👍🏻，淨係覺得唔夠喉😂。♛♛♛♛♛♛♛♛蠔仔碎肉粥入面既蠔仔隻隻漲卜卜好肥美，咬開勁juicy ，無腥味夠新鮮，正！♛♛♛♛♛♛♛♛手打蝦餅+手打肉餅雙併，我哋兩個都鍾意🦐蝦餅多d ，因為佢唔係好假個種彈牙口感 ，恰到好處之餘又有重蝦味。♛♛♛♛♛♛♛♛星斑扒味道正常，如果係清蒸就更正。♛♛♛♛♛♛♛♛羊扒羊味出眾，肉質夠鬆化，不過如果唔太好羊既朋友仔，可能會覺得好大陣羊騷味，未必鍾意。♛♛♛♛♛♛♛♛食到最后仲有個什菜煲，因為掛住傾計無影到🤪🤪。♛♛♛♛♛♛♛♛唯一一個唔係可以改善既地方係店員既態度有時麻麻，好似今次