淥鼎記

营业中

休息中

今次食嘅套餐係淥鼎記一小寶套餐 （120分鐘火鍋放題），主菜可以選擇老壇酸菜魚或重慶雞煲，亦可以加錢叫干鍋海鮮什錦、清湯蘿蔔牛腩、藤椒烤魚或椰奶雞，上次喺觀塘分店食過酸菜魚，今次選擇咗重慶雞煲，辣度可以選擇，叫咗BB辣。.上雞煲之前首先會俾前菜，今次俾左涼拌青瓜同鹽酥雞粒。涼拌青瓜用左蒜蓉、辣椒、醋、醬油等調味，食落清爽又帶酸辣味，好開胃。鹽酥雞粒脆到脆卜卜，外面灑滿辣椒調味粉，食落少少辣，好香口。.雞煲上一枱後店員幫手加熱雞煲，保證食客食到熱辣辣的菜式，雞肉好鮮嫩，唔會煮到過老，除咗雞肉之外，用咗好多配料，有香菜、蔥、洋蔥、乾辣椒、花椒、八角等多種香料烹調而成，食落非常之惹味而帶點麻香，令人食到一啖接一啖！.食完雞煲就可以去打邊爐，火鍋湯底有6種：鴨血麻辣鍋、澳門豬骨鍋、美人花膠鍋、海皇海鮮鍋、鮮茄薯仔牛肋條鍋、姫松茸雜菌鍋，我同朋友選擇咗海皇海鮮鍋。有別於傳統雞煲嘅食法，火鍋湯底唔係直接加喺食剩嘅雞煲上面，店員會直接換個新鍋同湯底。海皇海鮮鍋睇落鮮橙色，底下有好多鮮蝦，食落蝦味好濃郁！.火鍋配料嘅選擇都非常之多，有牛肉、豬肉、羊肉、海鮮、丸類、餃子、蔬菜等等，牛肉推薦安格斯極佳级精

又想食酸菜魚 又想任食打邊爐個心成日十五十六揀唔定於是就比朋友帶咗嚟呢間旺角嘅鹿鼎記佢話佢有得食酸菜魚或者雞煲然後再揀湯底打邊爐而且佢嘅食材打邊爐配料都好優質價錢亦都好實惠 主要有三個套餐所揀而今日我哋就揀咗中價位嘅堂主餐如果想食埋刺身 就可以揀爵爺餐呢度每一個座位都好有私隱 大部份都係卡位而且仲有房提供比20幾人一齊食牆上面亦都掛咗電視 可以一路睇電視一路打邊爐 佢任食區就起舖頭最尾 唔會話食食吓嘢隔離有好多人不停徘徊而且夠集中夠乾淨 所有食材都用膠盒裝住蓋好蓋 非常之乾淨衛生而菜都一碗碗咁雪起雪櫃 保持新鮮度除咗自助區果汁同茶類飲品 亦都有得order啤酒紅酒一嚟到食咗酸菜魚先佢都幾大碟 亦都有萵筍寬粉花生苗等配料個湯好清好易入口令人開胃 魚肉片大大塊 唔會碎濕濕而且生熟程度啱啱好 又滑又啖啖肉同起啲食酸菜魚嘅專門店食 冇分別之後小食 上咗炸子雞同埋枝豆雞皮炸得又靚又脆 雞肉唔會乾柴咬落仲有汁 肉質又嫩滑真係估唔到咁多嘢食 邊爐湯底叫咗個比較特別嘅海皇海鮮湯湯入邊已經有五六隻大蝦 一路打邊爐一路煮啲蝦嘅味出嚟所以個湯全程都好有鮮味但又唔會喧賓奪主肉類先order安格斯精修肥牛安格斯

😍打卡點心味道正😋保留傳統富創意 👍朋友知道我喜歡吃好吃的，和我去漉鼎記飲茶午飯，午飯時間，平日午飯都要排隊等位，3 - 6 人 可以提前在Open Rice 預訂座位，否則要打電話訂位或者現場排隊。 送上來的茶不是我們點的，照飲，用手機點餐，點了芝麻肉鬆米網腸，腸粉是粉紅色，看起來有驚喜，腸粉皮上鋪了芝麻肉鬆及紫菜絲，肉鬆可以多一點，裡面是椰菜、木耳、油炸脆脆等，菜多肉少，感覺挺健康的。 黃金鮮蝦餃一籠兩件，蝦餃皮上掃了金色，是打卡亮點，鮮蝦新鮮，味道不錯。 五年陳皮牛肉球表面有一條陳皮，是不是五年不知道，挺順口的，蒸的時間剛剛好，味道不錯，感覺挺高級的。 黑松露赤螺三文魚酥賣相不錯，挺精緻的，黑松露放在上面明顯可見，味道卻不香濃；赤螺小小的在裡面，看不見，卻有軟韌稔口感：三文魚吃起來不粗，酥皮夠熱，脆脆的，不錯。 為了填飽肚子，叫了一籠兩件的魚肚鴨腳扎，賣相傳統飽滿，裡面有一片不大的入味魚肚，沒有芋頭，鴨腳炆夠時候，比一般好吃一點點，最驚喜的是沒有一般的雞件，變成了一大塊類似蝦慕思，鬆軟好味的正野，這個價錢，大力推薦給愛吃寶寶！ 平日12:00 前離座及14：00後入座，免加一。期

今日朋友帶我上嚟呢間試吓因為可以滿足想食唔同嘢食嘅人酸菜魚可轉烤魚/椰子雞/牛腩煲羊腩煲/雞煲 一定有款啱食~我哋今日比較肚餓 揀咗爵爺套餐比起小寶套餐 爵爺套餐多咗手打牛肉刺身同埋海鮮拼盤- - - - - - - - - - - - - - - - - - - - - - - - 1. 老壇酸菜魚本身以為係細細碟 點知個份量都幾多好似出面食酸菜魚舖頭一樣大碟每塊魚肉都好大塊 口感嫩滑咬落好有彈性 係滿滿嘅膠原蛋白加埋湯底滲晒入去 魚味更加香濃湯底酸味辣味程度適中而且可以中和魚肉 冇魚腥味2. 頂級手切牛拼盤雖然同佢餐牌張相有啲唔同但味道都係咁好食牛肉上面雪花均勻好靚切成薄片可以確保快速熟透淥耐咗就唔好食啦我諗大概淥20秒就食得快啲拎起肉質會比較軟唔使太多咬勁 口感順滑3. 豪華時令刺身我哋都好滿意呢個刺身今日嘅時令刺身有以下幾樣甜蝦、三文魚、鮑魚、象拔蚌同帶子每樣味道都好原始鮮美 肥美豐腴肉質細嫩 可以溶化喺口入面4.豪華海鮮拼盤包括帶子、鮑魚、生蝦、沙白仲有幾粒好似手打嘅丸啲嘢未淥之前已經好令立立好似啱啱喺海入面撈上嚟咁XD只要按住適度時間淥熟之後每樣海鮮都好嫩滑鮮美

旺角區去飲茶有啲咩好選擇？我就非常推薦位於創興廣場嘅「淥鼎記」，這裏早市和午市主要係香港人最鍾意嘅飲茶一盅兩件，夜晚就係食火鍋和酸菜魚，每次嚟到都人氣滿滿，首先喜歡這裏的座位大部份以卡位設計非常舒服，所有點心即叫即蒸新鮮熱辣，而且價錢好抵食，好似今日我哋兩個人點咗10樣食物，$300都唔使就可以悠悠閑閑傾吓偈坐一個下晝👍🏻最鍾意佢哋嘅蝦餃，燒賣大大件餡料滿滿，新鮮爽口有彈牙，仲有兩件起可以選擇，最方便兩個人，又可以食多啲其他嘢👍🏻，其他點心質素亦非常高，真係性價比超高又美味😋▪️黃金鮮蝦餃▪️蟹籽龍皇燒賣▪️豉蒜蒸排骨▪️五年陳皮牛肉球▪️臘湯蒸滑雞日本珍珠飯▪️蟲豆花叉燒湯粉▪️脆皮鳳梨叉燒包▪️韭王香茜鮮蝦腐皮卷▪️鳳凰糯米夾▪️熊仔奶茶

由於新年期間家人想食點心開年，最方便大家一定係旺角/太子區，可惜周圍都無得訂位，最後有朋友提議不如試吓淥鼎記，因為可以訂枱。一直唔知淥鼎記有點心食，只知打邊爐好出名，所以抱住一試無妨心態，志在一家人聚一聚。而且新年期間都預咗點心同茶錢都加價，但依度竟然收原價，真係第一大驚喜。佢哋嘅點心係第二個驚喜，除咗造型特別，味道亦都好好，絕對比得上大酒樓大酒店中茶廳，價錢亦都合理，CP值得非常高。第三個驚喜（亦都非常推介）：熊仔檸檬茶/奶茶（$24），一杯等於兩杯（一樽奶茶/檸茶，一個奶茶味/檸茶味熊仔，加上一杯冰），完全值回票價。兩個半鐘後杯茶仍然又凍又夠味，超正！第四個驚喜就係當你order一杯野飲就扣一個位茶錢（$12）。叫杯野飲又可以嘆茶又可以飲其他嘢，都係俾多$12，我覺得佢哋做法好均真。新年期間飲茶預咗貴，但埋單九個人每人一百鬆少少，物超所值👍🏻👍🏻。

老人家想聚聚 被通知食依間 😶‍🌫️😶‍🌫️平日$388 假期六日加十蚊 好似有加一 連埋加一 都係四舊左右 平過家嫂😂😂以上係乜爺套餐價錢 有小食一次性再有刺身先揀主菜再打邊爐🫣小食係枝豆同糖醋迷你骨😂無特別又唔會話好好食/好難食刺身 有三文腩，牡丹蝦，帆立貝，象拔蚌，鮑魚按人數而俾每人一塊🤪🤪主菜 有雞煲，椰子雞 ，酸菜魚，烤魚，蘿蔔牛腩，羊腩 🫡揀左酸菜魚 一上枱色水有啲淺色一放入口 個味好唔正宗😨 可能係蒜油落多左食唔到酸菜味⋯ 但魚係好滑 又有花生苗 薯粉果啲但個味唔岩浪費左啲配料🥹🥹🥹🥹 打邊爐 揀左蕃茄牛肋湯個湯底好唔掂 ☹️ 色水又無⋯ 無蕃茄味煲極都係好淺色😑 雖然係放題但都未免太hea… 配送嘅手切牛肉同海鮮係幾靚 都係叫配料搭救有個女仔服務好好 🤣好似係淺啡色頭髮 佢又幫手影相 📸 又好好態度 ❤️❤️整體嚟講⋯算抵俾🤣

📍淥鼎記 (旺角)旺角彌敦道601號創興廣場5樓朋友仔生日，因為大家都係大食怪😂今日就揀咗間任食嘅餐廳今次試咗爵爺套餐$378/位加一🍎前菜醃青瓜🥒+炸蝦不過不失啦，不過炸蝦唔係好食得出係咩味🍎時令刺身蝦、鮑魚、三文魚、帶子、象拔蚌每樣每人一舊 都好新鮮👍🏻🍎主菜-六選一朋友仔唔係好食辣 所以今次揀咗醬香烤魚都幾大條魚 比想像好喎 仲以為一陣要打邊爐，呢個主菜唔會俾太多😆係稍為重味咗少少🤏🏻重口味人士就無問題如果多番啲湯底就好 啲配菜都會容易啲煮🍎湯底-六選一蕃茄牛肋條鍋正喎 湯底係好似你屋企煲蕃茄薯仔湯咁 有啲牛腩喺入邊有好多薯仔粒、紅蘿蔔粒、西芹粒 個湯越煲越好味🤤🍎海鮮拼盤蜆、帆立貝、鮑魚、蝦、墨魚滑質素都ok 蜆無沙 蝦都實淨🍎頂級手切牛質素唔錯👍🏻好重牛味又有油香🍎 Häagen-Dazs 最後甜品可以自己揀Häagen-Dazs嘅雪糕杯 四選一套餐基本就係包以上嘅嘢食另外任食料 牛嘅質素都唔錯 每次落單有限制嚟嘅時候都係兩三塊左右 都可以減少浪費食物上餐速度都快嘅，所以唔使擔心食完再嗌要等好耐自助櫃嗰度呢就有好多唔同嘅蔬菜類同埋丸 野食總括而言，呢間任食質素都唔錯 可以en

一直未有約到一班人食火鍋放題 ，尋晚終於齊人啦。依間餐廳環境乾淨整齊，食火鍋前先上一大盤魚生 ，帶子 、三文魚腩、甜蝦、鮑魚，每樣都大大件沒雪味。之後火鍋湯底都滾起來啦，另一大盤海鮮拼盤 亦十分豐富，手掌般大的元貝、鮮蝦、鮑魚、魷魚、蝦滑、墨魚滑、蜆仔。邊食邊傾下計的時候就來了一盤雪花#肥牛 ，大家都一下被吸引着就話係時候淥牛肉啦。飲品方面我就叫左熊仔奶茶 ，樣子可愛い 又好飲。

对，没有看错，打一次边炉（吃一次火锅），还可以同时享受日本直送的刺身拼盘和超豪华的海鲜拼盘，而且顶级安格斯肥牛➕牛小排➕纽西兰肥羊➕西班牙黑毛猪➕深水虾➕顶级生蚝等名贵食材都是任饮任食，并且还是无限时！（部分套餐） 这么不可思议的套餐自然有个不可思议的名字-鹿鼎记～ 开个玩笑，其实是渌鼎记～之前在官塘便是天天爆满，在油麻地的这家店也是门口大排长龙！ 他们家有鳌拜套餐（对就是那个鳌拜哈哈哈）还有爵爷套餐，我们选的是爵爷套餐，不过下次应该会试下鳌拜套餐，因为爵爷套餐已经非常经验了，期待鳌拜套餐再刷新下我的三观～ ⭐前菜篇 不同于传统的打边炉，这家店首先会让选前菜：有椰子鸡、烤鱼、牛腩煲等等等等等（看的我眼花缭乱），因为喜欢吃牛肉，所以选了牛腩煲，味道是真的棒！还送了一碗红烧牛腩，太香了！ ⭐足味锅底 吃完前菜，便可以选锅底了，我选了番茄牛肋条锅（对，我就是这么爱吃牛肉！）不仅番茄味超浓，而且里面的牛肋条的味道也超级爆满！当然还有海鲜锅、猪骨锅这些，喜欢什么加什么就可以！ ⭐刺身拼盘 打边炉的同时还能吃到日料！有一说一，他们家的三文鱼、圆贝和鲜鲍真的比很多家店的品质要高很

同朋友聚會，好耐無打邊爐又想食酸菜魚，見到淥鼎記有齊兩樣真係一次過滿足晒兩個願望啦。仲要係放題任食，而且最重要係無限時阿！同朋友好耐無見梗係要吹下水啦，無限時真係好重要，大家坐得舒服又唔需要轉場。叫咗個咩都有嘅爵爺套餐；閒日成人$378/位，再加一，星期五、六、日和其他特別假期要另+$10/$20，大家可以睇清楚日子去訂位。錦繡前菜（一次性）前菜有兩樣；炸雞和一小碟枝豆，等齊人期間，可以食住慢慢等日本直送時令刺身拼盤（按人頭計量）賣相相當之吸引，款式多，全部都好新鮮主菜 6 選 1可以選擇老壇酸菜魚、重慶雞煲、藤椒烤魚/醬香烤魚（不辣）、清湯蘿蔔牛腩、古法枝竹羊腩煲和原味椰子雞。選擇夠多。老壇酸菜魚係招牌菜，湯底有泡酸菜，紅辣椒，花椒，蓮藕，粗薯粉，小辣，鱸魚肉質夠滑，份量大。湯底6 選 1火鍋湯底大家可以揀花膠美人鍋、鴨血麻辣鍋、姬松茸雜菌鍋、澳門豬骨鍋、蕃茄牛肋條鍋和海皇海鮮鍋等。花膠美人鍋湯底較清，仲有大大舊花膠。火鍋配料同其他放題差不多，有蔬菜、肉丸、手工餃類和其他麵食，飲品都係自助形式。餐廳用QR code落單，點選肉類，海鮮和其他特飲。頂級手切牛拼盤（一次性）牛肉油花均勻，

上次嚟過食最貴嘅set，未食到打邊爐已經太飽，太多野食，今次揀咗最平嘅set，試下佢性價比如何！前菜有蘿蔔牛肉同麻辣木耳牛肉好入味😍😍六揀一嘅餸揀咗雞煲~上次食酸菜魚都好好食😙今次雞煲小辣起初食冇乜野，之後越食越辣🥵 雞份量都有半隻，好多肉好滑，加埋洋蔥同蒜頭好惹味由於嗌最平嘅set，QR code落單嘅食物款唔多，但絕對夠，任食肥牛、豬同羊！而家出去食飯閒閒地都幾百蚊，而家250有咁多肉！！！豬骨湯勁多豬骨，好足料！出面自助區有無限咁多菜！！仲有丸類、腸、餃、鵝腸等！呢個價錢真係好抵了，當然有budget嘅朋友可以食貴啲嘅set，有海鮮、有刺身，真係多款到傻咗🤣

朋友仔講咗好幾次要嚟 #淥鼎記 試吓佢哋個「爵爺套餐」，呢晚終於成事。餐廳以暗黑風做主調，加埋啲裝飾本來都幾特別😉 本身佢哋嘅食物質素同款式都唔錯，不過座位安排太窄，我哋五個人竟然被安排迫埋喺一張仲細過張麻雀枱嘅餐枱，擺埋啲餐具，中間就只係夠位擺抵個爐😅 而阿姐每次上菜，都唔理三七廿一就成盤食物隊埋嚟，如果照佢嘅安排，除咗單手捧住嚟食，我都諗唔到其他方法😅 不過最得意嘅係個女服務員，每次都喺無預示底下幫我哋加湯，試過想叫停佢… 但就被回一句「咩呀？咪加緊湯囉！」😅 真係少啲EQ都頂佢唔住！講返啲食物，我哋揀咗 #醬香烤魚 做主食（酸菜魚、蘿蔔牛腩、羊腩煲、椰子雞、雞煲…六選一），魚身啖啖肉，醬汁調味都幾香濃，唯一美中不足係欠缺香辣味道，爭咁啲啦😅 之後再嚟嘅係 #魚生拼盤 🐟，#刺身 都算幾新鮮，加埋巨型嘅 #海鮮拼盤 同 #肥牛併盤，造型非常吸睛👀 啱晒鍾意 #相機食先 嘅我🤤 最後上嘅當然係 #火鍋，#花膠湯底 味道還可以，不過 #火鍋料 都算係幾多選擇，除咗系統上，出邊嘅大雪櫃都好多唔同嘅丸類同小食選擇🤤 埋單前每人仲會有杯 #HäagenDazs #雪糕 做 #甜品，啱晒啲大胃

爵爺專享美食花膠美人湯底，材料很豐富有天然花膠，花膠含有膠原蛋白，對於貪靚的我最愛美食之一，可以養顏美容，有紅棗杞子，可以養血補充氣息，湯底清甜，他是用鮮雞和豬肉熬製的，所以十分鮮甜。花膠湯底通常具有濃郁的海鮮味道和豐富的膠質質地。它是由魚翅或海參等海鮮食材熬煮而成的湯底。濃郁的海鮮味道：花膠本身具有鮮美的海洋風味，能夠釋放出豐富的海鮮香氣，為湯底帶來濃郁的味道，清甜的口感：花膠湯底通常經過長時間的熬煮，讓湯汁中的膠質釋放出來，賦予湯底濃稠的口感和柔滑的質地，香氣四溢總的來說，花膠湯底具有鮮美、濃郁、清甜和香氣四溢的特點，讓人一品傳統的海鮮美味滕椒烤魚香味逼人，魚身開邊經過油炸，炸至金黃外層卜卜脆，醬汁調得10分好味，入口麻辣鮮香，入口有雙重口感，表層卜卜脆而內裏魚肉嫩滑，肉質鮮甜，香滑得來不過火，魚肉把湯底吸收，特別香濃越壓越想吃難以抗拒。日本直送時令刺身拼盤，有三文魚腩，赤蝦刺身，鮑魚，三文魚腩刺身脂肪比例較高，入口爽口甘香，慢慢咀嚼魚脂在口腔內慢慢揮發，鮮甜好味，赤蝦刺身大大隻，蝦肉厚身飽滿，入口鮮甜爽脆，蝦味濃郁，蝦頭的蝦膏甘香，超正。鮑魚刺身入口軟嫩有口感，沾上醬油和Wasa

聽過淥鼎記是火鍋店但從未去過早前才發現原來有午茶，又可以在 openrice 預訂位便試試地方企理 ok 乾淨，有好多卡位或可坐近窗邊沒壓迫感 👍🏽門口接待處姐姐及送餐姐姐都有笑容及禮物 ❤️❤️如果只有2-3人就更好，因為蝦餃及燒賣都是兩粒－籠，多款點心都3-6件啱啱好 😊吃了以下點心1. 金箔蝦餃 - 合格夠彈牙加了金箔有貴氣 😝2. 燒賣皇 - 新鮮有咬口3. 芝麻肉鬆米網腸 - 不是不好吃及外皮粉紅色怪怪哋 及太大舊，女士每人吃完兩件飽咗一半😅 4. 黑松露赤螺三文魚酥 - 創意點心 - 夠松脆但黑松露味比較淡，只吃到三文魚味 (不貴，可以－試)5. 高橋蘿蔔糕 - 加了層薄漿變得外脆內軟，不錯6. 炸腐皮卷 - 好像很普通但炸得很好，皮脆不多油、餡料還很 juicy 👍🏽😋7. 蒸排骨8. 脆疍散正價時段3人吃了這麽多先 $320 左右 ok la! 其實還有蒸飯、炸蝦多士及雞軟骨想試，但已經飽了會再去飲茶兼試下他們的火鍋放題 🤓