深井陳記燒鵝海鮮酒家

营业中

休息中

成日都想食陳記，朋友話可以駕車一齊去食十分方便，去到見到大大隻的燒鵝掛起來十分吸引，我地二人就了一份馳名深井陳記燒鵝，再加二個餸，份量勁大份最後都食不完。這裡的燒鵝有幾款不同大小同價錢，因我們只有二人就叫了一個例一百七十元，來到見到醬汁上有梅子，味道好清甜的酸好味道，燒鵝十分啖啖肉，味道濃郁又不咸，味道剛好，皮又帶點脆。另外煲的清湯蘿蔔牛坑腩煲一百零八元，入面有胡椒味幾香，蘿蔔帶點甜又入味，牛腩夠身牛味十足。另外一款就是很久沒有吃的豉椒鵝腸一百零八元，好香口而且鵝腸口感不會太難咬又入味，配菜各款椒同洋蔥都好味。惹味的餸當然再配了少食的瀨粉和白飯，勁滿足的一餐。

趁公眾假期，我們一群朋友一起去行山，朋友建議順路去品嚐燒鵝。深井燒鵝遠近馳名，難得來到我們一群人當然不能錯過！燒鵝味道很出色，吃到最後會覺得有一點點油膩，但整體還是美味的！除了燒鵝，我們還品嚐了兩款小菜。小菜價錢合理，而且味道不錯，我們一行幾人均對小菜表示讚好！小菜之中，我特別喜歡雲耳鮮百合炒准山。淮山爽脆好吃，更是健康食品！畢竟燒鵝多少是肥膩的，所以吃點蔬菜，感覺很清新！最後，我覺得吃燒鵝要配爽滑的瀨粉。沾一點梅子醬配著吃，便是完全不一樣的滋味！

今晚同幾個朋友入黎深井食飯歡聚！！ 入得黎深井，食燒鵝是常識吧XDD不過淨係食燒鵝就太dry啦，所以我地只係要左半隻鵝$290，之後就要多兩三碟小菜同海鮮一齊happy share ：)揀好點好食咩之後，先黎兩碟小食： 淮鹽花生同酸蕎頭~~之後就即刻黎碟大堆頭既脆皮燒鵝!!!真係估唔到半隻都咁大隻！！！好彩我地無眼闊肚窄咁嗌一隻炸~~呢到既燒鵝固然正啦，但意外既係呢到既小菜都好有水準，好夠鑊氣！！！就好呢碟 馬拉盞通菜牛肉$78，通菜爽嫩，炒得惹味：)而個 蒜蓉粉絲蒸扇貝（每隻）$30亦都係新鮮味甜！！！扇貝蒸得岩岩好，嫩而鮮味而粉絲盡吸當中既精華，實在不能放過香口之選就莫過於係呢碟 椒鹽鮮魷魚$98 :）炸皮脆薄，而鮮魷爽彈不韌！！再點上些微既淮鹽就更覺惹味~~呢d香口野真係會令人一口接一口咁密密食，眨下眼就好快掃清光啦！！！

上個星期有晚，家中既女皇大人超有興致咁話要入深井食燒鵝！！！而呢晚大帝就係荃灣開工，接埋佢收工我地就轉小巴入去開餐啦~~呢度每位茶芥就HKd$6+10%，每碟小點就HKd$10+10% ；）既然女皇話想食燒鵝，咁就一於食到夠為止，三個人要“燒鵝（半隻）”HKd$290+10%啦！！！之後大帝就嗌左個“清湯蘿蔔牛坑腩煲”HKd$108+10%，而我就叫多碟“豉油皇鵝腸”HKd$108+10%ヾ(*´∀｀*)ﾉ先黎既係當晚既主角：明爐燒鵝（半隻）！！半隻經已超大碟！！！燒鵝皮脆肉夠嫩，仲好入味添~~點埋酸咪咪既酸梅醬就愈食愈滋味♥♥♥跟住我揀既鵝腸都大大碟咁由店員呈上~~鵝腸爽脆惹味，即刻飯都食多兩啖xppp而大帝所嗌既牛腩都唔差啵！！牛腩肉香不嚡，份量不少~~白蘿蔔就清甜多汁，湯底仲好重胡椒味，正✔✔✔惹味小菜靚燒味，加罐冰凍可樂~人生一樂也！

香港唔同嘅地方都有佢哋特別出名嘅美食，例如去得元朗，就一定要食老婆餅，去鯉魚門就要食海鮮，至於去到深井，梗係要食燒鵝啦，今次又孝敬老媽子，帶埋佢去深井食燒鵝，今次揀返去陳記，因為真係細細個就食開。相比喺出邊嘅鋪頭，其實小菜價錢都唔算貴，難得嚟到當然要食返個例牌嘅燒鵝，我哋仲加埋個燒腩仔添。同時間加咗個啫啫通菜煲，仲有豉汁蒸大鱔。燒味雙拼上菜，份量真係大得驚人，足足有兩排嘅燒腩仔，燒鵝嘅份量亦都唔少。燒鵝外皮香脆，充滿肉汁亦都非常煙韌，我哋亦都馬上叫一碗瀨粉，夾埋嚟食真係一流。燒腩仔亦都係另一個重點，外皮更加係香脆可口，肥肉瘦肉層層分明，咬落去十分甘香，但件肥又真係好邪惡，不過難得食一次都係成嚿拍咗落口。😂豉汁蒸大鱔。豉汁蒸大鱔都幾厚肉，食落仲有啲彈牙添，豉汁嘅味道都好濃郁，仲有少少辣辣地，用嚟送飯都真係唔錯。啫啫通菜煲。呢個又係另外一個重點，呢個通菜煲非常之有鑊氣，而且落咗好多肉碎，調味同埋蝦乾，食落相當重口味，但又會令你食唔停，好耐都未食過咁高質素嘅通菜煲。嚟得大排檔，點可以唔整返支藍妹啤啤佢呢？總結，不論燒鵝，定還是小菜，質素都係非常之高，難怪我當日閒日嚟到，都已經座無虛席

特地來深井陳記食燒鵝，遠處已經見到它的大大個招牌，選擇坐在露天茶座，感覺更有香港情懷。來陳記，一定要點遠近馳名的燒鵝，例牌$170。燒鵝皮十分薄，燒得脆脆的，香口而且有微甜的蜜糖味，醃製香料的香氣在口内久久不散，好美味啊！燒鵝肉結實的口感，越吃越香！很久沒吃過這麼高質素的燒鵝，不枉我們遠道而來，為的就是燒鵝！還有其他小菜，價錢比一般餐廳、酒樓還要便宜。秘製椒鹽鮮魷$98沒有過厚的粉漿，炸出來香脆又鬆化，入口那脆炸香味吃得滿口生香，惹味得很，越吃越停不了口。京都骨$68,價錢非常經濟實惠。京都骨的骨肉比例十分均稱，而且沒有肥用，選料上盛。醬汁酸甜度適中，吃得很開胃，也沒有油膩感，最喜歡啖啖肉，爽口的肉質，要讚這個排骨是極度新鮮的！西蘭花斑球$78,職員很推介這裏的蔬菜，因為價錢便宜，$78元有肉有菜很划算呢。斑塊有6片，而且厚厚的， 口感非常滑，味道夠鹹了，不用再點蠔油也很好吃，喜歡均衡飲食的話，這道菜真不錯。西蘭花新鮮，綠油油的，而且爽口，喜歡清新的西蘭花香氣。吃這麼多肉，有蔬菜中和一下口感，令味蕾更活躍， 繼續慢慢吃燒鵝。值得一提，開胃小菜是酸蕎頭$10，每枱都會有一碟的， 職員特別

帶屋企人來深井食燒鵝 今次仲吾要食返夠皮 係出面邊可以食到 咁馳名既燒鵝呢 😂一黎到 深井 落車都好方便 每間燒鵝店都可以幫客人代客泊車 吾使擔心食得耐 又要擔心架車安吾安全 餐廳招牌通明 還有露天坐位 係呢個夏天 吹著海風 係度食真係別有一番風味 感覺涼快～～馳名燒鵝 當然吾少得 先落半隻燒鵝 燒至金黃色 皮有光澤 肉質細嫩上桌仍然熱度足夠 配上甜酸汁 酸酸甜甜感覺非常開胃 建議每人叫上半碗白飯 蜜汁叉燒 叉燒斬上大大舊 是我喜歡的半肥瘦叉燒 賣相不錯 食落口感多汁 肉味濃郁 與在街市買開既與別不同 美極豉油皇煎中蝦 不知道是不是靠近海邊 街市賣的海產也是這麼大隻 多肉 雖然份量不是很多 但是四人份量 是足夠的 厚肉結實 蝦肉鮮甜 好味豉椒炒蜆這一碟 必點之一 價錢不貴 但可以食到size這麼大隻的蜆 真的算是沒有白費來一趟 深井食 最後一碟是 鵝腸 有時係出面食鵝腸都是細細份 還要很貴 入到深井不介意價錢多少 只要食到好味 已經算是幸運 在這裡食 果然 無叫錯 大大碟之外 味道亦很滋味 鵝腸下面還有很多韭黃 （韭菜）索曬鵝腸啲汁 又甜

生活左係香港這麼多年，深井燒鵝就聽得多，但一直都沒有去吃過，今天把起決心過來嘗一嘗，在網上搜尋了一番，最後決定來這間陳記燒鵝這裏的環境很好，有很多燈飾，亦有很多風扇，所以最後決定坐在外面，感覺別有一番風味這裏的餐牌真是令人目不暇給，看了差不多十分鐘才決定到要點的菜色，主打當然是這裏的燒鵝啦五個人點了半隻燒鵝也很夠，鵝肉很鮮嫩，沾上他們秘製的酸梅醬，很開胃，白飯還沒到，就差不多掃光了帶子炒西蘭花來到的時候很震撼，份量十分多，帶子也很大隻很鮮甜，吃完都差不多半飽了芥末沙拉骨這個也是必吃，沙拉骨的外皮炸得很鬆脆，配上芥茉沙拉，酸酸甜甜辣辣的，送飯一流椒鹽白飯魚火候十足，配上椒鹽和炸蒜，當小食/配上啤酒一絕豉椒炒鵝腸這裏的鵝腸好像不用錢一樣，吃來吃去都還有，除了豉椒炒，還有白灼和豉油王炒，喜歡吃鵝腸的朋友一定要點竹笙海鮮羹這個我覺得在飯前或飯後吃也是很好的，他的材料很足，吃下去很有口感，如果加上醋來吃更開胃

很久沒有吃過像樣的燒味了，很懷念深井陳記燒鵝的味道，所以今天相約了家人過來飽餐一頓，這裏泊車十分方便，環境也十分舒適，坐室內涼着冷氣或者坐室外吹着涼風也可以，夏天晚上也不會感覺熱這裏的小菜選擇有很多，價錢也很相宜，當然主角還是紅牌燒鵝2-3位朋友可選擇性1/4隻，4-6位朋友可選擇半隻，這裏的燒鵝經過特別的醃製和燒製，鵝肉十分香嫩多汁，外皮香脆不油膩，加上鵝油的香氣吃下去絕對令人回味叉燒$88一例份量很足，清楚分明半肥瘦的叉燒外面塗上一層蜜糖和醬油，配上白飯和啤酒一流👍🏻豉椒炒蜆一開始以為是平常吃開拇指大一點的蜆，來到的時候原來是雞蛋一樣大的蜆，有驚喜！美極豉油皇煎中蝦美極豉油配上蒜蔥去炒中蝦真是絕配，經過大火炒起，香氣提升，這個必點還有其他小菜就不一一介紹了，這裏的小菜份量和價錢都很對得起食客，而且款式很多，推薦大家過來一試

日日都落雨，今日終於好天氣， 接完老婆收工四處遊車河， 一路向北， 上咗3號幹線， 見到路牌就去咗深井， 唔使諗一定係食燒鵝。 呢度都有幾間嘅燒鵝店 ， 我見陳記好似喺九龍區都有一啲分店， 就試下呢間啦。呢度有戶外嘅座位, 亦有冷氣嘅室內鋪，先是一個燒鵝例牌， 原來都有分庄同下庄， 下庄價錢貴少少,就代表係脾位， 我哋叫咗下莊， 例牌都好大碟,而且熱辣辣仲有個燒鵝汁香噴噴, 咬落去皮脆肉滑。 我最鍾意呢度嘅職員同師傅, 個個都係上咗年紀， 好有細個上酒樓嘅童年回憶。 呢個小窗睇到廚房火光熊熊 ，師傅喺入面功架十足咁樣煮嘢， 鑊氣十足 ，好有feel。 你睇下我個黃金蝦， 隻隻都爽口彈牙， 每一隻蝦沾滿曬鹹蛋黃。叫咗一人一隻蒸扇貝， 扇貝肉好新鮮而且超多蒜蓉同粉絲， 呢啲先係主菜。最後嚟多一個啫啫通菜煲， 一個煲仔上非常燙口， 加咗少少辣椒同蝦干非常惹味。呢度啲小菜種類非常多， 而且價廉物美， 下次要call齊人，試多幾款餸菜。

剛剛落機從澳洲到香港，很掛念香港的中菜，尤其是深井燒鵝係最想食的。一放低行李二話不說一行五人即刻揸車到深井陳記燒鵝酒家。這裏環境舒服，泊車又方便，店員服務亦很好👍半隻陳記燒鵝$290 店員捧來的時候燒鵝還熱辣辣，一咬落去外皮酥脆香口，肉質鮮嫩，啖啖肉非常肥美，配埋酸梅醬送飯一流。西蘭花炒帶子$118 帶子非常新鮮又厚肉，西蘭花🥦嫰嫩綠綠加入韮王，炒得非常有鑊氣。椒鹽白飯魚$80 椒鹽已經覺得好惹味，廚師可以將白飯魚炸得脆卜卜，金黃色好香口，食吾停口。芥末沙拉骨$68 香噴噴見到已經流晒口水，排骨炸得剛剛好，非常多汁，加入芥末沙拉醬甜甜辣辣，正！👍👍👍

屋企人突然即興話想食燒鵝，於是就去咗燒鵝勝地——深井食晚飯！行咗個圈見陳記都有兩間，所以決定入去食。燒鵝半隻— 定係半隻都已經咁多，而且舊舊都有肉，仲好肥美添。食每一啖都有啲油滲出嚟，食得出係嚟自燒鵝自己嘅，非常惹味😋😋。芥末沙拉骨— 每一舊都比芥末醬汁包住，食落真係有啲辣。每舊骨都好多肉，而且好脆口，推薦！燒腩仔— 好耐冇食咁有水準嘅燒腩仔，層層分明，肉唔會太鹹，皮香脆，用嚟餸飯一流啊😳金銀蛋莧菜— 好足料，起碼有兩三隻金銀蛋！莧菜都好新鮮，絕對唔老，好易咬👍🏼👍🏼最後再嗌咗粉絲蒸扇貝— 呢樣係我最愛，夠多汁又夠味，上面嘅蔥花仲非常之香啊！即使拎左去蒸，粒扇貝仲係好大粒，好食！！每份食物價錢都唔貴，而且份量好多，性價比好高🍾嚟深井食燒鵝就試吓呢間陳記啦👍🏼

成日都聽人講深井嘅哂既燒鵝響噹噹難得朋友新居入夥，去咗深井到着，梗係順手就試下啦19:00上到去，大約都有7-8成滿餐廳位於深井村旁邊有分室內同室外，係依個咁炎熱嘅天氣☀️就算夜晚都係坐室內比較好當然一起手，我地緊係點咗個例牌深井燒鵝啦 $170好好彩🤣我哋嗌例牌佢已經俾咗隻脾我哋燒鵝嘅外皮好脆口，咬落油香味充足。蒜蓉粉絲蒸扇貝 $30隻扇貝Size雖然吾算大，但勝左幾新鮮，而且調味做得幾好。西蘭花炒帶子 118性價比幾高，帶子好大粒，而且份量都好多，如果醬汁冇咁傑身會更好。粉絲蝦米雜菜煲 $68雜菜粉絲煲真正重點不在菜本身，而是吸收了上湯的粉絲與蔬菜。

深井燒鵝真係街知巷聞，黎到深井必食🤣今晚就去咗陳記燒鵝呢間老字號，叫咗一碟例牌燒鵝。燒鵝皮脆，味道適中，唔會太咸，但就略嫌有啲肥🙈蝦米粉絲雜菜煲份量好多，入邊有生菜，菜芯，西蘭花，白菜，冬菇，鮮魷魚，蝦米同粉絲。味道十分清甜，又唔肥膩，健康之選👍🏻西蘭花🥦炒帶子帶子好鮮甜，唔會有雪味，配上西蘭花一流（可能係本人比較喜歡呢個菜式）蒜蓉粉絲扇貝$30/隻好多蒜蓉，夠味，但粉絲有點兒干身咗，但整體都算唔錯

深井有好多間燒鵝飯店，而我地今次食既呢間係位於馬路邊當眼處既陳記燒鵝飯店（琦哥號）。店嘅裝修有啲似酒樓，室內範圍比較細，只好坐室外，但因為有大大部既凍風機，坐正就唔覺熱。-燒鵝瀨：鵝肉唔算好肥，外皮燒得幾香。呢到既酸梅醬同出面燒味舖外賣小包裝既唔同，酸味較多，但回甘返黎又會有一陣似糖既味道。以一般粉麵既價錢5-60$算唔錯。-四寶瀨：燒肉外皮酥脆，浸落湯到都唔林，四寶中最出色；叉燒同埋雞都係一般水準質地比較諧，雞就冇乜肉食。