深井陳記燒鵝海鮮酒家

营业中

休息中

陳記高質素燒鵝店舖裝修光鮮亮麗整潔，上菜速度快，大排檔味道夠水準，性價比高，適合家庭聚餐又黎食極都唔厭系列：「下庄燒鵝」皮脆肉滑！鵝肉味濃郁，肉質細緻厚身而口感鬆軟，肉味濃郁爆汁燒鵝髀 燒鵝味濃皮脆，酸梅醬有梅的香氣👍🏻西蘭花花枝片🥦其實整體唔錯，鑊氣夠，夠滋味，要點汁，好味😋「生炒臘味糯米飯」🍂🍁秋風起～食臘味🌾配個生炒糯米飯說耐飽又暖胃。絕不油膩。而且又用特瘦的臘腸，加上瑤柱，冬菇和蝦乾，臘味陣陣香，很有寒天的氣息

深井燒鵝馳名中外，不過分店就越開越多，唔需要特登入深井去食，不過深井似終有佢既獨特風味。先叫了碟叉燒，真係唔錯，叉燒用了梅頭肉，唔會太肥，肉嫩有汁，而且邊位有焦香，同時又帶蜜味。入深井點可以唔食燒鵝，例牌足二人分享，鵝皮香脆，鵝肉帶肉汁及脂香，不過天氣凍，放到最後油脂就呈糕狀，所以要即叫即食。豉油皇鵝腸以芽菜及葱墊底，鵝腸炒得爽脆入味，芽菜吸收了醬汁味道，非常爽口。檸檬蒸烏頭略嫌不夠黃油，但檸檬醬同烏頭真係很夾，能去掉烏頭的泥味，提升魚的鮮甜。

朋友想食燒鵝，所以渣車入深井食歷史悠久的的陳記燒鵝。除了燒鵝外，還有多款燒味，小菜款式都很多，而且價錢比酒樓便宜。燒鵝例牌的份量剛好多我們二人分享，鵝皮帶點香脆，肉質鬆化有肉汁。砵酒生蠔煲用了美桶蠔，生蠔大隻且肉厚，外面有層薄薄的粉漿，生蠔味道帶點甜香，入口滑嘟嘟。芥末沙拉骨表面淋上日式芥末醬，味道不辛之餘還有點沙律醬甜味，排骨啖啖肉，又不會炸得太乾。香煎琵琶豆腐煲豆腐炸至鬆軟，裏面以豆腐及魚肉混合而成，所以質感較普通豆腐鞋口，但就非常軟熟。

深井燒鵝唔淨係食燒鵝既！ 我今次就對鉅既豉油雞流連忘返！ 仲有個豉汁蒸鱔！好食到爆炸！ 豉油雞好滑，好嫩！68蚊茶餐廳價錢食到呢個質素真喺超值！兩三個人食都好夠！超受歡迎👏至於個鱔，就好多舊！魚肉彈牙的！好送得飯！ 😂 不過有少少油🤥到個例湯，中規中矩。有點淡。但好多湯渣好多料的。我地叫左2隻扇貝試下。新鮮，大隻呀！個雜菜煲就正啦！好多種類既菜！好大煲，我覺得有6人份量！ 我地竟然食晒！整體而言，好好食的家常菜，起碼樣樣真材實料呀！

放假去深井睇下海🌊必食既一定係陳記❤️⭐️燒鵝例牌💲1️⃣7️⃣0️⃣又係皮脆肉滑既陳記😍皮既脆度一定係新鮮先做到✅而肉真係非常入味🤩點埋酸梅醬真不得了💥上次食完真係心心念念呢到既燒鵝我同男朋友都一致認為最港最正既燒鵝❣️無得彈‼️⭐️粟米魚肚羹💲7️⃣8️⃣本身以為得一人一碗 點知黎到份量嚇親CP超高🌀一人至少有4-5碗（兩人）而且料都十足咁多❗️魚肚，票米，蛋醬樣樣齊⭐️西蘭花鮮魷💲8️⃣8️⃣獲氣十足🔥而且食材新鮮🥦🦑⭐️白灼游水海蝦💲9️⃣0️⃣叫左2人份（半斤）🦐新鮮既蝦幾時都白灼最正💡蝦肉爽口彈牙🏆點埋鼓油太出色了🏋🏻‍♀️⭐️鼓汁蒸烏頭💲7️⃣8️⃣（半條）少見中茶有得咁人性化 半條咁上❣️鼓汁蒸魚一直都咁受歡迎🥇撈多2碗飯🍚🍚

去左深井食燒鵝😊 其實深井燒鵝都有好多間，今次去左深井村嘅陳記，巴士小巴落車過馬路就係，好方便～坐低左之後先有花生蕎頭同熱茶，真係食住花生睇menu揀食咩🥜🥜最後叫左4個菜，原來份量每碟都好多，最後食到好飽🙈🥢 椒鹽豆腐 $68點菜後就好快送上嚟，好香，好大碟呀，仲件件都大大嚿！熱辣辣，會忍唔住食好多件。阿姐行過發現上菜時漏咗碟喼汁同淮鹽，好細心即刻比番我哋。👍🏻🥢 香菠咕嚕蝦球 $88點菜時有諗過香菠係咩，估都係菠蘿。鍾意佢係用新鮮嘅菠蘿，唔係罐頭菠蘿！主角蝦球有好多，最後數過有成11隻咁多！上菜時都係熱辣辣架，味道都唔錯！🥢 粉絲蝦米什菜煲 $68份量又係好大！什菜嘅種類有好多，西蘭花、菜心、生菜、白菜、西洋菜、冬菇等等。而且仲唔止得蝦米，仲有魷魚同瑤柱碎添！味道唔會話過鹹👌🏻🥢 馳名深井陳記燒鵝（例） $170主角嚟啦！深井燒鵝！！香噴噴，好吸引！平時啲燒鵝通常都好肥好油，但係呢隻燒鵝出奇地唔係好肥，皮同肉之間啲脂肪唔會好厚，所以食咁多舊都唔係好漏。正呀🤤🥢 瀨粉 $15/碗雖然餸嘅份量咁多，但係都每人叫咗一碗瀨粉，因為瀨粉同燒鵝真係絕配！呢度個瀨粉都煮得好好，軟硬度適中👍🏻深井

有台灣朋友嚟香港，當然帶佢食好嘢啦，今次就揀咗深井燒鵝，我哋就去咗老字號嘅陳記。一坐低我哋就點左半隻燒鵝，講真真係燒得唔錯，熱辣辣，而且冇燒到過火，個皮仲有少少脆，再點埋啲酸梅醬，真係襯到絕呀。芥末沙拉骨，沙拉骨肥瘦適中，用芥未醬去煮，可以增加食慾。豉油王鵝腸，我呢個都係必食推介，鵝腸唔會太肥或者太瘦，而且鵝腸入晒味，認真唔錯。啫啫芥蘭煲，煮得好食都唔係容易架，當然芥蘭一定要新鮮啦。椒鹽魚扣，熱辣辣脆卜卜，送啤酒真係一流。砵酒生蠔煲，隻隻蠔都好新鮮好大隻，而且用砵酒煮，可以更加帶出生蠔嘅鮮味，呢一餐真係唔錯。

入深井探朋友，順便一齊去食陳記燒鵝，揀左室外坐，環境清潔,很有氣氛，秋涼的天氣，格外舒服，坐定定等食鵝。除左燒味，仲有鑊氣小炒，選擇很豐富。290蚊有半隻燒鵝，好大一碟，擺得好靚，見到已經滴口水，皮薄脆，肉質嫩，唔鞋，仲要啖啖肉，沾d酸梅醬勁惹味！真係會食上癮⋯⋯香酥白飯魚，系每次大排檔必點菜式，呢度整得好好，炸粉少，口感香脆，不油膩，小朋友都晤怕食。臘味炒芥蘭，keep到芥蘭的甜，又有臘味的香，送饭食一流。

今晚特登入深井食燒鵝，阿媽話好鍾意食，所以被逼點左一隻。一上枱燒鵝賣相已經非常吸引, 燒鵝火喉十足, 表皮燒得香脆有光澤。本身對燒鵝都無乜研究，但呢到既燒鵝燒到金黃，皮好脆口，而肉質都算係咁，唔會鞋邪惡之肥美鵝腸，邪惡之選，夠肥又好味。入口爽脆，唔會有雪藏嘅味道，而且份量好大，如果唔係怕膽固醇，真係多多都食得晒呀。帶子炒西蘭花話明係帶子，帶子就真係勁大啦，而且入口爽口，完全冇雪味，仲要有幾隻大大隻，勁啊，西蘭花爽口，唔會好淋，而且有蒜蓉吊味，充滿鑊氣。

去深井食燒鵝，想有大排檔風味可以坐室外，好多大枱，不少家庭聚會。室內也有卓子。不用看菜單已經知道要點咩。也有不少應市新品。茶芥$6/位，酸菜$20。馳名深井陳記燒鵝 下庄($208)好大隻鵝脾，鵝味香，肥瘦適中，皮脆肉嫩，醃得入味，可以大口的吃肉，好幸福！酸梅醬足料，酸味令到鵝肉更清新。瀨粉($15)不會很大碗，口感爽滑，配燒鵝食一流。蜜餞梅大鱔煲 ($128)好香，鱔肉又嫩又有彈性，骨頭也不多，有紅椒、紫洋蔥、蒜頭、芹菜，蜜餞梅的酸甜味很好送飯。雲耳鮮合炒淮山($80)加入草菇、荷蘭豆、紅蘿蔔炒，組合清新健康。

辛苦咗一星期 終於到咗星期五可以happy friday啦。 今日特登去咗深井食陳記燒鵝慶祝兩個人食就梗係唔會嗌原隻燒鵝啦，識食一定係食燒鵝髀即係下莊嗰部分係最好食㗎啦， 啲 燒鵝脾勁香 勁鬆化， 最重要係 我坐嗰個位係可以望到入廚房，我望住個師傅係會特登將啲肥膏斬走，就成件事就唔會咁油膩喇食燒鵝就一定係要 叫返一碗瀨粉咁先叫perfect match㗎啦， 呢碗嘢真係世界級唔係講笑， 非筆墨所能形容呀之後我嗌咗個豉椒炒花甲 啲花甲真係大隻 又炒得好入味正正正之後個姐姐介紹咗我食過蒜蓉炒菜苗都幾唔錯最後就係highly recommend嗰個秋葵芥末牛頸脊真係好入味好好食哦

有外國親戚嚟香港旅遊，咁我就緊係要盡地主之誼，揸車帶佢地黎深井食好野啦！燒鵝係香港最有特色又美味嘅食物之一。講完燒鵝，咁第一時間一定會諗到深井燒鵝。親友聽到我嘅建議，當然舉腳贊成啦！揸車去深井其實都算方便快捷，九龍入黎都係30分鐘左右就到，一間二間嘅燒鵝食店成行成市，之前我食過依間陳記，味道幾okay，而且又有專用停車場，方便泊車，所以就決左食返呢間喇！天氣涼爽，所以我哋都決定坐喺室外食飯。我地人多，於是就點咗一整隻燒鵝嚟食！燒鵝上檯嘅時候，親友們都好驚訝，因為佢地好少食鵝，唔知道原來燒鵝係咁大隻嘅！燒鵝除咗份量十分之外，質素都好緊要。依隻燒鵝皮脆肉嫩，肉質好香口同多汁，食落齒頰留香！配上開胃既酸梅醬，真係好好好出色！除左馳名深井燒鵝皇外，都有好多中式小菜可以選擇，而且價錢都相宜。依碟豉油王鵝腸，真係好味到不得了！鵝腸食落鮮味爽脆，而且份量十足，每條鵝腸都有成隻筷子咁長，好滿足！椒鹽九肚魚，我之前係屋企自己整過，以為好簡單但其實真係唔容易整到。依碟九肚魚火候控制得好好，外脆內軟，炸漿完全冇影響九肚魚口感！

本來同女朋友下定決心減肥，點知過開深井搵朋友都係忍唔住要去陳記食燒鵝！其實好早已經聽過陳記燒鵝好出名，不過一直都未有機會試，今次真係難得過到黎呢邊，幾肥都要試下！牛油芝士中蝦煲伊面底（$128）超邪惡牛油芝士伊面，一上菜就諗到好香嘅牛油味，食落啖啖香濃芝士味，而且中蝦煲份量好足，有成五六隻中蝦，蝦肉爽口又入味❤❤❤豉汁蒸大鱔（$128）鱔件厚切食落好爽口感好好，用豉汁蒸就最夾嫁啦！上面仲鋪左香蔥芫荽辣椒黎蒸，香氣十足好惹味！👍🏻👍🏻蒜蓉炒白菜（$65）真係酒家或者大牌檔先食到咁有鑊氣嘅炒時菜，用蒜蓉炒香，雖然多油，但要好味就肥少少都無計啦！🐷黑椒牛頸瘠粒煲（$108）好正啊，每粒牛仔粒都沾滿黑椒汁爆到超香口，配埋唔同既配料去炒真係特別惹味，呢個牛肉煲係必食✅✅✅香煎琵琶豆腐（$68）第一次食琵琶豆腐，個秘制醬汁甜甜地好濃味，豆腐炸到外脆內軟，裡面原來仲混左蝦肉，好特別！馳名深井陳記燒鵝（半隻$290）壓軸出場嘅燒鵝真係太好味啦！鵝皮又脆又香，下面有層薄薄油脂食落好勁油香，而鵝肉肉質軟腍，好好味！果然係名不虛傳！食埋隻鵝髀真係超滿足，又香又滑，真係完全無哂減肥意慾啦😹😹😹😹經開呢邊既朋友

星期日放假，趁住表妹生日，男朋友車我地出深井食馳名陳記燒鵝，未食之前已經超期待啦！我地四個人，一去到已經叫到全場爆滿，個個都食緊香噴噴嘅燒鵝🤣🤣🤣首先講左個燒鵝先啦果然名不虛傳，燒鵝外層燒到香脆，肉質好嫩，有肥糕嘅部份燒到特別香，食落啖啖肉，滿口油香,超正！半隻真係份量好足，大大碟，四個人都食唔哂，就打包拎係去俾其他屋企人試下🥳🥳🥳表妹最鍾意食芝士，呢個牛油芝士中蝦煲就岩哂佢啦🥰🥰🥰中蝦其實都好大隻，食落肉質好爽，芝士味好濃好香，d伊面索哂d芝士汁好好味，表妹食左兩大碗😂😂🐷食左咁多肉，梗係要食番d蔬菜中和下！呢到嘅蒜蓉炒白菜好有鑊氣！蒜蓉味夠哂香！🤩香煎琵琶豆腐脆卜卜好香口裡面係混左豆腐同蝦膠，食落好有咬口，外脆內軟！🎉🎉黑椒牛頸瘠粒煲估唔到呢個價錢食到咁高質嘅牛肉，肉味好濃，用黑椒汁配埋洋蔥紅椒爆香好惹味！😘豉汁蒸大鱔呢個係我至愛😎😎大鱔好新鮮，蒸嘅時間岩岩好，肉質好嫩好爽脆，上面淋埋豉汁好入味好正！四個人叫左咁多樣餸都唔洗一千蚊！樣樣都抵食又好味，好值得推薦俾大家！

今日朋友揸車，所以就去了一個超隔涉的地方—深井晚餐；來到深井，當然是吃最出名的燒鵝！兩個人吃不到太多，所以點了三個小菜和一碗飯分享。*陳記燒鵝 (下庄) ($208)因為我是食肉獸，而且我是超愛吃啖啖肉的鵝脾，所以一定是點下庄！鵝皮燒得很脆；燒鵝肉質都很嫩；個人覺得沾上甜酸醬更好！*秘製椒鹽鮮魷 ($98)椒鹽鮮魷新鮮炸起，外皮超酥脆。味道又不會太咸；鮮魷很彈牙！*芥末秋葵炒牛頸脊粒 ($118)本身想點一個炸秋葵的，不過看到這個秋葵炒牛頸脊粒；貪心的我們當然點一個有肉的小菜！秋葵炒起很爽脆！每粒牛頸脊都有很厚的芥末醬！