渝薌烤魚

营业中

休息中

是日晚上相約好友打宵夜麻雀,晚上找東西吃的時間想坐耐一點,最後決定試吃烤魚! =)menu:我們2人叫了一個咸酸菜烤魚 (半條),再加生菜跟烏冬,另外驚感覺冇肉食, 所以叫了一客雞翼。咸酸菜烤魚 (半條) - 我們怕辣所以叫了咸酸菜,咸酸菜的味道很濃郁, (而且愈食愈少湯就更濃郁!)鯇魚是煎過的, 所以魚皮很香, 有一點還會有少少脆,整個月比我想像中少骨,魚肉很香滑和很鮮味!因為個盆比例矮身, 煮生菜有點困難。香煎雞翼 - 正常。好多人都叫辣的去吃, 好像好味一點...下次要試下辣既先得!

晚上加餐，好想吃四川菜，於是打過去點兩個外賣：香辣烤全魚和口水雞。中辣沒感覺到多辣，麻也是很輕微的，很有到喉不到肺的感覺，口水雞還ok,但也是不麻不辣。難道香港化了？贊一個的是可以外借烤魚的盤，50蚊打底。會不會再來？這麼多選擇，下次有機會吧

第二次光顧渝鄉烤魚了，喜歡這裡的調味，香辣得來又很惹味，只而那種辣味不會過火，辣度剛剛好！鯇魚煎得表面乾身，內裡尚算軟，但不夠滑，畢竟只是鯇魚不是東星，所以也算合格，預先煮好的鯇魚放在平底鐵盤上再烤，可以保持食物的温度，可加其他食材，有點像打邊爐，烤魚的味道共有四種，分別是麻辣味、香辣味、酸菜味及泡椒味，我不敢試麻辣味，害怕辣到不能入口，所以還是選擇香辣味比較安全，加了酸菜變了酸辣味，味道更佳！加了水晶薯粉或粗薯粉到湯內，一會兒就可食了，而且水晶薯粉或粗薯粉會吸了辣湯變得美味可口~魚的大小也可選擇，有整條（$238），大半條（$169）及小半條（$139），兩人最好就是選擇小半條，不然的話吃魚就吃飽，不能試試其他的菜式就有點可惜了~這裡還有四川燒烤及涼伴小食，$60可選6種串燒，我選了絲瓜、羊肉、雞軟骨、牛丸、墨魚丸及秀珍菇，味道普通，味粉很重，肉類的串燒太乾，完全不知自己食的是什麼肉，只食到味粉味。最好食的是絲瓜，爽口中帶辣，想不到味道不錯~涼伴芥未八爪魚的芥未撲鼻，八爪魚不算大，剛好一口一個，口感不錯，而且辣度剛好，但是伴碟的青瓜芥末真的太刺鼻，真的吃不下去！涼伴雞絲粉皮一般，雞絲

今晚想食清少少, 睇食評見呢間食魚, 幾得意, 咁就揀呢間.6點半去到, 唔駛等, 地方細, 二人細枱.睇個餐牌, 大部份都辣, 咁點食得清.唯有叫個細份既咸酸菜煮魚, 好快上枱, 完來係鯇魚, 只不過係煎過.上枱型式幾得意, 用個爐燒煮, 熱騰騰, d咸酸菜煮到出味咁d魚就索味.我本身唔係咁鍾意食鯇魚, 怕佢d泥味, 可能佢煎過, 再加埋d咸酸菜, 咁就食唔到有泥味.你知食鯇魚都多骨, 唔識食魚既就唔好試.食魚有個配菜或粉跟, 叫咗個水晶粉, 爽爽地, 撈埋d魚汁, 好食過條魚.另外叫咗個麻辣魚皮, 以前喺新釗記食過灼魚皮, 記得好爽好味, 咪諗住喺呢到專食鯇魚, 應該會仲好食.今日唔想食辣, 問店員可以少辣嗎? 店員話可以, 同埋唔會好辣.點知上枱係中辣, d炸蒜泥苦苦地, 個汁冇味, 要點豉油, 幾十蚊得一碟仔, 仲要唔好食.不過店員服務都幾好, 未試過可以一試.

自從巴蜀烤全魚執咗之後,都未搵到一間可以代替佢.可能失去咗嘅味道係永遠冇嘢代替到啦聽聞巴蜀烤全魚而家改咗新名「巴蜀沸騰一片」重開,希望儘快有時間一試啦暫時食烤魚會揀渝薌.佢個皮好脆好香,魚又唔會有腥味!!我最鍾意泡椒味,不過得閒都要轉吓麻辣另外仲嗌咗啲串燒整體水準不俗

適逢港九培靈研經大會，一行六人走到九龍城，先來一個肚腹盛宴，然後才參與屬靈盛宴。因同行者當中有不少是好辣之人，所以便走到這餐廳來。但因時間關係，只能每人叫一個湯米線或湯飯，外加一些小吃，而不能嚐到這裡最有名的烤魚，要等下次有機會的時候再品嚐了。自己選了一個認為是頗特別的，就是魚卜魚湯米線。都是第一次吃以魚卜為主的湯米線。味道很好，濃濃的魚湯令人很想將整碗湯喝完。而魚卜一點都不會鯹，爽脆與輕腍之間，口感不錯。另外加了四個小吃。第一個是麻辣木耳，原本想要的是麻辣豬耳的，但既然來了，而木耳又好像較健康，所以便來一試木耳是怎樣的。沒有失望，爽爽的木耳吸了麻辣的味道，刺激之餘滲有少許木耳的清香，很好。另一個小吃是香煎雞翼。脆脆的外表包位多汁的雞肉，很香甜可口。第三碟小吃是麻辣魚皮。在未見到這碟餸之前還以為是炸的，但原來是煮的。而在未吃之前還以為是腍的，但原來是爽的。真給了自己一個小驚喜。最後的小吃是口水雞。雞肉嫩滑，不錯。在小吃類中，四分三都是辣的，真是難以想像的勁。

我們一行6人諗食咩的時候, 又諗起烤魚, 雖然當中有人唔好魚, 有人失業, 其他人又唔算搵得多, 但係都一齊走去食, 因為真係好好味~ 好鍾意食~當晚叫左: 酸菜味烤魚 (細半條) 配水晶薯粉 蒜泥白肉 口水雞 海哲皮旦 2個魚湯泡飯 4個白飯 1支啤酒因為只有少數人食辣, 所以揀酸菜味, 個酸菜汁次次都俾我們餸飯, 食到只係得番d骨~ 而我們每次都問佢攞碗泡椒, 佢次次都話唔俾,但係又攞俾我們~蒜泥白肉和海哲皮旦係我們每次必叫的~ 正~ 口水雞就唔夠辣, 無咩味, 差少少~ 魚湯泡飯的魚湯好夠火喉, 有魚味~ 以我們大家無咩銀兩的情況下, 都算抵食啦~

上星期一班朋友飯聚，歡天喜地搵左間位於九龍城 衙前塱道 的 渝薌烤魚，去到門口，大大個招牌閃閃下非常搶眼，門口見到都幾多人在內，以為會有餐好食！打開餐牌，大部份東西都好似湘菜的前菜，叫了很多種類，包括口水雞、魚皮、青瓜、雞絲粉皮、八爪魚仔、燒茄子等，還有幾款我食完都忘記了食過什麼，因為每碟份量都好少，每人都只得一、兩舊，味道實在普通到不得了。口水雞：骨多過肉，味道不夠濃魚皮 ：無味道，每人得一小快青瓜 ：普通雞絲粉皮：一般食店都好過佢八爪魚仔：就好似食白灼八爪魚點wasabi燒茄子：睇落好食，食落無味最後當然有食招牌菜燒鯇魚，其實都係噱頭野，食之經驗話我知，通常好食就唔使搞花神，搞花神就因為佢唔夠好食，果然又一次中，有d似泰式燒魚 x水煮魚的混合體，無味無道，無野講。食完第一轉想再叫野食，因為實在好似無食過野，但睇晒個餐牌實在無野好叫，最後一致決定去隔離街食泰國菜，咁大個仔都係第一次要食兩餐晚飯，一次過、無下次。

成日聽朋友講烤魚有特色又好味，經開九龍城，便來此店幫襯。一家三囗叫了個二人餐，加一個小食同米線，烤魚連爐上，暖洋洋，冬天食一流。價錢方面唔算貴，在此幫襯是一個唔錯嘅選擇。介紹如下：酸菜味烤魚,味道幾好,微微酸,又醒胃,條魚新鮮又唔腥,配埋水晶薯粉一流.脆香雞中翼即叫即炸,熱辣香脆,幾好味.芥茉肚絲麻麻哋,好鬼死咸.鮮魚片魚湯米線味道OK,湯底鮮甜冇腥味.凉拌萵笋好爽口,配合個汁好好食.整體味道ok,如果鹹度減番少少會更佳。

即慶相約幾個辣友食飯，吃的當然就是辣了。ET提出了四個地方，不過由於過年關係，有些仍在休息，最後大家揀中了渝薌烤魚，實在難為了不食魚的Cheap兄。一口氣來幾款小食，有蒜泥白肉，豬肉捲起包裹著生蔥和芫茜，但三者不論味道及口感均是格格不入，而且辣味完全錯晒，蒜泥味等於零，正如Cheap兄所講，是吃過最難食既蒜泥白肉。另有麻辣蠔仔，不過又是毫無麻味，只得個辣字，加之蠔仔肉並不鮮美，雖然口感不太差，仍難以吸引我多吃。後來大家把蠔仔肉放進烤魚的湯汁入面，效果反而更為理想。之後的豬扒，味道反而有幾分像蒜泥白肉應有既味形，真是古怪。但怪還怪，大家還是寧願吃這個味道的豬扒，同埋呢塊豬扒都不會太韌，算是這晚較好的一道小食。還有錫紙包牛展，吃起來竟然又似口舌，但經Cheap兄細心硏究過，卻又是如假包換的牛展。也不用太費心，總之味道亦不太差，像牛脷也未嚐不可，反正我都是喜歡吃牛脷的。最後的小食為燒茄子，看那隻碟的形狀，大概是專門為茄子而設的。這一味，燒得香口，雖不辣，起碼茄子軟身入味，是可以收貨的。來這裡，主角肯定是烤魚了。沒選擇，清一色的用上鯇魚，吩咐了要大麻大辣。烤魚送來，沒看見花椒，就是一大堆的辣椒

第一次寫食評，因為要分享一間好好食的烤魚！個個都話巴蜀烤魚好食，其實呢間更好！首先有得選配菜，最好食係公仔面，配埋啲汁真係無得頂。怕辣可以食泡椒味，好好笑。唔怕梗係食麻辣或者香辣啦！小食都好好食架，當中雞軟骨係最GOOD，仲有烤茄子都唔錯。雖然啲野成日要等，而且空間細，坐樓上有啲嘈，不過為左食無辦法~~

於旺角試左一間烤魚後, 我與男友二人再向此間烤魚出擊.當晚8:30左右到, 剛剛好有一張台,唔洗等位. 但假日應該要等位了. 我們經過商議後,決定order :1) 麻辣魚 (小邊,中辣)魚皮烤得乾身,有香料味, 富口感, GOOD. 魚身上台時,仲係凍的, 要待10分鐘加熱後才好食, 味道GOOD. 旁邊配料如果可以再多少少會更好.他們的中辣唔係好辣, 下次可以試大辣!!2) 生蚝仔 新鮮,無砂 GOOD!! 3) 窩筍絲 他們已放了落盤中, 煮一陣便食得. 如果太軟身, 夾起易斷.4) 辣子鱔片骨比想像中, 美味! 好有鱔味呀!! 如果換轉係鱔片肉,會好膩呀.5) 串燒 勝瓜 & 肥牛京蔥平時,食燒金菇/露筍/菇類就多, 燒勝瓜就第一次食, 係爆超好味, 外面有香料粉,內裡好多汁!!同樣地, 平時食燒肥牛金菇, 今次有另一新作"肥牛京蔥", 口感好唔同, D味道好夾,值得一食!!店舖員工,服務一流, 係適當既時候幫我地換碟!代客泊車需要$40.

琴晚上網搵下烤魚, 點知比我搵到呢間, 再同朋友講開, 就話今晚去食, 當然冇問題, 於是夜晚出發~~~去到唔駛等位, 不過坐低之後, 都開始多人, 不過好似有樓上, 所以到我地走既時候, 都冇話有人係出面等位。朋友負責落order揀餸, 一尾麻辣烤魚(全條)*, 一碟麻辣蠔仔, 白飯和魚湯米線。*註: 可以選全條, 大半條和小半條的, 聽到隔離檯話小半條好過大半條, 因為少咁條大骨我之後睇過份menu, 同我呢種食肉獸而言, 可以說係冇咩野好叫……麻辣蠔仔, 唔夠味, 蠔仔好似有灼一灼, 只係普通。反而魚湯米線有驚喜, 魚湯個味唔錯, 我幫佢清哂。 條魚黎到, 辣味都足, 再煮下佢就當然更出味, 建議等佢煮左一陣先食, 入味多d~~服務很好, 有比建議你, 亦會自動加水加湯~~~食完出門口, 二人評價一般, 對食肉獸而言, 當然係要去搵野食啦~~~

突然間有點想吃辣嘢, 開車到九龍城逛逛, 見到呢間烤魚幾有特色, 里面桌上都成盤紅椒一大片的烤魚, 好像個個吃得了幾興致, 侍應都很家庭式的感覺, 我們說不是很吃得辣但又想加點點辣, 可不可以點酸菜烤魚加些少麻辣都無問題, 點了一條大半條的酸菜烤魚加大豆芽, 一個海蜇皮蛋, 加份粗瞢, 一上桌見到條魚哇好大條, 除了條尾及個頭烤得有點黑外, 魚身還好烤得不算太過火. 由魚肚吃起, 肉味淡了點不過連埋魚皮很香甜, 有魚味, 骨不多, 同老板聊了幾句問啲魚是不是大陸來的, 老板說不是他們在元朗有魚場, 聽落都吃得幾放心. 酸菜不太咸, 爽雜埋魚肉一齊入口好味, 大豆芽就要煮得耐啲先入味, 皮蛋無咩特色, 反而啲海哲就帶有少少辣味, 正 ! 吃到一半侍應來剪頭剪尾提議要加入粗瞢話煮耐啲好味, 果然啲介紹無錯, 粗瞢軟中帶硬, 咬嚼得津津有味有點像吃巑岐烏冬的感覺, 兩個人一口氣拆掉成大半條魚剩得幾塊骨, 粗瞢豆芽酸菜都吃得一干二凈, 就是麻辣加得太少了沒什麼辣味可能是廚師見我們說不能吃辣不敢加多辣椒吧, 總的來說是一餐很有特色又很好味的烤魚餐, 下次再來. 對面的泊車仔收了我們5

酸辣~配得剛剛好, 不太酸不太辣魚是~例牌的鯇魚烤熟了, 616就食得其他~價錢中/ 服務當然都係中啦!大部份小食都OK, 但蒜泥白肉就嗜酒朋友,留意"米"意為D服務員同你好好, 話同你飲柸, 佢一拿超支酒(白 WINE) 就倒一柸滿, 這個舉動真係叫商業策略!好味,可一去再去!