渝薌烤魚

营业中

休息中

男友想試烤魚好耐 不過2個人 好似好多咁 .決定同埋媽咪一齊去食 星期日既下午都唔算多人 佢下午有特惠套餐嫁 叫左2人餐 (有細半條魚 + 小食 + 2個白飯) + 半打串燒 + 2 串 燒膳 魚 叫左小麻辣 + 酸菜 + 木耳 + 腐皮 + 金菇 小食 - 芥辣肚絲 串燒 - 3串羊肉 + 3串豬頸肉 芥辣肚絲 . 佢係冷盤黎既 ..芥辣味既凍豬肚 ,, 好開胃 .. 好好味 個魚黎到個陣真係好多辣椒呀 ... (已經小辣)不過滾起個陣 唔係好辣 店員話愈滾先愈辣 .. D串燒都有分 大中小辣 都係D辣粉既多少羊肉好好味呀 .. 我覺得去到一定要食的 豬頸肉都不錯 ..燒膳都好好味 .. 佢個皮燒完脆脆地 .. 再食番d魚 .. 真係辣好多呀.. 不過好正呀雖然個度冷氣都算大 .. 不過都食到成身汗呀!! 如果多人 都會選擇再黎食.. 好味呀~

今日喺佐敦剪完頭髮再去九龍城食野。今次無去食泰菜，求其揀間野黎試。衙前塱道的選擇也不少，有金寶、餃子等。因在OR都有見過關於渝薌烤魚的食評，於是就入去一試。要了雞翼魚湯米線 ($25)。等了一會兒就來了。湯底呈奶白色，望落好似好濃咁。試一啖，嘩，咁淡嘅？完全唔咸，魚鮮味不濃。好在枱上有鹽，要加鹽先有咸味囉。米線煮得太淋，口感打折扣。最有味嘅都係雞翼，炸得幾香口。醃料又夠味，咸加少少辣。見有好多人食一盤盤嘅魚。好似幾惹味，不過一定要多人先食得晒。

21-3-2010唔食得辣, 但是日忽然想食四川式的辣, dinner 時段趁阿媽落街買嘢食,「搭單」托佢喺呢間烤魚店買一份口水雞及一份拍黃瓜, 一於涼菜當飯食. 先食拍黃瓜, 賣相「不規則」又有點「岩岩覃覃」, 食落質地爽脆又十分鬆化, 應該真係「拍」出來的? 食落帶強勁生蒜味及醋的酸香, 仲有黃瓜的清甜, 正 口水雞浸喺紅油內, 面頭就鋪滿大量花生碎, 芝麻, 花椒粉 (?) 之類的調味, 不過賣相比味道辣得多, 食落只覺好香, 少少辣, 唔麻, 雞肉夠晒滑, 雞皮亦爽滑, 幾好食. 兩兜涼菜夠晒開胃, 不過一個人食晒兩兜其實都唔係唔飽肚的, 好在無叫米線啫. 60 幾蚊埋單, 唔算平, 但食得滿意, 有機會再試試其他涼菜吧.

再一次這吃評標題是跟吃的東西沒有太大關係，純粹只是描述一下吃東西時候的一份心情而已....再一次繼續兩口子的"米線之旅"。到了龍城內的"渝薌烤魚"，感覺上跟去了"巴蜀烤全魚"一樣 --- 無論是裝修以至到餐牌內的東西，都有如雙生兒一般....對四川烤魚完全沒存興趣。每次去"巴蜀烤全魚"都是吃其魚湯米線，這次來到"渝薌"也不例外，而且還專登選擇相類的配料，這才可將兩者作一比較嘛....唯獨有一點不同的是，上次叫的小吃是口水雞，今趟則是吾愛的蒜泥白肉。賣相有點心思，但五花肉不夠味之餘也不夠肥美，片得薄倒卻是事實；蒜泥一點味道都沒有，蒜味不濃，刺激度自是大減，是真正的淡出個鳥來了。最特別的反而葱條下得很重手，一咬之下"哄鼻"異常，十分過癮，算是彌補了蒜香之不足，不過整體上仍是不合格....同樣是魚鮫魚卜，但這裡的(特別是魚卜)是沒想像中的新鮮帶爽，而且又很細件，絕無在"巴蜀"遇到的豪爽之感。不過最關鍵的是那口魚湯 --- 湯不是呈純奶白色的已是打了一個大折扣，鮮甜度跟"巴蜀"相比也遠有不及。但湯底內找到些荳腐粒，可是首次遇到的，頗見特別....米線乃是淥得"淰 pat pat"的貨色，不值一

本人又嗜辣又嗜魚，所以吃辣魚真的對我口胃，見天氣開始有點涼，立即捉了女友來吃這條辣魚，預早訂了位，也準時來到，但見店內也未滿座，但每圍也會吃魚。先看看餐牌，除了最主打的烤魚之外，也有各款串燒及魚湯泡飯及米線等，也似乎是愛魚的人應來的地方，而兩人之力，也吃不了什麼，幸而這兒份量是可以隨意控制的，所以其實也有SML的concept，只不過不太做作罷了，另外烤魚有四款，由於女友不嗜辣，沒有點最辣的那款，所以最後綜合了大家的口味及食量，決定點大半條泡椒味烤魚、配一個出前一丁，另外再加多一條燒白鱔，純粹試試其燒烤的功架。先來為我們架好氣爐，再在上放上金屬架，金屬架放有魚、湯及其他配料，那條魚看起來跟完整的一條沒有任何分別，因為大半條的意思，其實是廚子起了細半條魚肉走，由於只在一邊起的關係，另外那一邊當然完好無缺，魚是用上了例牌的鯇魚，吃起來是多骨一點，但肉質較散而味道不濃，剛好吸盡湯內的精華，讓味覺的享受全是美味的湯汁。滾啊滾！終於可以吃了，其實也不用等上很久，因為魚兒本身是先被烤至半熟的，再放在湯內，辣椒有小米椒及燈籠椒，是事先炒好的，而泡椒是原隻一粒粒的，看起來像是很辣，其實只是小兒科，喝起

這間九龍城的烤魚店, 剛於昨晚跟老婆去食, 覺得幾特別兩個人食, 首先選擇了"大半條"香辣味烤魚, Size 分原條同大半條, 所以我地食應該係細的了, 另外要錫紙金針菇同脆拍刺瓜兩款小食最特別之處係魚係放在一個長方形的盤上, 底部用火酒之類的物體烘住食, 未上枱之前其實魚已經八成熟, 所以唔會怕唔熟的味道好刺激, 京蔥, 大蒜, 大辣椒做的麻辣味汁, 用來煮這條應該係鯇魚的肉, 確係幾好味 魚肉新鮮有彈性, 食到兩公婆津津有味錫紙金針菇普通, 脆拍刺瓜則不錯一條烤魚做晚餐, 係一個不錯的選擇

一個大家都有精彩飯局的週一，幾位嗜辣食友，卻偷偷地相約去渝薌烤魚來個小小小局！謂曰小小小局，出席者也只有五人，不過都夠食兩份魚，加一些小食。口水雞有的不是麻辣香或雞香，有種獨特之味，但我不太欣賞；拍青瓜做得不錯，爽甜入味；烤羊肉也頗嫩，也夠香口；烤雞軟骨也同是夠香，是下酒佳物。吃畢小食，終於齊人，就開始上魚了！麻辣烤魚 (大半邊) - 配金菇和公仔麵；魚夠滑夠鮮，雖然我們要了大麻辣，但魚鮮仍未給麻辣之味蓋過；一口吃下，又鮮又麻又辣，既刺激又美味；再吃一口金菇，因為在湯裏滾了一段不短的時間，辣湯都滲進一絲絲的金菇之間，辣香和剌激度，比魚更勝一籌！但正所謂一山還有一山高，好戲還在後頭；吃至一半，嗜吃大葱的太公眼見一根根的大葱沒人碰，心想好歹都煮了至少十來分鐘，總也入味了吧；隨手夾了一件放進口，豈料火辣感瞬間爆發；太公屬能吃辣之人，面對這大葱，也受不住，結果喝了整支coke zero救火....吁....公仔麵是曾經到此光顧過的同事推介；不過，因於麵於上桌時已有九成熟，再放湯煮，湯也沒索了多少，不太入味，與魚、金菇等相比，吃上去辣香較弱。由於有一位食友不太能吃辣，也要了小半邊的酸菜魚配腐竹。

通常星期一都難以出席飯局, 除非好似呢d即日call, 就到工作 schedule 就去, 擺明遲到都有得食既小局. 就可能去得到. 是日一名友人, 先講述點樣擺脫另一半既魔掌老遠出黎...仲要係屋企食埋飯再出....叫我們多學習學習. 我來到, 兩條魚, 一辣一不辣己在爐中燒煮著. 吃這一種魚, 最怕是魚腩部位, 因為多骨. 一到埗, 朋友已把辣魚既魚尾部份夾給我. 雖有小骨, 但辣味肉味都好, 夠哂味. 辣魚其實已食得七七八八. 惟有主攻那不辣的魚吧. 魚肉, 可能是魚既品種問題, 食起來未算滑, 不過, 魚肉夠厚. 加上酸菜一起食, 的確幾好. 另外, 爐中既辣汁, 用來煮麵, 煮腐竹. 亦不錯.遲來, 錯過了不少辣野. 不過主角燒魚總是嗜到.

今天老公接收工, 一上車便想去九龍城, 可惜老闆打俾佢, 一路也不想再讓他分心, 於是就算車子駛錯了分支路, 也沒有出聲, 幸而到最後, 車子未到達荃灣, 仍有機會駛回九龍城!魚是我倆的共同喜好, 泰式, 潮式, 台式, 清真…試得多, 今天想試試雲南烤魚, 雖然我們不吃辛辣, 但我們吃魚, 所以我們叫了個酸菜烤魚(不辣), $98 (這是小的價錢, 包了一個配菜), 我們要了蕃薯粉, 另加一配菜, 蘿蔔, $12, 約 5 - 10 分鐘, 半條魚有兩隻手掌長, 側邊鋪滿了蕃薯粉, 酸菜, 底層有蘿蔔條, 仲有些少洋蔥, 大蒜, 蒜子等香料, 侍應溫馨提示…吃了中間魚腩部分, 肉質沒有清蒸般滑, 但也合格, 蘿蔔要烤一段時間才軟腍入味, 蕃薯粉則是煙煙韌韌, 有咬口, 但難夾! 酸菜不太酸辣, 啱我口味! 整體不錯, 全日又免收加一, 地方細細, 但也舒適, 勝在冷氣夠大, 可舒緩熱感, 下次天氣較涼快時, 再試試魚湯米線, 小吃, 烤魚也可再 "ENCORE"!

朋友介紹之下, 去到九龍城的渝薌烤魚食晚飯三個人食, 叫左一條香辣味烤魚, 要了中辣的, 二百蚊, 但覺得抵食, 原因係:味道十分之豐富, 麻辣的湯煮香了條魚, 魚肉很鮮甜, 不過唔知係什麼魚, 又唔似係鯇魚呢, 骨比較幼, 不過味道就有點似用個方型的大碟, 以火爐慶住, 賣相都很特別, 一邊煮一邊食, 好香的, 麻辣的味令我不停的吞口水呢雞軟骨串要了三串, 這個比較普通, 好乾, 不是太好味海哲皮蛋味道ok, 係一個開胃的涼食還吃了魚腩魚湯米線, 原來, 魚湯是這麼鮮甜的, 魚腩啖啖肉, 配合滑一滑的米線, 把辣到發慌的舌頭冷靜了下來味道係好夠的, 很刺激, 今餐食魚都食得幾滿足呢

繼巴蜀烤全魚,由小店做到開分店後,走相同路線的渝薌烤魚,剛在九龍城起步不久.大家也是賣川式烤魚,今次一個人來吃下午茶,沒有可能獨自鯨吞整條燒魚吧.雖然,下午五時之前,光顧燒魚有九折優惠.人少少吃不下烤魚,亦有一些輕量級,如口水雞等小吃選擇.想實際一點,可要個魚湯泡飯,或者米線.由二十多塊錢起,最貴的是青斑魚湯泡飯/米線,差不多$60一碗,另外,其他魚方面有黃腳魶.主要的還是鯇魚.魚頭,魚骨,魚咀,魚腩等部位.今次要的是小弟最愛的鯇魚內臟 - 魚卜.魚湯鮮甜,吃不出有腥味.魚湯滾魚卜,吃出魚卜的鮮味,湯內另外的配料是豆腐.米線的角色,有點多此一舉.如果不要米線,只要湯同材料,魚卜加魚頭,魚咀,一定更加鮮味無窮.希望下一次來的時候,會是來吃烤魚.

在九龍城經過一間幾別緻的小店, 叫渝薌烤魚, 食客不少, 於是入去食餐廳主要係賣魚類的食物, 有烤魚, 米線, 小食, 有點川菜味道多款米線都係魚的不同部份做餸, 就試試個魚鮫米線吧, 未食過, 都唔知係咩! 只知道唔係魚腩, 有些似膠質的部位, 連住一點魚肉, 味道幾鮮甜, 湯底不俗, 感覺唔差side order一客小食串燒鱔, 有點麻辣的味道, 鱔肉肥美, 脂肪位比瘦位更香口, 兩款食物味道都不錯, 可以一試!

一有空就會同朋友去試新野的我, 今日中午去食魚湯米線呢個蕃茄魚卜什菌米線要介紹比大家去試, 湯底好正, 除o左蕃茄之外, 仲有濃郁的魚味, 係一個真正的魚湯, very good! 米線好滑, 魚卜好鮮甜! 朋友食個肥牛魚湯泡飯, 分別係無蕃茄味, 湯底味道同我嗰碗相似, 都係濃郁魚湯! 無論米線同泡飯都係值得一試!

同朋友晚上經過, 見人頭湧湧的, 好像好多人食於是入內食番碗肥牛米線, 米線無咩特別, 湯飲得出係魚味的湯, 而且都幾鮮美, 肥牛則唔見有咩特別了, 有好多客都係食緊一個四方形的烤魚爐, 似乎都係主角, 只可惜今次已經食左少少野先嚟, 如果唔係都會試試 (條魚真係幾大條架)

經常落九龍城的我, 最近才發現衙前塱道開了一家新的食店, 名叫渝薌烤魚午飯時間人頭擁擁, 可說是全條街最多人客的店了, 連金寶都沒有那麼多客 我都入去試試先得!只得一個人, 仲係食午飯, 所以只叫了一碗魚卜米線跟一碟串燒鱔, 米線的湯味道像潮州的方魚肉碎粥的味, 幾特別, 魚卜好新鮮, 爽口有餘, 米線滑一滑, 湯唔會太咸, 唔錯唔錯 串燒鱔係麻辣的味道, 鱔肉甜美, 都係貸源新鮮才做到這個效果的!吃了兩種食物都幾好味, 唔怪得咁多人食啦!