渡船角海鹽燒 (已結業)

適合飲酒吹水，串燒質素不錯但份量偏少，應該飲埋酒先夠飽肚。鹽燒豬頸肉 $18(左)豬頸肉唔太肥，微辣安格斯牛肉 $35(中)食落帶點油脂感，而且有鹽燒嘅鹹粒風味雞肉棒 $23(右)實實在在豐厚雞肉羊肉串 $26太重羊羶味，而且肉粒有點細墨魚咀 $19一小串六粒玉子燒 $26上菜時好熱，但燒得太實淨偏硬，入面嘅蛋唔甜唔嫩明太子飯團 $38紫菜幾有味，但飯團只係唔夠明太子味，欣賞飯團表面有燒出脆脆飯焦。鮮蠔飯糰 $38蠔嘅鮮味同飯糰好唔夾

一個有來自香港九龍新界嘅朋友聚會，有人選擇咗佐敦，指定這一間可以暢飲大笑的串燒屋。首先，很少到這個Erica，比較難搵，偏僻，不過到達Yee後，有感覺遠離市區，感覺寧靜，仲有泊車位，方便。因為掛住大叫同大笑，忘卻左為食物拍照，但係都好想留言大贊食店嘅食物種類，價錢大眾化，味道不俗。當中嘅燒茄子，燒雞翼，燒墨魚滑，雞泡魚乾，一口牛 特別出色，特別叫咗每人一盒，聞名已久的甲羅燒，將一隻山蛋加入蟹蓋高當中，再搽上法國麵包一併吃，好食到冇朋友，不過感覺膽固醇超高！串燒種類真的有平又貴，任君選擇，我哋喪叫，都係每日$300 ！不過有啲串燒的溫度不夠熱，又或者我哋掛住講，唔記得食，攤凍咗！唔好意思，唔記得影相，雖然剩係得一張相，都好想同大家分享！

在b站看了jerry的视频去打卡，周日5:30刚开门就去，人很少，老板很大气的给了优惠！菜单种类很多，让我慢慢看不着急哈哈，最后点了日本岩蚝、安格斯牛肉粒、白鳗、鸡皮和韭菜，味道都很不错，一个人吃很饱了。而且老板很nice，一直有在聊天+询问满不满意，没有让我失望吧，超热情。如果我粤语好就可以多聊聊天了哈哈，老板和旁边有一桌聊得很开心刚坐下的时候，有隔壁的阿姨也是一个人来吃，阿姨还送了我一片烤鸡泡鱼干，赞喔

真係好耐無寫過食評，唔係咁嬲都唔會寫，當晚全間餐廳連埋我地有三枱人，我地揀咗最邊邊嘅枱坐，由於張枱底有個大籃俾人放袋，變相枱底都比較迫，我對腳係擺出咗，第一次個女侍應上菜嗰時，有講叫我借借，走咗之後我就再放返對腳出嚟，到第二次上菜，個女侍寢勁惡咁講:「小姐！唔該你收返你對腳入去呀！你咁樣會kick到我嫁！唔該！」其實你叫我收，我咪收囉！唔通我特登想你kick到？同埋你都係叫咗一次借借，叫咗幾次我唔收就係我問題啫，洗唔洗惡到好似殺你全家咁呀？都終於明白點解間餐廳咁空，啲嘢食不過不失，無話特別好食，呢個態度幾好食我都唔會再嚟

係朋友屋企打完牌搵下有乜食 大家想食海鮮 就求其入左呢間 有驚喜！叫左2 round 生蠔叫左熟蠔生蠔都幾多款揀！好食！熟蠔就麻麻地叫左其他海鮮 都好味甲羅燒蜆聖子🥰🥰🥰冇睇價錢狂叫野食4個人都係千幾蚊～🤭🤭

朋友介紹食，真係值得一試。第一個燒蠔，呢個就我覺得OK啦，燒蠔又好難燒得難食嘅，第二個嘅燒翠玉瓜唔記得影，但係嗰個真係好食，完全唔似外面有啲燒到乾晒，佢燒完之後依然都係好多汁好似話係手打，口感係比較彈牙，同其他舖頭嘅感覺好唔同雞翼燒到嘅火候啱啱好，咬落去啲雞油出返晒嚟呢個我覺得有少少overcooked，但都唔算差嘅中規中矩全場最唔鍾意就係呢個，佢個皮燒得唔夠耐，然後蒜蓉完全唔夠可以接受，不過同食海鮮嘅地方冇得比同上，始終呢啲甲殼類都係講新鮮就好食，唔新鮮落咩味道都係差一啲燒鱔，呢個應該全晚最好食嘅，彈牙爽脆，不過我覺得可以唔使燒咁耐會更加好口感OK嘅，不過唔夠爽，同埋我覺得我嘅味道有啲太多唔肯定係咪現成，不過應該同其他舖頭差唔多燒到OK啦，重點係冇燒到好乾。仲有兩個唔夠位放上嚟嘅，一個燒蓮藕簡單啲來講係燶咗；另外一個燒菠蘿就唔夠甜。總體來講都係正評嘅，同埋CP值都算OK唔錯，而且可能係平日夜晚嘅關係，環境幾好可以同班朋友喺度吹水，但係有個女人全場都黑晒面，感覺唔係太好。同埋啲相唔知係咪儲存左做草稿之後壓縮左？好似有啲奇怪，但係佢又唔俾我重新上傳sosad…

比個劣食之鬼朋友帶左去食呢間燒烤，當初佢話係日式燒烤但食蒜蓉茄子，我都已經r晒頭，咁佢好極力推薦咪去試吓囉。星期六食飯時間去到，得幾枱客，所以都坐得舒服，但電視播住無線經典金曲，吵耳非常。朋友一嚟就話要食甲羅燒，成78！蚊隻，佢話非常之好食，真係對唔住，我朋友應該好少食好嘢嘅。甲羅燒嚟到，我搵唔到燒過嘅痕跡，隻甲殼都幾細隻，蟹膏上面仲有啲結霜嘅蟹肉，味道正常，唔會唔好食，但略貴。然後點左牛舌，和牛粒，金菇包，蜆，燒蠔，露筍，雞腎，雞皮，椰菜，螺….well, 日式雖然走鹽燒路線，但淡牟牟，我問你對唔對得住啲鹽呢 ？但好在牛有牛味，雞有雞味。但蜆就一d味都無，又貴！金菇都成6x蚊包，但牛油金菇都幾香嘅，除左淡左啲之外。諗諗下，其實都幾健康呀。嚟到我最愛嘅蒜蓉茄子，成35蚊條，但店主入d細細隻嘅貨，搞到我俾人笑，燒完仲要切開九份，細細舊咁，教我點張茄子肉一條條咁撕離燒燶左嘅茄子皮？可能店家有呢層嘅考慮，所以唔會張茄子烤燶烤軟，等你可以連皮吃掛？仲有食左羊肉，重羊蘇味，少少咸味咁。玉子燒，無乜驚喜。最驚喜成廿蚊碗嘅滷肉飯，點解？一來貴到咸左，二嚟真係好咸，真係落重生抽去煮喎。朋友叫埋鰻魚嚟送

食物質素非常一般，同一般放題水準差不多，但有個白頭髮阿叔，我唔肯定佢係老闆定員工，態度非常之差，好晦氣，喂大佬我嚟乞食呀？呢啲咁既食店唔會再幫襯，唔洗錢都咪搞我

過咗八點入座 應該得四台客 環境都算闊落得一個waitress serve全場 啲單出得有少少慢叫咗個特色蠔湯 都幾好味不過有啲濃味增味辣茄子 🍆茄子有啲燒得太窿 沖繩豚肉包蘆筍 係特色招牌菜 我都覺得尚可 係啲豚肉味平平無奇羊架好入味 不過冇孜然粉 只係有七味粉俾我加辣叫左兩杯hoegardan 啲啤酒氣都冇乜整體來講都還好不過不失 兩個人埋單可能七百幾蚊 未必再有第二次

我真係估唔到食物賣相超級嚇人，燒生蠔完全涷晒，味道十分難食、食物價錢與質素完全不合理，根本完全不合格!店鋪的評分咁高，完全同實際的情況不符，大家千萬不要上當！🤬🤬🤬🤬🤬

見到門面幾靚又有蠔食 所以入左黎當晚唔算爆場 我地叫左六樣食物最後寫完食評六樣野都未黎齊第一樣叫左招牌焗蠔 確實好普通冇汁冇味第二樣叫左鐵板雞軟骨 黎左串燒雞軟骨一問職員一 佢同我講我地只有一樣雞軟骨我吓左聲....再睇餐牌確認然後問職員二 佢話係有兩樣佢員工幫我落錯單冇道歉不特只...反問我咁落唔落番鐵板果個 錯嘅串燒繼續放係我枱冇人拎走 好無奈食物方面 所有串燒都好細條 連茄子都係出面size嘅一半 食物真係好普通 以後不會再黎其他間間都好個依到

我一直都幾鍾意呢個小區，貪佢多嘢食之餘又唔多人男朋友好中意食海鮮，見到呢間串燒店主打食蠔就去試下。佢地最出名係個蠔湯，的而且確係幾好飲，隻蠔好飽滿同埋鮮甜不過好似有落味精，飲完會口渴。招牌廣島蠔湯我地仲叫左燒蠔，d蠔幾新鮮，而且燒完都唔會縮到好細隻但係黑椒味太濃，有d蓋過左蠔嘅鮮味。黑椒鹽香燒蠔呢個真心正，飯團燒到好香，而且好脆中間隻蠔好大隻，而且好飽滿同鮮甜調味岩岩好唔會蓋過蠔嘅鮮味日式鮮蠔飯團除左蠔之外，我地都仲有叫到d串燒，有幾隻係出面少見d嘅，諗住試下新野，居然又幾好食鹽燒節瓜串好多汁，而且調味岩岩好爽脆蓮藕片燒完好爽口，加埋d椒鹽好惹味鹽燒奇異荀中間好多汁，鮮甜至於其他野就不過不失啦，冇乜特別。燒菠蘿、燒雞中翼、燒鱔、美國牛肉粒串燒宮古黑豚肉串燒原條蒜蔥茄子船蒜味夠，但就唔夠多豉油，所以唔夠咸三文魚刺身

渡船角海鹽燒佐敦渡船角文苑街17號地下今日跟左朋友黎佐敦試呢間串燒店，因為貪呢到夠晒方便，門口就泊得車，一路食一路望住部車，唔使怕抄牌平時就好少黎呢區搵食，但呢間餐廳裝修都幾新淨似係開左唔係好耐，我地坐低即刻不停叫嘢食，見到選擇都好多，宵夜時段仲有全單8折優惠所以唔理啦咩都叫左先啦最後我地都叫左成1x樣嘢聖子王 $38/隻燒雞心 $18/串蒜蓉燒蠔 $98/6隻茄子船 $32燒牛脷 $29/串燒牛仔骨 $28/件雞軟骨 $13/串燒雞皮 $12/串燒安格斯牛肉 $33/串燒多春魚 $17/2條燒韭菜 $13/串蒜蓉脆豆卜 $16/串腐乳燒豆卜 $18/串總結，食物係燒得唔錯既，但覺得價錢偏貴，3個人宵夜時段計埋8折都要6百幾蚊，但都唔係好飽

最近好多食店都早關但呢間竟然仲開緊招牌蠔湯無諗過可以咁煮 個湯好濃燒蠔(3隻鹽燒3隻蒜蓉)鹽燒比較好食墨魚丸比平時細粒但好彈牙 有encore芝士豆腐, 雞軟骨, 雞泡魚乾都好食波蘿有少少生台式魯肉茄子船以為好特別 但食落味道偏酸野菜包完全無調味呢三文魚較本人無人 但朋友表示不推薦三文魚刺身平但係伏 唔係新鮮刺身既味道啦總結唔好叫新鮮野食/三文魚製品就正常有宵夜時段8折青島買三送一店員唔hard sell驚我哋食唔哂 係咁提我哋慢慢叫

從未食過如此劣質既串燒，味道上十分普通並無咩特別之處，點了一份牛油菇，裡面d菇碎收收咁，有種好似食啲人地食剩既野既感覺，很不良好。並且好多都燒到焦黑，30幾蚊一份其實落多些小既牛油並吾會用多你地好多成本姐，啲野客人食落肚架點解開得店可以咁吾用心？再黎一份安格斯牛肉串燒，得3粒都吾緊要喇，都知香港百物騰貴份量吾多都係可以接受，但每粒仲細粒過大拇指既指甲，會否太過份了？味道上完全無燒牛肉應有的味道，十分干！前菜點了個三文魚，有如人地切魚時吾要既邊角碎料，好明顯係邊角位置，再拎出黎比客人食，比争鮮更差。奉勸鐘意周圍食好西既朋友千祈吾好去難以用文字形容既劣質食店！