港原味 (已搬遷) 新店位置

Tai Kok Tsui 大角咀 • 港原味 🇭🇰📍大角咀福澤街18號利奧坊地下G701號舖➰「港原味」的裝修走懷舊風，牆身是六七十年代的香港街景，好有特色📸 下單時可要求少油少鹽的港式茶餐廳，支持👍🏼➰咖喱雞肉農夫包 $99 🥘蔥爆油雞 $68 🐓奉送白飯及熱飲，凍飲+$3果醬花生醬多士 $24 (烘底+$2) 🥪➰咖喱農夫包是招牌菜之一，可選雞肉/豬扒/牛肉，咖哩可轉芝士黑松露，農夫包好大個，雞肉份量不算多，但沾上拉絲芝士和咖哩汁好惹味🥰 蔥爆油雞夠鑊氣，雞肉嫩滑，送飯一流👍🏼 多士味道不過不失，不過個人較喜好厚多士🧐➰👅 味道：🌟🌟🌟💫👀 環境：🌟🌟🌟🌟👩🏼‍🍳 服務：🌟🌟🌟💫💰 抵食：🌟🌟🌟———————————📌 Instagram: penguin_foodblog

經過利奧坊，發覺呢附近都多咗好多嘢食。最後都係揀咗呢間港式嘢，入到去見到裝修都幾特別，街頭塗鴉風融合了好多香港懷舊元素。環境唔錯。咖喱農夫包咖喱汁調味唔錯，農夫包香脆，好耐都無食過呢道菜。分量都幾多，兩個人share就啱啱好。雪山紅豆冰個杯係傾斜嘅形狀，好特別。同埋我見佢啲菜名都幾得意，我就點咗一個是咁的三色蛋，上檯原來係唔同味嘅蒸水蛋。三個碗仔連埋一齊，好得意。三款水蛋都蒸得滑嫩，蛋味香濃，最鍾意粉絲果款，口感豐富。呢間餐廳從裝潢，到食物，餐具，都感受到餐廳嘅用心。食得幾滿意嘅一餐！味道同創意都令人有驚喜。

《咖喱農夫包》$99農夫包可以揀芝士黑松露，但我就揀左咖喱雞，面頭都有啲芝士，個農夫包外面好脆，裡面吸晒咖喱汁，份量都好大。《京蔥爆安格斯牛肉飯》$70平時食開京蔥爆羊肉，今次轉左係牛肉，個味都幾夾。《雪山紅豆冰》$10好邪惡，但又幾好飲喎，加左忌廉，口感都厚啲。《雜果賓治》 $10雜果賓治已經好耐無飲，雖然叫就叫雜果，但好似得菠蘿😂值得一提，餐廳環境好多打卡位，主題圍繞香港舊時的文化👍👍👍

❤️💜💛💚💖「環境色彩繽紛3D圖案⋯⋯打卡精選好地方」—————————曾經係到食過，呢到既環境係3D既特式，所以一定要來打卡，今次專登帶朋友過嚟一齊食嘢一齊打卡，食物水凖比上次仲進步咗好多👍👍「環境咁特別又豈能放過....👏👏👏👏夜晚不能堂食，就來個下午茶」——————-🔴美極黑椒牛扒配白飯➕飲品--味道真係好美極，牛扒仲要又多又大件，加有洋蔥🧅、蔥、辣椒🌶️、味道調較恰當，味道適中，真係大碟夾抵食，味道又做得相當不錯，比起之前黎食既時候，個廚師👨‍🍳整嘢食進步咗好多.......抵讃👍飲品：🔺凍奶茶——-茶味夠濃郁，奶味夠香滑😋——————-🟣全日大早餐———主菜可自遇（牛、豬、雞.魚扒) 配多士、沙律菜、茄汁豆、香腸、炒蛋）➕飲品飲品：檸檬🍋茶———茶味和🍋都夠香濃，冰凍解喝😋🔺我選擇了豬扒———豬扒是用梅頭，梅頭位置食落較軟熟而且帶爽口，👍😋🔺炒蛋滑溜，香腸，沙律菜、茄汁豆配多士吃，夠豐富又充足的飽飽😋👍———————-🔷小食炸雞🍗脾配薯條加有沙律菜——雞髀🍗是即時生炸，新鮮皮脆肉嫩，皮脆得脆到咬落口卜卜聲，認真好味😋⋯⋯正到暈👍🔷薯條———薯條仲係用新鮮薯仔🥔炸成，外脆甘香內的薯

大角咀福澤街附近，係老派市區，這里的建築幾乎都係有一定的歲月痕跡。最近市區重建項目多左好多新樓。呢間餐廳就位於新樓盤，相信也新裝修開張不久。外表裝橫配合曬新樓設施，全新落地玻璃垟，內面的裝飾卻很懷舊，充滿六、七十年代的痕跡。連枱櫈都專登配合。看看餐牌，是一般茶餐廳的食物都有供應，而且款式多選擇多。秘制乾燒魚塊+白飯1碗＄68雖說寫住乾燒，但魚塊一點也沒有乾浸浸的感覺，廚師用了秘制的醬汁令口感濕滑，魚塊嫩滑不鞋口，醬汁有D似咕嚕肉醬，酸酸甜甜又多左啲辣味，送飯非常開胃。雪山紅豆冰＄30 （跟餐+＄10）作為特飲來講加＄10元，真係好抵。好靚嘅高腳杯盛載住紅豆冰，紅豆好淋加上上層的忌廉，成杯野變得好滑，甜度也適中。

係大角咀踢完波諗住揾間茶記食飯，見到呢間港原味裝修都幾特別，俄籍噴畫家將昔日香港風情化成壁畫，招牌菜仲有好耐冇食嘅咖哩農夫包，即刻入去坐低。🍴足料靚湯（跟餐） HK$8是日靚湯係西洋菜湯，清甜唔油膩，啲菜都幾多。🍴男人乾脆的浪漫 HK$88店員話呢道菜其實係豆腐火腩飯嘅變奏版，火腩皮肉分開炮製，皮用明火烘乾，份外香脆，肉經過高温油炸，又香又腍，可惜只係得面頭兩大塊皮係烘脆，其餘就同普通火腩飯一樣炆腍晒，醬汁唔會過鹹，送飯一流，豆腐炸過，入面依然好滑。🍴芝士咖哩雞扒焗飯 HK$73一心諗住食咖哩農夫包，點知賣晒，好失望，唯有叫個咖哩焗飯頂住先。即叫即焗，都幾大份，芝士幾香，咖哩係港式，味道稍欠層次，睇圖見到農夫包咖哩深色啲，唔肯定係咪一樣。雞扒幾嫩，炒飯底唔錯，粒粒分明唔會濕，有蛋香。🍴雪山紅豆冰（跟餐） HK$10點果時以為係雪糕，原來只係忌廉，紅豆幾足料，整體奶味較重，大杯啲會好啲，有啲唔夠喉。🍴凍特濃咖啡（跟餐） HK$3比一般茶記更濃，冇乜酸味，唔錯。📍港原味大角咀福澤街18號利奧坊地下G701號舖

今日去完朋友屋企探B就一齊去左佢附近個商場搵食，見到呢間餐廳好似唔錯於是一齊入去食個LUNCH~芝士農夫包上openrice見好多人點，d相勁吸引所以叫左黎試下!一黎到果然賣相100分!又大個又足料!仲有沙律菜伴碟，中和下邪惡既感覺~農夫包可以選雞肉/牛肉或者豬扒~個人喜好覺得咖哩雞永遠冇得輸，所以今次點左雞~農夫包黎到熱辣辣，好明顯新鮮焗起，好香咖哩味!吉落去D雞肉度時仲可以有芝士拉絲效果~超正!再要讚既係個農夫包，之前試過某店D包係勁硬又韌，呢度既包係脆口，點左咖哩汁都唔韌又易咬~好加分!楊州炒飯朋友叫既楊州炒飯，估唔到咁大碟!炒飯粒粒分明，金黃色好吸引!蝦同叉燒等既配料都唔少，食落乾身有鑊氣!唔錯!果醬花生醬三文治通常食親都係奶醬，自從有一次食過果醬花生醬三文治就愛上!呢度用左厚身白麵包，果醬同花生醬既比例恰到好處，甜甜的我地當甜品咁食!菠蘿賓治餐茶可加錢轉特飲，朋友叫左菠蘿賓治，佢本人嗜甜覺得好好飲，我就叫左凍檸茶，比起待飲大杯D，好解渴! 

今日同朋友去大角咀，經過奧利坊就入左呢間新派港式餐廳食下午茶😛雖然menu都係普通茶記野食，但服務態度同食物質素都比普通茶記高質！🥰炸雞髀配薯條（下午茶$39）炸雞髀同薯條都炸得超級脆，炸皮咬落sap sap聲，爽！🤩芝士黑松露豬扒撈丁 ($39)呢個撈丁係問店員有冇推介嘅時候佢介紹我哋食嘅，個menu仲未update架。黑松露雖然唔算好多但都好香，芝士都夠味。最正係塊豬扒，煎得非常香脆，夠晒邪惡😋咖哩農夫包（可選雞肉/牛肉/豬扒) ($99)朋友見到鋪頭入面張相覺得好吸引所以order呢個話必點😌我哋揀左雞肉，冇咁熱氣。一上菜已經聞到超香🤤啲咖哩超濃同埋有少少辣，唔識得辣嘅朋友要留意啦！成個包超大份，兩個人食都得。個包烘到好脆，裏面再放雞肉、燈籠椒、洋蔥等材料，營養均衡又好味！真係超級推介🥰足料靚湯 (加配+$8)無味精，而且好足料，加上個碗一上來就覺得好吸引。飲到好有家的感覺，滿足！🤗

位於大角咀的港原味，是一間裝潢走懷舊風的港式茶餐廳。餐廳有多幅香港特色的噴畫，例如: 大澳漁村、電車路、香港公園等等，喜歡打卡的朋友仔不容錯過啦!咖喱農夫包  $99咖喱農夫包是餐廳的招牌菜之一，客人可自行搭配 牛肉、豬肉或雞肉，而且咖喱更可轉成芝士黑松露口味😆，非常貼心呢。農夫包頗大一個，沾上咖喱醬後更惹味。作為包控，自私食的感覺，非常滿足!炸雞脾配薯條 $39炸至脆卜卜的大雞脾，即使放涼後，酥脆度依然不減，雞皮脆香，肉質結實，調味適中，配搭薯條，是下午茶必吃佳品。雪山紅豆冰 $30最近更推出9折優惠，只要光顧時Like 官方社交平台就可以啦!

沒吃午餐的我，餓死了。來到這家裝潢漂亮的「港原味」，我試試兩款招牌菜。後來又追加了下午茶餐一個。合共三個餐，超誇張。*是咁的三色蛋 $70*男人干脆的浪漫 $88*庶蝦菠蘿配沙律 $39(招牌菜送白飯凍奶茶一杯，加$3)是咁的三色蛋名字好盞鬼。有肉碎粉絲、皮蛋、鮮蝦豆腐三款水蛋，一次過滿足你三個願望。蒸蛋很滑溜不在話下，創意加分，水準很好。最喜歡鮮蝦豆腐蒸水蛋，口感豐富。男人干脆的浪漫是變奏版的豆腐火腩飯，很高級，值88蚊！研究了很久，才知道是兩塊火腩皮片，脆而香口。肥瘦適中的火腩肉配上白飯，一流。豆腐浸在調味之中，很入味。不過要快點吃，吃得慢得話，有一點點咸。最滿意的是庶蝦菠蘿配沙律，有驚喜。沙律清甜，可以清一清油膩的感覺。菠蘿炸蝦球，香口又爽口，正啊。雞肉(?)串燒，包裹菠蘿，有創意，香脆有肉汁，口感頗豐富。凍奶茶是香港茶餐廳的招牌飲品，中規中矩。總體來說，打卡與美食，兩樣俱全。店員看到我吃了兩個小時，應該很吃驚，一個小女子吃了三個餐。哈哈。

餐廳位於既商場好似新新地，出奧運站行大概5-10分鐘先到，人流唔算好多。出面望入去同平時既港式茶餐廳感覺好唔同，餐廳裝璜以香港懷舊特色為主，牆上畫着我地好熟悉既香港街頭，充斥着霓紅燈招牌同雙層巴士，另一幅牆則畫着較近期既香港航空飛機✈️😂😂芝士黑松露海鮮長通粉 ($73)必食之選！真心超好食！！！開頭叫既時候好驚會好濟，但食落越食越上癮，黑松露味都幾濃，甜甜地既芝士配黑松露無得輸！可以轉飯/意粉/長通粉，我地將個汁配飯食都好食，送飯一流！海鮮份量都好多，魚柳好食👍🏻沙薑雞飯 ($68)同平時嘅醬味道有啲唔同，有啲似沙爹醬，餐廳特登將醬另上，方便按照個人口味蘸醬，份量比想像中多，略嫌啲雞有少少乾每個餸都附送飲品，我同朋友分別叫咗熱同凍柚子蜜 (凍飲加$2)。我哋仲另外叫咗個蠔油芥蘭 ($55)，食多啲菜健康啲😛😛最後仲送咗每人一粒泡芙😋

行開大角咀就發現呢間👉🏻港原味👈🏻 見幾多人食而且餐廳裝修又幾得意，我就入左去試下➰..餐廳裝修係懷舊風，牆身畫滿左六七十年代香港街景，幾有特色㗎💁🏻‍♀️..🗣講返野食先...點左”古法京葱雞”(HK$88) 上台見到個份量都多，京蔥好脆口，雞肉肉質嫩滑，好食架👅..“京葱爆安格斯牛飯”(HK$70) 蔥香濃郁，牛肉細嫩，而且炒得好有鑊氣，配飯食係一流💯我都不自覺地食左一碗飯🙈 ..

其實嚟過無數次, 早午晚餐都食過, (我唔係什麼餐廳都寫, 因為好多時唔影相) 今次才寫食評, 全因為見到佢地真係有 heart 去做, 但又次次都無咩食客, 所以忍唔住要讚下佢點有 heart。有一次, 一家四口吃晚餐,  每人都有一片可口上海菜-鎮江肴肉,  感覺是廚師的心意。之後囝囡都加錢order 凍朱古力少冰, 但囝話太淡, 無咩朱古力味,  埋單時, 我只想表達下意見, 讓茶水部知道顧客口味, 但服務員竟然送了我們幾個自家製一口泡芙帶走吃,  攪到我覺得不好意思, 回家吃泡芙, 我老公話好好味, 他好少會讚甜品好味的, 可能老闆都知自己的一口泡芙很好味, 所以請我們吃, 這種道歉的誠意, 不言而喻。今次吃早餐, 囝要炒蛋, 依個炒蛋, 好有心機炒,  不是一"pat"上碟, 而是打圓圈地放蛋漿慢炒出來,  成個圓形旋渦配上厚餐肉, 真是未在一般茶餐廳見過,  囝叉上來吃, 可以一段段地入口, 真是廚師有心的表現。店內的服務員都好有禮貌, 有親切感,  聽他們講, 牆上畫作是他們請外國畫家畫的, 非常立體。有時我見好多茶餐廳好多食客, 但d 野食很一般, 而這間卻反之, 可能

📍大角咀🍽港原味.大角咀新樓盤開咗，又八卦同屋企人去睇，又有啲新餐廳喎。西式又有Cafe又有茶記都有～ 今次試呢間～.🍞咖喱農夫包 $99其實係俾佢呢個農夫包吸引咗～少有茶記有得，質素仲要唔錯。咖哩唔係好辣但好香，十小level都食到～ haha .🍲海皇上湯浸時蔬 88 平時好少出街會嗌菜煲，但今次夥計推介就試吓～ 用咗魚湯煮嘅雜菜煲，完全食得出魚湯味，唔係味精雞湯。海皇亦都好足料，蝦又有，魷魚又有，魚都有～ 清得嚟好夠鮮味！有驚喜～.🥩京都骨 $88純粹係自己本身好鍾意食酸甜野，細個好鍾意食咕嚕肉，但係想冇咁熱氣就會食京都骨～ 呢度啲京都骨唔似出面有啲餐廳，一食就知落咗好多鬆肉粉。見唔見到好大舊，仲有最愛嘅菠蘿～.🍧雪山紅豆冰 $30佢又唔係雪糕紅豆冰，而係好似啲Frappuccino 咁有好大舊cream喺面～ 完全滿足到食完飯想食甜品嘅嗰舖癮！.#利利仁飲食雜誌九龍區

港原味 (大角咀).同一般嘅茶餐廳比呢度較為新派，裝修可見充滿着心思，而且店員服務態度非常好.是咁的三色蛋.三色蛋分別有鮮蝦豆腐，皮蛋以及瘦肉粉絲三種餡料嘅蒸蛋，一個蛋你可以試三種餡料.沙薑雞.你可以選擇薑蔥，沙薑或者口水雞三種口味，雞肉都幾嫩滑.椒鹽豬扒.豬扒不算太肥膩，多瘦小肥，充滿着炸蒜粒！.忌廉溝鮮奶.呢度嘅飲品都可以飲返以前特色嘅飲品，忌廉溝鮮奶就係其中一樣！📍 港原味 (大角咀)大角咀福澤街18號利奧坊地下G701號舖.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#foodblogger#hkfoodblogger#hkgirl #foodporn #大角咀美食 #港原味