港灣壹號

营业中

休息中

老爺奶奶話上次佢哋兩個去港灣壹號飲茶時，見到枱與枱之間隔得好開。如果四個人都可以坐喺同一張台，不過中間有兩塊透明膠板隔住，感覺上都幾安全。因為好耐冇一家人一齊出去食午餐，所以今日終於出動喇。餐廳安排咗我哋四個坐一張平時應該係坐六人嘅枱。張枱中間放咗兩個透明膠板。我覺得我哋四個唔單只相隔1.5米，直頭隔2米添😂大家都保持非常安全嘅距離！不過有D攪笑係因為隔咁遠，有時聽唔清楚對方講乜嘢，要讀唇先溝通到😆仲有一樣搞笑係，當點心嚟到，例如：蝦餃4粒，要一邊枱先夾，然後再要企起身，伸手跨過透明膠板遞過去，或者好似玩傳波遊戲咁pass 俾隔離😂真係疫情之下先體驗到呢種飲茶方式！講返食物，每一樣都係即叫即做（因為有個小朋友霸住我個電話，所以影唔到點心嘅相）唔緊要啦，酒店水準係不用懷疑，全部都材料都好新鮮，味道都好好。➡️「山珍醬鵝肝和牛鬆炒飯」（$145/碗）山珍醬係用咗D菇類醃製嘅醬，食落有少少松露味，飯粒分明，有鑊氣。不過我食唔到鵝肝呢，扣少少分😅➡️「瑤柱蟹肉炆鴛鴦米」（$135/碗）蟹肉好鮮甜，唔會食到碎骨！Kester 有時如果食蟹肉食到碎骨，佢會即刻罷食。今次佢全部食晒，所以證明廚房手功唔錯

之前都黎過呢間餐廳食dinner，覺得整體質素都真係唔錯，所以今次都特登book枱過嚟食lunch。出面好少會食到梅菜配叉燒腸，食落又真係幾夾，唔會太鹹，味道岩岩好，再配埋佢自家製嘅XO醬更加好食。燒賣味道偏淡，可以加佢地自家製既豆瓣醬。不過鐘意淡味道既應該會覺得幾好食。我覺得小籠包最重要嘅係佢個皮，佢個皮都算薄，味道唔錯。我哋叫咗例牌，份量比起輕怡多，呢個亦係我最鐘意食既，味道質感一流，值得推介，一定要試。同出面酒樓食開既雜菜煲差不多，我個人鐘意佢整得偏淡，唔會太鹹。另外有大份細份可以選擇，兩個人揀輕怡嘅話啱啱好。整體黎講d嘢食都好食，可惜嘅係大部份點心溫度有啲唔夠熱，美中不足。

假期前夕book左個住宿連食既套餐， 住宿唔洗講拉，一向好評，食都唔差既，只係跟package 份量就會小D橄欖肉鬆炒飯剛剛好二人份量， 少少都冇多，炒到粒粒分明， 肉鬆已經混左喺炒飯裏面，就唔似平時個D 就咁鋪喺面，食既時候每啖都會食到肉鬆雞煲個味道大概類似啫啫雞味， 比較濃味同埋偏鹹， 因為有八角同埋胡椒子， 所以辣得黎帶D麻蟹蓋好鮮，好多蟹肉， 醋都可以唔洗落已經好好味，反而加咗醋仲會搶左個蟹肉味，不過size略為細左D, 吊住你個胃（ 好殘忍）

特別推薦大家✅椒鹽法國走地鵪鶉脾Crispy French quail leg, spicy pepper salt✅桂花汁炸鮮冬菇Crispy black mushrooms, osmanthus honey sauce ✅椒鹽百花龍蝦拑拌無錫波士頓龍蝦Wok baked Boston lobster claw, shrimp mousse, spicy peppered salt Braised Boston lobster, minced pork, spicy sour sauce ✅龍皇湯海鮮燜伊府麵Braised seafood egg noodles, crab roe, lobster broth✅鮑魚石頭鍋飯Fried rice with abalone in stone bowl《椒鹽法國走地鵪鶉脾》鵪鶉脾d肉好嫩滑食落好有肉汁好juicy🥰，椒鹽脆皮唔會覺得好油，帶點辣辣哋，好惹味 用來做開胃菜一流🤤🤤💰$228 regular《桂花汁炸鮮冬菇》好特別嘅前菜，我哋覺得味道同質感似拔絲蘋果、拔絲香蕉，依個就係拔絲冬菇🍄🤣外層lup身帶點脆、甜甜哋咁，食到桂花味

Grand Hyatt酒店中菜廳 開陽全海景環境酒店級水準食物同服務 二十幾款點心任選八款都只係$498加一(已包茶芥) 😱實在抵到爛(亦可選六款$398或十款$598)只限假日早餐時段(9-11am) 著數只留給早起鳥兒😂點心款式都好多 唔會將貨就價蝦餃燒賣小籠包全部都有仲有特色點心例如素腐皮千層、白菌雞粒盞、大良炸鮮奶等點心即叫即做 樣樣都熱辣辣送上必試推介有XO醬炒腸粉 用上佢地自家XO醬炒超入味 瑤柱香濃香辣富層次大良炸鮮奶 係好考工夫炸點 外脆炸粉又唔可以過厚 裡面奶要香滑鮮甜 外面好少有得食 黎到一定要試！鹹水角 好似好普通 但真係做得好出色不但好有心思做了個小啤梨造型外面炸得好鬆化香濃 裡面軟糯煙韌 口感滿分 仲要有瑤柱雞粒餡好好食 超推介!

君悅酒店的港灣壹號最近出了個優惠,就是假日早茶！星期六或日9-11am,六碟點心 $398,八碟點心$498,10碟點心$598,而且沒有茶芥.直接加一埋單,配上這個海景,只有疫情才有這個價錢了. CP真的很高,家人都說每個星期都要來一次！😆君悅酒店食物一向有質素.那就不用多說了.個人覺得除了素鵝之外全部點心都好吃。假日早起一點,享受這個海景和食物,這個價錢好值得！不得不提是服務，真的是頂級。服務員細心提示我們不要全部一次過落單,不然點心凍了就不好吃.而且還很積極地提示我們那裏拍照好看,我們一家人拍了很多照片,非常開心！我把我的花藝和食物結合希望有人會欣賞😊

第一次黎呢間餐廳，我覺得環境唔錯，今次坐既係近窗位置，可以睇到海景，係望摩天輪嗰個方向。一人份量既魚羹岩岩好，可以再食。龍蝦肉質唔錯，加埋佢嘅陪汁，送飯一流。最鍾意係食呢一個鱈魚柳，味道同埋肉質都啱啱好，可以食多幾件都冇問題，佢有兩個份量可以選擇（輕怡同例牌），早知咁好食就應該叫例牌。法邊豆都唔錯，唔會份量太多，兩個人食啱啱好。雖然係平常嘅家常蒸肉餅，但係都真係整得唔錯，可以試完再試，不過如果唔額外再加豉油會更加好。甜品我最鍾意食嘅係芒果糯米卷，佢個糯米皮整得非常好，配埋入邊嘅芒果肉甜甜地，幾好食，酥皮蛋撻個酥皮就麻麻地，可能係因為唔係即刻整嘅關係，杏仁茶芝麻湯圓個芝麻湯圓麻麻哋，芝麻味唔出，可以唔使試。

一早起身為咗食週末早晨點心。 餐廳準時9點開門，被安排坐晌窗邊位簡直喜出望外，望住個海景食早餐還是生平第一次，枱與枱之間有一定距離，樓底高加上無敵海景，坐得非常舒服。價錢真的好抵，HK$398可選Menu內6款點心，價錢亦包醬芥茶(另加10%服務費)。以這個價錢，食物方面酒店亦絕不馬虎，樣樣即叫即做，上枱碟碟熱辣辣，而且上枱速度亦相當快，服務員細心有禮，整體真的不錯。1) 白菌雞粒盞 : 有點兒似迷你雞批，酥脆香口，6款點心當中最喜歡這個。2) 冬筍鮮蝦餃 : 蝦新鮮彈牙，Size是一口一粒，若然Size能夠做大一點，這款點心就無得彈。3) 蜜皇义燒包 : 外皮鬆軟，攞上手亦不會散開，內裡餡料味道剛剛好，醬汁不多，亦不會過於濃味，好食。4)瑤柱雞粒鹹水角 : 相對其他幾款點心比較失色，不知是否外皮用了南瓜定點點咖哩粉溝成，帶點點黃色令賣相好像有點深，好彩是做成啤梨形狀，可愛指數可以加點分數，但皮較厚所以唔係好食得出餡料味道。5) XO醬炒腸粉 : XO醬味唔算突出，但由於上枱時仍非常之熱，煎香味就好夠，呢味如果能夠配辣椒醬及甜醬上枱，可以提升整個點心味道。6) 揚州炒香苗 : 非常足料

10月初staycation package 其中一項就係喺港灣壹號進餐。港灣壹號嘅裝修同佈局都典雅、有巧思，門口先經過一條長廊再經二層迴旋樓梯落到一樓，更有室內瀑布流水，我哋4人被安排到落地玻璃窗前，飽覽維港景色。Staycation包含嘅係六道菜精選晚餐，檯上都有餐牌介紹每道菜。正價大約$700/位。✨整體好味指數：4（5分為滿）🍽頭道菜— 化皮乳豬件，麻香檸檬雞絲粉皮：乳豬脆嫩，表示一口唔夠！雞絲粉皮水準正常，蘸了餐廳自家製的XO醬更為特別、好吃。👍🏻🍽蟹皇燴燕窩：啖啖蟹肉，作為主菜前暖胃係幾唔錯。👍🏻🍽豉汁蒸龍蝦：龍蝦肉質尚算彈牙，但用豉汁蒸有點可惜，豉汁味道完全蓋過龍蝦鮮味，感覺檔次亦低了一級。🍽蔥燒百花銀鱈魚：從英文菜名方知是炸物，銀鱈魚塊後加了蝦膠，炸得剛好，不油不老，魚嫩滑，蝦彈牙，底部有粘滿醬汁嘅蔥白，非常惹味。👍🏻🍽黑松露燴牛臉：每碗配兩大塊牛臉珠，燜得十分軟腍好吃，呢道菜真心令我覺得帶長輩嚟係正確嘅選擇。👍🏻🍽鵝肝豚肉鬆炒飯：充滿鵝肝香，亦有不少鵝肝粒成碗飯都好香，飯粒係屬於乾爽適中嘅類型，唔錯。🍨甜品自選：石榴蘆薈甘露、桂花雪梨五粮液雪糕兩款都好好味，前者口味創

早起的鳥兒有蟲吃，Grand Hyatt 中菜廳港灣壹號現正推出的早晨點心套餐性價比高：早上9:00-11:00供應，每張枱計（非人頭）已包醬芥茶錢，需加一： $398 揀6款 $498 揀8款 $598揀10款別以為時間這麼早沒有人來，實際上是一枱難求，敬請預約！正價時段花款自然比較多，早上以基本的為主，蒸點、炸焗、腸粉、蔬菜及炒粉麵皆備，配合君悅酒店的環境及服務，實在化算！我今日的選擇： 冬筍鮮蝦餃 南翔小籠包 山竹牛肉球 瑤柱鮮蝦菜苗餃 白菌雞粒盞 XO醬炒腸粉 素鵝千千尋 方魚肉碎粥 冬筍鮮蝦餃瑤柱鮮蝦菜苗餃水準 comfort food，大家從小吃到大的味道，不會讓你驚喜，亦不會令你失望，當中我覺得含蝦為材料的點心特別好吃，新鮮有別，坊間不少只有爽而缺鮮的製品。素鵝千千尋 素鵝千千尋味道不寡，素菜都可以美味。 南翔小籠包山竹牛肉球白菌雞粒盞XO醬炒腸粉方魚肉碎粥值得一題自家製的XO醬水準唔錯。額外添加甜品： 石榴蘆薈甘露 想不到，精彩在最後，石榴蘆薈甘露尤其喜出望外，口感非常清新可口，源自楊枝甘露的變奏極之成功。忌廉合桃奶凍拼芒果糯米卷忌廉合桃奶凍合桃味出衆，芒果糯米卷軟熟味

見到最近餐廳做緊點心套餐優惠，所以趁慶祝生日晨咁早過嚟試吓😊由於唔想食咁多只點了6款，埋單$398+10%，以點心水準及酒店環境真心覺得超值👍🏼食物有一定質素只係方魚肉碎粥有少許失望，細細碗，唔太熱，普普通通。個人覺得最好味反而係燒賣、腸粉同叉燒包呢啲傳統點心😍餐廳餐單資訊

Having dim sum set on an early Sunday morning given there is a promotion here. One harbour Road provides relaxing ambience with harbour view and attentive service. We ordered the 6 dishes set for 2 people. All dim sum are freshly made eg steamed prawns dumplings, crunchy spring rolls ， ❤️梅菜叉燒腸粉❤️， 素鵝，siu mai , fried rice with clay pot ... etc. 😋😋We have a tranquil and relaxing morning amid pandemic.😋😋

港灣壹號長期都是家庭慶祝活動首選，現在疫情期間，在週末它有早茶套餐優惠。價錢相宜，食物質素並沒有改變，老饕識貨之人已經早早預訂，享受飲茶之樂。今次已經係全家人短短一個月內，第二次到這裏喝茶。簡單說一說，飲茶食飯一定要坐在下層，中餐廳環境優越，維港全景，樓高兩層，氣派比Dynasty 同龍景軒高。每一個點心都係即叫即整，燒賣、楊州炒飯、雞批、鹹水角都係必食之選。XO 醬亦很出色，加到點心上有畫龍點睛之妙。 雖然這裏沒有一些很新派的點心，但從傳統的點心，你才可感受到廚師們的功力所在。點心水準的穩定性亦很重要。茶葉質素都係高嘅，普洱茶是用生普。另外酒店侍應勤奮有禮，令食客有賓至如歸之感。每一次過來，俾貼士都俾得好舒服。這個中餐餐廳絕對是物超所值，強烈推介大家去試一次。

由於疫情嚴重, 晚上六點後冇得堂食，遇上酒店做staycation package 包埋晚餐，於是就順便試吓俾人話係被米芝蓮遺忘嘅餐廳- 港灣壹號 由於係in room dining, 本身期望都唔係好高，當係酒店包埋room serves ，但食完之後令我對in room dining 要求提高咗，因為俾Grand Hyatt 尼個in room dining 質素拉高矖👍🏽 成餐由order 、送餐以至收餐具都係由港灣壹號職員負責， 連餐具都係用返港灣壹號！食物質素，擺枱都同堂食一樣👍🏽 你問我到唔到米芝蓮星級，以我in Room dining 用餐經驗講就好唔公平😁 但以食物質素，每一道菜都好高質，已經好食過好多嘅米芝蓮推介食店👍🏽足料嘅蟹皇燴燕窩已經俾顯得不是主角，因為有更多出色菜式當中糖醋黑豚肉同葱燒百花銀雪魚令我哋最為回味😋 煮至脆身嘅豚肉配上微酸少甜嘅汁十分滿分💯 葱燒百花銀雪魚- 十分考功夫嘅一道菜，師傅做到色澤金黃， 表面睇只係一舊炸魚肉，咬落去發現魚肉背後釀有蝦膠👏🏻 但食落口，蝦膠嘅爽口彈牙，同鱈魚嘅肉質完全冇違和感

Last minute 訂位，坐了在八樓，沒海景，換來是寧靜的環境，寬敞的座位，一家人愉快吃吃談談，愉快的家庭聚餐。待應人數充足，服務有禮，但細緻度未達五星水平，例如不常替客人添茶，大大的茶壺拿得我很吃力。點了 promotional set menu，都幾豐富和好味，蟹黃燕窩羹，蒸迷你龍蝦，百花釀銀鱈魚尤其精彩，慢煮牛面頰也鬆軟美味，份量十足，整體菜色適合老人家，甜品是在餐牌自選，每人點自己喜歡的，大家都很開心。