湯譜

营业中

休息中

難得養生一下🤣，呢間舖頭主打湯品，今次午餐要左菜飯、花雕蛋同K最想試既重點－花膠燉鮮奶湯😁花雕蛋差唔多係全熟，所以口感都偏結實，不太覺酒味，反而味道有點過咸，撈飯食先得。花膠燉鮮奶入口好順滑，一開始湯料既豬肉味道比較出，慢慢先飲到鮮奶味道。湯料份量幾多，有一大塊花膠，仲有桃膠同豬肉粒，飲完一碗都幾滿足。.

奶黃企鵝包 Creamy Custard Penguin Bun ($38)花膠燉鮮奶湯 Double Boiled Fish Maw with Fresh Milk Soup ($68).呢間位於中環既新式小店主打足料燉湯，本身係外賣店，而家有得堂食之餘，食物款式都多左！.小編就選左”LADIESDAY”，即係美女至愛既花膠燉鮮奶湯) 而家天氣咁乾燥，飲完頓時滋潤左，份量仲要都幾大盅，飲完好滿足～😋 除左”LADIESDAY”，仲有”CLASSYDAY”椰子燉雞湯，”GREENDAY”黃耳竹笙素湯等總共7款湯水／糖水，咁就dayday都有新意思啦😎💓.除左燉湯，店內仲提供左其他食物，例如蒸飯同點心小編就點左款企鵝包🐧，真係整得好細緻超可愛，好有驚喜😍企鵝包其實係奶黃包黎，雖然唔係流沙奶黃，但係都好足餡，睇得又食得

呢間湯店黎過幾次，次次都係黎飲呢款花膠燉鮮奶，奶白色的湯，好creamy，牛奶味中有少少雞味，還有滋補的桃膠同花膠，飲完都覺得自己令左。呢度唔算大，但幾舒服同好多打卡位。離地鐵站有些距離，但都算易搵。

平日lunch多吃快餐、車仔麵，感到毒素、脂肪都在體內積聚，今天一於來個小清新的健康湯譜吧～一推開門，我便忍不住讚嘆——佈置實在文藝得太有心思！壁上是可愛療癒的手繪貓咪和企鵝，復古的黑板粉筆字menu，還有一株株小盆栽，實在讓人無法招架～跟朋友share套餐，椰子雞湯足料又清甜，我幾乎都吃光椰子！青菜份量亦多，爽口無渣，大滿足呢～最後重點推介港女最愛的小企鵝奶黃包，雖然奶黃並非屬頂級，但光是看到這超可愛的小企鵝，已經紓解一整天的壓力啦！

基本上我吃這間店的食物都是用外賣仔送來公司的，而這餐店的7款湯都有益（看需要而選擇適合調理自己健康的湯囉），飯就只有豬/雞： 因為我擔心相機先食會失禮人，特別是跟主席一齊食就有些不好意思拿手機出來拍，所以我自己食的時候才有拍照的，那只有第一次食的才有相～第一次是我的同事都出去食飯，我只叫了自己一份，這次的滑雞真的是滑雞👍🏻～第二次推介了董事們一起食，我就選了試排骨飯，排骨好鞋，董事們沒投訴，只說這餐飯挺清淡～ 第三次再食，以為這間店蒸排骨不好食，我就揀返雞，点知都係鞋😓 第四次是排骨，排骨唔滑，不過今次俾左好多軟骨，我鍾意食軟骨，好過第二次的排骨～ 這次黐吃了同事一嚿雞，都是不滑的～不知是餐廳轉了煮法，還是外賣仔送來時焗鞋曬～ 堂食會不會滑呢？

今日Lunch經過中環見到有間舖頭望落好似幾吸引😍😍😍佢叫湯譜原來主打係湯☕☕☕☕☕☕☕☕☕諗起自己好耐都冇飲過湯😕所以就入去試下佢啲湯啦原來除咗湯之外仲可以叫埋飯一個Set咁樣食😋😋😋排骨飯：肉質鮮嫩，一啲都唔肥。😋😋😋😋😋😋排骨份量都幾多食埋個飯飲埋湯其實都幾飽椰子雞湯：椰子味非常濃郁，清甜，非常好飲，一d味精都無。👍🏻👍🏻👍🏻👍🏻👍🏻湯水好重要㗎大家記得得閒都飲下湯啦😂😂😂

一間成日行去pmq 時都會經過既湯水店，因為太耐無飲過湯水，今次終於的起心肝入去一試，加上今次有兩個人，可以試下不同既湯款偷下師可能位於中環區關係，小店裝潢既感覺跟傳統印象中既中式湯水店有頗大分別，甚至帶有一點文青感覺，連裝湯既紙碗文案設計都玩味十足，相信可以迎合到年青既市場。我地叫左大路既松茸菇瑤柱螺頭燉湯，同埋比較少見既黑蒜螺頭燉湯，兩款湯都非常出色，鐘意飲中式湯既一定會滿意足料又足味既松茸菇瑤柱螺頭燉湯，螺味甚重，松茸既菇菌味道比一般既用冬菇煲既味道更厚更香。驚喜既係黑蒜螺頭燉湯，非常清甜，蒜味香濃以不過重，同樣螺味很出，味道層次豐富，相信不懂配方的話自己好難煲到依隻味道，值得比錢人地賺另外叫左大大粒既燒賣，味道不錯，即使不點附送既豉油都夠晒味，不是一般既工廠貨式。湯譜亦設有外賣服務，喜歡中式湯水既絕對值得一試

係PMQ行完市集，諗住去附近食車仔麵點知大排長龍，周圍行下發現到湯譜。見湯既款式只有幾款，應該唔錯。就買左兩碗返去試，支持下小店。姫松茸菇瑤柱螺頭湯$68入面料頭出乎意料地多，有瘦肉同松茸菇，食完都飽飽地。😂飲落唔覺有味精，唔油，幾鮮甜，個人覺得瘦肉同松茸菇突出dd 😋花膠燉鮮奶湯$68第一啖飲落鮮奶味好明顯，料頭有雞肉同埋真係有花膠😱雞肉冇雞皮，所以都唔會好油，幾細心。呢款比起螺頭湯淡，好滋潤☺️

花膠燉鮮奶湯 Ladiesday $68南瓜甜粟米粥 Goldenday $58咖喱魚蛋 Curry Fish Balls $18喺中環半山出名嘅食街附近，有一間叫做湯譜嘅食店，雖然佢係中式食品，但店舖也有很多英文嘅介紹。鋪頭不是很大，但顧客絡繹不斷我哋要了一個花膠燉鮮奶湯，又要了南瓜甜粟米粥，因為想補一補而且食得比較乾淨啲， 花膠燉鮮奶湯真材實料，湯底夠濃係白湯，再加上入面嘅配料，真係好豐富又好味。南瓜甜粟米粥香甜清潤，粥底用南瓜肉打成。咖喱魚蛋爽口彈牙，咖喱汁香濃，令呢一餐更加豐富。包裝嚴謹，雖然佢望落似用紙俠，但其實內裏有膠蓋先密實地蓋好，所以絕對唔會瀉出。食材真材實料，用心烹調，高質素嘅差食物當然要多多捧場。

話說今日黎開中環做嘢行過蘇豪區諗住嚟食小店但今日可能遊客人數眾多好多好想食出名嘅小店大排長龍一路向著舊區行畀我無名中發現咗一間食蒸飯同飲湯嘅小店入面鋪面唔大佢哋好好招呼我睇左一陣就順勢落單首先我嗌左一個牛奶花膠湯本身我自己都好懷疑牛奶同花膠嘅味道會唔會唔太夾點知當佢一上菜嘅時候牛奶同花膠嘅香味已經完全打消左我呢個懷疑因為我飲嘅時候當日天氣都幾涼下所以當我一飲湯嘅時候覺得非常暖胃！而且湯料入邊冇落味精全部都係真材實料未到唔會過鹹亦都唔使落調味料飲到最後居然仲搵到一兩舊花膠嘅真身嚟食由於我嗌嘅係一個套餐我另外仲嗌左一個滑雞蓋飯我本身以為係一個蒸白飯上面再放左一啲處理過嘅雞肉點知當我食落去原來佢哋係一齊蒸熟！白飯可以吸收晒所有雞汁嘅香味我估佢應該係俾咗雞髀嘅部份我特別滑嫩而且唔好睇佢好似小小一兜咁絕對可以填飽晒個胃食到好飽下次如果當我去到中環想飲湯嘅話我一定會再幫襯

食物： 椰子燉雞湯+魚香茄子飯 ($110)評論：椰子燉雞湯好潤，好香椰子味，飲落足料順口，高水準之作。魚香茄子飯無驚喜，一般餐廳質素。呢間餐廳好岩屋企少湯水的朋友。

約左個健康朋友食lunch佢話我平時食得太唔健康，所以今日捉左我嚟依到養下生健康下門面走低調路線，都要留意下先搵到入面既擺設同設計都幾有心思餐牌有好多嘢揀除左湯，仲有飯啊同點心依啲我地最後揀左cheatday setPork Rib Rice雖然朋友仔叫我要健康，但我都係好想食啲唔係好健康既嘢依個排骨飯好多排骨個調味都幾惹味份量啱啱好Homemade Salty Lemonade 好解渴Classyday 椰子雞湯好好飲真係好足料，係媽媽煲嘅椰子雞湯味椰子味好出就咁食啲椰子都好好食Penguin Bun造型賣相贏晒係好健康既菜😂😂😂好翠綠😂偶爾嚟健康下都係好事個湯真係足料同好飲如果係附近返工，行過買返碗湯潤一潤都唔錯

同朋友行完元創坊於是在附近周圍看下D特色小店，之後我地發現左呢間湯譜！記得之前看雜志有推介過於是就入去試下。小店環境令人感到舒服和放鬆，飲湯的位置仲有壁畫十分可愛。餐廳的湯水有唔同的款式，而且將材料個功效一一寫明，令客人一目瞭明。我地一人叫左一碗湯（黑蒜螺頭燉湯和椰子燉雞湯），裏面的湯料都好足！椰子燉雞：湯色很清，椰仔味道很出燉特別的「香濃」及清香。燉特別的「香濃」。這個椰子燉雞湯不但可以美容，而且營養很豐富！係滋補養生的靚湯。呢個係朋友點的黑蒜螺頭燉湯，這個湯的黑蒜的味道濃郁且帶甘甜。黑蒜肉身純黑，口感軟腍而且營養價值很高！有助強身健提。小店除左滋潤湯水外原來仲有咖啡，點心，粥和蒸飯等等！選擇多多令人意外。

-今天是Cleaning Day💪難得車還沒來，買湯喝🤤很需要提高免疫力的湯水—《松茸菇瑤柱螺頭燉湯》足料又夠濃醇，感動QAQ大大粒松茸菇、瑤柱和螺頭！這裡還有不同點心，下次可以試試💛♥小提示 Tips：在樓梯中間不起眼處‼️

屋企呢排阿媽偷懶好少去煲湯，於是自己就黎到湯譜諗住試下住家湯水。平日六點幾黎到唔算好多人，入面地方細細並唔算多位，只有一張長高bar枱同埋一張圓枱。我叫左碗靚靚既花膠燉鮮奶湯$68，點完單職員好快就裝俾我。碗湯唔算好大碗，入面見到有花膠、桃膠、雞肉粒、豬肉粒，真係夠晒真材實料，飲到百份百冇落味精。坐係度靜靜地飲完呢碗清甜滋潤既湯，真係感覺到少少有住家味道，可以俾附近返工既人有少少湯水滋潤，中環ＯＬ湯水之選。