湯•米 (已易手) 新餐厅

同朋友行街行到餓，就隨便搵間野入去食了。我同朋友叫左個巴蜀烤魚鍋同沙茶牛肉鍋，個鍋真係太大，食唔曬。講下烤魚鍋先，我覺得都唔錯既，魚骨比較大條，容易拆，唔驚食到魚骨整親，而且烤得都幾香。沙茶牛肉鍋就真係一般般，感覺無咩特別，牛肉又太‘un’了，唔靚！我亦叫左個宇治鮮奶抹茶，味道還可接受，但係仲飲到好多沖唔散既抹茶粉囉...有d無奈而且，我地食既時候，餐廳個冷氣機一直滴水，我地一路食，個冷氣就一路係我地隔離到滴水，咁岩我個位set死曬，我走既時候要滴到水先可以離開坐位，真係有d不滿。

今日一行二人，因為有Apps有優惠同埋因天氣凍所以想食暖粒粒嘅鍋-就選了這間（湯·米）。我們一開始本來想一人一鍋，但因其中一款巴蜀烤魚鍋未返貨，所以先叫了一個沙茶牛肉鍋+一款小食（鹽酥雞扒），諗住食完一鍋才叫另一款鍋（因為兩人坐位一人一鍋會有些迫，同埋唔能夠share咁食），沙茶牛肉鍋配粉絲-火鍋料好足，牛肉不算太肥，和牛肉份量都不少，湯底沙茶味都夠濃味，值得一試😋；而鹽酥雞扒 - 價錢抵食，份量都較多（對比街外邊），但味道就一般，唔夠鹽酥味。PS:在食的中途職員提醒巴蜀烤魚已返貨，可以落單（但由於只有兩個女仔去食，而已食一個鍋+一款小食都已經夠飽，所以未能試烤魚鍋）下次有機會會再試。整體而言價錢合理值得一試

星期五凍冰冰既晚上，當然係想食番一個熱辣辣既鍋。眼見舖頭都算滿座，心想實無死，所以就同男友走左入去。我擔心每人一個鍋比較多，因此只係叫左一個鍋加2個小食。韓國泡菜鍋多料 但唔好食份量：4/5（5分為足夠1位男士份量）材料：1/5 （5分為最新鮮）性價比：2/5燒牛舌有3件咁多嫁 我地第一個反應係咁厚實唔好食啦反而一入口就有意外既收穫異口同聲地話：又無諗過可以燒得咁淋喎份量：4/5材料：3/5（5分為最新鮮）性價比：4/5柚子雞翼有4隻，無乜特別，都算可以的。份量：4/5材料：3/5（5分為最新鮮）性價比：3/5==============================店舖服務：3/5番食機會：0/5總結：小食都可以接受，但大家係想打邊邊，就食去吉野家都無咁嬲啦。

一群朋友每次都是趁成員回港聚首，便聚會聚會。是次要求是邊爐，搜尋時看到旺角湯米1815入座有6折優惠，便訂位試試它。這裡是一人一爐的自私火鍋。我點了招牌 臭臭鍋($108)及芝士茶茶 8號($34)。招牌臭臭鍋雖然名叫臭臭，但是這個其實就沒有太臭。火鍋配料非常充足，不論是肥牛、蔬菜還是其他配料，每一樣都份量多，一個人吃完有飽的感覺。芝士茶茶8 號 的芝士有鹹香，茶很清純，不會太濃。點了無糖，所以不會太膩。每次聚會大家都有講有笑，非常高興。希望大家2019年事事順利。

見湯米喺openrice book位有六折，仲要係全單六折！於是決定平安夜黎食一人鍋，叫左沙茶牛肉鍋(小辣)同巴蜀烤魚鍋(小辣)，兩款鍋都揀左配粉絲。沙茶小辣係幾微辣，巴蜀小辣就比較辣啲，聞落係幾香，但食落冇咩麻辣感覺。兩款鍋份量十足，個底仲收埋勁多菜，加埋個粉絲完全食唔晒😂野飲嗌左兩杯芝士莓莓，好好飲呀啖啖果肉，芝士奶蓋份量都剛剛好。即使價錢原價30幾蚊其實都唔算貴因為全單六折關係，每人只係100蚊咋，抵到爛

湯米原來晚餐時段65折，真係好抵食！(招牌臭臭鍋$108，芝士茶茶八號$34)餐廳主打臭臭鍋，例如巴蜀烤魚鍋人氣爆棚， 招牌臭臭鍋係必試。估唔到野飲都非常出色同出面茶飲舖比完全唔輸虧！而且仲有台式小食，川味燒烤。招牌臭臭鍋($108) 配料非常豐富：臭豆腐、牛肉片、鴨血、米血糕、滷大腸、台灣貢丸、娃娃菜、雲耳、椰菜、金針菇、豆腐、鮮冬菇、豆角、粟米、炸薯仔、炸枝竹、鵪鶉蛋、蛤蜊、鳴門卷。份量十足好似座山咁，而且好多菜健康D味道都唔錯，沙茶牛肉就建議叫一定既辣度提味。芝士茶茶八號($34) 估唔到芝士味鹹香都好突出！茶香都OK 而厚燒牛舌唔會好韌，仲有台式小食例如麻辣臭豆腐、鹽酥雞扒、夜市小香腸同花枝墨魚丸等等飽到上心口。

旺角平民美食多，想平平的吃個火鍋的話，這間湯·米也是可以考慮的。環境算光亮企理，座位間也不算太迫。招牌臭臭鍋 $108內有臭豆腐、牛肉片、米血糕、鴨血、滷大腸、台灣貢丸、娃娃菜、椰菜、雲耳、金菇針、鮮冬菇、豆腐、豆角、粟米、炸薯仔、炸枝竹、鵪鶉蛋、蛤蜊、鳴門卷 ，真的超豐富。特別米血糕、鴨血、臭豆腐這些，真的比較少一人一鍋會見到。而臭臭鍋不算太臭，微辣頗惹味，配料都吸收了湯底的香辣，更加美味。藥膳豚肉鍋 $108内有豚肉、紅棗、枸杞、娃娃菜、椰菜、雲耳、金菇針、鮮冬菇、豆腐、豆角、粟米、炸薯仔、炸枝竹、鵪鶉蛋、蛤蜊、鳴門卷。藥膳湯底中藥味不會很難令人接受，而且味道也好，清清的杞子香。豚肉和其他配料也不錯，意想不到是麵原來很夾這湯底呢。如果不夠辣、不夠味，也有好幾款調味料可以添加。台灣夜市小香腸 $26味道還真像台灣夜市吃到的，但略嫌口感有點乾。滿杯紅柚子 $35我選了走糖，紅柚子味道十足，其酸味非常醒神開胃。芋香珍珠奶茶 $26平常喝到都是紫色極重人工化的芋香，這裡卻是很真的芋頭味加上奶茶，味道不假。而且這裡飲品更可按個人喜好，選擇正常/少糖/半糖/微糖/走糖呢。這餐超滿足，一人一鍋根

之前係X假期見到有呢間來自台灣的火鍋店，便慕名而來幫襯一下，佢主打係臭臭鍋及一人一鍋。和女朋友總共點了兩個鍋，一個係臭臭鍋，另一個係沙茶牛肉鍋。食物剛上檯時都覺得幾大份，而家全場坐滿人氣氛都不錯。可惜食落就發現唔對路。首先每個火鍋餐無配飲品已經超過一百蚊一份。加配飲品要單叫，價錢同外面珍珠奶茶價錢無異。二來牛肉少，菜超級多(應該有3款大大份的菜係裡面，也偏硬口感，食到牙都痛埋)，基本上係用菜填飽個胃。三來臭臭鍋的味真的好臭(這個或許係我個人問題)，而且口感唔好食。四來，兩個鍋湯底的味道竟然都是一樣，感覺每個鍋無自己特色。以上四點的總結大概不會再來了。

朋友推介去旺角搜尋美食，之前佢食過一間台式臭臭鍋話一人一鍋，而且飲品非常有特色，就決定去試吓。一入門口已經係收銀處，收銀處上面標明各款特色台式飲品嘅名稱同埋價錢，亦都有好多客人專程入嚟買杯飲品就走，可見飲品非常有特色。餐牌上圖文並茂，每一款食物嘅圖片都非常吸引。除此之外，仲有小食、火鍋配料追加項目，食物款式多元化。由於太肚餓，先叫了一份小食-麻辣臭豆腐。麻辣臭豆腐望落去都已經覺得好辣，食落去味道入味，食到我個嘴唇都麻痹了。女士們當然要滋補一下，我就揀選了藥膳豚肉鍋，奶白色嘅湯底原來係非常足料嘅藥膳味道，我選擇咗唔辣，入面嘅豆腐、娃娃菜，仲有豚肉都非常新鮮入味。朋友嘅巴蜀烤魚鍋賣相都非常吸引，真係有一大塊好厚身嘅烤魚放喺火鍋面頭，食落去魚皮香脆、魚肉唔多骨，朋友都大讚好食。食完叫一杯純品凍烏龍，可以解辣之餘，仲可以爽一爽喉嚨，飲完好舒暢。

近日天氣轉冷，同女友行街越行越凍，就氾起了食火鍋既念頭。係網上搜尋左一陣，見到<湯米>尼排都幾多人Like，我地又好耐無食一人鍋~~~於是就走去幫襯下~~~睇下<湯米>會否從此落入我既美食清單裏面~~<湯米>位於豉油街，姐係新寳戲院過幾個鋪位~~~由於餐廳撥了一部分作爲飲品吧（專門調製特飲），所以導致現場座位比較狹窄，臺面比較細，基本上每人叫一個鍋再share一個小食已經差唔多霸曬成個臺面，不過無計，尤其係旺角，鋪位真係寸寸都係錢~~~~餐牌方面，<湯米>都算幾多元化，飲品方面大致同外面臺式飲品店類似；一人火鍋方面，除左臺式，仲有比較偏向韓式、日式、川式等不同口味，可以照顧到唔同口味既食客~~~小食方面，除左一般預期會見到既臺式小食，<湯米>亦提供標榜川味既串燒~~好~~望完餐牌，每人叫一個火鍋再share一個小食~~沙茶牛肉鍋 - 肥牛紋理同脂肪比例平均，每塊既大細厚度依火鍋價錢黎講算不俗，其他材料同配菜分量算幾足料（尤其係豆腐同玉米真係幾甜），但係一開始個湯底真係太淡，我後來要向店員落多幾羹沙茶醬先勉强

放工時間想食啲暖身既嘢，小火鍋就係好選擇。今次去了試旺角豉油街一間新的小火鍋「湯·米」，感覺不俗。因為唔想食太刺激所以點了一個咖哩奶蓋鍋配公仔麵，點了不用等太久，約莫五分鐘後小火鍋便整份送上。一開始我看湯特別少，好像不夠覆蓋配料，但店員很客氣地告知湯是會慢慢發起來，等湯滾了後便會夠。果然湯慢慢熱起來亦變多了，其實我到吃完結賬後仍是想不明白為甚麼的😅說回味道，咖哩味挺濃的，因為吃到最後都不用加湯的關係，所以咖哩味道一直保持到最後，不會越食越淡。配料方面如圖所看，一大團肥牛、蜆、鵪鶉蛋、白魚蛋、冬菇等等，份量還算恰到好處，一個人肯定不會不夠吃，最後淥熟埋個公仔麵其實都夠飽。因今日只係想食個宵夜，晚飯時段都已食左啲嘢，所以冇叫其他小吃或者加配菜，下次肯定會試試。飲料相信亦是此餐廳一大特色，水吧特別大，飲料餐牌亦明顯跟一般餐廳有很大分別，可惜今次亦是自帶了一瓶水所以沒有試，唯有留待下次。今次忘了影小食的那一份餐牌跟Drinks menu🙏😩另外值得一提的是每枱都有一份調味料，最欣賞的是有磨好了生蒜蓉，我感覺這個是挺需花時時準備的，不是很多地方都有，而且是磨得很細的那種蒜蓉，老闆對一些細節應該很

自從六月份個陣同男朋友去完台灣，一嘗了當地既臭臭鍋，就難以忘懷！所以當我地係旺角見到呢間竟然有得食台式臭臭鍋，諗都冇諗就入左去🤗因為真係太掛住台灣臭臭鍋既味道，所以我同我男朋友都分別叫左1️⃣招牌臭臭鍋(小辣)🥳再加埋芝士綠妍同芝士金鳳茶王！等左一陣終於有得食啦🙆‍♀️比想像中黎講份量都多，又有牛肉、臭豆腐、冬菇、金針菇、雲耳、娃娃菜、炸枝竹等。個味係幾濃既，不過我地係叫左小辣，而我同我男朋友都唔覺得有辣😅裡面底個層有好多菜舖底，而啲菜超索味的，正😎仲有個臭豆腐好好味，聞起上黎係唔覺得臭，但食落去完全係街邊臭豆腐臭臭地既感覺！呢個臭臭鍋係可以免費配白飯、粉絲或者公仔麵。個人覺得食臭臭鍋配上白飯係最好味的😍呢個芝士綠妍同芝士金鳳茶王都可以的，但略嫌上面層芝士整得唔夠滑同埋有少少酸味！但有台式飲品配上臭臭鍋，簡直冇得頂👍🏼整體來說，我覺得都挺不錯的，值得一試😚不過如果要同台灣地道既臭臭鍋相比，就真係差少少咁多😂仲有個提外話就係我地埋單個陣先知原來做緊優惠，仲要係六五折咁多，都幾驚喜同覺得都好划算！但我就唔肯定係咪因為我地九點幾先食先有折扣，定係咩時段都會有🤔

我遲黎到，所以冇留意餐牌 唔知具體d湯米叫咩名😂😂😂不過最後埋單6個人食， 好似百幾蚊（叫左3樣小食，3杯野飲，3個湯米鍋）所以我覺得都ok既，以距既價錢黎講. 味道係ok Ge. 但好似自己一個人食就冇咁抵， 隱約記得好似要百幾蚊一個鍋。好彩個日我地多人， 先可以share 試到咁多野食。*** *順帶一提距加台式飲品都係30幾蚊，但手調野飲就一般般。****整黎講， 小食同野飲都係一般般， 但湯米係ok Ge.

唔痴家嘅我，收工都要搵朋友們黎chill 下先安樂，天氣開始轉凍，最岩就打我至愛嘅邊爐。今次由朋友帶路去左豉油街搵食，呢間餐廳嘅係一人火鍋「湯。米」。平常食火鍋一定要一班人先去食到，如果唔係都幾重皮，試過兩人去食散叫邊爐埋單都要6百人頭，仲要樣樣一大碟食到唔想食，一人邊爐確實係解決左呢個問題。餐牌唔選擇唔多，小食介乎$2-38蚊左右，而火鍋有9款湯底選擇介乎$98-112左右，每個鍋都會配白飯/粉絲，都算幾實惠。而飲品方面，呢間嘅特式係佢旁邊有一個角落係做手調飲品，飲品都有成三十幾款，仲有家陣最hit嘅芝士奶蓋。韓國泡菜鍋 $112 🌶 - 呢個鍋好豐富，應該唔需要配飯就已經好飽肚喇，湯底微酸微辣。香辣牛肉鍋 $108 🌶🌶- 辣妹嘅我又點會唔叫辣呢，味道夠濃，唔需要再加點其他醬汁。重口味首選。泰式海鮮鍋 $112 🌶- 呢個價錢，有大蝦，蜆，青口，份量唔算少。湯底辣度唔算強，唔食得辣嘅朋友都食得到。沙茶牛肉鍋 $108 - 朋友話湯底非常重沙茶香味，非常滿意。滷肉飯 （餐加$12）- 豬肉肥瘦適中，滷肉汁當然係白飯良伴啦小香腸 $28 - 係肥仔最愛嘅邪惡小食柚子蜜雞翼 $26 -

朋友推介試食呢間「湯·米」，收工就去啦！點知真係咁多人食，排除排左40分鐘！建議早點點去到拎位，然後去行下街！入到去見到職員都好忙碌，但由於未食過都想叫侍應推薦下，點知侍應都好好態度推介我地試巴團蜀烤魚鍋，我朋友就叫左藥膳豚肉鍋，個人認為多人食有著數，咩都試下而且個火鍋Size好大，料好足珍珠米唔係普通米飯，食落都幾香飯味餐廳最特別係有個好似「喜茶」既飲品站！非常之出奇！應該係就算唔食火鍋都可以叫飲品外賣！呢個唸法都幾好最後叫左杯芝士金鳳茶王，正餐廳環境雖然有點逼，但相當企理，而且乾淨推薦一定要多d人去食呀！！