溏串小町 (已結業)

今天約了朋友午餐，在大埔落腳尋好“東西“，無得返家鄉“日本”🤣🤣只好滿足吓自己食慾“溏串小町”外貌似居酒屋，裝潢好有日本style1.三文魚小卷~看似簡單美食，少少三文魚已經帶出淡淡油香味，入口飯粒分明，帶微微紫菜味小卷😋😋2.日式鰻魚丼~鰻魚大大件，魚肉嬾滑肥美，入口有即溶油脂感，鰻魚淋上醬汁鮮甜入味，甜度剛好，伴飯一流3.日式炸餃子烏冬~餃子皮帶點脆餅的口感，肉汁豐富油而不膩，烏冬滑溜溜、彈牙、煙韌有質感👍👍👍4.味噌湯~日本健康日式湯品，用料看似簡單味噌、荳腐、昆布，弄出順口細緻的風味5.自肥甜品~真的“大鄉里”，只知咖啡泡沫上打心儀相片。原來威化紙都有相同做法，“大鄉里”大開眼界，真的不捨得放入口裏，碟邊伴著小小甜品，整頓餐非常滿足

開返晚市堂食又係時候約frd出街食飯今晚放工就黎到呢間溏串小町聚一聚😊餐廳佈置充滿日本居酒屋風情(而且仲有好多鏡仔應援宣傳品添~ 哈哈) 影相打卡就啱哂！🤩 入座之後就scan QR code落單👇🟡 蟹籽沙津 $26 🟡除左青瓜仲會加入沙津菜食落更有口感更清新⚪️牛肉壽喜鍋 $98 ⚪️份量都算多，壽喜汁味道唔錯，唔會好甜除左牛肉，仲有菜、菇、南瓜、粉絲食得好滿足～(另外仲可以加配飯或烏冬)🟣 清酒煮蜆 $58 🟣呢款幾驚喜，清酒味濃食下食下連湯都飲埋🔵 牛油果軟殼蟹卷 $92 🔵餐廳提供多款卷物選擇我地就鍾意食軟殼蟹軟殼蟹好香脆，唔會好油膩面層有大量沙律醬和蟹籽，同牛油果好夾🟤 蛋黃醬免治雞肉棒 $38 🟤啖啖雞肉配上蛋黃醬令肉質食起黎更嫩滑，非常惹味如果配埋啤酒更好哈哈⭐️ 自肥甜品 $88 （需要提前預訂） ⭐️最後就係期待已久嘅自肥甜品記住提前將相片send俾餐廳相片印在糯米紙上 (食得架!) 最啱同MIRO慶生今次我就支持Jeremy同阿正嘅新節目Brownie朱古力味好香濃一邊傾計一邊食自肥甜品好快就清哂下次鏡粉聚會一定會再黎啦

又嚟到星期五，Happy Friday係要出街食飯慶祝吓！屋企附近有間食日本串燒好出名嘅小店，未有疫情之前，間唔中會同班姊妹嚟呢度飲下梅酒，叫碟雞泡魚乾，就可以吹水成晚！今日同個女和老公食晚飯，試吓啲大路嘢，我哋叫咗個牛肉壽喜鍋，壽喜鍋好好食，牛肉又多，連個湯都好滋味。然後我又叫咗個兒童餐比個女，茄汁炒飯入邊加咗雞粒，再蓋上蛋漿，就變咗一個好的骰嘅蛋包飯！阿女當然食到舔舔脷啦！呢間小店嘅特色，除咗好有日本feel，我原來舖頭入邊仲有好多漫畫睇㗎 ！食未嚟之前，我女就睇咗幾本叮噹漫畫啦！好開心，阿女仲話下次再嚟😬😬😬

前日落大雨，lunch 唯有喺屋企附近搵食， 經過溏串小町門口偷窺入面的食客，午餐份量很大，於是便和男友一同進去。之前已經來過一次，今次風味依舊，店內日式裝修非常吸眼睛！！好方便打卡。由於很少來這裏午餐 (之前都是晚餐)，當一打開電子點餐餐牌時也非常驚訝，這裏的定食套餐價錢不算貴，看到旁邊食客的枱，份量大，而且有麵豉湯、白飯、蒸蛋，性價比非常高！由於我和男友均是吃貨！於是我另外單點了牛油果軟殼蟹捲和蟹柳捲。這個牛油果軟殼蟹卷物令我非常驚喜！軟殼蟹入口非常香脆，淡淡的牛油果香非常容易入口，不油膩。唯一不滿是沒有完整一個牛油果🤣，哈哈！因為我是一個牛油果愛好者~但不影響我對這個美味的感覺。軟殼蟹非常香脆很香口。蟹柳卷物跟平常一般水平。因為很想吃刺身，所以我點了刺身定食 ！三文魚腩非常非常香魚油味，肥美又可口。帶子和蝦新鮮。大虎蝦啖啖肉，非常吸引，令我想多吃一口。令我驚訝竟然有海膽刺身！大滿足！不得不提及定食跟的蒸蛋。這個是香菇蒸蛋，菇味很重，蛋很滑，大愛。男友點了滑蛋牛肉丼飯定食， 牛肉，菇和雞蛋毫無違和感地混在一起，加上照燒汁非常香甜。把醬汁、雞蛋混在珍珠米中非常好吃！而且這定食份量很大

筆者幾年前都有嚟過呢一間日式小店，早前知道自己今日會過來大埔一趟，突然懷念呢一間小店，就自己book左今日入去食啦。店舖非常有日本懷舊小店嘅特色今次過來發現其中還有一面牆添滿了香港流行的色彩，不解釋。蟹柳小卷我個人好鍾意食蟹柳，所以點了一份，不錯吃。點卷物嘅時候，發現佢嘅卷物有幾款都好有特色，所以就試咗一個牛油果軟殼蟹卷物，卷物上灑上大量沙律醬和蟹籽，跟牛油果很夾，而且軟殼蟹也炸得很香脆，食完十分滿足。壽喜燒牛肉鍋定食定食配有麵豉湯，碗蒸蛋，碗蒸蛋非常可口，香菇湯嘅味完全滲入其中，一口接一口食不停；壽喜燒牛肉鍋份量十足，調味做得出色，配飯一流。會book呢一間小店的另一個主要嘅原因就係呢一款甜品（因為需要預訂先會有），一睇個賣相就知咩料啦，除咗呢一款相，仲會有其他嘅相，每次不同，驚喜留待發現啦。甜品本身係朱古力蛋糕，朱古力味濃而不膩，表面有碎糖，中間有朱古力碎，食落有口感有層次。最最特別嘅一點就係，你以為佢只係背景鋪墊，其實佢真係食得㗎，用咗威化餅既部分製作出來的，非常之有心思有創意，果然係令我非常懷念既小店。

難得開返晚市，梗係要同男朋友出去食飯啦。想食呢間日本嘢好耐，終於等到晚市開返🤭🤭🤭我哋大約七點半左右去到，等咗5分鐘左右就可以入座，個環境都幾舒服，有啲似日本嘅居酒屋。手握壽司我哋叫咗6款手握壽司，啲壽司都算幾新鮮😍最好味就係帶子同北寄貝🥰🥰一定要叫嚟試下仲叫左三文魚刺身🤭塊塊都好厚身，都唔錯架，不過全餐飯最驚艷到我嘅，係依個軟殻蟹卷😍😍 啲軟殻蟹炸得啱啱好，加埋蟹子，啖啖都脆卜卜☺️最後未夠喉就叫左個自肥甜品，啲Brownie一啲都唔乾，仲有好濃嘅朱古力味😍之後問啲職員先知原來自肥圖片可以提早send 比佢地架😍嚟開大埔食飯，又有一個新選擇啦🥰🥰

坐低即刻叫野食，我個壽司定食等左將近一個鐘都未有，期間問左兩次，次次都話催下師傅，解釋一下都無。其他枱壽司都等得耐，不過二十幾分鐘後都有上。個收銀女店員服務態度極差，黑面，無招呼，茶唔叫根本無人理你。野食好普通，連元x一半都無，件刺身細到飯都蓋唔曬，有幾舊味道腥，海膽苦，而且舊飯無味，最離譜係個茶碗蒸竟然係凍既!!!(會晤會太唔衛生?!)咁樣做生意，對顧客好無誠意，不會再光顧，下次都係去隔壁日本野x美，至少有茶飲，唔使受氣，簡直浪費金錢同埋時間。

今日咁啱想食日本嘢，經過呢間溏串小町，見到門口嘅lunch menu都幾多選擇，就決定入去試吓佢😛天氣涼涼哋唔係好想食生冷嘢，所以我就揀咗個香蒜火炙三文魚丼 ($68)，lunch set另外仲會跟小食同湯😌嘢食一嚟到，見到賣相好靚，飯上面除咗放咗火炙三文魚之外，仲有幾舊蟹柳同玉子，仲要舖滿蟹籽添🤤雖然賣相好吸引，但味道就相對比較普通🙈三文魚唔算肥美，燒完之後都迫唔到魚油出嚟，冇平時食火炙三文魚果種入口即溶嘅感覺🙈啲飯都吸收唔到三文魚嘅魚油香，要撈埋啲汁同蟹籽食先好味啲🙈而蟹柳同玉子都係正常水準，玉子甜甜哋幾好味😋跟餐嘅小食係中華沙律，味道好正常，但麵豉湯就偏鹹咗少少🥲總結嚟講，作為平民街坊嘅日本餐廳係可以接受嘅，但就唔好抱有太大期望，食物質素只係屬於普通，勝在選擇較多，而且佢午巿都要另收加一，感覺上性價比都唔算好高🙈

好耐之前已經想黎食，不過每次黎都係夜晚，加上夜晚無SET DINNER，價格有點貴，所以遲遲未黎。今次下晝放假，特登黎試下佢SET LUNCH，網上評價唔錯，抱有期望過黎。每個LUNCH SET跟一個麵豉湯同麻醬豆腐，我個人覺得前菜方面有點遜色🤔，通常呢個價錢連埋加一，都會跟埋個蒸蛋，所以前菜方面略扣少少分。咖喱吉列炸蠔蛋包飯 $65炸蠔就係放題果D，無乜蠔汁；咖喱偏鹹，少少甜；蛋皮無乜蛋香；最好味係個珍珠米，每粒都飽滿彈牙😆。牛肉壽喜燒 $108由於外面啱啱落完雨，體感溫度降左幾度，所以特別想食熱野。牛肉份量唔少，而且半肥半肉；蔬菜份量好多，係我食過最多菜嘅壽喜燒；豆腐滑，但酸😑。友人表示可能太多菜，唔太中意呢個壽喜燒味。個人覺得食物味道一般，但服務唔錯，職員一直都有為我地斟茶。

星期六嘅晏晝收工終於同朋友試下呢一間大埔隱世居酒屋🏮😂因為個位置其實度比較位於角落位，不過距離出返大街，其實都好近距離晏晝有啲好親民抵食嘅套餐set😙一個係壽喜燒牛肉配飯，仲有一個豆腐小食，一碗麵豉湯壽喜燒嘅湯底好濃郁好正🤩另外一個就叫咗個熟食壽司🍣都只係$68左右好抵食！再叫多一個紫薯餅，真心推介😎

【大埔太和•溏串小町】————————————————————————又到咗捐窿捐罅嘅時候 堂食都係第一次一入店鋪見到收銀位有滿滿嘅Mirror係度😍無Ian BB😢四圍佈置好有日式居酒屋風格 環境都幾寧靜舒適🍲牛肉壽喜鍋HKD98 加烏冬HKD15味道調得唔會太甜 配料都豐富。🍣三文魚刺身(10片)HKD88每一件都切得好平均 師傅刀工好👍🏻 又唔會太薄。🫓鱈魚片HKD35平時食雞泡魚干 今次試鱈魚片 口感係香脆嘅。🐟白燒活鱔HKD50以為有兩串 嚟到得一串 大家你眼望我望 。🥗蟹籽沙律HKD38友人揀的 佢表示揀呢個係咪好廢 大家幫我答佢。🍣牛油果軟殻蟹卷HKD88卷物有6件 軟殻蟹都夠脆口。🍣黃金芝士燒玉子壽司HKD27芝士味唔夠突出 食落去唔係好覺。🍣芝士燒三文魚壽司HKD27同上 芝士味唔係好覺總結 環境係坐得舒適 同朋友食飯係幾好不過食物味道一般 服務質素：😊😊😊😊食物味道：👅👅👅性價比：💰💰 人均消費 HKD160✨✨✨✨✨✨✨✨✨✨✨✨✨#nkiki大埔 #nkiki日本菜🏠 溏串小町 📮 大埔翠和里5號麗和閣地下D1號舖

好耐無外出食飯喇, 適逢阿女生日, 就一家三口出去食餐好嘅. Book咗7點, 準時去到, 唔洗等就立即安排入座位. 每枱與每枱之間有距離, 四周圍佈置都好日式海報, 坐得舒服~原來是用手機do QR code自己點餐的. 7:15落單, 都未夠7:30 請已經上第一樣 火炙雙色丼 – 嘩! 滿滿的左口魚同埋厚的三文魚鋪滿, 起鳱碼每樣有6-7片.刺身魷魚蟹肉卷 – 尼款卷好少見, 好多蟹肉係壽司頂, 見到一點紅色係咩呢? 原來係酸梅, 一口食落去, 醒晒, 鍾意酸梅的你, 就真要試一試, 好特別呀~~再嚟就係刺身喇, 新鮮, ~去居酒居, 當然要叫D燒物食啦~燒脆雞皮 – 整條燒得脆口, 又唔係乾爭爭~~燒牛舌 – size OK, 牛舌入口係爽, 唔un~燒豬五花腩– 燒得外面香口, 裡面仲keep到有D肉汁, 正呀! 要再叫多串~燒活白鱔 – 一向都鍾意食鱔, 燒鱔皮脆一脆, 每件鱔都厚厚肉又冇骨~燒原條日本魷魚 –  真係好大條, 燒到魷魚鬚好香口, 魷魚又唔會乾燒雞軟骨棒 – 啖啖肉,啱晒限小朋友食大蜆麵豉湯 – 有好多昆布, 蜆鮮甜, 無沙 富士山梳打 – 藍到好似李C得林

今日入到黎大埔突登黎依間小店居酒屋食因為遠離左大埔中心 唔算多人等位價錢唔係好貴 不過就可能要行遠少少先黎到後面仲有D漫畫 悶悶地仲可以拎黎睇下叫左幾串串燒同壽司一戰火炙壽司好食鰻魚都算正常水平炸餃子都幾好食 好脆最好食都係個牛油果軟殼蟹卷 想再ENCORE雞頸肉同雞串就一般反而個荔枝煙肉卷幾好食而且唔係好多地方有得食荔枝既味道同煙肉難得地夾 有興趣試新野既可以一試最後叫左個波子汽水 好滿足咁走人總結黎講 依個價錢有咁多野食真係幾抵

此店裝修幾有日式居酒屋風格，奇怪在平日食lunch時間人流不多對比附近德美，御品人流相差好遠，原來咁都唔係冇原因嘅點左2個set 份量都好細。醬油湯烏冬配紫薯餅$70湯烏冬只有一塊鳴門卷加少量粟米，小食係百福豆腐一啖加芝麻醬，紫薯餅一塊切開2件。火炙三文魚飯$68，份量如下圖，同店家社交平台 大大碗的份量大約差一嘜米！實物連旁邊嘅青瓜絲都慳返 火炙三文魚味道中規中矩。大埔日本菜甘多選擇，個人唔會再去

今日突如期來諗住食個lunch.一坐低即刻諗起呢度有得自制相片做心太軟。但要前一日預約。。。女女勁like mirror .所以膽粗粗問下無預約有無現貨。。。是但一個都ok🥰個女仔勁好人。即刻整一個俾女女。佢真係勁開心驚喜❣️眼見身邊幾枱人都有訂呢個甜品。每個黎到時都十分驚喜🥰日本野水準ok呀❣️因為一路食一路俾個女勁吹快d食上甜品😂🤣所以無試太仔細。但環境服務真係無得頂🙌個女走時話要下次黎食齊甘多個喎😂🤣