溏串小町 (已結業)

繼放寬晚市堂食一排，今日終於輪到住大埔嘅朋友仔食返餐晚飯喇～幾位朋友仔都不約而同推介溏串小町，話店內裝修好有日本feel食物又既然大埔人都推真係要去試一試佢。去到門口見到格子趟門及燈籠已經覺得好吸睛，入到去直情有日本居酒屋feel添。刺身盛盒（4-6位用）$368 - 有齊9款各4件：三文魚赤蝦北寄貝/帶子/八爪魚油甘魚/劍魚腩/紋甲魷魚磯煮鮑魚…食落魚生件件都好新鮮，絕對對得住呢個價有餘。驚喜係鮑魚呀，食落啲肉好淋身唔會咬擦膠咁，而且好入味又唔咸。蟹籽沙律蟹籽睇落好似唔多，但碗沙律成碗牛肉飯咁大碗，真係一個人食都飽咁一半黃金醬燒皇帝蟹棒壽司(2件)$24 - 芝士味香濃再配埋沙律醬燒簡直一流。今日雖然唔係點太多食物，但每樣食物都令我好驚喜。

家住大埔嘅我，真係第一次食呢間餐廳，估唔到會咁驚喜。角切魚生沙律頂層滿滿魚生，配上特制醬汁(疑似係醋溝醬油何其新鮮，魚生絕對唔係下欄嘢，又係成碗牛肉飯咁大碗。黑毛豬肉餅$48 - 炸得非常香口唔油膩，而且中間夾有軟骨，口感唔單一。炸池魚仔$48 - 食落咸咸香香，食落會停唔到口，絕對係送酒好物。由於朋友揸車，所以都唔敢叫酒飲去引誘佢。最後呢個小食由我清晒。今次我地因為之前食得太多野所以都係點小食為主，下次真係試下佢嘅晚餐先。

近排對於日系嘅食物特別想念，雖然沒有得飛，但可以找到啲想食嘅口味！今晚就係一個唔錯嘅選擇，之前疫情其間都有買外賣回家，現在放寬了當然要在這裡食返餐！掃瞄二維碼落單，選擇多，選擇了份牛油果軟殼蟹卷，大大份，師傅將軟殼蟹分成8件，每4件一份擺放成兩坐小山，入口牛油果軟滑加埋脆身軟殼蟹，真係十分好味！再來就係蛋黃醬免治雞肉棒，在免治雞肉棒上放滿了蛋黃醬，入口味道濃郁，啖啖肉夾雜埋蛋黃醬入口，正！而燒雞泡魚干見到師傅用心燒後再切條上，燒得香軟加埋沙律醬入口味道更佳！當然有加埋個主食日式咖喱吉列豬扒蛋包飯，大大塊吉列豬扒旁淋滿香濃日式咖喱外，還有個蛋包飯，份量十足，日式咖喱混 埋蛋包飯入口真係十分滿意！而豬扒炸得外脆內軟，都係啖啖肉，完全係一次過滿足！配埋杯冰量富士山梳打，真係將近排嘅鬱悶驅走！

好耐之前已經黎過食lunch，都好鐘意佢既環境，今日想食日本野我地黎溏串小町食晚餐。餐廳有滿滿的日本風味，座位都坐得舒服。係門口有Mirror 應援品，可以免費取，有利是封同濕紙巾，完全唔捨得用。壽司盛盒（18件）每款壽司有兩件，有三文魚腩、油甘魚、吞拿魚、劍魚，帶子、赤蝦、赤貝、花之戀、海膽壽司，飯和醋比例剛剛好，不會一夾就散，其中三文魚腩好肥美，赤蝦鮮甜爽口，海膽好鮮甜，完全沒有腥味，味道都不錯。枝豆大大兜日式炸餃子炸得剛剛好，餡料飽滿自肥甜品餐廳除左有應援品，當然仲有自肥甜品，張相可以用自己既相，要提前通知餐廳，而我地今次冇比相，餐廳咁岩用左我地自愛既Anson Lo ，相用威化紙打印，可以食用，另外布朗尼蛋糕，朱古力味濃郁。

今日突然間想食日本野，所以就約咗好耐無見嘅朋友去開飯。😋牛油果軟殼蟹卷 ($92/8件) : 非常足料嘅卷物，醬汁同蟹籽鋪滿整個卷物，而且卷物嘅外面用咗昆布包住，賣相幾有特色。牛肉壽喜鍋 ($98) : 材料相當豐富，有肥牛、雞蛋、生菜、金菇菜、豆腐、南瓜、冬菇、粉絲等等，湯底味道清甜最適合配白飯。醬燒豬頸肉($54) : 豬頸肉外層焦香而且散發出陣陣醬油味，內裏肉嫩多汁。蒜香火炙三文魚丼 ($82) : 三文魚經過火炙後油香滿溢，入口豐腴肥美，同時帶來「外熟內生」嘅口感，魚油滲入丼飯之中真係難以抗拒。

今日約咗好耐無見嘅朋友聚下舊，傾到咁上下就同咗佢嚟呢間日式小店一路開餐一路繼續傾。餐廳裝修同擺設都相當有心思，而且餐牌上食物嘅價錢都十分大眾化。牛油果軟殼蟹卷 ($92/8件) : 軟殼蟹卷用上昆布作為外層令賣相更加悅目，再配上大量蟹籽及沙律醬等配料，非常大件嘅軟殼蟹油炸技術一流，酥脆而不油膩，真係睇得又食得。一夜干 ($98) : 一夜干算係居酒屋熱門美食，咁當然要叫黎試試，外皮燒至金黃微焦香味四溢，內裏肉質彈牙鮮味十足。滑蛋吉列豬扒丼 ($68) : 吉列豬扒非常鬆脆，而且厚薄適中，味道唔錯之餘份量亦相當多。😋

東鐵線可以過海😌我銅鑼灣返太和就快咗好多啦！附近太和中心好多嘢食，內街對面都有一間良心💛小店，之前試過外賣，即叫即製，所以要耐心等候。既然開返晚市堂食，就約埋街坊飯腳即興試吓佢嘅新卷物。之前都見到OpenRice介紹全港10大MIRROR打卡餐廳，強烈推介鏡粉點自肥甜品❤️可惜前夫反對，見到其他女仔食 Brownie朱古力🍫好羨慕，唯有下次再試啦！蟹籽沙津 ＄26開胃小食，夏天喜歡沙津，青瓜絲、沙津菜、爆汁的蟹籽，口感清新。醬燒豬頸肉(份） $54廚師推介！醬燒豬頸肉新鮮熱辣辣，香噴噴，份量多！調味唔錯，醬燒好惹味，如果飲埋啤酒仲正。牛油果軟殼蟹卷(8件） $92重點是下佢嘅新卷物，小店有好多款卷物選擇，我鍾意食軟殼蟹，炸得香脆又唔油膩，配搭沙律醬、蟹籽、牛油果🥑成件事好夾囉！蛋黃醬免治雞肉棒(2串） ＄38串燒方面我哋揀咗蛋黃醬免治雞肉棒，一份有2串，入口啖啖雞肉，肉質嫩滑，蛋黃醬食起更加惹味。另外燒白鱔、燒粟米留返下次再試。廚師發板壽司12貫 $138今晚的主角就係廚師發板壽司，充滿驚喜，廚師覺得今晚乜嘢最正就俾我哋，最緊要係好想食腐皮，特別 order師傅一定要俾我食！今次的廚師發

已經bookmark咗溏串小町好耐，終於有時間可以入嚟大埔試下🤣，見到成間鋪都好日本風🤗，無得去旅行，唯有嚟呢到當去咗😆。一嚟到 成個門口都已經好日系feel，入到去緊加感受到🇯🇵！入面都幾多人嚟食野，想食位最好book定位呀！居酒屋座位闊落，空間感足夠👍🏻。🔸🔸🔸🔹🔸🔸🔸1️⃣ 蒜蓉牛油燒赤海蝦壽司 $32多牛油先夠香🤭 濃濃牛油味🧈配燒蝦🦐係perfect match‼️2️⃣ 柚子胡椒燒帶子壽司 $34帶子夠厚夠肥，個柚子配帶子 好香❤️3️⃣ 黃金醬燒皇帝蟹棒 $24平時都係蟹柳條多，皇帝蟹棒夠大件😆👍🏻✨幾款壽司都燒得幾好，唔會太燶但夠香。4️⃣ 火焰芝士焦糖 三文魚卷 $88見卷物都比較出名，所以都嗌咗兩款嚟試試，的而且確係唔錯，份量又多😍，每舊卷物都有厚厚嘅3文魚，啖啖肉架🥰，再燒埋芝士好有口感🤭。5️⃣ 牛油果軟殼蟹卷 $92亦都勁鍾意呢個卷物，勁多蟹子之餘😋，個軟殼蟹炸得好好，一啲都唔油😋‼️✨推介呢2款卷物🍣6️⃣ 鰻魚手卷 $48呢款手卷嘅鰻魚都幾肥美🤤🤤 唔錯唔錯7️⃣ HERO -串燒併盤 $138估唔到串燒拼盤幾有驚喜，好明顯係即叫即整，上嚟嘅時候仲熱辣辣嘅，味道都啱啱好唔會太鹹亦都好香口👍

平時比較少去呢一頭食嘢咁啱同同事喺呢頭做嘢經過見到就揀咗呢一間餐廳去到嘅時候係三點幾竟然仲可以嗌午市套餐超開心叫咗一個牡丹蝦刺身定食一嚟到有啲喜出望外嘅感覺整體刺身都好新鮮而且牡丹蝦真係大大隻又新鮮除此之外仲有兩件三文魚，帆立貝，海膽，北x背，吞拿魚同埋八爪魚！套餐仲有埋沙律麵豉湯蒸蛋碗飯大大碗一個人食一定夠飽另外仲叫咗個清酒煮蜆都非常之出色湯嘅味道就偏甜帶有酒味另一個午市套餐就係豚肉壽喜燒定食套餐都係配咗蒸蛋麵豉湯沙律同埋飯壽喜燒鍋都相對地比較大個一個人食一定夠飽而且入邊嘅配料10分豐富豆腐南瓜冬菇粉絲旺菜豬肉正！仲叫咗一個溏串雙子雙色卷一碟有六件分別分咗三件帶子三件係燒嘅三文魚最後仲揀咗一個串燒嘅拼盤都幾抵食入邊有豬頸肉雞翼翠玉瓜冬菇蝦同埋菠蘿即叫即燒整體食物全部都好食而且價錢都好合理

呢排咁好天氣，梗係要做下運動啦，難得踩單車入到大埔，還完單車之後，就問吓住大埔嘅朋友有冇好嘅推介，佢就介紹我呢一間特色小店，我同朋友大約7:00去到，去到等咗一陣就有位啦，佢哋嘅裝修好精緻，喺門口就有得mirror 嘅精品可以打卡.佢哋仲用到自助落單，非常方便，落咗單一陣啲嘢食就已經開始到啦，效率非常之快鰻魚手卷，用嘅飯非常軟，鰻魚好大件，性價比十分之高牛油果軟殼蟹卷，呢一個份量非常之足料，牛油果同啲沙律汁真係好夾，呢一個真係抵食😜😜，原來佢哋仲用昆布包住㗎😂壓軸嘅甜品，鍾意Mirror嘅朋友一定會好鍾意😎😎，佢係一個布朗尼，仲有好濃郁嘅朱古力味，今次因為姜濤生日，所以主題就用咗姜濤😍，原來張相仲可以用自己嘅相，不過呢就要早啲通知餐廳啦

終於開返晚市，身為大埔人，梗係幫襯大埔小店啦！今晚一拖二去咗溏串小町～小朋友好開心～拎張飛先～～～好快店員就招呼我哋入去，環境唔錯，坐得幾舒服。店員很友善，見小朋友坐唔定，就拎咗小手工俾佢哋玩。我終於可以安靜咁等嘢食啦！🔸兒童定食餐🔸小朋友最想食兒童餐，都幾吸引！美中不足係杯橙汁係汽水唔係果汁🥲🔸脆燒雞皮🔸估唔到幾好食，脆卜卜又鹹鹹地！一碟有三串，亞女就要食兩條！🔸火焰芝士焦糖三文魚卷🔸一口一件，甜甜地，正！🔸蛋黃醬免治雞肉棒🔸鎖都唔錯，好味！上面個醬好Juicy！🔸日式燒飯團🔸呢款普通咗少少，但好大舊～夠飽！🔸玉子壽司🔸正常味道🔸皇帝蟹棒壽司🔸正常味道🔸吉列豬扒湯烏冬🔸呢個好食，兩個小朋友都爭住食！🔸自肥甜品🔸食到最後就係食甜品啦！真係好靚！我哋嗰日無得揀圖案，店員話係會隨機，咁都多樣驚喜

睇openrice見到呢度有mirror特色甜品，而我既鏡粉朋友生日，所以就悄悄地book左呢度食飯🤓我地book左6：00，因為未去到食飯時間，所以完全唔迫。個度裝修好日式feel，再加上佢地一路都係播緊日文歌，可以當自己去緊旅行✈ （已經好耐冇去旅行啦😭）好啦，到點餐。佢地係用手機落單，真係好，其實我幾鍾意手機落單，可以慢慢睇同落單，又唔怕煩到d侍應😁最後我地落左呢d野👇點完我地先發現全部都係澱粉質🤣一定飽到GG（甜品我靜悄悄之前已經order左👻）芝士鰻魚加州卷鰻魚係我飛彿，當然要點啦😜黎到見到就開心😝， 佢既鰻魚都好飽滿，亦都唔會乾，配埋d醬汁，滿足😋醬燒三文魚壽司由於我同我朋友都麻麻生野，但又想食三文魚（好矛盾呀😂），所以最後點左炙燒既。佢燒得啱啱好，唔會過燶，但又會食到炙燒個陣味👍牛油果軟殼蟹卷份量好大😂，裏面份量好足，牛油果同d沙律汁真係好夾🤤個軟殼蟹同其他料既份量均勻，所以唔會太“漏”，跟著朋友突然問我外面包住個塊係咩，之前食過都冇為意😅，細問之下😄原來係昆布片黎架😃又長智識啦。醬油湯烏冬呢個唔會太淡，都ok中和返頭先食既都係飯，而家食返d有汁既野😙日式咖喱吉列豬扒蛋包

Book咗檯同朋友黎呢間日式居酒屋chill吓🎏其實就係為咗自肥甜品而黎🤭環境佈置用心，有好多日本擺設，彷如置身日本嘅感覺🎎蟹籽沙律🥗蟹籽份量好多，撈埋沙律醬食好開胃清酒煮蜆🍥清酒味濃🍶，蜆湯帶甜味，蜆肉份量好多😋雙子雙色卷🍣帶子&三文魚有燒過，壽司上面仲有三文魚籽每件都好大件🤣串燒拼盤🍢串燒拼盤可以試多幾樣野食，特別中意香菇&翠肉瓜，有牛油香而且燒得啱啱好👍🏻自肥甜品🍫*需要提早預訂*餐廳最特別嘅係可以diy打印相片係威化紙上面我地order咗朋友最鍾意嘅偶像，比佢可以自肥一下😏😏餐廳仲好有心思，痴咗啲朱古力粒粒係字上面

聽講呢到有個必食打卡自肥甜品，今日同朋友特登為左個甜品而黎環境唔錯，日式居酒屋風格，播住啲日文歌，好似去左日本咁清酒煮蜆蜆無沙肉又大粒，湯好鮮甜溏串雙子雙色卷最上層分別係燒三文魚同帶子好新鮮無腥味，一粒粒魚子係口到爆汁，口感豐富店員好貼心，等我地食哂主菜先上甜品，見到個甜品真係差啲尖叫出黎，係我係mirror入面最鐘意果2個張相係威化紙黎，可以食側邊一粒粒啲Brownie外層硬身，但一咬入口就融化咗，唔會太苦，好食後尾見到原來佢勁有心機咁用啲珠珠砌個v字出黎，呢個甜品真係甜入心，好鐘意

下著微微粉雨的晚上，在太和尋找食物，在一個唔多顯眼既地方，發現一間平民日式餐廳，原本只求在寒雨中獲得一餐溫飽，怎知原來是驚喜美食。店內環境裝修整像日本，掛住日式燈籠，播著熱血嘅日劇主題曲，令人不自覺地跟著音樂地亨歌。食物是從手機barcode落單的，第一次來，隨時點一些，見壽司拼盤很抵吃，一百元左右有十二件，吃得出師傅用心製作的每一件都很適合我們的口味，讚！接著order左牛肉壽喜燒，好入味，勁足料，多牛肉多粉絲，刺激味蕾，叫多個白飯配食簡直一流最後，點多二串串燒，雞腎同雞比菇，都十分出色，醬油調得好好，燒到剛剛好個人感覺評分：食物味道 - 食物賣相 - 餐廳環境 - 店員服務 - 性價比 -