滇家菜 (已結業)

沙田雖然好多食店，但大部份都屬高上價位，要係新城市一帶搵食，認真為難了我這個收入微薄的小女子! 還好有個方便就腳的連城，加上下午茶時間相信總有一家合心水，結果就一鼓作氣衝上去~我同朋友都餓到反眼，好快就決定到滇家菜，之前試過晚飯，印象中唔差，我又嗜辣，加上有下午茶套餐，不二之選。大概下午茱時段都比較少人選擇口味重的雲南菜式，所以人都比較少。下午茶套餐有好多選擇，有客飯、炒粉麵，當然有少不得的雲南米線。我同朋友都非常肚餓，所以選了炒米線。因為我體內流著的都是花椒血，所以有得選擇我一定會選擇麻辣，不過我唔食牛，靚仔服務員好好人，結果麻辣牛肉炒米線幫我改了麻辣肉片炒米線米線炒得太濕，可以乾一些會較好。麻香味好夠，幾惹味，肉片醃得唔夠淡了一點 雖然係下午茶餐，但都好大碟，係我完全無食過早午餐嘅情況下亦食唔晒另外朋友點的黑辣雞球炒米線就非常淡，同我的有天壤之別...

去左沙田搵個fd,,順便食埋dinner,,經過連城,,周圍d 食肆都麻麻冇乜興趣,,個fd話呢間ge二人晚餐好好食,,咁就入去試下..個set有2碗氣鍋雞湯,,2碗白飯,,蒜蓉炒脆玉瓜(自選),,齋鮑片(前菜),,布衣雞(自選)-個湯都幾好飲,,d雞煲到好lum,,不過d骨都碎晒,,所以唔食骨ge話食起上黎都好煩..-齋鮑片凍食ge,,一般般,,都有麻油香..-最中2就係蒜蓉炒脆玉瓜,,好多蒜蓉,,所以好香,,好惹味..-布衣雞都幾辣,,d肉都好lum..今餐食到好飽..=]不過都有d貴,,每個人加埋一都要$100..不過都ok ge..

這裡的下午茶款式，可以揀的種類頗多，一份餐連飲品是26至30多元，價錢不算很平但也不算貴，見不用等位，可以一試。選了不辣的蕃茄蛋小鍋米線和菜肉雲吞小鍋紅薯粉配荔枝紅茶和凍檸茶原來有驚喜！蕃茄碎蛋是甜甜的，我最喜歡呢！菜肉雲吞有很重的香菇豬肉味，正呀！湯底有酸菜和腐竹，味道配搭得剛剛好呢！米線是不過不失，有幾條好像還未煮得透，感到硬了一點點。紅薯粉卻是另一驚喜，彈牙軟滑，比米線好啊！荔枝紅茶原來是不甜的，但有一顆荔枝浸於紅茶中，有淡淡的荔枝香，我喜歡呢，是有種較健康的感覺吧！

今天到新城市行街,見有d肚餓,所以去左連城ge美食坊睇下有咩好食!上到去見到有好幾間食肆,於是選擇了食米線ge滇家菜!入到去點了一個麻辣雞翼米線同埋凍荔枝茶!米線ge湯底都濃郁,而雞翼的味道也不錯!

大家如果去過沙田呢個mall, 都知道度度食野都好多人, 但呢間多人之中位置都唔會好迫, 而且d野食都唔錯...因為我並唔係第一次黎呢度食之前唔記得影低姐...今次就同左位朋友去再試過, 味道仍然都係咁好食點左糖醋骨(set連飯), 素菇什菜煲同黑松露涼伴豆角3樣野已經足夠2個人食(大食貓唔計)總括黎講都保持到手準, 而且晚餐黎講價錢又會理~推介

原本昨晚想去翡翠拉麵小籠包吃晚飯的,奈何太多人, 唯有轉戰這間半年前試過, 各方面還不錯的滇家菜,沒想到才半年, 食物質素和服務水平大大下降!難怪晚飯時候別的餐廳都人頭湧湧, 只有這間尚有大量空位!!我們一行三人, 點了一碗招牌米線, 一碟椒絲腐乳炒通菜, 和一個元子豆腐海鮮煲.點菜時侍應態度令人氣結, 我們看完了餐牌忘了食物全名,因此翻查餐牌指著菜名點菜, 侍應居然黑面道: "就咁講得架啦!!"我們點完菜後憤憤不平, 言談間論述該侍應的不是,女經理經過很明顯是聽到我們的抱怨,也不多加處理, 她經過該名侍應後,該名侍應回頭看著我們,態度也太差了吧? 員工差也罷, 經理也是這樣?沙田貴的便宜的食肆也太多了,競爭這麼大也不好好留住客人???食物質素也是差, 好好一碟通菜,炒得很生, 調味的蒜頭也切得很大粒,整碟菜都是生蒜味, 又不夠咸,浪費了我最愛的通菜.元子豆腐海鮮煲不過不失, 米線只有弟弟吃因此不知道味道如何.記得半年前男經理的服務態度很好, 還介紹晚餐精選,食物味道也很不錯, 微辣調得剛剛好.才半年, 反差也太大了吧?!開在連城廣場, 一整層也是食肆,我何必選擇一家服務態度差, 食物

選擇上連城食下午茶, 係貪佢冇咁'迫'人..呢間坐位係舒服嘅,又無咁'人迫人'咁,2;30pm剛好入咗,唔太多人..餐選中叫了款土雞米線+豆漿,小雞碎連骨四、五粒, 口感係'有啲鞋', 亦從感覺知道一早大煲'泡油'的做法,再加上一湯匙'鞋肉碎'就係我今日嘅下午茶也!!注'下午茶餐無加一收費'

話說今日,因為想去CITYSUPER買野,點知唔係尖沙咀就係沙田咁住荃灣,無計,最近沙田一到新城市,真係無啖好食........貴到嘔又多人排隊結果決定買完野先返去跟住望到火車站上面有個乜野美食坊但係一望上去,又封晒板又好多人行,想點我同女朋友決定走上去八下原來入到入面仲要上多一層,OK,照去一上到去見到呢間野本來想去對面間PIZZA,但係見佢又無位又要等......心諗.....唔理啦,有地方落腳就算啦一入到去,招呼唔錯,有人帶位入去,俾茶俾菜牌對於我黎講就合格晒OK,叫野食涼拌茄子 : 呢個OK,不過茄子食得出係炸完好耐,但係都唔錯,刺激食欲皮蛋魚片湯米線 :講真,平時食魚片都無乜味,呢個起碼有番D魚味,值得推介炒豆苗 : 呢個OK,無落味精,好似樣紅燒肉 : 好過癮,底下有個爐興住既,而且味遁唔錯,送飯一絕招牌炒飯 :第一眼望落去.........福建炒飯咁既?! 不過話分兩頭,又真係幾好食加茶收碟上菜都好快好勤力,仲會問下你D野齊未,去邊度搵?不過唯一要彈既就係火車站一望上去---裝修中又無箭咀又無指示牌唔係跟住人地行入去美食坊,真係唔知有個咁既地方更加唔知呢度有間唔錯

一直好想試呢間滇家菜, 但每次去到新城市都係夜晚, 因為夜晚就得番「叫餸食飯」,想食少少試下就唔得lu. 咁啱今日2點幾黎開, 第一時間去搵呢間! 一去到, 見到門口個餐版寫住「下午茶」, 都有幾多麵餐揀, 都係~$30! 二話不說都衝左入去啦!! 先講環境: 咁啱呢日店內無咩人, 環境十分清淨。四周牆上既裝飾都幾特別, 至於關唔關「滇家」事, 我都唔知lu~ 座位舒適, 檯呀, 地面呀都好乾淨。總之感覺好relax~再講服務: 一入去就有2個哥仔帶路 (應該係暑期工, 因為聽到一個似manager既女人教佢地餐廳生存之道XD) 阿哥仔雖然似係暑期工, 但都算幾有禮貌. 可是落錯左單...不過叫佢改單時手腳好快, 即刻去篤機改, 餐到時都唔係好覺黑面, 呵呵, 很好! 不得不提既係嗰位女manager, 佢行過時見到地下有啲牙簽套碎, 竟然會踎低執左佢 很好很好!!!!*註: 啲牙簽套碎唔係我特登架>.<到講食物啦!!! 我點左個豬軟骨小鍋米線+凍荔枝紅茶。非一般既下午茶餐份量豬軟骨小鍋米線 (小辣): 米線熱辣辣送到, 一黎到就聞到好香又帶點微辣既香味, 胃口已經大增

先飽餐一頓，儲備精力，準備血拼之旅．附近所有食肆也要輪候，時間關係，選了這裏，因為立即有位。為著寫食評，不好意思，三款也試齊。〔另見東薈城之旅 中場休息及東薈城之旅 甜蜜蜜 自會明白我整天食的際遇了〕滷肉小鍋紅薯粉 + 熱紅棗蜜個人認為滷肉太肥，湯也可以，不是太突出，薯粉份量十足，夠滑。紅棗蜜很甜，也夠紅棗味。鮮茄蛋肉碎小米+ 糯米香茶是本人之選擇，最差的一味，預期是帶酸的，耐何加入了太多糖，所有餸也變了甜品，甜蛋，甜番茄，很難吃，米粉雖然不是很突出但也算滑，最慘是我最愛的腐竹是變味的，終於要放棄，臨走時告知侍應，他竟然不發一言走開了，連道歉一聲也沒有，甚麼態度？糯米香茶有點苦，難怪會供應一包糖，但我還昰選擇清喝，茶隱約帶有一點糯米香。豆花肉碎小米 + 荔枝紅茶神奇地，前兩碗也不好味，這碗卻是超符想像的好味。豆腐花用生菜墊底，所以豆腐花不會下沉至碗底，很有心思。豆腐花雖然豆香不濃但非常滑，有點入口即溶，與肉碎兩種不同的質感，卻配合得天衣無縫。友人不愛腐竹，我也無胆嘗試，所以不知其味。荔枝紅茶其實是黑茶，有很突出的荔枝味，又是三杯中之冠。似乎今次的選配也是一絕。三碗米麵也份量十足，但

新春一個星期天的午飯時分，當新城市廣場十分旺場時，連城廣場相對上幾冷清。食肆那一層叫做好一些，其中以euro go go人氣最旺，如果不是見人多坐得擠迫，可能是食西餐而非滇菜了。去過雲南旅行，間中也食雲南米線，不過對雲南菜認識僅此而已。大鄉里未食過紅薯粉，原來外表似粗粉絲，質地則甚煙韌。不過感覺有點兒笠口，不及順滑的米線討好。湯底味道方面相當好味，食完又無喉乾頸渴，似乎它聲稱無落味精並非假話。套餐配特飲，選了糯米香茶及紅棗蜜。前者雖然味道幾淡，但是我愛濃郁的米香。或者可能我是飯桶。

係沙田, 想食d清清地的中菜黎左試下滇家菜叫左個4人餐前菜涼拌茄子: 好食~ 最愛茄子 前菜涼拌搾菜鴨腎: 少少辣, 幾好食, 很開胃燉雞湯 x4 : 好好飲~ 好清~ 唔油~叫左少少少少辣的水煮魚: 一流, 好多肉, 成碟我食哂甘滯~ d 骨炸到好脆~ 肉好嫩雜菇翠瓜: ok糖醋骨: 個汁好味雲南米線x3: 米線個湯底唔錯, 冇乜味精味~ 幾清, 米線好爽白飯x1至於環境就有少少窄~ 好多枱都係痴埋的~

在新城市食左幾年，都未試過呢間滇家菜，今晚就來試個二人餐﹗原來這兒吃的是雲南菜，見不少食物都有辣的成份，我地兩個當然就唔執輸啦﹗二人餐價錢$168，包兩個餸加前菜及湯飯等，價錢合理。湯是氣鍋雞湯，餐牌上講到明是沒有味精的，飲落湯頭清甜而濃郁，烏雞煲得肉也化了，證明煲得絕不馬虎，同工友不約而同都大讚好飲，如果大碗一點就更加好﹗前菜是涼拌茄子，茄子質凍而腍甜，蘸少少甜豉油同吃很不錯﹗小菜我地揀左辣子炒雞同埋鹹肉炒黃芽白。平時吃辣子雞一向都大大堆頭滿江紅，但絕大部份都係辣椒，雞丁則細粒如豆，似食辣椒多過食雞﹔這間滇家菜的看落雖然不多，不過雞丁夠大粒亦多肉，入口感到麻中帶辣，相當惹味過癮，漸漸喉頭發熨，連工友都食到流汗，真係可知一二﹗0的雞丁仲要好似食極都有咁，足料﹗鹹肉炒菜的鹹肉十分肥膩，最後都係食哂0的菜無食肉﹗整體來說味道不錯，工友在套餐已選擇定下一次要點的其他食物，即係話仲有下次啦﹗會再來的﹗

這已是第三次吃＜滇家菜＞了。食物OK咖！尤其是氣鍋雞湯，不錯！涼茄子，也不錯！秘醬炒娃娃菜，可以，最差是這個不知甚麼雞，很難吃。但我會回頭再吃的，那這間館子其實是不錯的，不過今次叫錯了。

昨天去滇家菜食lunch，order一個牛腩筋小鍋米線lunch set$36,味道方面幾好,牛腩筋煮得幾入味米線好有口感,價錢ok，環境方面有很多很有雲南風情的擺設，下次會再來試其他口味的米線