滬江飯店

营业中

休息中

Wu Kong Shanghai Restaurant serves traditional Chinese cuisine to the table. They are most famous for the Hairy Crab Cake with Steamed Rice. I’m not a fan of seafood but I had a bite however let us avoid the biased criticism on seafood haha.Must say the services were above satisfactory. Booked a table for 6 people turns out there’s 9 of us, we all got there and only wait for a few minutes and got a table even though it was during peak hours. The waitress made an exception for us and combined two

滬江這間上海菜的老字號，一直是爸爸的心水飯店，所以也選了在這𥚃吃中秋節晚飯，沒想到竟然中伏了。頭盤有舟山紅蜇頭，即海蜇頭，爽口但調味不夠，很淡味；素鵝炸得香脆，但部分餡料較少；油炆茭白很入味而不鹹，算是這晚較好的菜式。主菜有糖醋魚塊，魚塊除了醬汁的酸甜味便沒有其他味道；板栗冬菇花膠煲的花膠有點腥，內裡的筍很老；春卷和鍋貼正常；雲吞雞湯完全沒有雞味，只有黃牙白味；片皮鴨烤得太耐，韌得根本咬不到，結果吃剩了大半碟。這時我們想向部長反映一下，第一個部長說他們的鴨不會有問題就立刻轉身就走了；第二個部長則說每個師傅烤鴨的時間各有不同，控制火候亦有所不同，所以有時候會烤耐了，其實我們只希望他們正視一下食物質素的問題而已。一番狡辯後，部長主動提出送甜品，我們便點了高力豆沙，可是部長又說高力豆沙不是新鮮做，不同師傅炸又可能會炸過頭，叫我們改點其他甜品，結果炸得顏色較深，味道不過不失。沒想到光顧多年，最後竟會如此失望，希望飯店能正視問題並作出改善，不過我們已不會再去了。

下午茶時段放飯，黎咗尖沙咀呢間食，2點幾開始有下午茶套餐，一個飯或粉麵，配一個小食，58蚊，冇加一冇茶芥，好抵! 職員仲要好貼心問我有冇印花卡，原來食一次呢個set,就蓋一個印仔，集齊5個就有一個免費set食，呢個gimmick都唔錯吖。我試咗雪菜肉絲炒年糕，配葱油餅，主角年糕太鹹，但很軟滑，雪菜同肉絲都唔多，但年糕份量好足夠。另外葱油餅係正宗上海版，香港已經好少地方食到，很脆口，葱份量剛好，仲想食多隻添。tea時段冇乜人，夠靜!

在香港上館子吃椒剁，無論酒樓或是道地小廚，一般都是用魚頭，用魚標卻是少見，所以來這兒吃到是少不了這菜色。每只小魚標都帶著滿滿的脂肪，軟滑綿綿，一入口就快要溶化了！椒剁醃製過但辣味卻是輕輕的，足夠刺激味蕾卻不過火，吃著吃著，有點醉了的感覺呢！除了白飯，也要了雪菜開洋粉皮。皮軟滑彈牙，雖然要求了少雪菜，但因為裡面加入小蝦來做配料，本身已經夠味，再點些少魚標的醬汁，就更香口了！再來一個醃篤鮮，還有甜品⋯⋯

我朋友係上诲人，今日她請客，介绍我地去滬江食，点左數款佢覺得好味小菜，連佢都讚好味，我地實知冇介绍錯。火腿夾必食北京鴨片皮要預訂㗎，無得即場叫。小籠包醉豬手(冷盆)炸臭豆腐丹山紅蜇頭(冷盆)

提前跟老豆慶祝父親節，我們一家以前住紅磡，七、八十年代紅磡區好多上海館子，可能因為咁培養到明明唔係上海人，但都好鬼鍾意食上海菜囉呢間店，幫襯好多年，但只限於喜慶日子才去，因為價錢有點貴，這夜我們5個人，埋單千六，沒有鮑蔘翅肚，但味道絕對高分，尤其是個填鴨，皮脆肉嫩，十分juicy，加埋個薄到透明嘅粉皮，我真係連續我食咗三件還有個酒釀丸子，不得了，非常好味，如果糖水鋪有得食就好lu其他呢？個餐寫芙蓉蒸膏蟹，以為是一隻蟹，原來是蛋白蒸蟹膏，有誤導成分，而且味道好一般，因為10分滿分的話，我覺得有6分腥至於碟刴椒蒸魚旗腩，好多魚油，條魚過肥，食一嚿已好滯清炒蝦仁都好一般，唔會再叫，最嚴重係砂窩雲呑雞，雲呑爛溶溶，但其實好可能係我哋盛湯時整爛，但真係唔出色囉！除此之外，頭盤個拍青瓜好味，本身唔鍾意嗰朕草青味都覺好味，頭盤醉乳鴿太暖，唔係嗰回事，雖然好像彈多於讚，但我覺得呢度真心好味，不過我們這夜貪平叫套餐，食了一些本來不是我們口味的菜而已，值得一提的是服務態度，絕對的好，重點是雖然全店爆座，但還是可以隨時找到肯仆埋嚟應機的伙計，難得

滿懷希望可以重溫一下豆腐餃子嘅滋味， 豆腐嘅軟滑，蔬菜嘅清新，呢個組合令我幾年前留下深刻 印象，特色難忙。 滬江俾我嘅印象，食物有一定嘅水平，始終係老字號 但今次再試無論食物嘅質素同埋服務嘅水平都喺一般一般，市面現有好多京滬菜嘅選擇，如果無一味signature，我估計呢間老舖無咩存活空間。 喺尖沙咀區，呢果價錢可以一試。 但最基本嘅小籠包， 芝麻大餅， 擔擔麵 都令人好失望。反而小菜味道還可以，但水平唔會令人想番單。

生日慶祝想揀間傳統上海菜，最後選擇成日經過都唔多留意到嘅「滬江飯店」。朋友負責訂枱共8人，但電話訂座過程完全無提示過要預留任何菜式，就這樣到慶祝當晚啦！準時到達飯店，第一個印象係嘈、嘈、嘈，真係要連講三次「嘈」，之後就覺得好迫呀，飯店set枱相當進取，用盡所有空間，所以形容飯店環境只用「嘈+迫」二字就夠！服務方面就真係強差人意，大概係舊式作風或服務員太忙，佢哋根本無多餘時間應接食客所需，而且我覺得普通服務生比貌似部長或經理們更會招待食客！等了又等終於有人招呼點菜，第一道想叫北京填鴨，服務員反應：「呵、呵、呵，你哋想食？無訂就想食？邊有得你食！」要預早訂無問題，問題係訂枱時從來無人提過！再叫另一必食「炒鱔糊」，又話賣哂！！！看看手錶，現在時間只係晚上七時三十分！！食過多間岀名老牌上海京菜餐廳飯店，係完全唔會發生！最後點了——小籠包x2、蒸肉餃、素餃 (每籠各4隻)：三款我只食了小籠包，皮不夠薄、餡不夠汁，失望！蔥油雞(半隻)：同想像中有啲岀入，原來係炸子雞，味道尚算不差。紅蔥頭蝦膠釀豆腐煲：算是不錯，蝦膠彈牙再釀豆腐，好食！賽螃蟹：無咩驚喜，朋友話幾好，但我嫌唔夠滑，一般！火腿玉樹：總覺

最初幫襯嘅時候佢未裝修，雖然都有不少識食嘅遊客慕名而來，但係點都唔及依家咁旺場。黎食嘅客入面，遊客佔咗一半。基本上臨近weekend嘅晚市都要預早book位，大時大節更加唔駛趕。客多嘅唔好處係佢會催你埋單、限時限刻要交枱。餐廳本身樓底唔高，人一多難免會嘈。食物質素就有保證嘅，響鈴火腿夾一直都係我嘅至愛❤️ 火腿嘅咸香加響鈴嘅脆配上甜甜嘅蜜汁令人回味。今次仲叫咗黑松露炒帶子，香得黎幾入味。小籠包不過不失，味道一般。

新年和朋友敘舊，打算揀尖沙咀地鐵站附近的餐廳，方便大家放工容易來到。既然算是半個開年飯，所以我都揀間中菜黎食下應吓節。依間飯店距離地鐵出口好近，過條馬路落地庫就到。不過間餐廳地面門口很細，如果第一次去不容易見到。我哋訂了位六點半，入到去都不算多人，大概一半已入座。其實餐牌裏面很多菜也想吃，不過人數有限，最後只點了四個餸加一個甜品。魚香蝦球，很少吃這個煮法的蝦球，蝦彈牙沒有雪味，亦不大鹹。栗子冬菇花膠煲，估唔到啲花膠咁大塊，冬菇亦很厚，味道調配得很好。火腿玉樹，普普通通。蔥油雞半隻，皮脆肉嫩，好吃。高力豆沙，我最愛吃的中菜甜品，不算太甜，上枱還是熱的，朋友也喜歡。成餐飯大家都好滿意，味道不錯而且地點就腳，係同朋友聚會不錯選擇。

餐廳主打上海菜，和家人嘗試了小籠包，上海粗炒，醉雞，蘿蔔絲酥餅，炒四季豆，炒鱔糊。小籠包: 正常，有湯上海粗炒: 不夠熱，太油膩醉雞: 酒味不夠，雞肉不夠滑蘿蔔絲酥餅: 不好食，酥皮不漂亮，餅內陷太乾炒四季豆: 正常，但味道偏鹹炒鱔糊: 不夠熱，分量一般，味道一般餐廳名氣大，味道一般，食物一般不夠熱，毫無特別，完全不值得一試。員工態度惡劣，服務超差，1.5 小時吃飯，但會催你走，未食完野會不斷來收拾檯面，很滋擾，付款慢一點都"渺"你和"吱"你。

因為朋友生日諗住去啲老字號既食飯，應該無死錯人啦，點知中晒伏！蟹粉小籠包無蟹味蟹粉荳苗無蟹味蟹粉煲仔飯無蟹味大閘蟹炒年糕無蟹味無肉食其他還可以，咸咗小小叫個經理嚟同佢講下啲蟹真係唔得，佢就話啲蟹係邊到邊到嚟既，同埋水尾係咁！喂大佬呀！樣樣都好小份量都要成百幾二百碟都算最緊要係對我地啲蟹粉控嚟講，你簡直呃緊我囉，跟住話送湯圓比我地食，然後話free埋切餅費，唉！諗住算數點知一埋單，見到張單真係嚇死人，一碟無蟹味荳苗$400？怪在我地無睇價錢叫餸，諗住食好啲，但無蟹味仲要細碟既豆苗真係接受唔到呢個價錢，再睇之前話free既切餅費都仲有收，跟住同個收錢既人講，佢話佢唔知，就咁企係到，我地同佢講麻煩你叫個經理嚟！態度勁差！之後再同佢講呢碟豆苗我真係接受唔到，佢話收半價，講真$200真係比多佢，不過算，最多無下次，大家小心中伏！講句公道話，普通餸菜味道還可以，但唔洗係到食囉😪

從單位歲數已經為上海菜同片皮鴨著迷, 當其他小朋友生日要食壽司, 我生日就一定申請食老正興或美利堅😁..後來為左就腳, 媽咪就開始帶我到呢間飯店；黎呢間飯店從來唔會諗住walk-in,因為咁多年都係要排隊等位..😅就算係平日夜晚都係；最愛這裡既小龍包皮薄多湯👍🏻, 另外就係佢地個松子魚, 雖然個汁既做法演變左但依然魚皮夠脆肉夠滑松子依然多, 這條松子魚已經十分難得😝；雲吞雞個湯底依然是令我回味無窮, 雖然手工未必同那些年一樣但味道依然👍🏻👍🏻👍🏻; 以今時今日其他上海菜館既價錢, 佢既勝價比真係絕對地高!

星期日中午專程到這裡試他們的大閘蟹套餐，套餐價錢比起另一家酒樓套餐貴了約一百元，而且只有一隻大閘蟹，但其他的蟹粉小菜，例如蟹粉趐，蟹粉糯米飯，蟹粉小籠包，超多蟹粉，味道很好，薑茶湯丸很濃，570元價位絕對物有所值，下次會再來試

其實滬江我地食過好多次，都算係半飯堂，但今次食好明顯係差左，咁蟹粉季節梗係先整籠蟹粉小籠包，坦白說，蟹粉佢冇果種甘香味，而且佢仲唔熱普通小籠包我地都有叫，仲好食D,蛋白炒飯係正既，炒瓜都好食，其餘都ol,除左豆腐釀蝦膠，第一次冇味，係完全冇味，佢再換比我地就ok,好食既，拔絲香蕉，條蕉生到呢，高力豆沙個賣相差，但好食既