滾喜火鍋專門店 (已結業)

呢間係做火鍋店嘅食肆, 下午嘅時候會有一啲碟頭嘅午餐供應, 價錢好抵食㗎, 而且服務唔錯。空間幾寬敞, 坐得幾舒服。今次係第二次嚟食。叫咗兩個客飯, 我們兩大一小, 食用份量剛好。仲有例湯送。粟米魚塊 - 我唔識分係咩魚, 應該唔係石斑或者貴價嘅雪藏魚, 但係都好好味。 炸魚塊落咗粟米汁. 依然脆香、肉滑, 而粟米汁亦都好好味。椒鹽豬扒 - 調味恰到好處, 但略嫌豬扒嘅肉質韌咗少少。飲品: 凍咖啡(不用加錢, 好飲, ok嘅)及 楊協成罐裝清涼爽。呢度算係旺角女人街嘅一個個好選擇。

天氣涼涼地，決定4人去食雞煲我地太約7:30到，店裡面得三四枱客，但大家覺得可能其他人未有咁早收工，所以照食唔怕伏。因為掛住開餐唔記得影低芝士雞煲同麻辣雞煲既容貌。麻辣雞煲有得揀bb、大中小辣，我地唔食得辣就揀左bb辣，辣度係岩晒我地，但味道略淡。芝士雞煲值得推薦，芝士同洋蔥份量都足夠。趁未打得邊爐，就叫個蛋黃炸魚皮試試先！點解會係橙色架！而且魚皮已經「林」晒，小小蛋黃味都冇，唔知自己食緊咩！到真正打邊爐啦：如果轉湯底要加$28（有皮蛋湯，沙嗲湯同蕃茄湯），免費既只有佢既豬骨湯，健康到同清水冇乜分別，只係叫做白白地既清水（本人食吉野家都要叫清湯，唔中意太濃）食完雞煲成個煲都係油，如果換煲要收$20，建議大家倒走小小油先加湯。上圖就係加完湯係麻辣係到，大家可以聯想到到底有幾淡。打邊爐首選當然係肥牛同羊肉，牛冇牛味羊冇羊味，唔知自己食左咩丸類就正常味道，周街都一樣既。最誇張係豬皮，成塊都係毛完全唔乾淨，食一啖同食毛冇分別，唔知點解會擺得上枱比客人食。海鮮類有魚片同蝦，但食完其他野覺得唔新鮮，所以冇叫蝦，至於魚片就不過不失啦。唯一好食既就係菜囉，娃娃菜同王帝菜都可以既，蓮藕同粟米都異常難食😰

睇YouTube OpenRice幾正，所以黎試一試😃叫左個芝士雞煲，再食埋麻辣雞煲。D雞肉都幾嫩，唔錯，但個味道冇甘濃烈。食到甘上下加湯打邊爐。開頭食雞煲都真係唔錯但係加咗湯之後。。。就。。好似清水打邊爐甘。配料普通，啲蝦唔新鮮😰同蘿蔔唔太甜，芝士腸同平時嗰啲唔同，怪怪地。但係我覺得某啲食物係幾好味嘅，例如黃金炸魚皮，香脆，有咸蛋香味。如果有濃郁湯底會更好。有竹蔗茅根，好清甜，可以清熱氣。😰不過成個湯底嘅味好淡。😃職員服務態度好好。

This hotpot restaurant is very cheap, only cost $208 each for a medium level beef. It really worths a try. The food here is very fresh. The fried fish skin is very very good. The table is very clean too. I love the cheese chicken pot here, very delicious.

最近下雨下個不停，濕氣重令人感覺總是好累😔呢個時候最好食反d辣野袪濕🌶坐低之後，侍應姐姐介紹反任食雞煲可以揀三重芝士雞煲or麻辣雞煲(四種辣度供選擇)，我就揀左後者，畢竟我係為食辣而來至於價錢分左3個($178 $198 $268)，主要係任食牛既級數隨所揀價錢供應，愈貴梗係俾愈靚既牛啦，我就揀左$268，可以特別任食雪花安格斯牛+美國桶蠔。至於飲品就有個涷櫃供應汽水/竹庶茅根之類，自己出去拎。雞煲好快就上桌煲滾，侍應姐姐會幫手計時⌛️食得就會同我講。一開蓋勁香，滿滿都係雞，雞肉嫩滑入味。食到甘上下就加湯，廚房出餸十分有效率，唔使一陣張枱就擺滿食物。也許因爲係自家製，鮮蝦水餃同鮮蝦雲吞🥟都幾好食有驚喜，而且仲有我超愛吃的台灣那種蒜蓉腸黑椒腸，其他丸類係正常味道。雪花安格斯牛油脂分佈均勻，入口柔軟；脆鯇片啱哂怕啃到魚骨既人右邊兩塊係西班牙黑豚肉，其餘都係蒙古羊肉卷和午餐肉，這家提供既肉質素都不錯👍🏻食落都係軟嫩嫩～鵝腸特別好食，Q彈Q彈的，水魷牛柏葉海蝦都ok。美國桶蠔真係好抵食熟左之後仍然係大大隻，唔會縮水，蠔味濃勁滿足。估唔到會有蜂巢豆腐揀，食物種類算係幾多樣化。食到後尾已經好飽，但都

早前我澳門姊妹喺網上面睇到一條片覺得呢間鋪頭嘅芝士雞煲好好食所以佢嚟香港嘅時候我預早book左位帶咗佢嚟呢度食飯，完咗去嘅美夢---我哋有四個人，服務員幾好服務，見我哋冇食過，走過黎為我地介紹左兩款雞煲。我哋決定兩款都試晒我都係推介呢一個邪惡嘅芝士雞煲第一次食感覺佢嘅芝士唔會太濃亦唔會太淡，配搭雞真係幾好食但係不過真係要快啲食完，因為燒到後面真係會出油試埋個麻辣雞煲，味道唔錯，但係我都係鍾意食芝士雞煲四個人食左兩個雞煲後，其實真係已經有啲飽，再食返個肥牛打邊爐，真係食唔到幾多餸所以我都係建議大家都係點一次雞煲就好啦，可以再食多啲佢嘅牛肉，都唔錯

芝士雞煲味道不錯，麻辣就一般般，坊間比佢好食嘅大有人在。火鍋料質素都好一般，似酒樓質素。而飲品選擇真係好少，得汽水同啲大陸飲品，比其他火鍋店少。員工質素都好參差，有好好笑容嘅，亦有黑口黑面夠鐘就趕你走嘅，而且啲員工更加會不斷’催促’你快啲加湯打邊爐，唔好再加雞煲，既然寫得畀人任加雞煲，又要成個方丈咁唔想畀人加，咁不如一開始就唔好寫係任食雞煲喇。所以，整體而言，真係好一般，唔會再回頭。不過，都希望可以改進下。

6點幾黎到都係得3枱客？應該都麻麻地，見有youtuber介紹就即管試下。一黎有人介紹話可以食曬兩隻雞煲，見網上影片嘅牛都不錯就好期待。覺得啲侍應都幾有禮貌幾好笑容嘅。食完畀分！三個人黎食都覺得好難食，兩個雞煲都唔好食，芝士雞煲食落好漏，個麻辣雞煲啲雞好鞋冇辣味又冇乜味，個火鍋好一般。雞煲火鍋都做得差 只會黎食一次。仲要198加一又星期日黎埋單都2百幾一位 咁旺角有更好又更抵嘅選擇。唯一一樣覺得好食就係咸蛋魚皮！本身唔太喜歡呢樣野食，食落又覺得幾好食，食左好幾舊。仲暖暖地都幾好！當然各人口味唔同，網上都有人話好好食又抵食先黎試，點知就中咗伏。

雞煲加火鍋，而且任食時間有2個半鐘，足夠我們輕輕鬆鬆慢慢品嚐。店內環境明亮舒服，枱與枱之間闊落，而且冷氣充足是食火鍋良伴。無論任食美國肥牛或任食安格斯牛肩胛或任食高級安格斯牛小排，三重芝士雞煲及麻辣雞煲 + 60多款火鍋配料 + 多款飲品都是任飲任食。可以試完芝士雞煲，再試麻辣雞煲。麻辣雞煲，雞煲有大中小BB辣，我們叫了小辣。雞煲一開蓋就聞到好香的麻辣味，香氣四溢，雞肉好嫩好滑，而且每件雞都被濃郁的麻辣汁包圍，正，我們好快就將雞煲清晒，由於同行唔食芝士，所以就無試芝士雞煲，下次要搵個芝士控一齊食先得。我們吃了雞煲後，由於想試多些口味，所以加了$38換了一個麻辣拼香茜皮蛋鴛鴦鍋。香茜皮蛋鍋好濃郁好足料，有起碼一隻皮蛋在鍋內，麻辣鍋香濃。火鍋配料我們款款也叫一些，安格斯牛肩胛肉味濃厚度切得剛好，鵝腸、水魷、牛柏葉爽脆配麻辣湯一流，白鱔片、脆鯇、海蝦新鮮，黑豚肉、羊肉、牛舌肉味香濃。還有不能錯過的自家制咸蛋炸魚皮，上枱仍是熱的，食落香脆不油膩，浸落湯咸蛋少許溶化食落又另一番風味。

中午時份到旺角搵食, 經過通菜街被佢門口大大個餐牌吸引，，皆因 set lunch只需 $40-42蚊，仲送例湯同凍飲，最重要係唔洗等位，2個人都比4人卡位我地坐，唔洗比人搭檯，喺午市真係難得。由於餐廳夜市係做打邊爐，所以位置比較寬敞，一黎到唔比諗就直接上左個例湯先，味道還可以接受, 唔算好重味精味同友人分別點了 豆豉鯪炒油麥菜 和 椒鹽豬扒豆豉鯪炒油麥菜簡單易整好食, 基本上好難整得難食, 不過D餸唔夠熱影響口感相反椒鹽豬扒唔錯, 唔會太乾身凍飲唔洗加錢仲有自製甘蔗水(不試過)以午市40蚊左右嚟講，算唔錯既選擇 

有至愛的芝士雞煲，又有麻辣雞煲，無限添食，啖啖肉至愛嚮令和咸旦魚片，任飲任食，呢度已成了朋友聚餐的首選位於旺角平心地帶，就在女人街上，交通非常方便服務員一流又細心，而家出面好多餐廳的服務員會比面色人睇美中不足，唔知點解個廁所超細，肥啲都入唔到

女人街快將解封通車，同事們說放工過去睇下行下，感受最後的熱鬧，我們去到都已經有好多人，有表演者、有觀眾、有路過行人。天氣悶熱，睇過熱鬧都不想再逗留，大家都肚餓，便往前找食店，經過通菜街鴻光大廈，見到一間火鍋店，名叫滾喜，店內坐滿食客，望到門口餐牌原來是食雞煲加任飲任食火鍋。正在合我們囗味，二話不說立刻登記入座。任飲任食（啤酒除外），本人特別喜歡店家自制的竹蔗茅根水，冰凍解喝，清熱解暑！三重芝士雞煲：首先食雞煲，有麻辣或芝士味選擇，我們選擇芝士雞煲，上枱時雞已經煑好，加上紫洋蔥和芝士，再爆炒一下，加熱待芝士溶解後就食得，雞肉嫩滑入味，配惹味的芝士，甚美味，而且任食啊！之後加湯食火鍋！火鍋配料款式不少而且好新鮮：西班牙黑豚肉，一睇就知是上等貨，油脂分佈均勻，肉質鮮嫩。脆鯇片和白鱔片爽口有鮮味！鵝腸洗得乾淨，口感爽口。海蝦鮮味彈牙。水魷、豬肝也好爽。黑椒腸、香菇貢丸、魚片頭、皇帝菜⋯⋯，還有很多美味的配料，但我們已經飽了，一次真的食不了那麼多，留待下次再來食過。自家制的鮮蝦雲吞和鮮蝦水餃：自家包製，非常足料，無論雲吞或水餃都有完隻鮮蝦在內，豬肉為料鮮味皮滑，十分美味！

香港好少地方有得食芝士雞煲，我呢個芝士怪一聽到呢度有就即刻嚟！呢度既火鍋系自助形式，有平有貴，豐儉由人。小食中咸蛋魚皮最特別！咸蛋味好濃，魚皮薄啲脆啲就更好！先嚟一個芝士雞煲，由芝士碎變得熱熔芝士既過程，我地都會睇到！見住芝士慢慢變到拉哂絲，心裏面好興奮！食落果然芝味濃郁，唔會只得奶香，而且雞件好嫩滑彈牙，超正！我地要左$198既頂級安格斯餐，牛肉質素都唔錯，嫩滑帶少少咬口，而且有鮮味！除左牛仲有羊同豬。前者羊so味頗重，後者食落爽口，都唔錯。海鮮類選擇較少，但蝦都幾鮮甜。丸類方面選擇唔算多，但勝力質素平均。我最鍾意鳳城水餃，絲絲爽脆木耳同彈牙既蝦，食完一粒仲想食！芝士丸超流心，仲拉到絲！蔬菜方面選擇都多，蜂巢豆腐都有。二百左右食得咁多野，質素仲唔錯，滿意了！

旺角女人街2旁其實隱藏左不小特色食店，只要花小小時間就會搵到驚喜。今次就去左食雞煲打邊爐，位於地鋪但價錢比起MM Club 牛X，米走X，合理得多。明碼實價，仲要可以食足2個半鐘，邊到搵呢?因為同行唔食得辣，所以點左芝士雞煲，份量十足(圖為2人份量)。一上枱就有店員幫手計時，完全唔駛驚會唔識整。8分鐘後見到芝士完全溶掉，店員一翻炒，所有雞件已經沾滿芝士仲可以拉埋絲雞件明顯係全雞斬出黎，並不是只有雞脾位那種，咁嘅有骨位先係比較惹味好快就清左個雞煲開始打邊爐，湯底其實可以加少少錢用d指定湯底，但因為唔想浪費本身雞煲內嘅香甜洋蔥，所以最後揀左直接加豬骨湯。見到食物紙有自製咸蛋魚皮，當然要試!出奇地薄脆，咸蛋味有，但唔係一般起沙果種，所以不停食都唔覺膩，唔錯因為雪花牛一向唔係我地杯茶，所以揀左$198安格斯牛。特別嘅係食物紙上肉類係用件數為單位，即係唔係預先切定pack好有order就一盒盒咁上枱，感覺比較好同環保肉的厚度明顯比其他連鎖店厚，感覺自己係食緊肉，而唔係食緊淡如無味嘅薄紙。海鮮類雖然不多選擇，但勝在質素高，色澤好蔬菜揀左皇帝菜，第一次出街食會見到cut走咁多菜頭，留返正常size

今晚約左朋友食下雞煲，有兩款可以選擇，芝士同埋麻辣。最近好似食芝士食得太膩，決定食下麻辣享受一下辣味快感。我同朋友都係麻辣愛好者，不約而同都決定試下中辣有幾辣，首先必定要做既係，自制醬料，不用另外收費。點菜後不消幾分鐘雞煲上菜，大概計時一分鐘就可以享用，香噴噴的麻香味，正呀喂！配有大量的洋蔥莞茜，雞件都好入味。我地揀左任食$268 雪花安格斯加美國桶蠔雪花肥牛、安格斯都係任食，美國桶蠔好巨型，食兩隻已經飽左。仲有大量火鍋配料供應，我地都食唔到咁多，每樣叫一至兩件試下咁，自家制雲吞都不錯，蔬菜都好新鮮，洗得乾淨。咸蛋魚皮都好香脆可口飲品有不同選擇，有汽水等等，我地想清熱一下，飲竹蔗茅根，味道都不錯，不會過甜。總捨來說，服務都不錯，座位亦坐得舒服，下次可以試下芝士雞煲😄