滾喜火鍋專門店 (已結業)

今日同兩個朋友食新年飯，一個住鰂魚涌，一個住荃灣， 我哋揀咗中心點旺角去食晚飯朋友話呢一間雞煲好食， 係女人街， 咁我哋就嚟試下佢呢度係任食兩個半小時， 188蚊一位就食普通嘅肥牛， 我哋就揀咗208蚊一位食安格斯肥牛， 嘢飲都係任飲嘅但係唔包啤酒， 我哋就另外叫咗一支藍妹三十蚊一開始會先畀你食 一個雞煲， 可以揀芝士或者麻辣， 我哋就特別啲揀咗芝士口味重要係三重芝士個雞煲係幾好食嘅啲雞好嫩滑， 但係三個人食一個芝士雞煲實在太漏啦食完個雞煲已經冇乜胃口再食其他嘢我哋叫咗安格斯肥牛，牛舌， 鵝腸， 響鈴， 鹹蛋魚皮， 白鱔， 水餃，雲吞 仲有好多其他嘢打邊爐嘅嘢食就不過不失， 佢任飲嘅飲品都有好多選擇， 我最鍾意就係佢嘅竹蔗茅根水， 埋單平均二百四十蚊一個人， 唔算好平， 但唔算貴 ，至少食到你好飽

依間任食雞煲係少數可以加雞既舖頭，啱晒鍾意食雞既我，唔會好似喺其他餐廳咁唔夠喉。今次我就升級咗任食安格斯，208一位再加一。今次既麻辣雞煲就叫咗bb辣，平時我食譚仔都係食十小辣😹。依個bb辣個辣度對我就啱啱好，佢係麻得黎又唔係好辣咁，好正！加上佢有味得黎又唔會好咸，啱啱好，食完都唔會好口渴。而啲雞呢，全部都好滑，唔會嚡！啲豬膶值得一讚，好新鮮。有好少見既咸蛋炸魚皮！啲安格斯牛肉都好ok! 同埋有好少見既牛脷啊，啱晒我依個牛脷控😍總結，值回票價，值得再去！

⚠️芝士控注意⚠️三重芝士雞煲，先吃雞、再火鍋，午餐肉無限任食，用餐時間2.5小時，滿意度爆燈！黃金咸蛋炸魚皮，這是我第一次在火鍋店看到，惹味十足！如果肚容量充足，絕對可以encore幾回合！火鍋時段，店員加入清湯後，芝士的餘香一直廻轉，雖然是三重芝士，但是並沒有膩的感覺，不錯吃的價錢方面，CP值也非常高，$188加一，食材選擇豐富，雞煲用料充足，值得一讚！下回要來試一下麻辣雞煲。。。#滾喜火鍋專門店 #滾喜嘅鹹蛋炸魚皮熱辣辣真係好好食🤤🤤🤤 #火鍋精又出動

當我好想食雞煲 又知我唔食辣朋友就推介芝士雞煲帶埋我黎滾喜食! 有三重芝士 仲要係勁足料唔駛5分鐘 超香又金黃既芝士 包住滑滑既雞啖啖肉 好滋味 份量夠哂多 唔夠再加都得!其實真係抵 188蚊 任食食哂芝士雞 加湯打邊爐 我即刻點店員推介 既咸蛋魚皮 超咸香 脆卜卜 吸埋湯既味 不得了..跟住點埋 其他料 因為想食靚牛 所以加多20蚊食安格斯 haha.. 配料選擇都唔算少野飲都多選擇 有茶類我就okay 唔知點解我覺得呢間 d 蒜幾香安格斯牛 超薄 唔肥 有牛味 食完成碟都唔膩 可以再encore 提提你滾6秒就食得!澳洲牛舌 好有咬口 羊唔so 好有味 水餃有木耳 足料 仲有我鍾意既台灣腸食左2 round 就飽哂整體係中上 店員服務都好好值得再黎!

天氣凍想與家人打邊爐，所以相約了家人來了滾喜打邊爐。我們平日7點半來到，幸好還有卡位。我們點了秘制麻辣雞煲，辣度方面點了少辣。先開爐2分鐘，待雞件哄熱及爆香，就可以吃。雞件肉質鮮嫩，而且辣度剛剛好，而且麻味很出，十分香口。雞件還可以免費添加，我們添了一次，十分滋味。基本上吃完雞煲已經7成飽😂吃完雞煲就可以開始打邊爐。我們點了咸蛋炸魚皮，炸魚皮的咸蛋味香濃。又點了炸響鈴，十分大件。海鮮方面我們點了海蝦及脆鯇片。海蝦和脆鯇片十分新鮮，而且海蝦很彈牙，十分喜歡我們又點了安格斯牛肉。安格斯賣相十分吸引，牛肉脂肪比很好。滾10秒就可以吃，入口即溶，十分滋味。我們又點了美國肥牛和牛舌。美國肥牛相對安格斯牛肉較有咬口，因為比安格斯牛肉厚少少，我個人較喜歡安格斯牛肉。牛舌十分爽口，忍不住再encore了。我們又點了生菜和娃娃菜。菜吸收了湯底的味道，十分滋味。鮮蝦雲吞我也很喜歡，中間蝦肉彈牙，而且皮薄，我吃了3粒呢😆今天真的很滿足，低食之餘，雞煲和安格斯牛肉質素很高，下次一定會再來吃😀

今日出到旺角，試下呢間任食雞煲加打邊爐，要左208的set。首先食左雞煲先，有麻辣雞煲同芝士雞煲。我地揀左麻辣雞煲小辣。雞煲一食落去香味十足，雞好有麻辣味，辣度適中👍而且食唔夠仲可以免費加雞。食完雞就加湯打邊爐，有好多種不同食物，最重要當然是牛。呢個安格斯牛望落去都好吸引呀，食落去口感好好，好香牛味，食過翻尋味。另外個黃金炸魚皮好脆，好香咸蛋味，好特別。其他火鍋碗料仲包括白膳片，水餃等等。總括而言，208+1有咁多野食又好食真係十分抵。

🇭🇰#香港捐窿捐罅記 instagram: foodkiller_dk任食雞煲🤤 我地平時食雞煲 都要係芝士同麻辣之間揀一個😂 今日介紹既果間就可以一次過滿足晒大家既願望☺️ 可以食晒兩種味道 仲可以任加雞塊🤤 而且有少有既自家製炸響鈴🙂 同近排好hit既咸蛋炸魚皮😂都係自家製🤤 不過佢價錢亦比普通既雞煲高少少 所以睇下佢其實值唔值😂😏😏😏-雞煲+任食安格斯 （$208）🐥秘制麻辣雞煲🐥中辣個辣幾正 又夠麻又夠辣 而且幾入味 雞塊都煮得啱啱好 既肉質嫩滑 🤤 又惹味👍🐤三重芝士雞煲🐤三重唔同芝士溶左 同雞肉係絕配🤤 但問題係芝士味唔夠濃😅 不過勝在又係雞肉夠嫩滑🤤🐮安格斯牛肉🐮記得 記得叫佢比肥少少😂 本身都冇咁令既油脂 叫左佢比肥少少 佢真係比令好多你😂 肉味夠重而且肉脂都豐富😂😂自家製炸響 可能因為自家製關係😂 所以好脆口 點少少湯 好吸味 比外面既高質唔少🤤咸蛋炸魚皮 咸香味好重☺️ 而且又係幾脆口 係啤酒殺手😂😂😂 新鮮炒係唔同d😂😂至於其他食物亦唔錯 不過我講特別d 果d算啦 其他都正正常常 冇大驚喜🦖總結來說 係幾值得去一試😇-🎈旺角通菜街2A-2P鴻光大廈地下F,G及H舖-平

其實是第二次食這間，上次食過覺得好味，今次老公生日帶他及家人一起來食。其實我都覺芝士雞煲及麻辣雞煲都好食，安格斯牛就一般，其他配菜都是一般正常。但最差是一個較尖聲瘦男，到店時都是冇乜禮貌,都不以為意, 可能習慣了。我們很早到，六點多到沒有什麼食客，而且book咗枱，得10多個人名都要找很久。最不滿是，有個亞姐來說夠鐘啦要埋單，哦⋯⋯我便比咭，比完咭後，又是這個尖聲瘦男一埋嚟時間夠啦！唔食得啦！唔可以食啦！立即，是立即...收起一碟食剩2/3的安格斯牛肉及一碟唔記得什麼了，當時我們都O咗！我們冇癮都即走😡😡😡，如果佢是想客快啲走，佢成功了！我都是第一次遇到這種事情，其實食品質素、好味是其次，只要一個員工差就影響到全部，我不會再光顧。再說一般放題亦會提早10-15分鐘提示客人，而且食物巳放出來，咁趕收起不會再次比客人食用吧！

二零一九年第一個火鍋。今天天氣只十二度，友人在旺角附近下班，於是到處走走看。這家火鍋店應該是最近新開的，裡面挺大，價錢好像也合理，就決定試一試。先說一下收費，加錢可以試和牛，或者是桶蠔，我們是基本收費188，飲料除了啤酒之外是隨便喝的。我們先點魚片，蝦，豬潤等等，還有豚肉片，羊肉片。任吃火鍋來說這家的食材很新鮮，肉片夠薄有肉鮮味，蝦子也是新鮮蝦，煮久了也不會肉殻分離，很有嚼勁，食材方面基本上都很新鮮有質素。湯底是芫茜皮蛋湯底，裡面有豆腐，皮蛋跟芫茜是超級多，所以湯底是非常夠味。這餐廳其實有名的是芝士和麻辣雞煲，想不到普通火鍋也很有質素，為新一年打開了好開始。

今晚約咗一個好耐冇見嘅朋友，講左幾個月，成日都話要出嚟食飯終於約到啦！😊呢幾日都凍左，所以今晚我哋去左食火鍋放題！因為朋友比較大食，任食就最好啦，唔使就住就住😆任飲任食兩個半小時，首先可以自己去揀嘢飲，然後就來個芝士雞煲，真係好好味，芝士好香，D雞又滑，仲好大煲添！跟住就開始食火鍋啦，服務員好好，幫我地清潔左煲裏面啲油。 話明任食當然仲有好多其他嘅嘢食，羊、牛，魚、海鮮、菇🍄、蔬菜，好正呀😋

本身book咗八點半啱啱好八點半去到諗住唔使等位佢點知話book枱都要等起碼半個鐘態度極差咁我book枱來做咩！！！！！！！！😠😠😠😠😠😠😠😠😡😠

每次買聖誕節交換禮物都真係諗到頭都爆，今次嘅主題係「最低B」，就梗係去旺中兆萬有咩啱啦！好彩總算買完，就當然要去醫肚啦！我哋見到旺角女人街滾喜火鍋專門店，2個半鐘雞煲加火鍋仼飲仼食，好似幾吸引，就入去試下！麻辣雞煲首先食咗雞煲先，雞煲有大中小同BB辣，我們揀咗中辣。上枱嗰陣會連埋計時器，三分鐘就可以打開蓋。一開蓋就聞到好香嘅麻辣味，雞件煮得啱啱好，肉質嫩滑，吸晒麻辣汁，加埋洋葱、乾葱、芫茜同辣椒等配料，真係好惹味。仼食火鍋吃完雞煲之後，大家可加豬骨湯打邊爐。我哋因為唔想嗰湯底咁多油，所以加了$28換咗嗰香茜皮蛋鍋，芫茜味濃郁，清甜美味，正！安格斯牛肩胛我哋揀咗每人$208嘅安格斯牛肩胛雪花比例平均，牛味濃郁，肉質嫩滑，煮大概8秒就食得，無得彈！西班牙黑豚肉黑豚肉質素好好，肉質呈淡粉紅色，薄薄一塊快速熟透，入口鮮味十足。澳洲牛舌薄切牛舌煮大概8秒就食得，牛味香濃，一定要encore！除此之外，仲有60多款火鍋配料仼食，包括鮮蝦、牛栢葉、水魷、各款丸類同蔬菜，真係好滿足！大家千祈唔好錯過自家製咸蛋炸魚皮，味道豐富，係一個唔錯嘅小食。By A姐M佬 玩樂日記

天氣開始涼，突然想食火鍋。上網搵咗間食雞煲火鍋嘅，好耐未食過啦。滾喜火鍋專門店位於旺角通菜街，喺攤檔兩旁，比較難搵。火鍋店主打麻辣火鍋同埋芝士火鍋，其實個人唔係好食得辣，不過朋友鍾意食麻辣火鍋，所以揀咗。最小辣嗰款辣嘅程度，就算平時唔食辣嘅人都可以接受。先食雞煲，後食火鍋。都有幾多肉，唔會嚿嚿都好多骨。食物係真係香口開胃，想食多幾塊但係又想留肚打邊爐，真係幾矛盾。呢間餐廳係採取火鍋放題形式，有三款價錢，分別可以點唔同嘅牛肉類。最平嗰隻係美國肥牛，先後係安格斯，最後就係高級安格斯。我哋點咗中間嗰款，208蚊一個人，未計加一。安格斯肥牛 (⭐⭐⭐⭐⭐)安格斯肥牛好林，好易咀嚼，同埋保留到牛肉嘅鮮味，係唔錯嘅選擇。豚肉 (⭐⭐⭐⭐💢)由於唔想咁悶淨係食牛同埋雞，另外我哋仲點咗豚肉，點嘅份量唔係好多。幾值得一試，薄身嘅切片方便快速熟透。生菜、粟米、豆腐 (⭐⭐⭐⭐⭐)健康之選嘅有蔬菜類。我哋點咗生菜，另外仲有粟米同埋豆腐。豆腐係幾香滑嘅，而且唔會一撈起來就散曬。稻庭烏冬 (⭐⭐⭐⭐⭐)最後點咗烏冬，雖然已經飽飽哋，但係烏冬作為結尾真係冇得頂。火鍋煮剩啲湯所煮嘅烏冬係最美味嘅。稻庭烏冬食落都幾爽

喺旺角行街，因為天氣轉凍岩岩見到女人街有一間火鍋店地方夠大，坐得好舒服就入左「滾喜」任食雞煲加打邊爐雞煲有兩種三重芝士雞煲及秘製麻辣雞煲而且店主好貼心可以兩種雞煲都可以食對選擇困難症貪心嘅豬仔真係喜訊三重芝士雞煲三種不同既芝士帶出豐富既口感及雞肉的嫩真係食完一件又一件，望住拉絲既芝士然後食落口中融化好滿足丫秘製麻辣雞煲麻辣雞煲有不同辣度可以揀豬仔揀左小辣，全是雞腿肉雖然係小辣，但香濃味一點都不減豬仔今次就加少少錢升級做安格斯牛肉打邊爐安格斯牛肉，本身無咁多肥肉，唔會好油牛味都重其中打邊爐的牛舌都是推薦品切片厚度適中係其他任食火鍋食物品種中都較少品嚐到豬仔特別鐘意其中一項飲品鮮制竹庶茅根唔會好甜最後待應上菜速度好快唔會有漏單既情況服務亦唔錯

尋晚天氣凍凍地，就同2個朋友一行三人即興火鍋，我地5點先打去book位，都有位!我地揀左228/位既安格斯牛套餐。食法係先食雞煲，再加湯變火鍋，雞煲有2款味，三重芝士 同埋麻辣，可以2款都食架! 不過由於其中一個朋友唔食辣，我地淨係食左一煲三重芝士雞煲! 芝士多但不漏，仲有好多紫洋蔥，所以好香好惹味!雞煲之後，可以選擇直接加豬骨湯底，或者加錢換其他湯底。 火鍋生料就不過不失啦，唔算好突出，但我幾鍾意佢既響鈴，夠脆冇油益味。不過可以人多，單有點亂，會送錯食材或者漏單咁，但都係可以接受範圍既，除左佢地將牛同羊搞錯左...令唔食羊既朋友中伏...