滾喜火鍋專門店 (已結業)

今晚，我光顧這間「滾喜」火鍋。朋友選了這間雞煲, 說很抵食, 這間店舖很光亮，抽風設備好，地方寛大。朋友點選了微辣的麻辣雞煲，辣度初頭可以接受, 但越煲越麻辣,美味可口。秘製的醬汁是辣中帶甜, 蠻惹味的, 而且雞件都好滑啊, 無論什麼位置也滑, 亦有雞味, 愛吃雞又愛吃辣的朋友, 一定會為之而瘋狂!雞煲用一個鐵鑊上桌，湯底的顏色不算深，但傳來陣陣麻辣香。先試一口湯，很香濃的雞湯底，辣味不搶喉而是慢慢滲出來，麻味雖然不夠，但很有麻油香，是層次相當豐富的一個湯。這裡選用的雞肉質嫩滑肥美，富有雞味，我們點了一隻，份量頗多，啖啖都是雞肉，湯底也很夠味。職員奉上醬油盤, 給我們自行調製屬於自己口味的醬料, 有生熟蒜、蔥、辣椒、豉油等。新鮮帶子這個海鮮類一樣出色, 吃得出了帶子的鮮甜味, 柔滑味美, 別煮得太熟啊！肥牛肥牛色澤紅潤, 肥瘦均勻, 擺放得好整齊, 件件切到差不多厚薄, 刀功一流。其實我真不太愛吃肉, 尤其紅肉, 可是這個肥牛, 卻令我吃不停口, 它的牛味香濃, 口感軟嫩卻保留應有的口感, 當牛脂肪在口中融化, 那感覺著實感動, 這可能是我吃過最好的肥牛。這間火鍋店用心去做好每一個菜式

今日我同女朋友去咗呢間新開嘅雞煲專門店食嘢，其實尋日已經係OpenRice book咗位，仲有七折添（不過只係火鍋配料，其他正價），搭正七點，我哋行完旺角就到咗啦！一入到門口，可能因為新開所以冇咩人，環境都幾舒適清靜下，沙發坐得舒服，好！餐牌上面有好多野揀，海鮮肉類丸類小食等等包羅萬有，但呢啲都係火鍋配料就喎，今日主角一定係呢個黃金芝士雞煲！其實我哋都係為咗呢個芝士雞煲而嚟嘅（因為我同我女朋友都鍾意芝士）！就係咁，我哋叫咗個細嘅黃金芝士雞煲，好幾個火鍋配料，同埋一盞竹庶茅根，得咗！1）黃金芝士雞煲 （$138）評分：唔使好耐，有個好Nice嘅侍應好快就攞咗個雞煲嚟，我哋等左5分鐘啲雞就熟啦，一打開個蓋，啲芝士味即刻一窩蜂咁擁落我個鼻度，超香！一拉個芝士雞，拉到啲芝士好長，超正！味道方面，我哋兩個都覺得幾好味，只不過覺得芝士有啲唔夠，但係overall好正，好多肉，食完都已經大概六七成飽啦！建議兩三個人其實叫細嘅芝士雞煲都OK，四人或以上就叫個大啦！食完啲雞，終於到咗Round 2: 火鍋配料！2）雪花和牛（小） （$78）評分：打邊爐梗係要食和牛啦，其實佢有個頂級安格斯和牛俾我地揀，但

呢排天氣開始凍，所以我哋行完街就順便諗住去搵打邊爐食，經過見到呢間打邊爐，環境唔錯，就決定入去食啦！又唔使等位喎估唔到呢度都有芝士雞煲，只是不嬲都係我哋嘅至愛，所以我哋就叫諗住叫個芝士雞煲湯底，再叫打邊爐。我哋叫咗個細嘅芝士雞煲，分量比較少啲，不過味道好香，芝士味好出。芝士味係比較咸香，雞肉都好嫩。入面地方有夠大，所以環境好舒服。呢個係澳洲牛舌，味道好爽口，不過牛味唔係好出我哋仲叫咗個元貝，有成八隻咁多。元貝好新鮮，味道好鮮甜，而且好爽口呢個係頂級雪花安格斯，肉味好濃，顏色仲好鮮紅色，肉質鮮嫩多汁我哋仲叫咗竹蔗茅跟水，味道好甜，感覺好清熱氣咁

今日去左旺角行街買野，行過呢間新開嘅火鍋店，撩起我打邊爐嘅癮，便拖著男友入去一試。新開嘅店舖裝修精緻，由於我哋去到嘅時間比較早，未有太多人，兩個人霸左一個卡位一坐低就有職員攞醬料過黎比我哋自己混醬，服務周到👍🏻餐牌上既食物都係平時打邊爐會食嘅野，不過值得一讚嘅係鍋底有好多不同選擇，對我黎講打邊爐鍋底比食物重要😋佢哋有普通雞煲，芝士雞煲或者傳統火鍋鍋底可以揀。我哋最後揀左鴛鴦鍋（豬肚湯&麻辣鍋），一次過滿足兩個願望！店員極力推介火鍋既最佳配搭，竹蔗茅根水👍🏻一壺夠兩個人飲，非常足料非常清甜鍋底真材實料，咸酸菜豬肚湯非常開胃，胡椒味濃😋麻辣湯底味道剛剛好，不會太辣，最岩好似我男友呢種中意食辣又食唔到好辣既人。中意食辣啲嘅人可以叫店員額外加辣食物既份量適中，一份大概夠兩個人分，感覺上食物都非常新鮮。海鮮雖然薄切，但份量絕不欺客。埋單一人$250，價錢合理

兩個人想打邊爐，喺openrice揀左好耐唔知揀邊間火鍋店好。任食火鍋太趕時間，唔岩一邊食一邊慢慢傾計，其他火鍋店又坐得唔舒服。最後見到呢間滾喜啲坐位幾舒服，全部卡位，又好似幾乾淨企理，就決定試下。經openrice訂枱有7折，開頭都擔心係唔係伏，做7折唔知係咪好難食所以做特價。去到火鍋店，因為有訂枱留左個角落既卡位俾我地兩個。揀左莞茜皮蛋湯底...個湯底等左好耐，個鍋都未到，啲野食已經到左。聽店員講個湯底係即整所以比較耐。黎到飲左碗湯底，真係新鮮清甜啵，好足料，有豆腐，有馬蹄，當然仲有主角莞茜同皮蛋啦。感覺上好清甜無味精。啲火鍋料都幾好，幾新鮮。最唔新鮮係啲生菜有黃邊同埋腍左唔太脆身。除左生菜，仲叫左個蚌肉，什菇，竹笙，牛柏葉，同埋豚肉。樣樣都新鮮，分量都足。叫左扎竹蔗茅根，好似好足料唔會太甜。但個壺入面啲料唔知會唔會重用。店員都幾好人，幾nice! 請佢地幫手催下單都會跟。仲有個廁所都幾乾淨！加分！成餐都幾滿意！唯獨係上菜時間慢，但打邊爐都係慢慢食，所以可以接受！2個人埋單$366。下次會再幫襯！

我一家八口住旺角，媽媽生日，唸住同佢慶祝生日。知道樓下開了一間滾喜火鍋，我早兩日特登book定位和通知佢有蛋糕。佢地話新開張有八折優惠，所以未試下囉！一家人有小孩和老人家，所以叫了一煲麻辣雞煲（細）和一煲芝士雞煲（細），之後叫了火鍋料。環境幾好和舒服，是位比較窄少少，但無所謂啦好多地方都係咁。成家人未試過芝士雞煲的，但感覺好好味，尤其是小孩不食辣，佢哋好鍾意依個芝士雞煲，芝士唔結和味道一流，而鷄煲味道都好食，有很多配料（芫茜、洋蔥同蒜），整體份量十足，不是少。只不過我地唔夠要再叫配料，我好喜歡手打丸，出便好少食到咁爽和咁好味，勁力推介。海鮮方面夠新鮮，份量和賣相好過很多間火鍋店，夠大件，不是普通料。另外我成家人都很喜歡黑豚肉，前後叫咗三碟，小食方面咸蛋魚片和鬼馬油炸鬼好食，送酒一流。我地成家大概食了$1400左右。我個人覺得很平，平時同朋友去打邊爐一定要$300-400 ，仲要普通料，依間整體價錢合理，還有我地要切蛋糕慶祝，沒有收費用，侍應盡量配合我地，非常好，雖然我見佢地非常忙，但無黑面，要讚所以我寫給它好評

因為工作嘅關係時常經過通菜街，發現新開左一間火鍋店，又有新張八折，約埋朋友一齊試下。本人好少寫食評，但因為呢間餐廳服務態度好好，新張幫忙介紹一下。我叫左個皮蛋芫茜湯，十分食料炸響鈐，食得出係自己師傅做唔係外送，但如果做小食種味道偏淡。手打墨魚丸，肉質彈牙食料，＄68絕對抵食雪花肥牛大$108，係呢間店三種牛肉中最平嘅一種，平價牛肉中算有牛味，可以一試。手打五寶丸$108，因為朋友想試齊五種丸所以叫呢款，個人推介芝士鮮蝦丸10分好味。店員服務熱誠，傾談中得知開張一個月，還在改進中。個人覺得食物水準絕對OK，單點火鍋價錢合理，勝在地點在旺角區方便，座位舒服，可以一試。

兩個女人在旺角行完街唸住搵地方食飯，行到女人街見到新開火鍋店有八折就去試一試，叫了一個細芝士雞煲$138和一些火鍋料，我地一見到芝士鷄煲嚇了一跳，問侍應是否細煲，佢話係。我同朋友覺得這個煲可以四個女人都夠食，份量十足，唔似平時在其他雞煲咁無肉食，依煲真係啖啖肉又好食，最重要係唔肥膩。食了這個煲我地飽足七，八成。之後還有火鍋料。兩個女人食唔哂，侍應很主動比了個外賣盒叫我打包，真係好窩心和體貼👍👍，整體食物好，服務好，環境好唔雜，三五知己食火鍋傾計一流。價錢我個人覺得幾合理，唔貴。只係我地唔知份量咁足料，食唔哂要打包。兩個平均二百左右，平時在出便食火鍋平均消費要三百和環境比較雜。我覺得依間幾好和舒服

天氣轉冷，當然要吃火鍋暖下胃！我平時好少食雞煲，朋友說有好介紹！火鍋店幾大，座位舒服，招呼又好！混一混調味料！這間火鍋店提供了幾款中式湯底以及雞煲，而喜愛芝士的便毫不猶豫地叫了個大黃金芝士雞鍋。一開始煲雞時已經滲出陣陣的芝士香味，店員還貼心地幫我們把雞煲攪勻和提我們雞熟的時間。不過大雞煲的份量很多，如果是兩個人的話建議點小的雞煲。吃完雞已經有七成飽肚，所以只是叫了少量的菜和肉。加了湯後的芝士味仍然非常香濃，又不會太鹹，非常適合作為火鍋的湯底。在這裏打邊爐的其中一樣方便之處是點樣會把六款溝豉油的配料加湯時拿過來，好讓我們不用自己走出去拿。烏冬和麵都可以吸芝士湯汁，超級惹味！牛肉粒好稔，有牛味！最令我喜出望外的食物是以手打鮮墨魚丸，就算煮很久也非常彈牙，下次有機會會嘗嘗其他手打丸！

服務態度 ok，但 cp 值低到一個點的新店網評果然不能盡信，未食過的可以不用試$108 10粒味道不怎麼樣的五寶丸⋯響鈴果然是自家制，外表跟味道完全不是響鈴的樣子勁失望7折左埋單都要 $230

約左朋友去旺角行街路過呢度發現有間舖好靚以為食西餐去到門口發現原來係食火鍋正好我同班朋友見凍勁想打邊爐見環境咁靚覺得好吸引於是入去試試湯底想清清地叫左鴛鴦鍋番茄同芫茜 $98頂級雪花安格斯（大） $298朋友個個鐘意食牛所以叫左碟靚牛肉試試佢地話勁好食不過我唔食牛所以比唔到意見只係見佢地食得津津有味！太極滑拼盤 $108有牛肉同墨魚滑墨魚滑食落超爽口超大隻啊！食落好鮮脆鯇片 $58好爽口彈牙新鮮白鱔片 $88鮮味十足千層冰豆腐同個豬潤都唔錯炸咸蛋魚皮 $58好鐘意食炸魚皮估唔到呢個咁好食原來加左鹹蛋黃係咁正鬼馬油炸鬼 $68好耐無食過油炸鬼油炸鬼切開加左蝦膠炸一炸味道令人大感驚喜內爽外脆游水海中蝦 $128d蝦食落特別鮮味同平時打邊爐食開果d有dd唔同d肉好實淨彈牙最難忘係呢度d服務我地原來唔小心hi到個制熄左爐竟然懵然不知不過坐我地附近個收銀哥哥竟然留意到佢走埋來話覺得個爐好似唔滾埋來幫我地望下原來我地唔小心熄左爐收銀哥哥好細心啊！真係抵讚同埋我地初初入來果時坐四人位有個熱情哥哥話見我地多袋比左個六人位我地四個人坐坐得相當舒服佢好老實話見我地早來安排到先比我地雖然本身想我地坐近門口「

冬天最好就係去打邊爐架喇，朋友話我知旺角有間新開張邊爐唔錯，而且新張期間有八折，當然要一齊去試啦！湯底、食物選擇都唔少。秘製藥膳鍋　　＄128 好多女仔都鍾意食藥膳鍋，因為有益，仲可以養顏！我就單純覺得好味，因為藥材味真係好香。而且仲加左黃酒，飲完個人仲會好暖，感覺上好補咁。頂級安格斯(小)　＄128肥牛真係不得了！又係睇圖就知靚果種，甜到呢！雖然只係揀左細碟，但其實兩個人都好夠食！當時如果食得哂，建議叫大碟會更抵食呢。手打五寶拼盤　＄108另外唔可以少的就係手打丸！因為揀到花多眼亂，我決定揀拼盤，咁就可以試齊咁多款手打丸啦！分別有墨丸、蝦丸、牛肉丸、黃金墨丸同埋芝士蝦丸，芝士流心固然JUICY，而牛肉丸有種特別香味，問下店員先知原來加左陳皮，怪唔得特別香！真心可以試下，會有驚喜！鹹蛋黃炸魚皮　＄58呢個夠哂邪惡，撇除左膽固醇的問題，這是無缺點的美食！魚皮本已經香脆，加埋大量鹹蛋黃，不得了！紅薯粉 　＄28太常食烏冬，所以今次揀左紅薯粉，也不錯。清涼爽　＄10就算淨係為左鹹蛋黃炸魚皮都好值得推薦，一於拉埋其他朋友來食先！

今次相約好友一齊打邊爈做冬喺OPENRICE 查看後見到呢間新開火鍋店都有廿幾個LIKE又可以BOOK 枱有折，所以就去試下到步後唔洗等位就可以入坐，服務態度幾好我地一行五人就叫左個大芝士雞煲，味道OK，好多芝士，雞肉都夠嫰但個人喜好，都係覺得傳統麻辣雞煲配火鍋夾啲。食完芝士雞後，侍應會加上豬骨湯黎做湯底哈~!! 個人覺得個豬骨湯底無咩特別今次地叫左以下配料(大) 雪花肥牛 - 太細碟，係用一個例牌碟再放上卷成一圓筒，數量有幾多可想而知，但價錢都唔平響玲 - 相信與大家平時食的一定有好多出入，呢間應該係用腐竹再繞一圈再炸。係好有腐竹味，但口感同吸湯度完全不合相蝦+墨魚滑 - 用料都足，但份量太少，只有一個細飯碗大細，但價錢要約100其餘的都係一般般，雲吞、皇帝菜、珊瑚蚌、..... 都唔係叫左好多野7折後每位約170咁大家可以參考下

今日成家人去豪食雞煲同打邊爐!!!😳😳滾起其實都易搵，係家樂坊附近。門口大大隻名，一定搵到👍👍店舖坐位都好闊落。呢到都係散叫，價錢唔貴性價比高👍我地叫左一個中辣雞煲。超濃味!!食得辣既真係可以食中辣，岩岩好，雞肉好有口感👍👍另一個叫左鹹菜豬肚湯式，勁多豬肚!!👍👍豬肚係好食架喎!湯底好香好野味👍即炸響鈴黎既時候仲係熱，勁脆!!頂級雪花安格斯，好鮮味!雪花好平均，底👍桶豪!!!成隻手掌咁大!認真啖啖肉!熟左完全無縮水！！鯇魚片都好厚身同爽口，真係估佢唔到👍另外仲叫左雲吞，水餃。大大粒，皮薄十分足料喎!!雜丸都絕對唔hea, 絕對人手打!墨魚丸有墨丸粒係入面，絕對真材實料👍👍尤魚片好滑身!!我地另外叫左二壺竹庶茅根水，入面啲料真係好多，冰凍極至，好潤👍👍總括而言，呢到真係估佢唔到價錢唔算貴但質素好高，性價比好高!屋企人都食得好開心，最緊要坐得好舒服，都唔會趕你走。服務質素都好好，出菜速度都快!!下次一定會再黎👍

天氣開始凍，食啲熱辣辣既野就最啱見到呢間野幾多好評就去試下起旺角女人街，都幾易搵環境好乾淨，係卡位形式咁坐唔會話好迫問番侍應先知原來呢度只係開左一個月左右一坐低，侍應就擺底啲火鍋醤料鍋底有得揀雞煲同普通湯底最後揀左黃金芝士雞煲，因為得兩個人，所以要左個細雞煲黃金芝士雞煲$138未開爐之前見到有好多芝士起雞煲度😍仲有好多洋蔥個爐夠火力好快，雞煲已經滾起上面啲芝士已經溶緊侍應好貼心，會定期走黎幫我地睇下得未滾起之後，就幫我地撈起佢可以睇到啲雞每舊都有芝士包住！味道方面：啲雞真係好滑，好嫩芝士份量夠多，好香洋蔥索灑啲芝士汁，好好味份量真係好夠，兩個人食真係食唔灑食完之後就加湯轉打邊爐！頂級安格斯(小)$128雖然叫左小，不過份量一啲都唔少兩個人食已經好夠好夠牛肉味脂肪比例啱啱好，唔似肥牛剩係得脂肪好少肉食落口一啲都唔會硬，肉質夠滑前：牛柏葉$38後：生菜$28，娃娃菜$28牛柏葉一黎到，我地呆左無諗過咁大碟，好抵食！！！好乾淨，唔會話好大陣味菜雖然望落唔係好大碗不過其實好多，大部分都係芯位，夠嫩手打五寶拼盤$108有鮮墨丸、鮮蝦丸、鮮牛肉丸、黃金鮮墨丸、芝士鮮蝦丸侍應推介，話係手打，所以試下