滾喜火鍋專門店 (已結業)

在外國旅遊一個月，實在非常懷念香港的美食，尤其是我至愛的芝士雞煲。所以一回到香港，立即相約朋友食餐飽。旺角區最就腳，在Openrice找到這間新開的雞煲火鍋店，原來新張期內火鍋配料8折，一於試試，果然有驚喜！火鍋店地方寬敞，更有多張卡座，闊落舒適。 首先點了令人期待的黃金芝士雞煲(小) $138 ~ 看着滿滿的芝士鋪在雞肉上慢慢溶化，大家已急不及待。嘩…嫩嫩的雞肉沾滿香氣四溢的芝士真是令人無法抗拒，芝士滑而不“漏”， 越食越滋味， 不消一刻已全部食清光！ 另一必食的是“ 極品雪花安格斯牛肉”(小) ~ $198, 牛肉肉質鮮味，牛味濃郁，像是入口即溶，這是我每次必點火鍋配料之一。 其他配料也用料上乘，桂花蚌 $98片片新鮮肥美啖啖肉非常有口感！ 炸鹹蛋魚皮$68 ~ 魚皮炸得甘香鬆脆，零舍香口，即食或放湯都一樣咁美味！招牌炸響鈴$38 ~ 較普通響鈴特別， 口感不錯。雲吞拼水餃 $58 ~ 皮薄餡靚, 隻隻飽滿豐盈！豬潤 $38 ~ 顏色光澤誘人，香稔軟嫩 新鮮白鱔片 $88 ~ 片片晶瑩剔透，爽彈鮮美手打五寶拼盤 $108 ~ 粒粒圓潤均勻，新鮮彈牙 其他配料如蟹柳 $28 , 午餐

行完女人街就四周搵嘢食，見到一間好大間火鍋店 ，店內新裝修，舒適整潔。環境衛生。因我地有6人可享用2個鍋，就選了麻辣雞煲，芝士雞煲都係$138。麻辣雞煲，在加熱過程中已聞到一陣陣麻辣味，雞肉鮮嫩，麻辣適中，尤其洋蔥特別好吃。芝士雞煲：金黃色芝士包著雞件，芝士仲可以拉絲。將雞件慢慢放入口後，層次分明，先係濃郁芝士味跟著鮮嫩雞肉味，連同洋蔥一起食，就更好味。頂級雪花安格斯肥牛$198/小，淨看呢碟花朵已經好吸引。油脂分佈非常均勻，是厚片的。經過湯低燙一燙，就食得。口感豐富，先有肉汁又有口感，嚼兩嚼已溶化。桂花蚌 $98，好新鮮，又長，滾一滾就食得，超爽口美味。雲吞拼水餃 $58/6隻，一看就知自家制啦，粒粒包滿賬卜卜。皮簿餡料多，食落仲有肉汁出。新鮮白鱔片 $88/碟，長而肥厚鱔片，我都喜愛食鱔片，因為覺得鱔片肉質夠彈牙爽口，滾耐左又唔會散開。打邊爐除了牛之外，魚片又係不可小的。炸咸蛋魚皮$68，外面吃到都係炸魚皮，呢個加左鹹蛋，食法又唔同左，直接入口非常脆卜卜，又有鹹蛋黃嘅味道，值得一試。手打五寶拼盤$108/碟，呢個要早小小叫，因係即時手打的，要等10分鐘，粒粒新鮮，彈牙爽口，每粒都各

醬油費 $10多款醬油任君選擇，無限次添加秘製麻辣雞鍋（小）$138香濃麻辣味道，多種配料炮製而成的雞鍋，入口香麻，雞件嫩滑入味。吃完麻辣雞煱鍋後，店員馬上幫我們加上濃湯，方便繼續㫓其他火鍋配料！竹䉀茅跟水（壺）$38我的朋友選擇了火鍋最喜歡的竹䉀茅跟水，他說吃火鍋不會熱氣。😅青島（大支）$20我當然係選擇我的至愛，火鍋最佳伴侶！🍺😁😁炸鹹蛋魚皮 $68新鮮白鱔片 $88桂花蚌 $98豬潤 $38人多食食作，什麼都點回來，哈哈😄！不過餐廳自製的 “炸鹹蛋魚皮” 值得一讚，甘香爽口，啖啖鹹蛋黃沙沙口感。👍🏻鱔片、桂花蚌、豬潤等，用料很新鮮，在麻辣湯底內輕鬆轉幾轉，已經完成，正😋。頂級安格斯（大）$198頂級安格斯牛肉，肥紋均勻，入口即溶，充滿牛味，果然係頂級！手打五寶平盤 $108墨魚、蝦丸、牛丸、魚滑、芝士鮮蝦丸，全部彈牙，鮮香可口，真材實料！午餐肉 $48我最喜愛的火鍋配料 “午餐肉” ☺️男人的浪漫💕集菜拼盤 $48雲吞拼水餃 58招牌炸響鈴 $38新鮮自家製，口感特別！新發現，肚子太了2吋 😆😆😆！溫馨提示：新張期內，所有火鍋配料八折

天氣轉涼見凍凍地，喺旺角見到有間新開既火鍋店，就同朋友去食下！我俾佢新張期內配料8折既字眼吸引左入去！店鋪門外推介好多自家製既配料，我同朋友打開張落單紙都有很多選擇！我哋先點左個火滾麻辣雞煲！再落單點其他配料！飲品，配料選擇眾多，特別要留意下佢既自家製手打丸，有魚滑蝦滑！ 落完單，待應拎左d調味料俾我哋撈醬油，我見到有我最愛既芝麻醬，用嚟點肉類超好食！雞煲好快就送到嚟，待應姐姐幫我哋再加熱一陣，就食得，打開蓋，d辣味就湧晒出嚟，雖然叫左小辣，不過我覺得好似平時d中辣咁既程度，雞肉入晒味，雖然有d辣，不過非常惹味！再講下d配料，簡單嚟講都係新鮮，足料！水餃配雲吞真係麵鋪d雲吞同水餃，好大粒之餘入面仲好足料！我食過一隻雲吞入面可以有幾隻蝦！羊肉片好大片皇帝菜，蘿蔔都好新鮮，一d黃都無！兩樣都好甜！呢個自家製手打5 寶拼盤先係成晚重點！入面有牛丸，蝦丸，墨魚丸，用料足，成粒丸都係又肉做成，食唔到有其他麵粉之類既材料！仲有兩款入面有咸蛋既黃金鮮墨丸，同芝士鮮蝦丸！呢兩款丸除左有原來既彈牙，鮮甜爽滑外，仲有多一重既口感！以咁足料嚟講，埋單先570 蚊，我又覺得好抵食！呢間火鍋專門店充分表達到一分

今日突然好想打邊爐，放工同朋友黎左滾喜食。我哋點左小麻辣嘅火滾麻辣雞鍋（小）首先職員就拎左啲火鍋醬料比我哋畢等左一陣，雞煲黎左，先要煮2分鐘，職員幫手將雞煲攪勻，再煮多1分鐘就食得！ 有好多我中意食嘅芫茜！雞煲味道好香濃，雞肉好入味，肉質嫩滑！頂級安格斯牛肉，牛肉擺得好靚，好新鮮！刀工好好，切得厚薄啱啱好！食落好有牛肉味，同平時打邊爐嘅肥牛差好遠！炸魚皮 好鬆脆，又大塊！貴妃蚌 肉質新鮮，食落好爽口脆鯇腩 😍好大塊啊！份量多！食落脆脆哋，無咩細骨！啱晒我哋食P.S. 依度嘅staff全部都好好笑容😊，好有禮貌！抵讚

凍冰冰，梗係食火鍋啦，叫左個芝士鷄煲，感覺似食韓式炸鷄，有點失望，之後加湯打邊爐，佢d 火鍋料幾好，炸魚皮一定要食，淨食已經好正!個場裝修好靚，令人感覺似食西餐，唔似中式打邊爐，而且都幾靜下，可以同朋友傾計

星期三又再覓食旺角,天氣回暖前試一試滾喜火鍋星期三晚七點幾,時間尚早比較少客人,環境非常闊落可能時間早人比較少,所以一坐低就會有簡單湯底介紹,再俾你慢慢選擇火鍋醬料任添,絕對唔似放左好耐既配料(重要免費)打邊爐最重要係個火鍋湯底,款式都相當充足我地叫左蕃茄同芫茜皮蛋鴛鴦湯底,蕃茄湯底入面滿滿的蕃茄粟米,芫茜湯更甚,芫茜鋪滿面,半鍋有已經2隻皮蛋.重有多塊豆腐,兩個湯底都好濃既材料味道,無任何味精既味道 (小插曲:湯底一上就後悔叫左粟米&豆腐,因為湯底已經有好多)兩個人食,叫多左少少當中佢地推介既手打丸非常彈牙,尤其是牛丸,好小牛丸又脆又彈,我地叫左份5寶丸,2個人每樣一粒,有一款蝦丸釀蛋黃,好滋味雲吞亦相當出色,蝦唔大,但蝦味甚濃突出,坊間少有水魷絕對新鮮爽口,而且重會戎埋花粟米亦少有地甜好難得地係旺角食到咁高質既邊爐而且不斷會加湯/問下食物意見,多左互動亦唔會慛埋單交台,服務質素係相當好由於無叫到海鮮,所以價錢係相當抵,不過單單個水魷就已經令我下次黎一定會試試海鮮埋單時發現新店優惠火鍋配料八折,絕對物超所值

今次一行十人去打邊爐，之前未食過呢間，選佢嘅原因全因OpenRice 訂位7折優惠。食飯當日打黎confirm booking 先記得問有冇圓檯，原來全部都長檯，即日又咁多人好難轉場，即管試下。我地開頭叫左兩個鍋，黃金芝士雞煲同鴛鴦鍋 （芫茜皮蛋 x 蕃茄），但我地實在太多人，張檯實在太長，淥野食好唔方便，最後忍唔住要加多個鴛鴦鍋（芫茜皮蛋 x 麻辣），十人三鍋。黃金芝士雞煲勁多芝士，好韓風，但食兩三舊已經開始覺得膩，加湯後，原本諗住會有忌廉雞湯效果，但完全唔係果樣野，味道太淡，似開稀左咁。追加芫茜皮蛋湯底，因為堅多芫茜皮蛋豆腐。蕃茄湯就有人造感覺，陣咪好假。而麻辣就唔夠麻唔夠辣，但用黎淥紅薯粉就好夾，我地仲食左3份紅薯粉添。其實叫嘅火鍋配料都係大路野，應該7折關係，偏細份，其中比較出色嘅係黃金魚皮，明顯即炒啲咸蛋黃上啲魚皮，又脆又香口。埋單時，先留意到7折只限火鍋配料，鍋底同飲品係無折嘅，每人二百幾蚊，正常價錢。如果下次人少少，二至四人先黎，比較岩坐。

MK火鍋新店🍲地方大，江湖味重，但服務意外地殷勤🧐店內長播九十年代K歌，好懷舊😂定價合理，雞煲水準中上，配料款式大路但尚算新鮮。整體唔算有太大特色，趁新店八折可一戰👍🏼

今日由油麻地行至旺角，行到無力氣，需要補充下熱量，見這幾天天氣有點轉涼，一想就想到附近有間雞煲，就是「滾喜」。雞煲成巷成市，周圍都有得吃，但稱得上美味的並不多。這次這間「滾喜」果真沒有令人失望。先說其香味。我從未食過一個雞煲是能夠如此香氣四溢。即使未上枱，在遠處就已經聞到濃郁的香氣。是麻香再混合花椒八角炒過的香味。上枱時用力嗅了一下卻是非常的嗆鼻，但是真的很香，絕對難以忘懷那種惹味香氣。再説雞。雖然點了一隻，份量很多而且雞肉大大嚿。雖然大大嚿，但卻非常入味而且肉質嬾滑。至於味道亦非常出色。雖說是麻辣，卻不像一般四川麻辣的味道。裏面充滿花椒八角香，混合了麻辣汁的味道，非常惹味香口。蔬菜籃 蔬菜的款式多，我們叫了生菜。蔬菜洗得乾淨, 又夠新鮮，嫩綠綠的。牛肉雪花分佈好靚, 令人忍不住一再拍照, 這牛肉明顯油脂較多, 所以入口脂香豐腴是意料中事, 因脂肪分佈平均, 不會覺得很膩, 雪花牛肉的牛味較牛肉眼強, 就吃它原汁原味的牛香味, 不用醃也夠味。「滾喜」食物質素一定較優勝, 環境也坐得舒適多, 食得飽飽, 食物種類多，大家吃得開心。以後想食火鍋，都會諗起「滾喜」啦!

今日同朋友去完尖沙咀買嘢，天氣又咁凍最啱就係打邊爐，所以想OpenRice搵附近打邊爐嘅餐廳最後決定伊間。雖然餐廳坐的位置不多但很寬敞，雖然要上樓梯先到，但我好鍾意食飯嗰陣可以唔需要太大聲同朋友講嘢，對方都可以聽到，十分舒服也唔會嘈吵。食物方面：*即炸響鈴*打邊爐嘅配料梗係有必食即炸響鈴十，$58/6條。咬落去過刻，鬆脆兼有豆香👍🏻再配上啤酒一流。鴛鴦火鍋：因為有啲朋友唔食得辣又有啲人食得辣所以先揀鴛鴦火鍋。不過湯底嘅材料真材實料，而不是用味精湯煮主：有杞子丶甘荀、麻辣豆腐，重點湯底煮好耐都唔會話好鹹服務生拎出伊碟野嗰陣、啲肉好新鮮一望已經知道係高級牛肉。食落好爽口，好香，好有口感，咬落去散發出嚟牛香又多肉汁，好有滿足感。最好的地方放左落去左好耐都冇變老，仲係一樣咁有爽口。海鮮拼盤：而整碟的賣相吸引，甜蝦好鮮甜，青囗又大，唔好放太耐唔係就變得好硬，其實海鮮肉質新鮮爽口，真的不錯。我自己好鍾意打邊爐就有隻生蛋當醬汁，但結果發現這間火鍋店用嘅雞蛋係農場蛋。不過雞蛋係要自己額外買㗎，餐牌上面係冇㗎的。＄6/1隻打得邊爐就僅有最愛嘅肉丸啦：我地叫左墨汁墨魚丸、鯪魚滑、墨魚滑，全部都係餐廳手打，

上星期突然天氣轉凍 夜晚收左工好想打個邊爐，以前成日聽同事介紹旺角開左間火鍋店 又抵食又就腳 於是book左冬至個晚同屋企人一行四人去做節！！嘩 呢間火鍋店真係好就腳好近港鐵站，E出口行過黎都係5分鐘左右路程。由於一早訂左位關係，好快就入去坐低，仲係我最愛的卡位，望下四周環境，都好乾淨燈光好光猛。一坐低老板娘已經推介左好幾款食物比我地，包括雞煲，手打牛丸，仲有我屋企人最愛的墨魚滑。我地最後叫左雞煲，等左無耐就已經有得食。呢間雞煲真係我食過數一數二好食，唔知係唔係用新鮮雞，肉質特別好，加上大量配菜，味道岩岩好。食完雞煲加湯打邊爐，叫左炸鹹蛋魚皮，墨魚滑，魚件，仲有好多唔同肉，各有特色。最難忘係墨魚滑，墨魚同蟹子既配搭恰到好處，既有咬感，又鮮甜，值得推介，最後我地仲encore左次。炸鹹蛋魚皮，炸到卜卜脆，食落仲有蛋黃既甘香味。全家人過左一個好開心既冬至，強烈推介呢間火鍋店比大家，員工仲好好人，d野食又黎得快。性價比超高！！！！

呢排天氣咁凍，除咗假日去燒烤之外，最適合就係打邊爐啦。咁岩今日約咗一個好耐冇見嘅朋友一齊食飯，大家都諗唔到食咩嘅時候，於是就諗到打邊爐啦。同埋大家都好耐無一齊打邊爐！於是就搵去旺角附近有邊間好食嘅火鍋店。但係我哋又唔想去酒樓入邊打邊爐，因為酒樓入邊多數嘅質素都一般般，食物嘅質素冇咁新鮮。於是我哋就行左內街入邊，搵到一間叫做滾喜火鍋。淨係你個名都覺得似乎幾吸引，於是就行咗入去試試。係未等到朋友嚟嘅時候，我已經急不及待地叫咗一個鴛鴦火鍋，分別係秘製麻辣湯火鍋，同埋香茜皮蛋鍋。而餐廳員工動作都非常之快，喺未等到朋友嚟嘅時候，佢已經成鍋上枱了。煲咗一陣，啲湯底就滾晒啦，於是我就急不及待地睇餐單上嘅嘢食。餐單上嘅食物選擇非常之多，有海鮮類，小食類，牛類，自家手工制，粉面，菇菌類等等。一樣適合鍾意食肉，或者淨係食齋嘅人士。我就分別叫咗花膠筒，招牌炸響鈴，爽滑豬頸肉，蒙古羊肉卷，蜂巢豆腐，娃娃菜同手打牛筋丸。飲品方面就叫咗竹蔗茅根。湯底滾起左之後，聞到味道非常之濃郁，勺一啖黎飲，都覺得非常之鮮味。而另外醬汁配料方面佢都係俾我哋調教自己喜歡嘅份量。花膠筒嘅份量都非常之多，而且咬口十分爽脆，每一塊都非常

約咗個舊同事約左好耐終於出到黎食嘅一餐飯。佢鍾意啤一啤就搵咗旺角呢一間火鍋店打邊爐。地方幾乾淨清潔，座位都好舒服好寬闊。叫咗個香西皮蛋鍋＄68。有好多芫荽同粟米個湯好甜。招牌炸響鈴＄38冇得輸，炸好趣，好好味，浸火鍋城一流。趣玩片＄58 ,好新鮮爽口彈牙打邊爐又點少得叫肥牛，我哋叫咗碟特級安格斯肥牛＄198 ,同埋貴妃旁＄88 ,好大隻舊肉好大嚿，好鮮甜。之後唔係好夠喉，就帶咗碟鮮蝦水餃＄48 ,裏面好多了，好好味。仲有當然唔少得嘅就係要叫番支啤酒啤啤佢，成餐飯就滿足晒啦。

氣溫急降，冬天終於來臨。天寒地凍當然是吃火鍋的最佳時候。在旺角經過滾喜，新張配料有七折，不會猶疑了吧！ 鮮茄濃湯/麻辣湯底 $98天寒地凍當然要個麻辣，再配一個能合適多種食材的蕃茄湯。湯窩十分足料，隨著麻辣湯慢慢滾起，麻辣香率先撲鼻而來，麻度及辣度比例恰好。而鮮茄濃湯則鮮甜清香，不只是茄膏調配出來的孤寡味道，是有真材實料熬成的蕃茄湯。 雪花肥牛(小) $68火窩不可或缺的肥牛，雖然不是頂級的，但質素不差。首先切出來的肉片不太薄，不會因失缺厚度而失去質感。脂肪比例亦算勻稱，肉質軟綿而咬落還有有嚼勁，肉味及油香並全。 手打五寶丸拼盤 $108手打五寶丸包括鮮墨丸，鮮蝦丸，鮮牛肉丸，黃金鮮墨丸及芝士鮮蝦丸。全部都爽滑彈牙，當中的黃金鮮墨丸最有驚喜，流心咸蛋黃香味濃郁，與墨魚鮮味十分夾，而芝士鮮蝦丸亦芝味十足。因餡料充足，吃時小心燙口。 皇帝菜 $28有人不喜歡皇帝菜濃郁的菜味，但這偏偏就是我愛吃它的原因，是我最喜愛的火鍋蔬菜。滾起後的皇帝菜散發出濃郁的泥土及香菜，爽嫩有嚼勁。 紅薯粉 $28紅薯粉配麻辣湯底真是perfect match。 紅薯粉軟彈煙韌，將湯底的精華盡吸，要麻辣有麻辣，要