滾喜火鍋專門店 (已結業)

公司附近最近開咗呢間“滾喜”，適值朋友生日，見openrice上寫佢嘅食評都好正面，一行五人決定嚟試試。誰知…………？先說價錢，佢並非大眾化或任食火鍋嘅價錢。心想，沒所謂，反正食物質素才是重要，而且任食火鍋限時限刻，食得唔暢快。先講兩個鍋，第一個火滾雞鍋，不過不失，無甚特別，份量連半隻雞都冇。另一個蕃茄濃湯底，侍應特別介紹，佢哋係用豬骨熬製，可惜，這個蕃茄濃湯，只不過係加咗茄膏嘅湯，冇豬骨味，只有濃濃嘅茄膏味及過甜味道，非常失望。配料我哋叫咗一個非常難忘嘅蝦滑墨魚滑雙拼，所難忘處，係佢價值$108，而份量只得玻璃水杯杯口咁上下大嘅份量，非常珍貴，少就算嘞，仲要冇鮮味兼冇嚟味道，而爽彈程度都只屬一般性質，覺得街市賣廿幾蚊包嘅都好食過佢。其他配料仲叫咗豬牛羊，水準還可以，唯是牛的份量，以價錢論，還是覺得太少。全晚唯一可取係黃金炸魚皮。結果，是晚我哋破咗有史以嚟打邊爐最快收工記錄，一個鐘頭就埋單走人。真係食到“火滾起”。結論，五人一致通過，永不錄用。

天氣開始凍，幾個老友約出來打邊爐，朋友介紹咗一間新開張嘅火鍋店，喺通菜街嘅"滾喜火鍋專門店"。去到店員熱情招呼，店內 光線充足 ！全部都係卡位擺設，坐得舒適！Menu上好多火鍋配料都好吸引！平日經常食麻辣雞煲，今日一於試下佢哋嘅芝士火鍋……一上枱，芝士味好濃郁！芝士有幾種顏色 越滚越香濃！加上啖啖肉嘅雞髀， 嘩！個個都讚口不绝！ 頂级安格斯牛好有肉味！夠鲜甜！脆肉鲩 魚腩 好彈牙！亦好身好鮮甜！ 比起 其他 任飲任食嗰啲差好遠 冇得比！手打蝦丸爽滑！花枝片切得厚薄剛好，爽，甜，脆！口感好！還有…竹笙，鹹蛋鱼皮，雲吞都好出色！特别鹹蛋魚皮;香脆！熱辣辣加埋鹹蛋真係好惹味啊！綠油油嘅菜好新鲜！今晚每樣火鍋配料都好好食！新張期内仲有八折，埋單九百，每人都係二佰多啲，認真抵食！

今次提早同屋企人黎做冬。好彩早d book位，今晚都坐到滿哂。黎到打邊爐梗係即刻睇下有咩湯底啦，依度仲可以叫雞煲食左再打邊爐，聞到隔離台個雞煲都幾香咁我地就諗住一於試下！至於食完雞煲黎加單既料，我地就叫左手打墨魚滑同蝦滑，好彈牙個味又調得岩岩好，搞到我地都encore多一碟！見到有樣新奇野叫牛胸爽，之前都未試過咁就試下啦，點知驚喜地好食，好有牛味又有咬口！野飲方面就叫左竹蔗芽根，夠解渴呀麻！我就覺得甜左少少，但都睇到非常足料去煲！炸咸蛋魚皮一食就知佢即叫即炸，熱到辣咀！脆卜卜好正！老闆娘仲介紹我地試佢個手打丸！希望下次黎開旺角walk in都會有位啦！

天氣開始凍最適合嘅就係打邊爐，知道旺角通菜街開咗間新嘅火鍋店，所以決定去試吓。餐廳位於旺角女人街，位置非常方便，而且新開張仲有八折。入到去見到裝修好有心思，座位非常舒服，樓底高所以非常寬敞。 鴛鴦湯鍋可自選湯底，點左蕃茄濃湯同香茜皮蛋鍋，蕃茄濃湯蕃茄味非常濃郁，香茜皮蛋鍋，材料十足仲好多皮蛋。炸鹹蛋魚皮，鹹蛋黃包住脆卜卜炸魚皮，每一啖都充斥着鹹蛋嘅香味，食到停唔到口。另一款鬼馬油炸鬼，油炸鬼上面加左蝦滑，爽口彈牙嘅蝦滑加上脆卜卜嘅油渣鬼，口感一流。白鱔片鮮甜彈牙冇腥味，脆鯇片新鮮非常爽脆。游水海中蝦，味道鮮甜而且爽口彈牙，仲好大隻。元貝好大份，隻隻完貝都好大粒，而且洗得非常乾淨，鮮甜之餘仲冇沙。頂級雪花安格斯，脂肪分佈平均而且呈雪花狀，肉嫩多汁而且牛味十足。鴛鴦滑拼盤，蝦滑加上蟹子食落仲有蝦粒，牛肉口感一流。豬潤厚身，好大份好好味。😋皇帝菜翠綠新鮮，蜂巢豆腐同紅薯粉吸收左湯嘅精華，味道一流。竹蔗茅根水材料十足，而且甜度適中。餐廳員工服務態度一流，而且價錢超值。

天氣越來越涼，冬意滿滿，正好打邊爐暖暖身。旺角最近新開了一間火爐店，朋友吃過都極力推介，所以我都不甘後人，立即來飲頭啖湯！這間火爐店就位於旺角的女人街，地理方便。店舖因爲新開，所有枱櫈用具都好新。加上店鋪內裡闊落，感覺很不錯。因為平時打邊爐最怕就是吃完周身味，但因為這裡地方大，所以不會焗住一陣味。我們二人行去到餓得不得了，立即點了個秘製麻辣雞鍋$138雖然雞鍋我們點了小的size，但其實份量也不少，一鍋有為數不少的雞件，兩三人都絕對夠吃。雞件上鍋炒一炒，麻香四溢！這個過程全程有店員服務，服務周到，店員還熱心講解食材的食法。雞肉嫩滑，麻香十足，惹味而不太辣。炸鹹蛋魚皮$58這個一定要介紹，因為實在太好吃，香膽魚皮經過鹹蛋黃炒香，蛋黃香滿佈口腔。從來都無在其他地方吃過，十分出色。竹蔗茅根水$56打邊爐少不了竹蔗茅根，清涼解渴！生菜、木耳，鮮金菇（$28/每款）全部都好新鮮，尤其是木耳，放入鍋後吸收了雞鍋的精隨，錦上添花。頂級安格斯$198叫得頂級質數就一定有保證！牛味十足有咬口，脂肪分佈均勻，入口油脂甘香。輕輕滾一下就可以食，質素喜出望外。$北海道帆立貝88大大粒帆立貝，未食已經興奮！其鮮

我係芝士狂迷，一向喜歡食芝士，今次係為咗一個芝士雞煲幫襯呢間新開嘅火鍋專門店，食完果然冇令我失望，佢暫時係眾多芝士雞煲中我最like嘅一間。老友推介我，話我知開咗一間新店，芝士雞煲好正，我即刻約咗朋友試下。芝士雞煲一上枱，未煮已經聞到香濃嘅芝士味，幾款芝士混合在一起，顏色不同，睇見都吸引。根據佢嘅顏色,應該有cheddar cheese n mozzarella cheese 。煲熱左個芝士雞喎嘅時候，芝士溶晒，我哋將雞同芝士再搞下搞下，聞到超香濃嘅芝士味，啲芝士比較杰身，完全黐住晒所有雞肉上，唔似其他店的雞煲水汪汪，呢個芝士雞脾肉好似焗烤芝士雞咁，送紅酒一流！是日自𢹂紅、白酒各一。最後嗰一兩件特別沾滿芝士焦，勁後悔冇叫大煲。 食完個雞煲，其實個煲已經冇晒汁，侍應隨即幫我地加濃湯，繼續打邊爐。又比我哋發現到好嘢，有個好似星加坡名產咁嘅黃金炸魚皮，熱辣辣沾滿鹹蛋黃香味。其他配料亦甚有水準，特級安格斯肥牛肥瘦適中！脆鯇腩、炸魚片角、自家製響鈴卷、台灣雜錦腸、川辣黃金皮蛋，仲有個黑豚肉超正！

天氣開始轉涼 又到打邊爐嘅季節行過女人街 見到有間新開嘅火鍋店 裝修有啲熟悉 火鍋配料做緊八折 一於入去試吓先經過諮詢下 原來呢度開咗三個星期左右係肚餓嘅情況之下等待湯底嘅來臨 叫住啲可以即食嘅小食先 點左呢個炸鹹蛋魚皮 新鮮炸起 脆卜卜 每一口都充滿陣陣鹹蛋香 食到欲罷不能湯底揀咗火滾麻辣雞鍋(小)雞肉嫩滑 散發出陣陣麻辣香味 很是野味 食到停唔到口嘢飲方面 店員介紹我哋飲竹䉀茅根水 係餐廳自己煲嘅 估唔到係咁足料 味道少許偏甜但清新配料方面 我哋揀咗手打五寶拼盤五款丸入邊 分別有牛丸 墨魚丸同龍蝦丸其中兩款有芝士同蛋黃夾心手打丸非常彈牙 我最愛嘅係龍蝦丸頂級安格斯(小)估唔到”小”已經咁大盤牛肉新鮮有牛味 唔係hea 嘢仲有揀左其他配料...

星期一，朋友約了我一起吃雞煲及火鍋。他約了這間在旺角的餐廳。原來是在女人街，地點也很方便。這裏的選擇也挺多。除了雞煲，還有其他的湯底味道。而且雞煲也有2種選擇，有芝士味及麻辣味，我們選擇了芝士雞煲。我們叫了一個小的芝士雞煲。煲內大概有十件雞肉，味道比較香芝士味，煲內可以看到有2種不同的芝士，味道互相配合。另外，這裏還有不同的醬汁，可以供給你自己自由配搭。這個是頂級雪花安格斯，肉質鮮嫩多汁，絕對是肥牛之中的上品。這個是手打五寶拼盤，這樣可以試不同的丸，有蝦丸，墨魚丸，牛肉等等...味道很彈牙爽口這裏環境寬敞舒適，座位也舒服，而且店員也會介紹不同的食物及給予意見給你，十分細心。

十二月終於有冬天既感覺，約埋屋企人一齊打邊爐，旺角就最方便。係柏裕H&M果邊行過去幾分鐘就到，好易搵。我地叫左一個細雞煲中辣。雞煲一開勁香，好多配菜，而且雞件都唔少。揀中辣真係無揀錯，好香口好入味。跟住叫左個鹹菜豬肚湯，好多豬肚，而且豬肚好好味，夾左好多舊黎食。頂級雪花安格斯：好靚既雪花，淥完無咩縮水👍🏻👍🏻👍🏻脆鯇腩：勁大件，屋企人都話好好味當晚無晒珊瑚蚌轉左貴花蚌，但都無令人失望😋😋😋雲吞又點少得，大大件。美國肥桶蠔：真係超大超肥🤣🤣🤣好鮮美手打五寶拼盤：有一隻丸我食中左佢中間係包住左蛋黃，好正👍🏻👍🏻👍🏻仲叫左蘿蔔：同豬肚湯好夾好好味總結：地點好就腳方便，而且食物都好好味，服務員態度都好好👍🏻👍🏻👍🏻👍🏻

睇住哩暗店舖開張，不過未有光顧嘅機會，直至昨日。本人於網上急急訂咗位，同時由本人去攞位，點知收唔到本人嘅訂座，好彩見到訂座嘅電郵，都安排咗個卡位比我，而卡位可座6位。講回食物餃類及丸類都出色，其他都一般。唯一投訴就是個爐最後原來星期四至日5：30 － 8：30有7折優惠，店舖都將哩個優惠比我。

一家一向中意打邊爐，入冬最好既活動梗係即係去烚下烚下🍲知道旺角新開左間新火鍋店，大家收工去好方便，一於決定試佢！一坐低店員就放一籃調味料俾你自助調配鍋底款式好多，除左平時豬肚/芫茜皮蛋等，新款既仲有芝士雞煲/麻辣雞煲/蕃茄湯底等等屋企人想飲啖湯水所以我地揀香茜皮蛋鍋佢裝潢上明顯有花心思，每枱都用沙發位等客人坐得舒服d👍🏻 而且佢樓底高，人多傾偈既時候都唔會覺得焗同太嘈水吧用open kitchen 好有格調等緊湯底尼既時候, 叫個炸魚蛋頭食住先佢有分魚蛋頭($28)同炸魚蛋頭($48)睇個價錢就知有唔同XD呢個炸魚蛋頭即叫即炸, 食落既時候熬熱辣辣好香口湯底尼啦~比平時出面果D多料好多,平時食開芫茜鍋得面頭幾片芫茜呢個夾極都有而且其他配料例如皮蛋、豆腐、馬蹄等都好足料我地都有趁未落餸既時候每人勺返啖湯飲下手打五寶拼盤有手打墨魚、手打蝦丸、手打牛肉丸、手打黃金墨魚同手打芝士蝦丸叫雜錦可以一次過試哂唔同款XD五寶拼盤全部都係手打, 食得出真係彈牙D有口感D特別推薦黃金墨魚同芝士蝦丸好特別食落入面係咸蛋!手打蟹子鮮蝦滑每粒都分到好多蟹籽同埋佢剮得恰到好處，咬落仲好多一粒粒蝦肉P.S員工服務態

上星期見天氣凍凍地，經過旺角通菜街就走入間火鍋店打邊爐。間餐廳非常光猛同乾淨，啲枱燈都非常之整潔。呢度出名係黃金芝士雞煲，但係我唔想食雞煲，所以就叫左一個鴛鴦鍋-麻辣+鹹菜豬肚。個麻辣湯底好香，d麻味無蓋過辣味，呃呃好。好開心，因有鹹菜豬肚,好少火鍋店有呢個湯底，而且佢哋d豬肚都幾好食。我地叫咗以下食物，總括食物意外地非常新鮮，尤其是手打蟹子鮮蝦滑，超好食，又鮮甜又彈牙。而且價錢不貴，值得再來。 1. 頂級安格斯（小）HKD128 - 牛肉肉質不錯，又有肉味，而且新鮮。 2. 手打蟹子鮮蝦滑 HKD88 - 蝦肉鮮，個滑入面有爽口嘅粒粒蝦肉，正！ 3. 新鮮白鱔片 HKD88 - 彈口，鮮甜，唔醒。 4. 蒜蓉腸HKD28- 香同好食。 5. 馬尾粉絲HKD28 -乾身 6. 炸魚片頭HKD48-非常好食個皮炸得脆，魚肉爽口又香，一定要叫。 7. 皇帝菜，菜心苗，超甜粟米&木耳（每種）HKD28-新鮮又鮮甜。 8. 蕃茄HKD12-非常新鮮

成日都以為單點火鍋一定唔會飽，因為價錢唔平，就會就住就住咁叫。不過呢間就算叫左好多都唔算好貴，而重點係非常高質呀！火鍋最緊要就係湯底，今次一於試下麻辣湯啦！平時打邊爐都會有麻辣湯，但通常就得個樣，滾多幾滾就已經無左味道。但呢間餐廳嘅麻辣湯係滾幾滾就辣到麻啦！但真心好正正字不得不讚當然係呢個羊卷！賣相已經好吸引啦，而且非常入味，每件都非常大份，厚薄適宜，重點係非常新鮮，絕非雪到無晒肉味。真係唔係間間火鍋店會有牛爽肉食，老闆推介落10秒度就要食啦！但個人覺得好似感覺怪怪，所以就滾耐少少，但都不影響味道，係會縮左少少水囉！真心讚呀！而且咁正嘅食物都唔係好貴，好抵食當然餐廳都有好多特色小食，所以點左兩款特色小食試下先。咸蛋炸魚皮。平時食魚皮都係等緊食果時口痕食下，又或者傾住計咁滾一滾。而咸蛋炸魚皮雖然唔係咩新鮮事，但係炸得好食香口就一回事啦！呢個炸魚皮非常有咸蛋味，所以都真心正！第二款小食就係油炸鬼啦！我真心以為一定要滾先可以食，但原來即食都得。油炸鬼絕對唔過氣，非常新鮮又脆。而中間嘅餡料係蝦丸，非常夾呀！火鍋最緊要係一定有飲品啦！呢度飲品選擇都好多款，而竹遮水都係下火恩物，正呀！

現在打邊爐實在有太多選擇，一時之間好難決定是要濃郁的芝士雞煲、刺激的麻辣火鍋或清清地的豬骨煲，今次來到滾起火鍋專門店，種類選擇夠多又特別，可以過足火鍋癮。場內非常光猛，而且有很多卡位。鹹菜豬肚湯是很少見的選擇，我和友人馬上選了它。果然無做錯誤選擇！胡椒味濃郁，愈滾愈有，豬肚爽口，湯底咸味適中，不是味精味。竹蔗茅根清甜滋潤，下火一流。滑雞件味道中規中矩，而西班牙黑豚肉甚有驚喜，雪花分佈均勻，肉味香濃。花枝片夠大片，吃下有滿足感，雜腸拼盤有黑椒腸、芝士腸和蒜蓉腸，其中黑椒腸最爽口和惹味。第一次吃皇帝菜，想不到口感細緻，無草青味，為打邊爐蔬菜不二之選。稻庭烏冬煙煙韌韌，無酸味，盡吸湯底精華。滾起火鍋的用料品質不俗，而且價錢合理，值得一試！

今日同朋友行完街街, 經過女人街見到有間火鍋店新開, 又見天氣涼涼地, 就最適宜就係打邊爐啦, 首先黎個芝士雞煲, 肉質嫩滑, 都OK多肉架, 芝士不會過濃, 食落就無咁漏, 咁就唔會話食完雞煲飽哂再食唔到其他野LA.我地叫左手打鮮蝦滑, 堅用鮮蝦打成, 仲見到D蝦肉架, 口感彈牙, 讚!!打邊爐點可以無牛架, 由其係我地呢D牛精, 哈哈……我地叫左頂級雪花和牛, 雪花分佈得均勻, 一D都唔鞋, 又唔覺得膩.另外仲有呢款特級和牛粒, 呢個堅正, 肉汁JUICY, 一D都唔硬, 出面好多如果烚得過火就咬都咬唔開, 哈哈….仲叫左2款海鮮, 有游水中蝦, 爽口彈牙, 味道鮮甜. 同埋元貝, 都好大隻下架, 全部都好新鮮.