滾喜火鍋專門店 (已結業)

一年四季我都喜歡食火鍋，今日去旺角搵食，經過滾喜，看到餐牌有任飲任食雞煲+火鍋，就入去一試。食物選擇豐富我們六點幾入座，被安排坐卡位，食飯時間就開始多人，好彩早入座。這裏的食物很多都是用件數來點，食多少點多少，這樣就不會浪費食物。飲品在雪櫃自取。雞煲有芝士/麻辣可選，我們選了麻辣(中辣)，加上芫茜洋葱的雞煲很香，雞索曬汁夠麻夠香口，很惹味，雞件可以免費加。我們點了升級任食安格斯$208餐，安格斯牛薄薄一片，油花均勻，肉質嫩口。有我最愛的響鈴，最驚喜就是咸蛋魚皮，就咁食已經有很濃的咸蛋味，想不到滾兩滾，咸蛋味更出更濃海蝦新鮮大隻，水魷切得薄薄一片，我喜歡。魚皮餃、自家制的鮮蝦水餃雲吞味道不錯。侍應有不時加湯及收碟，很滿足的一餐。

成班朋友一齊最好緊係食雞煲 呢間雞煲仲可以任加雞 超正😋雞有兩款味芝士&麻辣 我唔係太食得辣 但都覺得接受到呢間雞煲既麻辣 幾香口👍🏻另外芝士雞煲真係幾正 但唔知職員係新黎定係唔熟手 搞到我地芝士雞煲個底燶左 但佢地都好好幫我地起左底個啲燶左既先再比我地食另外加湯打邊爐啲料都幾好味 啲菜份量偏少 同埋會有漏單既問題 而野飲就任飲 雖然冇其他雞煲既餐廳款式多 但我覺得都算夠飲 同埋佢地既竹蔗矛根員工話係自己煲 同出面既唔同 值得一試👍🏻

今日同幾個好友來到旺角女人街,逛了好久,最終選了一家食雞煲放題的火鍋店,店鋪裝修普普通通,但空間很寬敞。雞煲放題有麻辣和芝士可選,我最喜愛芝士,先試了芝士雞煲,又試了麻辣雞煲。芝士雞煲,三重芝士,芝士料夠足,食起來芝士味濃郁。麻辣雞煲,湯底充滿麻香味,雞肉嫩滑飽滿,火鍋配料也點了好多,安格斯牛肩胛和海蝦口感最佳!安格斯牛肩胛,雪花分佈均勻,牛味香濃。海蝦,好大只,鮮嫩彈牙。其他如牛栢葉,水魷,芝士腸,丸及蔬菜就一般啦。飲品裏面,汽水,竹蔗水可任飲,啤酒要另加錢。價錢同一般火鍋店差不多,整體還不錯!

同舊同事開飯揀左食呢間滾喜，最平既雞煲+邊爐放題任食美國肥牛每位188，另加一。我地揀左任食普通安格斯就每位208再加一。四個人比左張大枱我地，有兩個爐，直接點哂兩個口味既雞煲先。分別有三重芝士同麻辣味，連埋計時器一齊上，一響撈勻就食得了！麻辣味我地叫左少辣，但個辣都幾惹味，非常唔錯。三重芝士啲芝士多到成煲舊舊雞都掂到，舊舊都拉絲哈哈。啲雞食完就可以叫職員加湯開始打邊爐，但美國肥牛既口感同味道反而都比安格斯好味，好彩落單前已經問左嗌安格斯餐可以任食肥牛。火鍋配料都幾齊全，連鵝腸都有，但雲吞餃子都麻麻地。另外重點推介佢地既自製咸蛋魚皮，超咸，好有咸蛋味！另外放題飲品汽水呀茶呀啤酒都齊，另外仲有自己煲既竹蔗茅根，味道都唔錯

果晚好想食好d，但度度都爆哂冇位，點知呢間仲有位就入左去食。叫左個芝士雞煲，兩個人食雞既份量好多，但芝士味濃郁，仲有拉絲，雞肉雖然唔算好滑，但咁既價錢已經算唔錯。食左三分二就撈左d雞出黎，加水開始打邊爐。略嫌加左水之後芝士湯底冇咁濃郁，好可惜。食物質素不過不失，食到咁上下想加個公仔面撈芝士食，但因為芝士湯底淡左，試左問一個男侍應可否加一碟仔芝士比我地，佢拒絕左。之後再問一個女侍應就成功左，然後公仔面撈芝士食，正啊！不過食到最後，居然停左電，個爐冇火（但已經食到尾聲所以還好），不過連冷氣都冇埋真係好熱⋯⋯所以忍唔住就急急走人了。總的來說係唔錯既！但其實雞係可以任添，食多d雞好似係抵d哈哈

太耐無同友人去食雞煲，今日決定去食雞煲火鍋放題每位$188起就可以任食任飲其實最吸引係佢地個雞煲除左有三重芝士同埋秘制麻辣(當然唔食得麻辣無問題,佢地有大辣，中辣，小辣同埋BB揀)我地揀左個麻辣雞煲，因為覺得芝士應該會好飽肚同埋揀左升級任食安格斯(牛肩胛)$208雞煲一早整好哂，上到台面只要2分鍾就可以食得香噴噴既麻辣味係個煲到傳出黎(當然店鋪既冷氣都比較清涼，唔會覺得熱辣辣)依完只要叫服務員幫你加水，就可以食下一Round既火鍋海蝦大隻而多肉，用黎打邊爐就係絕配炸響鈴(自家制)油份算多，打邊爐都係必備佳品飲品方面有唔同既選擇，有汽水有無汽飲品，我最鐘意佢地個個自家制竹蔗芧根

早左收工和同事行過女人街，見到間食雞煲放题的舖頭。滾喜火鍋專門店。店內簡簡單單，空間都幾寬敞，雞㷛放题可選麻辣或芝士。我都係喜歡麻辣多些，店员送上雞㷛會放計時器提我們最佳時間食。—打開麻香撲鼻，雞件炒到焦黃非常入味，肉質嫩滑。食完—round可再加雞，绝對抵食。我地都有追加。食完麻辣雞煲後，店員介绍可加錢轉其它湯底，但朋友都愛麻辣不轉加湯再打邊爐。火煱配料亦非常多選擇，但靈魂一定是肥牛，加錢升级安格斯牛，油花分佈均匀，牛味濃郁。膳片好新鲜鹹蛋魚皮是店🤩🤩🤩員推介必食，香濃鹹蛋香魚皮炸得脆囗😋😋😋。響鈴和千層荳腐都是吸湯—流。海蝦新鲜夠大隻😋，肉質彈牙。芝士腸，丸，午餐肉，蟹棒都是火锅必有。疏莱選擇多，我地比較喜歡黄帝莱，浸湯後翠绿好收引。飲品除啤酒外，大多是任飲，還有自家製竹蔗水好貼心。要讚店員好有善和好服務

帶外國來的朋友到旺角通菜街(俗稱女人街)逛逛。 怎料下起雨來, 唯有走到簷蓬下。 看看已是七時多, 雨又下個不停, 就找個地方晚餐吧。 看見前面有間火鍋食肆， 想起朋友應未試過香港的雞煲和火鍋, 便帶他入內。雞煲有兩種口味 - 三重芝土和秘制麻辣。 朋友較喜愛芝士, 就選了芝士雞煲。 任食雞煲之餘, 亦包括任食六十多款火鍋配料 另外可升級至不同級數的牛肉, $208可任食安格斯牛肩胛, 就選這個吧。 星期日至四, 可任飲任食2.5小時。 飲料就放近正門的雪櫃內, 我們可自行選取, 可供選擇也不少呢。 竟然有整瓶的竹蔗水提供, 是吃火鍋的好伙伴下單後, 店員即送上火鍋醬料， 讓我們先調較自己喜愛的火鍋醬汁。 此外, 店員亦送上鋪滿芝士的雞煲 並開動了爐, 讓芝士雞煲在我們面前滾起來。 店員會不時過來查看雞煲情況。 當雞煲滾起來時, 店員會把雞和芝士混和, 我們就可開始品嚐 雞肉鮮嫩肉厚, 加入芝士又不會令人膩差不多吃完雞煲, 我們便在點菜紙上點火鍋食品。 下單不久, 食物隨即送上。 安格斯牛肩胛果然不錯 牛肉味重, 肉質幼嫩, 脂肪分布均勻。 我們吃

是日星期五晚上，同三個朋友加一個兩歲小朋友進行晚餐，平均成人每位208加一且加10蚊假日附加費，而80cm以下兒童免費。拋開食品質素唔講，其實同其它雞煲食店差不多，而環境就冷氣唔夠大好熱好焗。想講下餐廳服務態度。一開始正正常常但到埋單的時候，一個約60嵗戴眼鏡既女士以小朋友有食野為理由要加收180加一的費用。當我哋質疑收費和餐牌標示的不同想同話事人或經理溝通時，此職員稱餐廳沒有經理和話事人，再三要求後此職員又自稱是經理，且態度惡劣。既然此職員係代表餐廳，但當我哋問佢姓氏後佢表示佢冇姓氏，成間餐廳的員工都沒有姓名。並且堅持無視餐廳餐牌原本的標價而加收費用，最後我哋要求報警或搵消委會先肯作罷。其實大家出黎食飯，果少少錢真係冇所謂，但餐廳員工的態度同疑似「屈錢」的做法真係令人發指。拋開食物質素味道不說，即使食物再好食，餐廳如此行為食完都背脊落。所以各位係埋單的時候一定一定要睇清楚，是否有出入或收多左錢，避免無故多使冤枉錢食餐咁既飯。

在旺角通菜街，食肆琳羅滿目，花多眼亂，今天終於找到一間心頭好的火鍋餐廳🍴雞煲火鍋任食放題， 我們加點了安格斯肥牛套餐$208/位。點了湯底後，侍應火速送上雞煲，還附上鬧鐘，2分鐘即刻食得。雞塊選料上乘，醬汁濃而不膩！火鍋料有蝦、膳片等上等食材，安格斯牛肉新鮮即切，烚五秒即可入口！再加上少有的咸蛋魚皮，咸香適中，脆口新鮮！加上侍應的超水準服務，很有家的感覺！

同朋友都好鍾意食雞，所以我地就揀左一齊去食芝士雞煲啦，之前新開無耐有去過食呢間滾喜，覺得啲火鍋料都幾好，所以就揀左去食多啦。佢基上有得比你揀芝士雞煲同麻辣煲兩款，雞件可以追加，我地揀左芝士，芝士味都ok，我啲朋友有啲覺得似pizza味，又有啲覺得似韓國芝士雞，但無炸咁解，味道因個人而已啦，不過食得多都有少少漏，所以我地都無加雞或者食埋麻辣就加湯打邊爐。我地每款料都係叫左少少來試試邊隻好食，我上次的經驗係牛舌、鵝腸和鱔好食，牛我地揀左無升級，但都已經不算差。我地第二輪主要叫蔬菜，同埋上round覺得好食個啲。小食有叫鹹蛋魚皮和響鈴，鹹蛋魚皮明顯比上次好食，無咁鹹，係正左的。今次我就飲左竹蔗茅根水，味道係ok，不過就略甜，我做人就接受到，因應竹蔗茅根本來就應該係咁上下味，我地明係好難煲出所有人啱飲的甜度的，所以其實唔飲甜的就可以揀烏龍茶。總括來說，我覺得比上次進步，一樣都係咁好食。

🔥滾喜火鍋專門店🔥第一次來這間火鍋店，任飲任食雞可以無限任食🐔🐔🐔同時可試哂2款雞煲🔸芝士雞煲和麻辣雞煲🔹建議大家先試芝士後試麻辣因為👧🏻始終喜歡麻辣底火鍋😋較為適合👧🏻選左$208/人*升級任食安格斯食材大部分都好新鮮。而且服務員💁‍♂️態度好好😆重點推薦:自家製咸蛋黃炸魚皮蛋黃好多，魚皮也好大塊不會好碎出面賣一包都要$50左右😆😆😍食返夠本性價比高一間任食火鍋店必定會再來😆😆👍🏻👍🏻👍🏻👧🏻👦🏻

你到7:30前離座或者9:30後入座只需要168 所以都覺得幾抵食味道質素性價比都高 叫咗美國肥牛豚肉雞件另外見佢都有好多唔同嘅火鍋配料選擇呢個值得一讚 雞煲幾好食同埋芝士味道濃 食物質素都比想像中好環境夠大可以再嚟

朋友wtsapp send左張傳單黎，有雞煲、朱潤、雞子呢D我最愛嘅重口味食物任食嘅邊爐，仲係200左右（計埋加一），即刻約齊人去試下。去到發現原來雞煲係要額外加錢，一煲約138起（人多嘅話每人加幾十蚊）。咁啱兩個朋友一個唔食芝士一個唔食辣，店員好有禮貌，話齋打邊爐都可以。揀左個188最平套餐，除左牛肉都同其他餐一樣可以任食其他配料。食物每樣都幾高質，牛肉亦有卷埋一捲捲，食落又牛味、新鮮+滑。和那些什麼牛X、X陣相比有過之而無不及。海蝦、炸魚皮都係任食，黃金魚皮超邪惡。食物亦上得好快。雖然飲品不多，也沒有甜品，但這個價錢和質素已經超值。食物款式多，價錢相宜，比那些什麼養X癲、大X袍好太多。

呢排比較手緊，但又想打邊爐，所以就相約同朋友試試呢間出名價錢親民嘅任食火鍋同雞煲。餐飲有幾個雞煲火鍋餐選擇，價錢因應牛肉級數而唔同，最貴都係hkd278一個成人。因為朋友唔食蠔嘅關係，我地揀左任食安格斯餐。雞煲前我地點左必食嘅自家製蛋黃魚皮，蛋黃味超級濃厚，一食上癮。雞煲份量唔會過多，最怕雞煲食到太飽打唔到邊爐，食唔哂又浪費。雞嘅肉質鮮美，個人覺得好好味，小辣真係我食到的辣度，正呀！火鍋配料唔好預有好多好多選擇，此終價錢真係好平，但水準唔低，有得選擇嘅餸美味都唔錯。尤其是要試嘅係牛舌，薄薄一片，一啲都唔難咬，個人覺得比安格斯牛更好味！另外仲可以試冷門嘅蒜蓉腸同西班牙黑豚肉，都好好味。最後，值得一讚再讚嘅係員工服務，有禮、有笑容，今時今日唔係每問火鍋店都做到，希望佢地可以keep住超班嘅服務態度！