滾喜火鍋專門店 (已結業)

一向好鐘意食芝士既我 聽到朋友介紹滾喜既芝士雞煲好正就馬上約埋朋友仔一齊去食好彩我地一早book左位 餐廳晚餐時間都幾full我地揀左三重芝士雞煲 + 升級安格斯係等緊個煲滾既時間 叫左咸蛋炸魚皮食魚皮好脆 咸蛋黃味又濃 值得一試！👍🏻個芝士雞煲用左唔同既芝士 真係做到拉絲既效果雞煲唔單止個樣靚 食落仲正！之前有試過食其他餐廳既芝士雞煲但都冇滾喜既咁濃芝士味而且佢大部份都係雞脾肉肉質一流🍗🍗🍗食完雞煲後就加湯打邊爐安格斯滿佈雪花👍🏻平時好少火鍋放提有牛舌所以特登叫黎試下好有牛味 又彈牙！佢啲蝦都好大隻最後值得一提既係啲員工既服務態度好好Keep住幫手收骨頭又會幫手睇下有痴底同要唔要加湯💪🏻💪🏻💪🏻

朋友知我係牛魔王&蠔王，就帶咗我去位於旺角女人街內一間叫「滾喜火鍋專門店」到打邊爐，佢話我應該會鍾意，講到咁堅就緊係要去試吓啦！入到店內，職員安排座位後好快速咁拎咗個醬料架過黎比我地自配醬料。而我地就揀咗$278任食，因為睇相嘅牛肉感覺係靚D，而且桶蠔係任食。湯底我地就選擇咗番茄湯，其實我都係第一次用番茄湯底黎哋打邊爐，估唔到都好濃蕃茄味。先上咗肥牛、黑毛豬、滑雞三樣，肥牛望落色澤好靚，忍唔住成碟即刻放哂落去，烚幾秒夾返上黎，食落好重牛味！黑毛豬就唔覺特別，但滑雞出奇地好味，超滑！而另外仲有自家製雲吞&水餃，雲吞內嘅蝦好爽口彈牙；水餃內有芹菜，對我黎講就麻麻，無咗芹菜就好了。另一重點桶蠔登場，size 比起食開嘅桶蠔就細咗D，但相比日本廣島蠔嘅Size就大少少，味道都OK，所以Encore再Encore...P. S. 其實都想為班職員平反，當晚我地食嘅時候，佢地嘅服務又唔似之前嘅人講到咁差喎！反應快又有禮貌&笑容，喺旺角食野有咁嘅服務水平，好過好多咪豬年評級嘅餐廳啦！

很久沒有吃雞煲，今天來到旺角，突然很想吃重口味的東西，就揀了一間麻辣雞煲😋這餐廳環境像高級西餐廳，有水晶鏡面牆和紅磚紅間著，氣氛不錯。先點了小食，咸蛋黃魚皮，魚皮很鬆脆，蛋黃很多，魚皮很大塊，好味點了麻辣雞煲BB辣，果然只是少少辣，很適合不太食辣但又想試的朋友。辣味十分香！有少少麻，雞肉有很多塊，每塊也很鮮嫩，分不出那是雞腿那是雞胸，不肥膩，是一個不錯的雞煲！雞煲有專人幫手炒😆👍🏻很好服務，店員也很有禮貌，上菜很快加錢升級了可以點安格斯牛，牛味濃厚，還可以任點，正！鮮蝦也是任點，很抵😋吃了很多最後點了粉絲，吸收肉味濃郁的湯底才吃，正！

好少去到一間餐廳仲要係屬放題嘅餐廳😬每一位員工嘅服務態度超滿意！我個人認為一定係呢個老闆對員工非常好！令到每一位員工嘅工作態度都充滿熱誠！而且一個好嘅經理帶領下屬是非常重要元素！位於旺角通菜街（女人街）🍲🍲滾喜火鍋專門店🍲🍲呢間火鍋專門店係🙆‍♀任食芝士或麻辣雞煲！係呀係任食！可以食完芝士然後再轉麻辣雞煲😋😋仲要飲品係任飲嘅！有60款火鍋配料任選！🤩任食安格斯牛肩胛$208一位🎈🎈三色芝士雞煲對於我芝士控就係一個非常惹味嘅雞煲！三種芝士溶為一體😋😋食到唔停得口！芝士充滿奶香一啲都唔滯！然後店員好有禮貌等問我哋試唔試吓麻辣雞煲！但係因為驚太飽！叫佢比六件嘅雞件！咪做大嘥鬼😏😏😏麻辣雞煲有大中小辣！我哋揀咗中辣🌶🌶🌶醬汁超惹味！辣中帶麻👍👍雞件非常嫩滑多汁！安格斯牛肉超香濃嘅牛肉味！柔嫩中帶點咬口！西班牙黑豚肉黑豚肉纖維較普通豬肉更為細緻！其肉質較為柔軟！肉質豐盈四溢！尤其香甜！自家製鮮蝦水餃🥟鮮蝦雲吞餡料豐富！裏面有豬肉丶鮮蝦份量啱啱好帶出鮮味！👍👍其他配料真係食唔到啦因為已經太飽啦！留返下次再試啦⋯⋯整體食物質素都好高👍

約左朋友食飯唔知食咩好，所以又去左食雞煲打邊爐。餐廳位於女人街內，外表睇落仲以為係茶餐廳，原來內有乾坤。餐廳主打食麻辣雞煲同芝士雞煲，不過我同朋友都怕芝士雞煲太膩所以揀左麻辣味道既小辣。飲品都係自助形式，除左各式汽水，仲有竹蔗茅根，清熱下火，咁就唔怕打邊爐熱氣啦!呢個係自家制鹹蛋黃炸魚皮，好香脆，而且真係好多鹹蛋黃漿包住，極度邪惡之選!雞煲一黎到已經聞倒好香，店員仲會用計時器計時，確保我地可以食到最嫩滑既雞件。呢度雞煲既味道同其他雞煲店唔同，因為佢加左唔同既香料，好惹味，夠麻又夠辣!值得一讚係雞件好多肉，唔會只係得骨，所以我地兩個女仔食完半隻雞都唔需要再添雞，因為已經開始有啲飽!火鍋配料都有好多選擇，海鮮、肉類、丸類、蔬菜都集齊。我地仲升級要左安格斯牛肉!牛肉油脂分佈平均，食落牛味香濃。海鮮都好新鮮，海蝦夠彈牙，鱔片好脆口。另外唔小得一系列食雞煲必叫既配料，豆腐，響玲，芋頭，樣樣都索哂啲汁好入味!最中意係落單可以按件落單，咁就唔怕叫得太多食唔哂，已經同朋友約埋搵日要再試埋個芝士雞煲!

召集喜愛吃雞煲之友，最近發現了一間在旺角以雞煲做主打的火鍋店，Slogan配合餐廳名字【滾喜】，「滾出你最...喜愛的火鍋味道」。挺有意思的，環境不是豪華裝演但有著非一般親切的服務，所以能做到仍然晚晚爆場，吸引不少區外區內食客捧場。道到這的確當然要立即去試試！熱愛火鍋美食在機緣下開設的火鍋店。 希望將最好的火鍋味道，分享給各位食客朋友，這是老闆的所望，當日入到去未有座位未睇Menu，店員已經非常有禮地招呼，服務意外地殷勤，坐低後就發現四圍都係滿座情怳。呢度環境夠大通風做得好，食完都冇味留係身上邊。餐牌睇睇先，任食火鍋有3款套餐！分別在於牛肉款式唔同～ 其他火鍋配料、雞煲都係samesame！1. 任食雪花肥牛 $178最平既一合餐，任食牛肉係普通雪花肥牛…但無論樣子得口感都係肥牛水準之上2. 任食頂級安格斯牛肉 $198食好少少可以揀呢個，因為唔洗$200就可以連安格斯牛肉都任食！牛肉相對會較濃3. 任食頂級雪花安格斯＋美國桶蠔 $268呢個就最Top既。雪花肥牛、頂級安格斯、頂級雪花安格斯、美國桶蠔，全部任食！話明頂級肉質一定會有分別既...是日我就揀左第二個啦，任食頂級安格斯牛肉

見到朋友IG story食芝士雞煲食得咁滋味，忍唔住問佢係邊到食得到。後來先知原來佢經常幫襯呢間，未食過芝士雞煲嘅我當然要拉佢陪我試下啦～因為去之前收到店員電話確認預約，叫我地唔好遲到。咁我地當然好乖係預約時間5點前到鋪頭，但係間鋪黑哂，有兩個疑似店員嘅人坐係出面。基於佢地個樣都幾惡下，又無問我地係咪bk咗位，我地都唔敢貿貿然問佢地係咪店員或者開店未。後尾見到門口痴住張poster寫開店時間係5點半，我就奇怪咁又比人預約5點？於是我地再出去兜下，搭正5點先再過去，點知都仲係未開店閂哂門咁。之後一邊再係附近兜一邊打電話比鋪頭，問其實係咪開5點半，店員又話唔係，語氣唔太好咁話開咗好耐啦，仲質疑只係我個鐘快咗。個下完全呆咗，明明一分鐘前完全無人咁款，真係好無奈。入座後，朋友覺得佢個位隔離有條柱頂住唔方便食野，問可唔可以調位，個陣成個場係好吉，店員一開始都唔太想比佢轉，我提議同朋友調位坐，不過佢都驚我食得辛苦所以依然想轉。好彩最後都肯比我地轉位，只係店員又再三提醒我地一定要7點前走人。食物方面，我地叫咗三重芝士雞煲。芝士都幾足料，好香。店員都會幫你炒，同你講下可以refill雞件。芝士都做到拉

今日又黎到旺角同朋友去食飯由於我地兩個都好鍾意食雞煲就搵左呢間可以無限加雞既麻辣雞煲😝有三款價錢選擇$188 美國肥牛$208 安格斯（牛肩胛）$278 高級安格斯（牛小排）+美國桶蠔我地揀左中間價位既安格斯食完雞煲仲可以任食60款火鍋配料性價比唔錯啊！一坐低，餐廳職員就會伶呢個調味盤俾你你可以按照自己喜好「筆」鍾意既醬料配菜然後佢地就會收走個盤，有需要可以再叫職員伶俾你加配料服務非常貼心，員工都好有禮貌仲會耐心解釋餐牌上既唔同選擇👍🏼👍🏼任飲既汽水、啤酒就要另外加錢有冰紅茶、綠茶、烏龍茶、可樂雪碧之類左邊係餐廳精心炮製既竹蔗茅根水非常足料！入口清甜解膩雞煲上檯 職員會用計時器計時兩分鐘等雞煲熱一熱、更入味後職員會幫手翻炒然後就可以開餐啦😝今次叫左小辣好欣賞舖頭用左大量紫洋蔥同芫茜唔好睇少小辣呢間係我食過最麻香既雞煲！非常地道既麻辣風味！上面：美國安格斯下面：澳洲牛舌、西班牙黑豚肉不得不讚擺盤整齊乾淨👏🏼安格斯牛肉 肉味濃郁 油花分佈均勻encore叫左5次 單食呢個牛肩胛已經回本海蝦大大隻，啖啖肉鵝腸有大量肥膏、非常肥美、祿15秒就食得，好脆口份量完全根據人頭上客人可以掌握食既份量，

Tasty chicken casserole and hotpot buffet@MKMy families and I went to a restaurant called”Roll Up Hotpot”(滾喜火鍋專門店) located in Shop F,G&H, G/F, Hung Kwong Building, 2A-2P Tung Choi Street, Mong Kok,(旺角通菜街2A-2P鴻光大廈地下F,G)The restaurant has a neat new modern decor,quite nice when compares with the same type of restaurants in the same district.The chicken casserole and hotpot buffet sets cost HKD$ 188-HKD$278 per adult which allow you eat all you can eat within 2.5 hrs (Sun-Thurs) or 2 hrs (Fri/Sat).

今次選擇了芝士雞煲雞煲味道可以的但火鍋料完全👎🏻我未食試過食午餐肉會溶👎🏻鵝腸肥到根本食唔到👎🏻牛丸，海膽丸質素真係👎🏻其中自家制蛋黃魚皮係出色的大致上，只有雞煲同魚皮係可以的待應會力推雞煲，臨轉火鍋前待應都再三問，要否食多兩件雞先😅如何一心只食雞煲係可以的

早前睇到fb有推介介紹，見到好似幾正咁就去試下啦。喺fb明明推介寫7:30前埋單有20蚊優惠，點知假的，原來係7點前埋單先有。食野時間有2.5hour，所以都特登book 5點開始食。去到入面我地第一枱熄曬燈，吾講吾知以位吾開鋪，經理又卡位訓教。個雞煲吾錯，當時我地得兩枱客，雖然野食ok,但愈食愈覺得煩，好似睇緊真人show駡戰(經理不斷與男waiter大聲地發生爭執,並糾纏約45分鐘經理期間問候 waiter家人。個人覺得waiter冇問題，佢好好服務，好笑容，有問我地仲需吾需要啲咩咁)。我同家人6:30已食飽，只是座在位置上hea，到7:01分，經理走埋離話last order 並要求付款，之後check單發現冇$20 discount,咪問下，個經理態度之後極不友善表示需7點前離座方可享優惠。之後我地俾反fb個po俾佢睇，佢完全吾睇吾理，話咩從來都冇7:30前離座的優惠。Ok,我地咁其實都理解，可能係fb嗰個page搞錯咗，但有冇搞錯，我地諗住好心同你講返人地可能搞錯咗，希望你快啲搞清楚，吾好令更多人好似我地咁啫，佢理都吾理我地，態勢極差！總結，以後都吾會再去！

雖然天氣開始轉暖，但都無損我喜愛打邊爐既心情😍😍我平時食野都習慣book位，今次諗住係平日，唔會咁多人，所以冇book位，好彩收工收得早，7:00去到仲有少少位，再遲多少少都已滿座😭😭哩度放題有3個價錢，可以按個人喜好揀選唔同價錢食唔同既野，如果鍾意食蠔同牛既朋友仔，揀$278就最抵啦👍🏻之前我係度食過芝士雞煲，今次就食麻辣雞煲（中辣）對於我黎講有少少香辣，下次可以再試大辣😍😍蔬菜種類新鮮，份量會跟你所寫既相對應，咁虎唔怕食唔曬會浪費啦👍🏻安格斯牛/羊肉質鮮嫩桶蠔有半個手掌咁大，冇腥味鵝腸同牛柏葉十分爽口命有我最愛既膳片，又厚又大又脆口我地兩個女仔唔係食我好多野，但係我覺得食物質素對我住個價錢，而且哩度d工作人員個個都好nice,水準一直都keep到👍🏻👍🏻

幾兄弟喺通菜街[ 滾喜火鍋專門店] 嘆火鍋放題，認真好味！食得好開心！ 間鋪喺通菜街內地鋪，六點幾未有咁多客，不過跟住啲客就 陸續入座喇超人氣！大部分都係一班年青人。 氣氛幾好，我地坐喺卡位首先揀左個2O8元一位嘅安格斯(升級任食餐）雞煲任食+60幾款火鍋配料。 種類好齊應有盡有！各款汽水任飲，可惜啤酒例外，但美食當前點都要叫番幾枝隊下。 職員將芝士雞煲加熱再攪勻滾起嘅芝士香到不得了！雞件又滑！啖啖肉！冇得彈！食到我地夠之後，再加入湯水火鍋。啲火鍋配料吸收左雞同芝士嘅精華非常滋味！ 安格斯牛口感軟滑，肥牛甘香肥美！啤酒又夠冰凍餸脆口甘香嘅 鹹蛋黃魚皮真係好好味！好正！

旺角女人街內兩旁食店林立， 蘊藏着不少風味'美食店。今晚 約齊朋友到 "滾喜火鍋專門店 "食雞煲火鍋，店內環境光亮，開放式卡位，長枱，坐落算舒適。這店的芝士雞煲頗有口碑，認真要試試！除了任食芝士，秘製麻辣雞煲外，還有60多種火鍋配料，好豐盛！三款不同收費的套餐;一、美國 肥牛成人/ $ 188 小童 /$108二、升級任食安格斯 成人 / $208小童 / $ 128高級安格斯(牛小排)+美國桶蠔成人 / $ 278 小童 / $ 128我們選了升級安格斯任食套餐，先食芝士鷄煲和麻辣雞煲先！真的與別不同！除了不同的芝士還有香草，濃稠適中，熱溶了的拉絲芝士非常甘香！芝士包着大大件的雞肉非常嫩滑的口感！更難得的是 吃着~吃着都不覺膩！吃 完芝士繼續吃麻辣鷄煲了，我們要求了小辣，口感麻而微辣的很惹味感覺很特別！又是別一番風味，真是吃不停！很滿足啊！大快朵頤一番後，職員將湯注入雞煲內準備火鍋了……吃完雞鍋巳有飽足感，但在六十多款配料前根本控制不了，首先點了又愛又恨的……甘香咸蛋黃魚皮和鬆脆響鈴，蔬菜也很新鮮！安格斯，肥牛肉味濃郁！牛舌甘香軟滑！大大粒雲吞，海蝦，脆肉鯇…………都吃不停！

星期六約左一班朋友，一齊去滾喜食雞煲打邊爐。滾喜雞煲有2種。一種係芝士雞煲，另一種係麻辣雞煲。我會建議先食麻辣雞煲，因為會無甘易食到滯。麻辣香同刺激會更令自己開胃。雞件可選10件20件或30件，自己可以因肚仔食量而定。基本麻辣雞煲好入味，無咩好彈。重點更係芝士雞煲。三重芝士已經夠噱頭。芝士溶左陣陣香味，口感更豐富。睇見一條條拉絲真係落足料。芝士雞真係一絕，即使唔打邊爐既，食雞都夠回本。至於打邊爐方面，可加少少錢轉安格斯牛。牛味的確較濃。火鍋料黎得好足，基本上平時食開既牛豬羊雞都有。想健康d可以叫d菜類。飲料方面更有竹庶茅根，足夠下火啦。