滾喜火鍋專門店 (已結業)

朋友回港，相約遊逛旺角女人街，油麻地方向差不多行到尾，搵到間食雞煲火鍋放題的食店，雞煲味道可以揀芝士或麻辣，三重芝士雞煲較特別，放上爐之前仍然清晰可見幾種芝士，計時加熱後，芝士溶入各雞件上，用長木匙炒起， 香氣撲鼻，芝味滿瀉，吃完可繼續任加雞件芝士雞煲唔算太膩， 如果加少少辣會更 有層次。吃到這個時候，已經飽了三分一。加湯之後便可以繼續打邊爐。美國肥牛質素不錯呢！安格斯牛更加美味。羊肉片及澳洲牛舌也要一讚，大家吃到不停口。最欣賞是海蝦，大大隻，非常新鮮。芝士腸，蟹柳，鮮蝦雲吞及鮮蝦水餃都是自家製，新鮮。牛柏葉 記得唔好滾咁耐。最喜歡這裡的自家製鹹蛋炸魚皮，爽脆可口，豐富鹹蛋味，我的至愛。炸響鈴也是我必叫火鍋料。蔬菜類選擇了皇帝菜。任飲項目有可樂，檸檬茶，烏龍茶等等， 還有自家製甘筍甘蔗水， 健康美味。

這間滾喜煱店算是我食過最差的一間，昨晚和兩好友慶祝我生日一試這火煱店。我們選了芝士雞煲加安格斯肥牛208一位，男服務員態度超差，居然問我哋若唔食雞煲可以直接打邊爐，我哋真O晒嘴，話明我哋點選食芝士雞煲!隨後問男服員取碟子放骨碟，他竟然話一張枱只能比一只小碟，他真係有病3個人共用一只吐骨碟多嘔心，連問他加豉油都要等片刻。食物選擇真小，連好基本魚滑，豆腐，腐竹，鮮菇都沒有，每次點火煱料嚟到份量少之又少，點3人份量皇帝菜，嚟到只有幾條，要重點3次份量未夠半斤菜。升級食安格斯質量有如佳寶68元一磅質素。任飲飲品選擇小。這間滾喜火煱店不去絕對無損失。

想起很久沒有食雞煲火鍋，今晚便約了朋友來到旺角食這家滾喜火鍋專門店，每位$208已經包了雞煲，配料，海鮮，飲品等任食任飲。餐廳位於通菜街，地點方便易搵，環境寬落舒適，通風衛生，不會聞到油煙味。芝士雞煲用了多款芝士，如車打芝士，忌廉芝士等，香氣撲鼻，芝士香味濃郁，滲入雞肉當中。雞煲等幾分鐘後再攪勻後就可以食，嫩滑鮮甜，和芝士味好夾。麻辣雞煲選了小辣，辣度適中，麻而香辣，惹味可口，雞肉味道香濃。鮮蝦雲吞和鮮蝦水餃皮薄餡靚，入口滑溜，肉質鮮甜多汁，有豬肉和鮮蝦肉等，水餃入面還有木耳，爽脆鮮甜。美國肥牛切得薄身，肥瘦適中，雪花脂肪分佈平均，咬落嫩滑有口感，牛肉味濃郁。海鮮系列有海蝦，白鱔，脆鯇，魷魚和鵝腸等。海蝦新鮮大隻，蝦肉彈牙鮮甜，蝦味濃郁。白鱔和脆鯇鮮甜可口，少骨而嫩滑，魚香味甜。蔬菜有金菇菜，粟米，菜芯，雞脾菇等，爽脆鮮甜。

滾喜火鍋主打任食芝士及麻辣雞煲，設有多款價格套餐，港幣188美國肥牛、208安格斯牛肩胛、278高級安格斯及桶蠔任食。星期日至四更長達2.5小時任食，時間充沛，無需轉場亦可跟朋友暢談。Round 1: 芝士雞煲建議點煲時可以跟師傅溝通份量，先吃芝士雞煲再吃麻辣雞煲。滿滿份量的芝士黏附雞件，整盤雞被芝士覆蓋，芝味十足。芝士呈拉絲感，質感軟嫩芝香味濃，一口雞肉一啖芝士，惹味無窮。Round2: 麻辣雞煲麻辣味較香，醬汁可以再多些，雞件肉厚骨少，肉質彈呀，醬汁入味，喜好辣的朋友可直接選中辣，更麻更辣更滋味。安格斯牛肩胛、牛舌安格斯牛肉肉質鮮嫩紅白混合，涮至七成熟鮮嫩軟滑，涮至九成更顯肉香。牛舌薄片，涮熟後爽口彈牙，薄而柔滑。蝦、白鱔原隻蝦新鮮鮮美，蝦肉彈牙爽口彈牙。白鱔每片肉白透薄，魚肉質結實彈牙中帶柔嫩細緻，若果細骨也去掉就完美。整體來講，任食價格便宜，食物選擇多，重點是放題時間長，朋友聚餐的好地方。

今日收咗工同同事嚟旺角打邊爐🥘，順便食埋個雞煲🐥，呢度加少少錢就可以升級埋安格斯🐮甚至美國蠔，驚試唔晒咁多就靜係升級到安格斯牛肉。嘢飲同火鍋料都係任食嘅，一開始上雞煲會倒數幾分鐘之後，會有員工幫你撈兩撈就食得，醬汁唔算多，反而食落先食到真正嘅雞味，每舊雞真係好大，食晒都幾飽。之後就可以叫店員加湯打邊爐，寫紙仔加就得，上菜都上得好快，服務態度好好👍🏻👍🏻基本上質素唔錯，而且地方好闊落，適合大班人三五成群去食👍🏻

之前已經食過一次了，一直對這間的雞煲念念不忘，所以今天要再來食！自己調醬汁～吃火鍋怎麼可以沒有竹蔗茅根！不會很甜喝起來非常清爽～雞很入味而且非常嫩，麻麻的非常香，基本上都是雞腿肉喔～牛柏葉口感非常好，水魷也是～牛舌很新鮮，薄薄的不會硬不會老這牛肉超好吃！肉很軟，牛味非常濃，肉很新鮮，肥瘦比例剛剛好。炸魚皮是自家製的，而且剛剛炸出來，鹹蛋味非常香～菜類都非常新鮮～食麻辣火鍋必備的薯粉給滿了湯汁而且口感很好的非常好吃。丸類選擇很多，鮮蝦雲吞蝦子超大！

原本想跟他們食另一間 怎知走到來旺角通菜街才知道已經結業 反而見到另一間新開的 就是我眼前見到的滾喜火鍋專門店 (旺角) 本來想食意粉 怎知結業了 怎麼辦呢 問一問他們 他們說食火鍋都可以 於是我就走入去坐下來 跟職員說還有兩位朋友稍後會進來坐下來細心看一看餐牌 就見到餐牌上寫着任食芝士或者麻辣雞煲 每位$188任食雞煲 再加任食60款火鍋配料 可以免費加雞件 等他們進來之後 我們便開動大胃王的本領 先不停食雞 先食咗辣味 再食芝士味 兩款不同味道各有特色 食完之後就叫職員加湯底 但因為食完之後覺得煲底都有點兒油膩 因為很多的油分佈滿整個煲 所以忍不住加錢換另一個新煲 餐牌都有寫明如果換煲加湯的話要加$20 然之後就好似平是打邊爐一樣 有一些蔬菜類 又有一些丸類 最後買單的時候大家都食得好飽 

今日來到通菜街，突然聞到好香的雞煲味道，望下附近，原來有間任食芝士/麻辣雞煲，呢間餐廳就係叫”滾喜火鍋專門店”，既然味道甘香吸引到我靈敏的鼻子，緊係要入來試下，哈哈！見到餐牌有2款雞煲，分別係三重芝士或者秘製麻辣雞煲，最低消費都係每位$188起，仲有成60多款火鍋配料！最抵既係，如果覺得雞煲雞件唔夠食，可以再免費添雞件，岩曬大胃口的朋友仔！不過今天我只有2個人，所以一個普通雞煲夠食啦。雖然牛肉是任食的，但有分係: 美國肥牛/安格斯牛肩胛/高級安格斯牛小排。每款的價錢分別是$188/$208/$278。如果選擇係高級安格斯牛小排，可以任食埋美國桶蠔。我地最後揀左安格斯牛肩胛$208的套餐。因為雞煲是麻辣的，我地唔係甘食得辣，所以叫左BB辣。雞煲來啦！好香的麻辣味道，D雞件數量都頗多下，仲有我至愛的芫茜！餐廳很細心，提供埋計時器計算雞煲是否食得。只需要2分鐘，就可以享受美味的雞煲啦。入面有埋洋蔥的，煮左2分鐘，無論是外貌還是味道，更加令人垂涎三尺！雞件的口感很滑及很新鮮，而且每件都大大件的，真係十分足料。BB辣味道可以接受，不是太辣，反而有小小微甜，應該一般人都可以接受到的。食完雞煲，就可

諗緊今日放工食咩好，突然醒起之前有朋友介紹過呢間任飲任食既雞煲放題，就一於去食下！大約7點左右去到，唔洗等位就入得去了。睇下個餐牌，原來有2款口味既口味既雞煲🤤正，我地就試左芝士雞煲先。一黎到店員就會幫你計時啲芝士既煮幾耐，鐘響左仲會幫你搞下佢先，店員幾有禮貌同幾好服務。芝士份量好多味道好濃，岩晒芝士控既我。雞件都好滑好入味。再試埋個麻辣雞煲，有得選擇辣既程度，而我地就揀左bb辣。味道好特別，可能加左好多唔同既香料，食落好惹味！食完雞煲仲可以叫其他配料打邊爐，一次過滿足左三個願望！仲有自家制咸蛋黃炸魚皮，脆卜卜，好香既咸蛋味！我地揀呢個餐仲可以任食安格斯牛肉，只需滾幾秒就食得，食落好鮮味。再食埋其他配料，已經好飽好滿足了！

每次同一大班朋友食飯，都會煩惱去咩餐廳可以坐到咁多人之餘，又唔洗等好耐位。諗黎諗去，都係食下放題火鍋類既餐廳係最佳之選～平時多數都係喺朋友屋企打邊爐，但今次大家都懶買野同洗野，決定出去食～我地去到油麻地地鐵站附近既「滾喜」，佢地既店鋪好大間，包保多多人都坐得落，仲好寬敞舒適添～ 我地7 點過少少黎到，好快就坐滿食客。餐廳好闊絡，非常開揚，亦都好通風～ 唔洗驚焗住一身火鍋味，睇落可以容納好多食客，而且餐廳內既軟座椅幾舒服，大家可以慢慢享用放題晚餐 😍開始起筷前，我地要自己調味先。佢地既調味料款式好多，全部都係自家製，有品質保證。我個人比較中意蒜蓉、辣椒同埋蔥，加埋醬油之後，就聞到陣陣幽香 😙不久，店員就端上一個鐵鍋，裡面放滿秘製麻辣雞塊、洋蔥、芫荽同辣椒🌶️。雖然麻辣雞煲興起多時，但今次係我第一次食雞煲。原來食完雞煲之後，會直接用同一個鍋打邊爐！因為我地都唔係太食得辣，所以點左BB 辣，希望可以淺嚐辣雞煲既滋味。「滾喜」既雞塊十分足料，食極都食唔完。雞塊既味道香辣惹味，辣得好過癮，而且雞肉肉質鮮嫩，加上香口既紫洋蔥調味，真係好唔錯～食完雞煲之後，就開始火鍋放題，不過其實當時已經有五成飽 😂

先雞煲然後任食火鍋，選擇了小辣多麻的雞煲！嘿嘿味道很濃，雞件入味，辣味剛好，麻味十足！而且份量頗多，洋蔥和芫茜新鮮，嘿嘿雞件多數是脾上位肉，不錯！十分香口雞件係可以添加的！不過２人食都很足夠，留肚吃火鍋料！嘿嘿安格斯牛肉，賣相十分吸引，脂肪比例不錯滾兩滾就吃得了！牛味濃郁！食材新鮮！嘿嘿原味炸魚皮，也有咸蛋味！比較少見！這裡的火鍋配料因應人數而上菜，我覺得不錯！每樣剛剛夠吃，　不夠可以再點，不會漏單！嘿嘿

我同朋友本身都好鍾意食雞煲，諗住今次就返朋友喺旺角放工就上OpenRice睇吓邊間好，見到呢間滾起火鍋專門店都幾多好評就book呢間試吓。🙃我哋叫咗個麻辣雞煲，由於唔知有幾辣所以都係叫咗小辣試吓先🤭🤭個煲一嚟到啲香味已經傳咗過嚟搞到我更加肚餓！辣度同麻度適中，我哋兩個都接受到兼好喜歡！！而且啲雞好少骨最啱我呢啲懶人！😋😋😋食完雞煲就係火鍋喇，個形式好似放題咁有紙比你tick你想食嘅餸，我哋加錢叫咗高級安格斯牛，虎蝦，西班牙黑豚肉片，澳洲牛舌，牛柏葉，響鈴，午餐肉等等，當中最喜歡係個牛肉同埋牛柏葉！我哋兩個都食左勁多野飽到上心口！🤦🏾‍♀呢度有竹蔗茅根飲，似係自己煲都幾好味，又可以清熱消滯，很不錯！呢度職員服務都唔錯，而且d餸黎得都好快，收碟亦都好有效率，值得讚！

任食雞煲火鍋經朋友介紹，來到旺角通菜街內的 “ 滾喜火鍋專門店 ”食雞煲加火鍋。入到去職員立即帶位和介紹飲品位置，坐下後感覺環境也算寬敞，十分舒適👍🏾👍🏾👍🏾。食物方面可選擇麻辣雞煲或芝士雞煲，由於我們共六個人所以兩款都要，麻辣雞煲香味濃郁撲鼻，雞肉嫩滑啖啖肉，而芝士雞煲的芝士也很濃郁美味，吃完雞煲還可以添加任飲任食火鍋，仲可以升級食高級安格斯肥牛及超大隻甜美美國桶蠔，其餘還有60多款火鍋配料可以選擇😊實在是很豐富！加上價錢一點都不貴，下次必定會再來的！

話說已經差不多一年冇食雞煲，喺朋友推薦下就試吓呢間係旺角嘅滾喜雞煲邊爐。通常一般雞煲都係食完雞之後就叫餸打邊爐，呢度食完雞之後嘅火鍋係任食嘅，完全唔使就住就住，堅係正！我哋一坐低就揀咗一個麻辣雞煲同一個芝士雞煲。麻辣雞煲就正常嘢，至於芝士雞煲就十分濃芝士味，食落真係幾正！呢度嘅雞煲肉比較多，啱晒鍾意啖啖肉既我！食完雞煲之後，就開始打邊爐。我哋揀咗個最高級嘅安格斯牛，仲有得食埋美國桶蠔。牛肉都幾出色，而桶蠔就真係勁大隻，有成隻手掌咁大。其他食物都算唔錯，牛柏葉同水魷就特別新鮮。至於飲品方面，都有幾多選擇，好似竹蔗水，檸檬茶，烏龍茶，涼茶同汽水等等，實有一款啱你飲戰鬥左兩個半鐘之後，我哋全家人都捧住個肚走，啲員工亦好好相與。總括嚟講，滾喜係少有嘅抵食雞煲加任食火鍋，如果大家想食雞煲，都不失為一個唔錯嘅選擇！

好耐都冇食雞煲喇🤤🤤🤤今晚一定要去煲一煲呀。第一次黎滾喜火鍋專門店，入去涼浸浸，好舒服。呢度佈置幾特別，有懷舊感覺，薈萃教堂玻璃嘅特式風格，感覺高貴清新。水吧位有冰室嘅格調，整間食店非常光猛，十分舒適。最可愛係熱情又主動嘅侍應叔叔，講野好似舊時年代嘅人，好似睇緊懷舊香港咁😂😂呢度係任飲任食，有不同收費$188/$208/$278，視乎自己想食咩牛黎揀，我地揀左中間價，食安格斯牛。揀好餐就黎麻辣招牌雞煲喇😋點左個微辣，本來想食芝士，但老公食唔到冇叫。一開蓋已經聞到濃烈嘅麻香味同好香嘅葱味。個醬汁真係香味濃郁，個汁會愈煮愈濃，好彩叫微辣，初初入口勁惹味，愈食會愈辣，但仍然好好食。雞肉嫩滑啖啖肉，份量唔夠唔緊要，因為可以再添。加入好多芫茜，將成個雞煲帶上另一個層次，芫茜控大愛。食完雞就加湯打邊爐，中和返雞煲本身嘅辣味，味道剛好。其他食材有安格斯牛，口感軟腍，牛味濃郁，就算滾得耐左，亦唔會有嚡口和同韌嘅感覺。無限添加，都係保持質素。另外有新鮮蔬菜，海蝦，丸物，餃子，大大午餐肉，黑椒味香濃嘅牛丸，魚皮，響鈴等等，全部食材幾新鮮，唔錯😋👍