滾得棧

营业中

休息中

搵咗間滾得棧天后店下午仲有點心食是酒店級師傅製作，不單點心外觀夠心思，仲用新鮮食材而成有創意點心絕對味道是性價比高下午仲可以選擇食點心又得打邊爐又得地方大大座位舒適自製手工點心有傳統點心蝦餃、燒賣、鮮蝦炸雲吞、傳統馬拉糕、傳統灌湯餃青芥脆蝦小漢堡、鮮上肉響鈴腸、愛心白汁芝士蘑菇雞批、脆炸墨蝦荔枝球冬筍活剝鮮蝦餃皇、黑松露蒸燒賣、迷你清酒雲吞雞青芥脆蝦小漢堡真心必點都是手工用心機製作醬汁用上少少Wasabi，但個味道絕對大小朋友都岩食店內必食之一一口小漢堡灌湯餃 $52真係去到邊都要食餃皮包住香濃嘅湯汁飲到清甜上湯仲有蝦肉嘅餡料大推介呢款讚不絕口點心鮮上肉響鈴腸，腸粉入面加了肉同蝦係響鈴除了夠特別亦都花功夫去製造咬落去響鈴仲超級好脆，必食之選炸蝦餅 $108最喜歡食蝦就不能錯過即叫即炸嘅蝦餅外皮酥脆每塊咬到爽口彈牙嘅新鮮蝦肉佢嗁食材都係貴價又新鮮有濃郁嘅蝦味配上泰式辣醬 真係非常滋味墨膠鮮蝦荔枝球 $36我都是第一次見外觀非常靚嘅點心有點兒唔捨得食外面脆口，蝦肉爽滑同墨魚嘅鮮香，啖啖肉黑松露蒸燒賣 $26嘩洗唔洗咁大粒呀咬落去就知好食，肉夠新鮮百花蟹籽魚肚冬筍活剝鮮蝦餃皇 $26大大粒餃

冷風到,  最好圍坐打邊爐, 暖笠笠.    滾得棧 ,  近維園, 去完工展會去圍爐最好.食堂在一樓, 門外有餐牌, 火鍋食品選擇多.看看才知最近加了午市火鍋, 真好啊.食堂空氣流通, 設梳化座位,  整潔美觀,  相當舒服. 店員送來醬料架, 我們自由添加,   醬料有 4 款: 蔥粒, 炸蒜, 蒜蓉,  辣椒粒. 可辣可唔辣,  自己調教醬汁.店長介紹時令食材, 送上點菜單, 海鮮, 牛羊豬雞, 蔬菜, 丸子.......部份食物更可點 (半份),  此店為細台客人想得好周到, 真細心. 準備打邊爐, 大家飲杯 竹蔗茅根水, 夠清涼.店員好快就送上湯底, 藥材醉雞湯底,  先來滾一滾, 聞到濃香藥材味,  湯底藥材好足料, 電磁爐勁熱. 有黨參,  淮山, 紅棗, 杞子, 龍眼肉, 能夠補中益氣, 明目補血, 加上可口雞湯, 食得健康.醉雞鍋, 半隻雞的份量十足, 雞件啖啖肉.  雞肉入味又嫩滑,雞肉質不錯, 油脂不多, 少骨, 兩個人食剛剛好.接著送上我們落了單的各款食品.   首先被賣相甚佳的靚靚牛肉吸引. 各款食材明亮整潔, 桌面闊落, 值得加分.蘇格蘭竹筒蚌, 肥美厚肉,

一大班人食飯，茶樓係不二之選。不過呢間餐廳嘅點心全部都係細細籠，好的骰，而且選擇唔係一般傳統嘅茶樓款式，所以好有驚喜。味道都非常唔錯，朋友叫咗好多唔同款式，大家都可以試吓。下午嚟食會比較好，因為夜晚餐廳會轉咗做火鍋晚市。

最近多咗去天后附近食飯，今晚就去咗打邊爐。坐低後，店員就會放低醬料架自己混醬。揀咗雙拼湯底，就睇餐單揀火鍋配料，原來右上方個紅色三角形代表配料唔可以雙拼，4人以下先有得雙拼。🔥味菜胡椒豬肚湯底和潮州湯底揀咗雙拼湯底，味菜鹹鹹酸酸，豬肚嫩滑無腥味；潮州湯底有紫菜、豆腐、蝦仔、肉碎和唐芹，味道鹹香。🔥招牌手切牛頸脊牛頸脊顏色鮮紅帶油花，口感軟滑易入口，味道頗濃。🔥三秒腐皮滾三秒，咬開時，吸入的湯流出，響鈴脆口。🔥自製四寶丸墨魚丸、蝦丸和鯪魚丸都彈牙爽口，蝦丸有蝦肉；鯪魚丸的陳皮幾香，牛丸口感實淨。🔥西班牙黑豚肉黑豚肉唔油膩，肉有嚼勁。🔥鮮海蝦蝦紮紮跳，好新鮮，蝦膏甜美，蝦肉彈牙。

今日同同事下午去飲茶飲到一肚氣呀一去到，攞位，明明好多枱，講到好似冇枱咁叫我地坐低咗！開唒茶，先話有人訂咗！要我地搬去另一枱！訂咗枱一定要嗰張枱架咩一路遞手叫人落單，有個男人來來回回都係話等陣幾驚落唔到單搞到遲到返唔到工呀四個迷你漢堡好似要$36兩個雖然係好食嘅，但都偏貴最鬼嬲係右面嗰碟呀！明明係炸花卷！竟然話係葱油餅炸到油淋淋咁！知係咁嘅樣一定唔會叫呀左面係炸鮮奶同佢張圖係完全唔同！嬲到有啲想報海關呀呢個響鈴腸明顯又縮咗水呢個所謂雲吞雞，得三粒雲吞，幾粒好細嘅雪藏雞肉$34⋯⋯燒賣$26兩粒，雖然都係貴但總算又大粒，蝦又爽花膠鮮竹卷，$26⋯⋯都還可以黑松露帶子蛋白炒飯，$128總算係合理價錢又好食嘅喺附近做咗幾年嘢，久唔久都會幫襯！但質素差咗，價錢貴咗！回頭率急跌呀⋯⋯

同朋友係天后行完街又唔知食咩好 就求其上網揾下打邊爐店 貪佢坐得耐又可以吹下水
本身無抱著任何期望去食 點知食完我同朋友都一致好評 揾到間隱世打邊爐店 當日已經約定第二日再去其他分店食


今日幾條友約我去食飯，我就帶咗佢地去咗打邊爐，對我嚟講其實主要係食牛肉，嚟滾得棧，食牛就從來都無令我失望過嘅，個牛頸脊係真係正，朋友比較喜歡吃海鮮，特別要咗個象拔蚌刺身，食落就知真係加拿大蚌，個味道堅係同平時食個啲美國蚌唔同。另外蝦仲係識郁嘅，桶蠔好肥美大隻，其他嘢食，質素都唔錯，總括嚟講成餐飯個體驗都唔錯，低我幫襯完一次又一次嘅！

食物質素其實不錯，可惜員工態度好差，唔出句聲就加開瓶費入單，到埋單自己查看才知道。我們分2枱，20多人想攪清礎，開口查詢問就三個職員輪流來指控我們，兇神惡殺，一定不會再來。

食物價錢合理 牛頸味道好 菜有虫 一叫即換俾我 抵讚既 鱔有少骨但味道係好既 四寶丸係好食既 真手打 尚算清潔，上菜速度少少慢埋單先黎發生不愉快事件， 話說距收多左我一碟丸錢， 咁叫距void 左張單同payment， 距話距做唔到 ，叫我下一次黎食先退俾我，咁我話refund cash 俾我算啦， 距就refund 淨係碟丸既錢俾我， 我提番距張單你收左我加一 你應該退埋加一既錢 距就發悔氣 。態度極差下一次唔會黎 垃圾鋪頭 自己做錯都唔道歉

一年一度 #小秘書 #專屬飯局 正式開始😄 呢晚有 #首領 相伴就更熱鬧🥳 識我嘅人都知我對 #港式火鍋 情有獨鍾，所以 #烚吓烚吓 就最啱我😉 好耐都無幫襯嘅 滾得棧-天后店 #小秘書 呢晚重遊舊地。仲諗住自己好準時，點知朋友仔一早已經到齊，真係有心❤️ 佢哋仲特別為我哋叫咗個 #花膠雞 用湯底，最啱呢排dry dry地嘅我🤭 未放 #火鍋料 落湯之前，梗係先要飲返兩碗 #花膠雞湯 補吓身，#湯料 原來都幾豐富㗎，#花膠 同 #雞 當然係主角，鍋裡面仲會搵到 #金華火腿 同埋啲 #豬軟骨，成煲湯充滿 #骨膠原 🤩 講到 #火鍋料，#肥牛 當然唔少得，仲有我至愛嘅 #蝦滑 同 #鮮蝦雲吞 一定唔少得😝 師傅打 #蝦滑 嘅手勢真係有一手，入口彈牙又充滿鮮蝦味道… 正呀‼️#滾得棧 整體食物質素都唔錯，只係樓底比較矮、張枱就真係略嫌細咗啲，不過迫迫地我哋又可以乘機坐得親密啲，難得齊人，梗係要傾盡佢啦🍻📍 滾得棧 (天后)電氣道80-86號成功樓地下C舖連閣樓

點咗蝦餃、黑松露燒賣、芝士蝦春捲、 蒸魚肚、牛肉腸、芝麻卷、煎釀青椒， 點心價錢非常之便宜真係似一般外賣店唐x點心， 28蚊4小條蝦春捲裏面有一份唔夠1cm蝦包住厚實春卷皮非常之差， 芝麻卷淡而無味， 糖份唔夠亦冇黑芝麻香味， 牛肉腸上枱竟然係微暖腸粉皮厚厚， 冇味道，煎釀青椒青椒好似隔夜攞出嚟再翻熱咁咬落去淋bet bet。 一朝早打電話訂枱接聽男士非常有禮，去到時候員工都好有禮，加水亦都快， 回答也友善有禮。但係咩原因其他食評寫服務超差，發現女收銀員收款時候態度行為非常之差，所以我明白點解有人話佢地服務差，有害群之馬拖累。 天后舊區，附近幾間酒樓普遍都價錢超平，食物質素亦成正比。 燒賣外皮蒸到爛開， 調味不足冇味道。 可以當佢係唐x點心堂食有加一服務。

十二月十六日星期五晚上七點，去完工展會，見倒火鍋店就上去睇吓有冇位，女服務員話要八點半交枱，我哋只係兩個人所以冇問題。叫咗普通元茜鍋底，一碟大牛肉，脆骨腩，四寶丸，約六樣嘢，可能我哋叫得少嘢。當問嗰個女服務員有乜嘢飲，佢話有汽水，啤酒，竹蔗水之類，但問有冇樽裝水，個女服務員話冇，敢我哋叫佢開壺滾水嗰陣，可能因為唔叫其他飲料，佢黑晒面嬲爆爆敢走咗，之後都冇拎水嚟，最後我哋叫咗另一個男服務員開咗壺水，終於有嘢飲，而最後八點半前離座。我唔否認佢哋啲食物係幾好食幾新鮮，牛有肉味，脆骨腩非常好食，但有嗰個敢嘅服務態度嘅服務員，簡直就係趕客走，下次請我免費食我都唔會去，怕受氣。希望火鍋店老闆認真對待依件睇落簡單嘅事，因為絕對影響你哋個品牌。

疫情前，要去滾得棧打邊爐，取消要提早一個禮拜訂位，疫情後，佢哋生意真係差咗好多，希望佢哋可以捱得住。身為一個邊爐精，去過全香港好多唔同嘅火鍋店，有啲差啲，有啲唔錯，唯獨是滾得棧，我會不停咁樣返去。佢嘅湯底，基本上平貴都好味，平如沙嗲湯底沙嗲味香濃，貴如椰子雞煲或者花膠雞煲，材料調味都做得啱啱好，湯頭鮮美，基本上每次淥食物之前，起碼都要飲兩至三碗先至滿足。呢度極力推介嘅有幾樣嘢，最貴嘅手切牛肉，當然係肥瘦適中，牛味濃郁，大家應該都識點。但係反而好平嘅牛眼筋，大部份人應該都唔會識得食，因為並唔常見。牛眼筋最少要淥15分鐘先至可以食，同肥牛好唔同，淥得越耐越好食，佢嘅口味比一般肥牛香濃好多倍，咬落去諗得來又有𡁻頭，實屬愛牛者不二之選。珊瑚蚌同桂花蚌係鍾意食蚌嘅老饕精選，出面好多火鍋店嘅珊瑚蚌都係急凍，但係呢度嘅珊瑚蚌係非常新鮮，淥一陣就可以食，鮮美飛上，食過咁多次除咗一次爭啲之外，次次都非常得。令外仲要介紹嘅係韭菜餃，唔知係咪自己包嘅，一樣好食！呢度最令我唔鍾意嘅係，每一次坐低，都有個阿姐一定會叫你點象拔蚌。而呢位阿姐同其他大部份嘅侍應一樣，服務態度話佢非常一般都已經係俾高佢。呢間餐廳係得一

今日約咗兩個朋友飲茶 ，佢哋提議來滾得棧， 呢度點心特別， 又唔貴， 一於嚟試下啦 。三個人點咗十個點心 ，果然有啲特式嘅點心。例如青介蝦堡小漢堡， 兩個滴滴式式嘅漢堡包仔 ，中間夾住蝦餅 ，有啲青芥辣味， 真係幾特別幾好食。 有個冰鎮話梅豬手， 酸酸甜甜， 豬手炆得夠淋，一啲都唔漏。煎堆仔都唔錯， 芝麻夠曬香 ，唔會太甜 。白汁芝士蘑菇批雞批， 都係好有特色， 批皮薄 ，焗得香 ，啲餡清爽唔漏， 擺盤又靚 ，好似酒店嗰啲點心。 鹹水角都值得推薦， 鮮炸脆卜卜 ，細細粒容易食。 其他的點心都不錯， 唯有是環境比較狹窄 ，樓底矮， 雖然環境輸蝕啲， 最緊要啲點心好食， 係值得回頭嘅飲茶點。

今日帶媽嗎黎到天后間呢間火鍋點心店撐枱腳😆點解特登黎呢道？因為有朋友仔介紹話啲野食又平又靚，咁就梗係要黎試下喇！😝下晏1pm到，已經坐滿人咁制，真係好熱鬧呀！- 冰梅炆豬手 💰$25冰梅好入味，酸酸咪咪好開胃😋- 冬筍活剝鮮蝦餃皇 💰$22皮薄餡靚，鮮蝦大大隻😍- 黑菘露蒸燒賣 💰$22充滿黑松露香，好食😍- 醬皇蒸鳳爪 💰$20咬落好軟熟，一咬即散☺️- 黑金流沙包 💰$24一咬落去啲奶黃流沙餡即刻唧晒出嚟，正呀😍😍- 七味虎皮尖椒 💰$30- 白汁芝士磨菇雞批 💰$32撻皮好鬆脆☺️- 層層薑汁糕 💰$20薑味好濃☺️- 清酒雲吞雞 💰$32好香清酒味！☺️雞好滑！- 高湯如翅灌湯餃 💰$45份量都幾大，仲有粒帶子添！🤣我同媽咪都好滿意呢餐！啲員工服務非常周到，食得好舒服 好開心呀！😆