滿小館

营业中

休息中

臨兩日前，周圍找一間尖沙咀無限時餐廳，跟朋友聚一聚，於是無意中找到這一間。本身諗住唔限時，又咁易有位，應該有啲伏。但奈何尖沙咀間間餐廳都限時九十分鐘，唯有照去試一試。入到去，發現地方尚算唔錯，圓枱方便傾计。由於對食物無乜期望，所以無乜研究吓便叫了六人餐，另加六件蝦多士。上菜速度快，食物亦很新鮮熱辣。可惜掛住傾計，唔記得影相。前菜麻辣涼拌魚皮非常好味，份量亦多👍🏻👍🏻👍🏻蝦多士不油膩，而且很多蝦，夠彈牙👍🏻👍🏻👍🏻鮑魚及花膠扒好味，而且頗大👍🏻👍🏻👍🏻大蝦伊麵、蒸魚也不錯👍🏻👍🏻煙燻雞味道有點奇怪，而且比較乾，這個就一般另外不知是四季豆，還是其他品種，感覺有點生，冇咁入味其餘食物也不錯，最後全部清晒。結論下次會再來試其他食物😋😋

最近發現尖東原來有一間中式酒家，味道頗有驚喜🌈冰鎮話梅涼瓜 $78想不到一碟前菜就這麼有心思🤩原本以為是苦的，想不到口感這麼爽口，一點也不苦😳反而是每啖都是酸酸甜甜，梅味突出，十分開胃🍃蝦多士 $58/位真心推薦這道小食👍🏾十分香脆😆炸得金黃色的蝦多士，入口酥脆，加上原隻厚肉大蝦，兩者令整個口感更鮮明，很香口😍火焰古法燒腩叉 $168很有氣質的一道菜，上菜時店員會先點火加熱，腩叉外皮燒得脆口，外層塗上一層薄薄的桂花蜜，邊位略帶微微焦香，肉質口感鬆軟，肥而不膩，撈飯一流😆火雲花膠雞煲翅 $368好足料的一個雞煲翅😳魚翅完全是可以一梳的夾起，每條都吸收整個湯的鮮味。配料亦很豐盛，雞肉肉質嫩滑，花膠厚身入味🫶🏻脆米海皇泡飯 $148第一眼看去好似很啖口，想不到整個湯都很惹味🙀泡飯鮮味十足，當中有蝦、帶子等等海鮮配料，而脆米更是畫龍點睛之筆😍香脆有咬口，多重口感之餘亦充滿鮮味，值得一點👍🏾杞子花膠浸大白菜 $116清清的大白菜膽軟硬適中，味道清甜。而花膠亦同樣肥厚，整體不會感到油膩。

今晚同朋友黎左呢間中菜餐廳食晚飯，呢度嘅小菜款式比一般傳統中菜館較為有特色。店內環境寬敞，乾淨衛生，平日晚飯時間都幾多人～有多款茶葉/花茶選擇，我哋揀咗白桃烏龍，茶味甘香、淡淡白桃香。蝦多士炸到金黃酥脆蝦多士，用上原隻大海蝦，蝦肉新鮮好厚身，啖啖蝦肉。風沙脆豬手香脆口感煙煙韌韌，豬手皮滿滿骨膠原。火焰古法燒腩叉店員即時點火燒香，未食已經聞到陣陣香味，五花腩肉大大舊肥瘦相間，面層塗上一層桂花蜜味道更多清香。尖椒炒大腸 大腸好圓潤肥美，口感軟綿綿，加上尖椒一同炒更加惹味。蟹肉扒時蔬 滿滿嘅蟹肉蛋白份量十足，蔬菜好鮮嫩。有錢佬炒飯 炒飯炒得好煙靭，粒粒分明鑊氣十足，加左香濃咸蛋黃碎炒，味道好鮮味。紅米草莓卷不太甜味道清新，口感煙靭。

一家人生日聚餐 都係想食中餐五個人食飯 想揀喺市區又唔想太貴揀左好幾間先搵到呢道佢個位置都幾易搵同埋舖位比想像中大我哋五個人 自覺大食嗌咗個六人餐加叉燒主要係因為佢得四人餐同六人餐( ´▽｀)然後佢個叉燒好似好出名佢首先上嘅第一碟都真係幾出色六人餐所以係六嚿豆腐個豆腐入面非常之嫩好好食冇諗過咁滑( ´▽｀)👍🏼同埋因為佢係第一碟餸 炸得又幾靚仔所以都唔會覺得好熱氣佢呢個魚皮嘅味道非常之內地小食佢係有一種麻麻哋辣嘅感覺我唔知係重慶嘅味道 定係四川嘅味道？😂總之就係你會喺大陸食到嘅嗰隻味佢個咕嚕肉好好食本身以為剩係得眼見嘅幾舊但係實際上冰下面都係咕嚕肉只係佢選擇咗冰鎮而有啲特別嘅地方係雖然佢冰鎮咗，但係都冇話好難咬而個心亦都仲係保持到暖暖地菠蘿士多啤梨藍莓喺味道上面幫助到好多 實際上係視覺上就睇落靚咗( ´▽｀)如果唔擺上去，就剩係得一嚿冰蝦伊麵嚟講 佢有六隻好大隻嘅蝦放喺上面坦白講，佢係幾好食嘅隻蝦但係因為我哋每一人分走一隻然後個面底就變咗冇嘢可以送( ´▽｀)不過佢隻蝦係ok嘅只係拎走晒啲蝦 個面底就變到好難過就咁得個面都唔算濃味叉燒係六人餐以外嘅因為聽講好出名( ´▽｀)又發現真係好

今晚同朋友去咗呢間尖東中菜館食飯，餐廳地方大座位寬躺，還有包廂房。呢度有齊海鮮、燉湯、燒味、冷盤、小炒小菜及甜品等等…仲有一些特色粵菜。蝦多士 $58/位大大件金黃酥脆蝦多士，多士入口酥脆，原隻大海蝦肉質厚厚，鮮甜彈牙。火焰古法燒腩叉 $168打卡火焰燒腩叉，上枱後店員點火燒香味四溢。一整條上枱肉質軟嫩，半肥瘦五花腩肉相間，外層燒得焦香。配以桂花蜜增加清甜味道。風沙脆豬手 $188份量都幾多，豬手外層做到又脆又煙韌，入口香酥帶點嚼勁。尖椒炒大腸 $148肥美嘅大腸口感綿醇香濃，配搭尖椒豆豉炒，味道更加鮮香惹味。蟹肉扒時蔬 $148份量十足，上面鋪滿鮮味嘅蟹肉蛋白加上新鮮翠綠嘅菠菜營養價值豐富。有錢佬炒飯 $148聽個名已經好霸氣，金黃色嘅炒飯粒粒分明，有蝦肉同滿滿嘅咸蛋黃伴以海鮮汁炒，鑊氣十足味道鮮味。紅米草莓卷 $42飯後甜品，清新不甜膩～

同朋友聚餐，朋友鍾意食海鮮粵菜。點佐龍蝦伊麵，好抵食，二三百蚊就有一隻加拿大龍蝦，加三十蚊就可以加一份伊麵，伊麵唔乾，索了龍蝦的上湯，又唔會太軟，而且好大份，好味😋蝦多士蝦唔新鮮，雖然蝦肉都算彈牙，但食落一陣奇怪的味道，希望餐廳可以選滴新鮮食材，唔好咁求其，大多數都是老顧客～小炒黃鍋氣非常足，韭菜很新鮮，很鮮甜，顏色碧綠，蝦肉蝦乾搭配得很好，鹹鮮可口，而且份量很大，兩個人都有啲食唔曬，值得推薦。

疫情嘅時候有一次同屋企人偶遇發現呢間喺科學館附近嘅中餐廳，發現都有啲驚喜。位置其實就都幾方便，因為佢喺尖東科學館附近，不過佢嘅位置就唔算特別顯眼，可能有時未必會留意到呢間中餐廳嘅存在。入到去個服務都算幾好，坐得舒服，入面幾光猛，重點係好似冇限時，唔會食得太匆忙。食物種類都同一般中餐廳差唔多，但有幾款特色食物，我覺得值得推介，例如冰鎮鮑魚同埋冰鎮咕嚕肉，唔睇得都打得。整體嚟講食物質素算唔錯，性價比就適中。Btw 唔好再問我有冇接受優惠，邊有人咁得閒提供優惠俾我。

位於尖東嘅巧手中菜館，環境寬敞舒適，仲可以包廂房，都幾啱一班人聚會。食物整體質素都唔錯。火焰古法燒腩叉餐廳推介之一。外層塗上蜜糖，而且落左少少酒。上菜後用火槍一燒，酒香撲鼻。咬落都算鬆軟多汁。懷舊蝦鳳尾蝦多士下層多士非常酥脆，唔會好油膩。上層有鳳尾蝦同蝦膠，好彈牙。整體口感豐富。得到我呢位蝦嘅愛好者認可🙌🏻蒜蓉粉絲蒸元貝當日嘅廚師推介之一。元貝好鮮甜，肉質彈牙。配上惹味蒜蓉配上粉絲，無得輸嘅組合。嫩滑酸菜魚細分嘅都應該夠三至四人食。魚片非常嫩滑，無乜骨。酸味夠，個人喜歡再辣多少少。呢度係配米線，而唔係一般嘅薯粉或寬粉。八味金磚經常食到嘅菜式，但呢度真係整得好出色。外層金黃香脆，內層嫩滑。夾起上嚟好實淨，但又唔會太厚粉。最後再飲埋兩碗老火湯，茶樹菇燉竹絲雞湯同松茸准杞燉螺頭湯，湯料好足，飲得好舒服。

典型粵菜館，環境好舒服。中午1點來都勁多人。早茶時間是早上11點到下午3點。早茶都幾有特色。花姿春捲炸得脆卜卜，餡料有兩個蝦仁，有點鹹。翡翠帶子腸很鮮甜滑口。蝦餃無功無過。山竹牛肉丸鹹得有點超乎想像。

餐廳鄰近尖東站，主打精緻中菜同點心，但留意有部位菜式需要提前預訂，睇左餐牌先再係book枱時訂埋，咁就唔怕有得睇冇得食～🥒冰鎮話梅涼瓜（$78）涼瓜好爽口，味道一d都唔苦，話梅味酸酸甜甜，好開胃。🦐懷舊蝦多士（$58）蝦多士即叫即炸好脆口，蝦肉大大隻而且肉質質彈牙，醬汁酸甜，好懷舊嘅味道。🐖火焰古法燒腩叉（$168）上菜時店員會點火加熱，燒腩叉外皮脆卜卜，內裡肉質鬆軟，肥而不膩，上面仲加左桂花蜜，令叉燒更香甜🦈火雲花膠雞煲翅（$368）湯頭好鮮味，夾起花膠雞煲翅都夠料，魚翅一梳梳咁可以用筷子夾起而且吸收哂湯頭既鮮味，雞肉嫩滑，花膠厚身爽口。🍛脆米海皇泡飯（$148）泡飯入面有蝦同帶子等等既海鮮，令湯頭非常鮮，脆米香脆有咬口，仲有好多新鮮既蔬菜令泡飯更有口感🥬杞子花膠浸大白菜（$116）大白菜膽煮得好淋而且味道清甜。花膠爽彈充滿骨膠原而且湯底濃郁

好多人推介呢間尖東中菜館，食物質素高之餘，價錢亦合理。今日終於黎到一試。✨懷舊蝦多士餐廳推介菜式。多士上加上厚肉彈牙鳳尾蝦同蝦膠，蝦肉鮮尾突出。整體炸至金黃酥脆，出色。✨八味金磚非常喜歡！炸得金黃香脆嘅豆腐磚。內層豆嫩滑，外層炸粉實淨黎得唔太厚，外層調味粉亦好惹味。✨翡翠麻辣爽魚皮魚皮爽脆，少許麻辣好開胃。中間仲有啲中華沙律。✨蒜蓉粉絲蒸元貝元貝好厚肉，火喉剛好，肉質保持鮮嫩彈牙。用返豉油同蒜蓉蒸已經一流。粉絲也索哂鮮味同蒜蓉香。✨火焰古法燒腩叉份量好多，啖啖肉。外層塗上蜜糖之餘仲有桂花糖，另外再帶有酒香。上菜後點火一燒，香味四溢。✨嫩滑酸菜魚叫左細份，但份量都幾多。魚片非常嫩滑，唔腥，骨唔多。酸菜湯底都夠酸帶小辣。其他配料有豆卜、豆芽、米線等。✨茶樹菇燉竹絲雞湯✨松茸准杞燉螺頭湯來再兩客健康老火湯，口喉十足。湯料好足，味道亦濃郁。

Came here for a relative gathering during the CNY and the food surprises all of us! The restaurant is slightly distant from the main TST area but there are quite a lot of good comments about this place😋Does not disappoint!!!

聽朋友介紹話唔錯，所以嚟試下一行5人叫左8樣野食1. 冰鎮苦瓜、2. 冰鎮串串茄、3. 蕃茄腐竹菜、4. 杞子豬潤菜、5. 冰鎮豬爽肉以上5款正常無驚喜6. 蟲草花豬展燉湯呢個燉湯還可以7. 砂鍋豉油雞呢個正！所有餸嚟齊個豉油雞都未到，但係我見到出左好多砂鍋嘅餸都未到我地，咁就追下啦，追左幾次都係話整緊，到最後我地都決定取消！呢間野啲雞應該係要去西伯利亞捉返嚟！！！🤣🤣🤣🤣🤣8. 黃金海虎蝦重頭戲嚟啦！勁難食！勁難食！勁難食！重要嘅事講三次！！！個蝦嚟到，每人都攞左一隻，一食落口啲蝦肉霉到呢🤮🤮🤮，簡直係驚嚇！跟住就同經理講啦，你啲蝦霉架喎！經理回覆：急凍蝦呀！（跟住就走左去，無再講任何野）我嘅反應：😱😱😱😱😱！！！！！我無語！！！霉左嘅蝦唔會因為係急凍蝦而霉左囉！！！真係以為我無食過急凍蝦咩！！！此餐廳經理服務完全唔掂，炒得！！！其他野都係一般，完全無驚喜得驚嚇！！！奉勸其他想去食嘅人唔去為妙！！！

#尖沙咀地膽 今次去尖東站的滿小館食開年飯。餐牌主打傳統粵菜、點心、懷舊小菜、港式小炒等。以中式裝潢，坐位濶落舒適。🍗 龍井煙薰太爺雞 $368必試招牌菜：龍井煙薰太爺雞！一上枱已聞倒陣陣煙薰香氣！雞肉嫩滑嘅太爺雞配上龍井茶煙燻，香氣四溢，連雞胸都好軟嫩！🦐 蔥油海蜇頭 $78作為餐前小食的海蜇頭色澤鮮亮，口感爽脆，帶有蔥香的美味，鮮味十足！🔥🍖火焰古法燒腩叉 $168 上枱時席上燒起的火焰古法燒腩，將叉燒至金黃色，外香內嫩、脂肉均勻！一口咬落去，啖啖肉汁飛溅嘅感覺！肉質帶韌勁，焦香十分好吃！🍤懷舊蝦多士 $58/件 用上原隻大蝦及蝦膠，炸至外酥內軟，蝦肉扎實鮮甜，配卜卜脆的面包，必點！🥬 啫啫唐生菜煲 $118大排檔風味的啫啫生菜煲，新鮮嘅唐生菜加上咸香的味道，清爽而不油膩！🍜 鹅油頭抽吊片炒麵 $138鹅油頭抽吊片炒麵的麵條炒得香口有彈性，夾埋鮮美嘅吊片香口惹味！滿小館📍尖沙咀麼地道63號好時中心地下30-41號舖

自從公司搬離開尖東, 也很久沒踏足這地方晚飯! 昔日的街坊說他們公司樓下開了家中菜館私房菜, 還說必定要去一試! 大大個新鮮魚缸, 海鮮、燒味、冷盤、鑊氣小炒、懷舊小菜、燉湯及甜品等, 應有盡有! 座位寬闊, 還設有獨立房間! 蔥油海蜇頭 $78 ~ 這蔥油有別於一般, 是蔥頭, 很特別呢, 香氣跟一般蔥油截然不同! 海蜇頭很厚身, 很爽脆! 微微的陳醋香, 很開胃!懷舊蝦多士 $58/件 ~ 蝦很大一隻, 又爽又鮮! 中層蝦膠同樣爽口彈牙, 麵包炸至香脆, 香氣撲鼻! 火焰古法燒腩叉 $168/例牌 ~ 席前燃點火焰, 有著濃香的玫瑰露酒的香味! 腩叉味道甘香, 連皮肥瘦相間, 外層焦香, 賣相十分吸引! 叉燒上還舖滿桂花蜜, 增添清香味道!龍井茶燻太爺雞 $368/隻 ~ 熱氣騰騰的龍井熏太爺雞, 先滷再將雞煙熏至蜜糖色, 製作雖複雜, 但茶味實在香氣撲鼻! 雞皮不油膩很爽脆, 雞肉嫩滑, 入口味道清香而不膩! 啫啫唐生菜煲 $118 ~ 爽脆生菜, 加上大量蝦乾、肉碎及蒜頭等, 為平凡的蔬菜增加不少鮮味! 鵝油頭抽吊片炒麵 $138 ~ 吊片鮮甜爽滑, 麵炒得很乾身, 雖說是鵝油