滿小館

营业中

休息中

滿小館是高質中菜廳，座落於尖東鬧市，格調清幽雅致，空間感十足，坐得舒適。呷一口花茶，充滿玫瑰幽香，十分解渴。火焰古法燒腩叉 168厚身肥美的叉燒，燃點了熊熊烈火，帶有陣陣炭燒香氣。入口軟腍，邊緣燒至焦脆，鮮香肉汁在口中散發，香口而不油膩，令人食慾大增!小館冰鎮甜酸豬爽肉 198豬爽肉外脆內軟，以冰震方式呈現，選用豬肉鬆化的部份，入口香酥軟腍。醬汁濃稠，甜酸醒胃，冰震效果令肉質爽口。伴以多汁菠蘿和雜莓，更顯減膩，提升味覺層次，是我至愛的創新菜式之一。茶樹菇燉竹絲雞 68燉竹絲雞火喉十足，用料十足，雞腳燉至綿軟、黏糯，充滿骨膠原，十分養顏。湯頭鮮甜滋味，加上清香的茶樹菇，滋補暖身。脆米海皇泡飯 168湯底金黃濃椆，內裡有滿滿帶子及蝦肉，襯熱把炸米倒入湯中，等待十多秒後，吸收湯汁精華，啖啖美味鮮香。大蝦肉彈牙，帶子柔滑挺身，有暖笠笠的感覺，十分回味!

滿小館是高質中菜廳，主打粵菜和點心，座落於鬧市尖東，佈置優雅明亮， 環境舒適寬敞， 與朋友聚餐一個好地方。 京蔥醬爆鮮魷 $148爽脆的京蔥與鮮魷爆炒, 鮮魷鮮味爽彈，鑊氣十足，惹味的鑊氣小炒菜式。杞子花膠浸大白菜膽 $148時令的大白菜菜膽， 浸泡在奶白色的 上湯中， 入口軟綿綿，還有杞子粒、 花膠， 湯底清甜， 杞子補眼 , 花膠養顏 ， 好味又有益。脆米海皇泡飯 $168脆米和泡飯是分開上，避免炸米失去脆卜卜口感， 食之前， 將脆米倒入 金黃湯底泡飯內，讓脆卜卜炸米盡情地吸收湯汁精華， 每一口連同爽彈的蝦粒及滑溜的帶子一起吃， 鮮味滿載。椰香鮮芒卷 $42香芒糯米卷， 表面鋪滿香香椰絲， 中間包裹著熟透的芒果粒， 大口咬下， 啖啖的椰香， 伴隨芒果甜香， 讓人喜歡的飯後甜品。

食得壽司多，都想食下啲養生野，今日book左呢間私房菜，真係超高質。好，坐低睇下有咩好食先。松茸淮杞燉螺頭，首先整個養生湯生，螺頭個鮮甜味岀晒湯，仲有松茸，飲完直頭補中益氣。上湯加拿大龍蝦伊麵，龍蝦肉大大舊，加$30蚊就有伊面底，份量超多，隔離枱見到問我地叫邊款，仲話好吸引添！蒜蓉粉絲蒸元貝，元貝大隻新鮮爽口，粉絲好入味。火焰古法燒腩叉，玩火的叉燒，叉燒食落暖暖地，燶邊既蜜汁味超正，叉燒肥既地方都係爽脆的。蟹肉扒時蔬，又肉又有菜，個蟹肉蛋白煮得好靚，濃稠度掛滿條條菜。脆米柚子蜜蝦球，呢個特色菜，蝦球表面炸脆，裡面蝦肉彈牙，岀面個柚子蜜汁甜絲絲，下面仲有脆卜卜脆米。

今晚去的餐廳位於尖東，餐廳環境舒服，服務良好。晚餐選擇多，而且有不少特色和懷舊料理，令人有意外驚喜。蝦多士🍤招牌菜式之一，沒有令人失望。上面是蝦膠，中間是大蝦，下面是脆多士，配上千島醬，多重口感，香口十足。冰鎮蕃茄仔🧊一粒粒已去皮的蕃茄仔，賣相吸引，酸甜冰涼，開胃十足。燉湯🥣蟲草花豬展燉雞湯材料十足，十分滋潤。龍蝦伊麵🦞餐廳有兩款龍蝦，選擇了加拿大龍蝦，肉質爽口彈牙，味道鮮甜，配上伊麵，十分匹配。帶子蝦球🍤帶子肉質細嫩，蝦球爽口彈牙，配六款不同的時蔬，包括露筍、百合、木耳等，健康而且口感多元。芒果卷🥭充滿椰香，芒果鮮甜，外皮煙煙韌韌，中間是果凍口感，甜而不膩。

這一餐中式晚餐，真是令人十分之滿足.餐廳環境佈置十分之明亮，加上離地鐵站，大概1分鐘十分之方便.烏雞湯是一道令人身心愉悅的滋補美食！它以烏雞為主要原料，搭配多種滋補材料和香料，經過長時間的熬煮而成。烏雞被認為是一種具有滋補功效的食材。它富含高質量的蛋白質和營養元素，如維生素，十分之有益加上廚師火候控制得宜.脆皮燒鵝是一道令人垂涎欲滴的美食！經過特殊的烹調技法，使皮脆肉嫩，色澤金黃誘人。脆皮燒鵝的最大特色就是它的酥脆皮膚。經過特殊處理和烹調，鵝皮變得薄脆，口感極佳。咬下去時，皮膚發出香脆的聲音，令人難以抗拒，除了脆皮外，燒鵝的肉質也非常鮮嫩多汁。鵝肉富含蛋白質，質地細嫩，口感豐富濃郁。大蝦，加上帶子配上新鮮的蘆筍，簡直是最完美的配搭.龍蝦伊麵它結合了新鮮的龍蝦肉、彈牙的伊麵和豐富的調味汁，帶來豐富的口感和令人難以忘懷的味道。龍蝦是一種珍貴的海鮮，具有鮮美的口感和豐富的風味.最後的楊枝甘露布甸也是小朋友的最愛了！

是晚和友人到滿小館吃私房菜，這間餐廳店面寬敞，適合大枱人食飯，菜式選擇種類很多，主打海鮮。柚子蜂蜜蝦球脆米很大份。鮮蝦美味彈牙，十分大隻，柚子蜂蜜的調味剛剛好，不會太甜，脆米配搭令口感層次更豐富呢。粉絲蒜蓉蒸扇貝，扇貝十分大隻，蒸的時間熟度剛剛好，吃下肉質鮮嫩，而且鮮味十足！而粉絲更是精華，吸入了蒜蓉和海鮮的汁，非常好吃。酸菜魚我們點了小份，兩個人吃剛剛好。魚的份量很多，非常抵吃。而且可以選擇辣度，我們要了小辣。配料非常豐富，除了魚，還有豆卜腐皮芽菜米線等等。花膠上湯浸白菜，餐廳非常豪氣，白菜只剩下最精華的部分，上面的葉都被去掉了呢。波士頓龍蝦伊麵，龍蝦我們要了小隻一斤重 ，但兩個人吃十分足夠了。芝士伊麵的味道也非常香口，龍蝦很新鮮，而且還有蝦膏呢！另外點了一個老火湯，湯底很足料，有螺肉和松茸菇呢。湯很鮮甜，感覺健康。最後甜品也令人驚喜。我們要了兩款，一款是楊枝甘露布甸，另一款是芒果椰絲卷。布甸上桌時還用乾冰伴著，賣相非常吸引。椰絲卷吃下煙煙韌韌，味道也不錯。

這間粤菜平時真係好少機會會路過的，但他同尖東站距離又真係好近，兩分鐘左右就行到去，之前都路過但沒有入去，見今次有路過又見裡面都多多地人，不妨一試。橫惦太太又想食。白桃烏龍，白桃有微甜的香氣，入口帶點清爽口感，又可解膩消滯。【蒜蓉粉絲蒸元貝(2隻)】新鮮海鮮簡單煮法是最好的，金銀蒜+粉絲+扇貝真係絕配，粉絲非常入味又夠軟身，扇貝蒸得剛剛好又彈牙。【六錦炒帶子蝦球】用上新鮮露筍雲耳百合炒得夠香又夠鍋氣，蝦球帶子又夠大隻又夠多，值得一讚，蝦球爽口彈牙，味道鮮香甜美。【火焰古法燒腩叉】一來到非常有驚喜，燒腩層次分明，望下去以為好似好肥，但肉質細嫩香而不膩，外皮有焦香香味仲帶點甜甜地，入口帶點桂花香味，味道不錯。【蟲草花豬展燉雞湯】燉湯是我每次都會叫的一種，材料十足，有蟲草花、豬展、圓肉、雞腳等，清香香味，入口濃郁。

最近真的太多朋友由外地回港，今晚再跟回來的好朋友聚餐，估不到他比我更懂得找食，找來一間不錯的中菜館。餐牌有不少懷舊特色菜，乳豬、古法鹽焗雞等也需要提早預訂，今次飯局太趕急所以沒有預訂到，但還有其他小菜也非常不錯。川辣手撕雞開胃菜最喜愛點選涼拌菜，冰涼辛辣的味道最令人提起食慾，川味結合了椒麻香及酸辣的帶勁滋味,將鮮甜嫩滑的雞胸肉手撕成絲狀,搭配青瓜絲及雲耳的爽脆口感，令人胃口大開。蟲草花豬展燉雞湯頭清澈，味道香濃清甜，滋陰養顏、生津止咳。懷舊蝦多士傳統酒樓懷舊的上等菜式，先將蝦膠釀在麵包上，面頭再放上原隻的大蝦整成蝦多士，炸到整個脹卜卜，外脆內軟，內裏的鮮蝦呈現粉嫩顏色，看得出很新鮮呢！火焰古法燒腩叉原條厚切的蜜汁豬腩叉燒，上菜時店員會即席點火炙燒，增加視覺效果之餘又多了一點焦香味，叉燒腩脂肪比例雖然偏高，但表面不但燒至香脆，油脂豐腴，而且入口爽嫩，不會太過油膩，面層加上桂花蜜，食落更添芳香滋味。油浸海花斑肉質鮮嫩可口，油浸煮法令肉質更加鮮嫩滑溜，外層香脆透骨，内裏魚肉仍是超級軟滑，非常考功夫既菜式，入口無油膩感，搭配自家特調的炸香蔥醬油，更加滋味滿分。楊枝金露凍楊枝甘露的變奏版，整成奶

有外國朋友返咗嚟香港，佢話好掛住港式粵菜，於是就搵到呢間😃當我哋正煩惱要飲咩茶，店員好親切地推介咗佢哋嘅白桃烏龍茶。果然唔負所望，白桃烏龍茶有濃郁嘅桃香味，真係好好飲呢👍🏻。我哋叫咗一份火焰古法燒腩叉，呢道菜真係令我印象深刻。首先，叉燒嘅肥瘦分佈好均勻，入口嘅肉質非常軟滑，令人有種入口即化嘅感覺！食叉燒嘅時候，除咗肥瘦分佈適中之外，焦香味亦非常重要，而呢間餐廳做到咗火焰古法燒叉燒嘅完美結合，真係令人心滿意足❤️。因為我哋只有兩個人，所以點咗一份八味金磚，金磚豆腐外脆內軟，豆腐炸得金黃酥脆，入口之後豆腐嘅軟綿滑質感就會迅速彌漫開去😍有錢佬炒飯，即係咸蛋黃海鮮炒飯！每粒飯都均勻地被咸蛋黃包裹，伴隨住鮮嫩嘅海鮮，味道鮮美非常。

前幾星期較多工作應酬，與外國同事交流，吃了不少西式晚餐。過了這忙碌的時間，特別和媽媽找間中菜館，品嚐中國味道。 這間滿小館位於尖沙咀麼地道，地鐵站一出不用5分鐘便到，十分方便。餐廳地方較為闊落，枱與枱之間有足夠距離，坐得舒服。 我們一行二人叫了幾樣小菜一起分享。   松甘淮杞燉螺頭(⭐⭐⭐⭐⭐) 真材實料的老火湯飲起來便知是龍與鳳，味道濃郁，沒有味精。平時嘴刁的媽媽也把湯渣吃光。 蒜蓉粉絲蒸元貝(⭐⭐⭐⭐💢) 首先上枱的是粉絲蒸扇貝。扇貝十分大隻，而且不會縮水。雖然已經蒸熟，但扇貝肉仍然黐住得很緊，這是新鮮海鮮才有的效果。扇貝吃起來肉質十分結實，而且鮮味。值得一讚的是蒜蓉香蔥味道不太重，不會掩蓋海鮮的味道，也不會覺得十分油膩。 上湯加拿大龍蝦(⭐⭐⭐⭐⭐) 然後就是海鮮龍蝦伊麵。龍蝦十分大隻，大約有兩斤重。跟芝士焗龍蝦相比較起來，上湯煮的方法味道較為清淡，適用於烹調高質海鮮，以突出其鮮味。龍蝦肉質十分彈牙，是一般酒樓酒席菜式的龍蝦伊麵絕對比不上的。 酸菜魚(⭐⭐⭐⭐⭐) 我們兩人點了一個小份，一上枱便被大圓面盆的碗嚇到，整個盤也是辣椒，花椒等等不同香料。雖然看似恐怖，但品嚐起來卻不是太

夜晚約咗朋友喺尖東飲嘢 飲嘢之前想食飽個肚就去咗呢間餐廳試試翡翠麻辣爽魚皮 中華沙律墊底 魚皮做得幾出色 都幾爽彈 而且帶有點點麻辣味懷舊蝦多士 多士上面嘅蝦肉超厚身 有大大舊蝦膠同埋超爽彈嘅蝦肉小館冰鎮甜酸豬爽肉 咕嚕肉就食得多 冰鎮嘅咕嚕肉都比較少食 冰鎮後咕嚕肉個外皮更加脆 而且呢度用既係豬爽肉 所以好有咬口脆米柚子蜜蝦球 八粒沾滿柚子醬汁嘅炸蝦球用米通墊底 甜甜地又香口好容易食完一粒又一粒薑汁棗皇糕 煙煙靭靭 甜甜地 不嬲都係我鍾意食嘅甜品之一

近排有個朋友返嚟左香港探親，咁就緊係把握機會同佢食餐飯啦，今晚就揀左喺尖東嘅滿小館。首先當然係點個前菜開開胃冰鎮荔枝串串茄真係好夠凍，食落去酸酸甜甜咁。蕃茄同荔枝已經去皮去核，食落口兩者嘅味道已經融合，好match，好fresh。然後就點啲其他餸食下火焰古法燒腩叉呢一個係滿心期待既，不過原來個火係咁弱架咋🤣🤣🤣不過舊腩叉食落去又真係的確唔錯嘅，入口唔會 「乾噌噌、榎歰歰」咁。容易咬開而且好juicy，外皮亦都好香。茶香煙燻太爺雞隻雞好滑好鮮嫩，啖啖肉，茶香嘅味道完全滲入咗隻雞，外皮爽口唔會太濕，而且隻肥瘦適中👍🏻👍🏻，朋友都讚不絕口。

今日喺尖沙咀行完街，想食中餐，上網見到滿小館評價唔錯，就佢啦！餐廳環境乾淨企理，坐得幾舒服。除了提供普通茶葉，還有幾款花茶選擇，我地就揀咗白桃烏龍茶，清新解膩火焰古法燒腩叉 $168上菜個陣有火焰🔥效果，真係啱哂打卡🙈 原條厚切腩叉，燒得微微焦香，面層有啲桂花帶點清甜味道；腩叉肥瘦肉相間，滿嘴油香，香口美味茶樹菇燉竹絲雞 $68好足料，味道清香濃郁，配搭香氣馥郁嘅茶樹菇，令人齒頰留香，係款營養豐富、具美容健脾胃之效嘅燉湯。澳洲龍蝦加伊麵底 $498龍蝦肉肉質細嫩，爽口彈牙；伊麵索哂龍蝦精華嘅湯汁，啖啖鮮味，正👍杞子花膠浸大白菜膽 $148花膠質素都唔錯，口感軟腍入味；大白菜清脆鮮嫩，就連湯汁都好香濃鮮甜，我地忍唔住飲多幾啖🙈 椰香鮮芒卷 $42外皮軟糯煙韌，鋪上椰絲來增添香氣及口感；內餡係香甜椰汁及鮮甜芒果，甜而不膩，每一口都品嚐到芒果嘅甜蜜滋味，為呢餐劃下圓滿句號😋

Read the open rice reviews and thought this place should be good - the decor a bit old but usual efficient dim sum ticking cards and service however shocked to find the “traditional prawn toast” the prawn was raw and cold. When informed the waiter just took it away and we had to call the manager - who offered the explanation that the setting in the cooker was wrong - hardly an apology. Then the prawn dumpling came with a hair stuck and cooked into the skin. $334 dollars for 6 dim sum two of whic

最近發現尖東有一間精緻粵菜幾好食，環境寬敞有特色首先真係不得不讚壺茶「白桃烏龍茶」真係勁香，未飲已經聞到陣陣白桃香火焰古法燒腩叉係呢度嘅招牌菜，嚟到一定要食。每舊腩叉都好有份量，大大件的，話明腩叉，脂肪比例當然少不了，但食落竟然無肥膩感，有入口溶化嘅感覺，一層肥、一層瘦真係完美配合我唔鍾意食肥膩野都對呢舊叉燒有讚無彈❤️「懷舊蝦多士」都係必食完整一隻大虎蝦嚟㗎，入口啖啖蝦肉，口感非常爽彈，配埋脆卜卜嘅黃金多士，真係非常吸引‼️燉湯都非常足料，我要左「松茸淮杞燉螺頭」，味道非常濃郁「有錢佬炒飯」其實即係鹹蛋黃炒飯，每一啖都食到沙沙口感嘅鹹蛋黃，非常惹味，不過略嫌炒得唔夠鑊氣，同埋唔夠乾身，美中不足‼️