滿小館

营业中

休息中

中秋節快到了, 要約朋友聚會互祝中秋愉快,  到 尖沙咀 滿小館.吃飯談天,  這小館真不錯, 食品款式多, 價錢中位.步入餐廳, 地方寬敞,  裝修典雅.  氣氛熱鬧,  有大型酒吧, 各國名釀,活魚缸.   服務員安排座位,  即開茶及送上餐牌.  茗茶每位 $14, 有  餐牌有多頁, 價錢豐儉由人.有多款創意食品 , 不落俗套.涼衣白玉,   是蒜泥白玉的改良版.  這道前菜擺設好吸睛,  五花白肉掛放在竹架上,服務員淋上自制醬汁, 白玉混合了 鼓油, 蒜泥, 薑粒, 辣椒油, 鎮江醋醬汁, 十分惹味.  白玉脆口不膩, 口感爽彈, 越食越愛, 養生燉湯,  蟲草花豬展燉雞.  好健康, 湯料足, 火喉夠,  蟲草花, 圓肉, 豬展,  雞肉, 雞腳, 入口略帶點藥膳味, 湯燉得清香,  慢慢品嚐.飲湯後,  來個香脆炸物, 脆皮梅菜扣肉 ,  一客八件.  外皮炸粉鬆脆, 賣相不俗.  扣肉脂肪含量低, 肉質香口,  外脆內軟,  伴有梅菜加醬汁好惹味, 調味非常好. 是個新派梅菜扣肉 , 必食.黃金海虎蝦,   顏色賣相好靚.蝦肉彈牙鮮甜, 多肉厚身, 吸收了蛋黃的香味,

今晚食了幾個特式中菜, 要同大家分享.   地點尖東 滿小館, 起初以為是滿州菜,  因為館子門面看似北方酒家.  朋友話是粵菜新派菜.館內,  設有酒吧,  不乏中國及世界名酒供應,  飲飲食食最適合. 裝修好雅緻, 有貴賓房及大廳,  朋友訂了檯, 我們兩人安排坐大廳.  侍應帶我們入座,  服務不錯.朋友叫了人參烏龍茶, 有燭臺保溫, 非常滿意.  滿小館有介紹特式小食, 我們喜歡懷舊蝦多士, 另外四個新派小菜,  有涼食, 有雞有肉又有蝦.  正合我心意. 懷舊蝦多士 ~ 炸得色澤金黃, 非常酥脆.   蝦肉爽彈, 是個極香口的餐前小食.涼衣白玉  ~ 擺設大方得體,  鮮甜五花腩肉片片排列在竹架上, Q 彈好吃. 配上 蒜泥辣椒油, 鎮江醋醬, 無比好食. 茶樹菇燉竹絲雞 ~先喝一口 熱呼呼的湯, 感覺真好, 暖到入心, 燉湯食材茶樹菇, 竹絲雞, 龍眼肉, 無加半點味精, 喝得健康.  湯香鮮甜, 充滿家的味道. 黃金海虎蝦,   黃金顏色, 賣相好靚.   海虎蝦巨型, 一碟有六隻.鮮甜蝦肉混合蛋黃的鹹香味, 比起蒜蓉蝦更好味.龍井煙熏太爺雞,   又名茶香雞, 先滷後熏

幾年中秋無做節，今年終於可以無限時咁出去食，做節梗係要就長輩口味，揀返中/粵菜。係openrice見到呢間嘅食評好高分，啲點心尤其吸引。因為近中秋，餐廳預先通知先落單留餸同落$500訂，訂左1. 懷舊蝦多士 $58件係貴左啲，不過比出面食到既大件！一件有成83g。除左蝦膠抹多士面，蝦膠同多士中間加左隻蝦做夾心，令食時口感有層次好多！加埋係即炸，多士好脆，但唔會成口油，大推呀！2. 花雕醉乳鴿伴鵪鶉蛋3. 杏汁燉白肺，份量夠分7碗 (淨湯唔計湯料)，湯足料煲到白雪雪，燉湯所以唔會好多油。豬肺洗得好乾淨無血腥/怪味，係工夫菜啊！如果煲得再濃郁啲就完美喇4. 酒糟鮑魚雞煲，砂鍋上熱辣辣，材料簡單但惹味，配飯一流！好大鍋，4個大人食都食唔晒，打包帶走都有2盒份量。好啱有6個或以上人一齊share 一煲👍🏼👍🏼👍🏼5. 杞子花膠浸大白菜 👎🏻花膠好大塊但有腥味，呢個餸唔特別可以skip6. 六錦炒帶子蝦球 帶子大大粒連露荀一齊炒

見openrice 咁多人讚，仲以為可以試到啲特色菜，點知都幾失望。首先點左餸一陣，啲餸已經好快（係真心好快）上枱，仲要差唔多9 個餸一次過上，好似好趕時間咁，但其實成間鋪坐得50%滿。個茶香煙燻太爺雞係苦嘅，你可以話我地唔識野，但同枱個個都話苦，就真心唔迎合大眾口味。個大蝦伊面啲蝦一啲鮮味都無，明白嘅，一定係急凍蝦啦唔通新鮮蝦咩。火焰古法燒腩最搞笑，點左火一陣，就話幫我整熄佢，當然啦因為個邊邊已經燒到燶燶地。同埋超大舊肥肉，成條都肥。味道都係唔識欣賞。仲有其他餸已經無心機影。成晚最正常係碟通菜。

今晚約了客戶晚飯，客戶從外國來港，對中國菜好有興趣，於是乎預約了公司附近嘅一間中菜館，位於尖沙咀東部，近地鐵站，十分方便。松茸淮杞燉螺頭每人一盅燉湯。飄來松茸香味，濶喉滋陰。鍋貼小棠菜坊間少有嘅小食。以為是鍋貼外型，原來不是。好特別。有點似煎餅。火焰古法燒腩叉火焰另肉香樸鼻。由於係腩位，有脂肪，半肥半瘦，甘香有嚼口。鵝油頭抽吊片炒麵經典炒麵，採用鵝油，頭抽來調味，特別香濃。炒麵條條分明，炒得乾爽，好味。

今晚去了尖沙咀東部一間中菜館，店內裝潢古色古香，非常有特色。茶樹菇燉竹絲雞食中菜當然就係要飲湯水啦！燉湯湯底清甜，材料十足，非常滋潤。懐舊蝦多士充滿兒時嘅回憶。呢個蝦多士比起兒時所食的矜貴得多，是原隻大蝦，不是蝦膠，更有口感，啖啖鮮香又脆口。蒜蓉粉絲蒸元貝元貝肉質鮮嫩，熟度剛好。玉盆素豔素份量頗多，足夠五，六人享用。冬瓜清甜，還有不同種類菇菌，嚐素人士必點。楊枝甘露凍有點似芒果布甸。飯後最佳甜品。

在「滿小館」看不到經濟不景氣，周一晚上滿座，地方寬敞，氣氛熱鬧，有個大酒吧，可能亦是受歡迎之因。這店的海鮮不俗，吃了蒜蓉蒸大元貝 $48/只，新鮮肉結實。有幾款招牌必吃，例如懷舊蝦多士 $58/位，正宗古法，原隻大蝦做，並非只有蝦膠，炸得通透酥脆。火焰古法燒腩叉 $168，選材得，層層疊肥瘦交替五層肉，堂前明火加燒一會，香氣撲鼻，豐腴非常，味道濃郁，非常好餸白飯。茶香煙燻太爺雞 $368，煙燻味香，皮脆肉嫩，半隻雞。脆米柚子蜜蝦球 $168，一客8件，配米通，酥脆甜蜜對比。另外點了蟲草花豬展燉雞 $68/位，不過不失。甜點水準不俗，薑汁棗皇糕 $38 很夠薑。椰汁馬豆糕 $38 順滑，椰汁味香。茶錢每位$14，相當合理，巨型玻璃茶壺以明火保温，細心的做法。

舊同事相約於尖沙咀麼地道一間新派精緻粤菜館【 滿小館】晚膳。在侍應殷勤招待下開了一壺烏龍花茶，然後慢慢選了六錦炒帶子蝦球和清蒸海星斑。先來了六錦炒帶子蝦球， 這道菜有六種新鮮蔬菜如紅椒、黃椒、雲耳、菇仔、BB露筍、百合等清爽嫩滑，加上彈牙的鮮蝦和鮮嫩幼滑的帶子，鑊氣十足的一道菜，確實要讚廚師將食材配搭得適中，帶出這一道色香味俱全的菜式😋隨之而來的是清蒸海星斑（要求小油少豉油），精準控制火候，令海星斑鮮甜嫩滑，回味無窮🫠意猶未盡追加龍井煙燻太爺雞，雞肉嫩滑，豐富香甜的秘製汁底配搭龍井煙燻茶葉，把整隻鷄帶出更濃的煙燻味，為這道菜帶來味蕾的驚喜😋享受完這顿晚飯，在這裡嘆多幾杯茶，閒話家常，足矣！

這間位於尖東的餐館，面積頗大，今晚雖然是星期一，但差不多也坐滿客人，好在我哋也算早到，否則可能又要等位了！💥火焰古法燒腩义 （$168）招牌菜之一，職員上菜時才點火，半肥瘦嘅腩义好厚肉，腩义上面還有灑上桂花糖，多了一份清甜味。💥懷舊蝦多士 （$58/件）（2件）一般都只是用蝦膠，但呢度係用整隻大蝦做，配埋千島醬，非常惹味。💥蒜蓉蒸大元貝（$48/ 1隻）（2隻起）元貝很大隻，仲好鮮味添！👍👍💥茶香煙燻太爺雞（$368）（全隻）另一招牌菜，鷄肉很嫩滑，個人就略嫌煙熏味有點過濃！💥脆米柚子蜜蝦球（八件）（$168）放在脆米餅上的蝦球頗大又爽口，配合甜甜的柚子蜜，味道不錯。💥蟲草花豬展燉雞（$68/位）材料好豐富，鮮甜好飲。💥薑汁棗皇糕（$38）好鍾意呢隻棗皇糕，因為真係好夠「薑」味！😜😜💥椰汁馬豆糕（$38）相對棗皇糕，較為普遍。

為食老友來電约晚飯，話說他寫字樓所在地尖沙咀東有一間可閒坐聊天揾美食小菜館，位處街角位，店外內佈置典雅，門外兩個紅燈籠好吸睛 👏安排座位後點了桂花烏龍茶，茶壺放在暖火上，桂花香味清新散溢👏第一道菜是: 六錦炒帶子蝦球，正好佐伴桂花香茶，帶子軟冧，蝦球爽口，配以六種顏色菜蔬快炒，好口感😋是日海鮮推介中有: 清蒸海星斑约一斤，食友叮囑廚房熟薑蔥絲，醬油另上，走汁後果然魚肉口味感比平常淋油大不同，更能嚐到海魚鲜甜味，星班肉的滑嫩😋龍井煙燻太爺雞(一隻)是厨師推介菜式之一，茶葉香渗入雞肉，雞肉幼滑甘香，畧帶油脂，更添口味😋鮮茄腐竹泡菜苗作结尾，甘甜蕃茄味配有嚼感腐竹和小白菜，化淡了海鮮和燻肉的重味😋

到尖沙咀覓食使人很頭痛的,因選擇實在太多了,中西法日什麼菜也有,終於選到這間在尖東的中菜。冰鎮磯煮五頭南非鮑,鮑魚綿綿滑滑,醬油味的甜味十足,肉質鮮嫩可口;冰鎮清酒五頭南非鮑,清酒的甘味使鮑魚鮮味更突出。火焰古法燒腩叉,上枱時店員點著了叉燒的底盤,火焰把叉燒燒得更香口,感覺也非常震撼,叉燒是厚切的很有質感,肉質嫩得來有咬口而且脂肪帶點Q彈,還有陣陣的桂花香甜味,值得推介。懷舊蝦多士,大家必要一試,多士香脆無比,但蝦肉質感新鮮彈牙,用了蝦膠及鮮蝦製作做到外脆內軟,這個菜的重點是師父的技巧,油溫太高炸得太耐會好硬,要做到這個適中的感覺非常困難。杞子花膠浸大白菜膽,大白菜很淋甜,花膠做得爽口,糊口感覺的花膠比較不太好吃,湯頭清潤。清蒸海沙巴,魚肉嫩滑可口,師父掌握火候的技巧又要記一功,在外吃蒸魚我最著重的是魚的鱗片必要全清,這店做得很好。脆米柚子蜜蝦球,蝦球炸得酥脆,蝦肉新鮮彈牙,米通很脆完全沒有油膱味。味道: 值得推介環境: 尚可服務: 尚可衛生: 尚可價錢: 超值

放工之後繼續和朋友食飯吹水。可以坐耐啲，食耐啲都係揀中菜。小館差唔多滿座，好在我有訂位。🔸懷舊蝦多士睇外表已見到蝦膠的厚度，咬開時更見到出煙，有一層是蝦膠，一層是蝦隻，蝦味鮮香有汁，最底層的多士炸得香脆唔油膩。🔸火焰古法燒腩叉上枱時，店員會用火槍燃點鐵板，燶邊叉燒隨即出現，入口時先有桂花香甜的清新味道，細嚼時腩叉的肉香，肉都唔會鞋口。🔸脆米柚子蜜蝦球脆米很脆冇淋身，蝦球脆漿冇過厚，蝦球彈牙爽口，柚子醬份量剛好夠脆米和蝦球用。🔸清蒸海沙巴（1斤）魚鱗片清得乾淨，魚皮膠質很重，魚肉結實，魚蒸至熟亦冇過火。🔸冰鎮磯煮五頭南非鮑因為我嗌咗一隻機磯煮鮑魚，一隻清酒鮑魚，店員建議可以幫忙切成一半，咁每個人都可以試唒兩隻味啦！鮑魚上枱時已經飄仙氣。清酒鮑魚較白身，有輕微的酒香；磯煮鮑魚較深色，味道較濃，似醬汁味。而鮑魚都彈牙爽口。🔸杞子花膠浸大白菜膽花膠腍滑爽口，大白菜淋身脆口，杞子帶甜。食飽要嘆返杯靚茶，茶都仍然係熱，正！📍滿小館 (尖沙咀)尖沙咀麼地道63號好時中心地下30-41號舖#foodie #food #foodpic #foodphoto #hkfood #香港美食 #美食 #hkig

琴晚 我第一次食呢間餐廳 但感覺相當唔好 我經OpenRice book 12位 講明要間房 仲預訂左太爺雞 火焰叉燒 冰鎮鮑魚（因為佢講明要預早訂呢三樣嘢）我地最後11人黎到冇房 話留房要俾按金（咁點解唔聯絡我）又冇幫我留起3樣嘢 話睇唔到 仲叫我下次打電話卜位呀嘛（淨係睇到我卜左12位 所有requirements都睇唔到？）最後話廚房有 俾到我地（所以其實唔洗預訂）我地叫左個12人套餐$3680 價錢還好 再加左啲野- 火焰叉燒 張單就寫火焰古法燒腩叉 好肥 層皮好似冇點燒到咁- 龍井煙燻太爺雞 套餐包左 但張單冇寫 聞落食落都好似燒lone左 冇左層雞皮好啲 雞背脊雞胸都唔鞋既 但冇咩特別- 有錢佬炒飯 其實就係咸蛋黃炒飯 最特別既係價錢$138🙂 其他野都冇咩特別 中等偏差咁啦 比較好味既應該係馬豆糕 唔係好甜 有豆香另外 我地入坐時放低左兩個生日蛋糕請佢地幫手雪 但到食既時候就勁啦 啲cream溶哂 完全feel唔到凍 我地問佢佢就話係雪櫃拎出黎 我幾乎100%肯定佢冇雪過 除非佢雪櫃係24度 如果食完有咩肚痛 係咪可以投訴佢？當初係因為網上評價幾好 佢又自稱係私房菜 我先

很久沒有過來尖東了，剛好和同事晚上辦一點事情然後便決定直接在這裏晚飯，網上看到這一間中菜館感覺不錯變和同事過去看過餐牌，餐廳除了普通粵菜外，亦有提供各種不同派系的菜式例如川菜，點了店員推薦的蝦多士作為小吃，蝦肉飽滿沾滿整塊多士，配搭他們的千島醬非常惹味及開胃和同事點了一盒細份量的酸菜魚，同樣驚喜，辣度適中，酸味有層次感，另外魚肉冇骨滑身，底下更配有米線及其他配菜，份量非常之多酸辣土豆絲，他們餐廳啲小菜份量的確不少，性價比高，而且味道調配得非常不錯，即使是粵菜館他們處理川菜亦正宗，土豆絲爽脆惹味椰香鮮芒卷，作為飯後甜品，椰絲的香氣配搭芒果和忌廉的香甜非常滿足