滿滿食堂

营业中

休息中

中環平價石板燒位於中環市中心，剛就是Zara 那條街，於地庫店的滿滿食堂，價錢實惠，絕對係比平民更平民之選。餐廳環境衛生都唔錯，當去到便可以按不同份量柯打牛，豬，雞或者羊架做石板燒主菜，並可以追加配料，例如鵝肝，廣島蠔，帶子，帆立貝等等。如果只叫100g 牛扒，都只係$58，而牛肉及脂肪分怖平均，絕對性價比超高。我通常會柯打石燒雞扒，肉質好嫩滑，加上套餐，有飯（可以改做紫菜飯），另外餐前小食及湯水以自助形式，無限添加；餐廳亦有膠圍裙供應，以避免燒肉時肉汁，油汁彈到全身，服務一流。

想快食坐得舒服，滿滿食堂可以考慮。今日想食完就去lunch shopping, 一坐定就order 定食丼飯。58蚊豬軟骨溫泉蛋丼飯， 送埋熱飲(hot lemon tea).1215坐定，1250走得。只收現金

平時見到有人推介啲嘢都會bookmark 定，睇下幾時經過可以試吓。今日經過中環，開返自己個save list 出嚟望吓，見到呢間平平哋又可以一個人食，就決定過嚟試下佢提供嘅選擇都唔錯，而且啲餐有菜有肉其實可以幾健康，而佢的確係唔貴，咁所以就揀咗個鐵板餐，有魚有牛脷都係70 幾蚊食之前夾咗少少沙律，除非沙律菜同蕃茄，其他都係醃菜，唔緊要，食少少都ok 嘅返到位見到個鐵板已經到咗，有少少興奮因為個樣睇落唔錯，舊魚一啲都唔鞋，又滑又軟，牛脷薄啲不過都幾靚仔，份量仲好夠。一放入口就gg 啦！嘩！咸到！！啲鹽/ 豉油呢啲咸味料係咪唔洗錢？！再加埋啱啱食咗啲醃菜，我條脷直頭有啲痛，無誇張！我平時係食得比較淡口味，但係唔係所有咸嘢我都唔食，出面有好多地方都有咸嘢，我都可以食到嘅，但呢度真係要非常非常鍾意食咸/ 唔怕咸嘅人先會可以食到😥而我個人就絕對唔會推薦人嚟，自己亦唔會再嚟！

中上環早餐系列今朝行返出皇后大道中，突然比一首好似DONKI咁嘅歌吸引咗，繼而發現呢一間唔係咁起眼，要落地庫嘅餐廳，裝修新淨，燈光以暖色為主，用咗好多平面設計去襯托，感覺比較新潮，枱凳尚算坐得舒服。坐低侍應服務還算積極，叫咗佢個「湯麵之選」A 102招牌蕃茄牛肉通粉，搭埋佢個B1 招牌炒滑蛋+牛油多士。牛油多士，凍奶茶首先上枱，凍奶茶用外賣膠杯，味道中規中矩；牛油多士自己搽牛油，不過唔夠熱。招牌炒滑蛋碟上，份量算大，蛋未夠出夠滑，不失招牌之名，但係擺碟唔夠靚，感覺好單調L onely。最後招牌蕃茄牛肉通粉出場，比起上幾樣，蕃茄嘅紅色完全顯出佢嘅獨特性。一羹拔起入口，吃出了那種說不出的溫暖，溶化了那僵硬了的味蕾。平時食早餐，多數都係凍凍地，唔係真係凍，但係唔會暖，你哋明㗎啦。濃郁嘅蕃茄湯底，帶出蕃茄獨有的鐵味，有點像用蔬菜生活蕃茄汁去做嘅湯底，鍾意蕃茄汁嘅人會非常欣賞，通粉夠軟唔硬，牛肉有質感，另外有薯仔切粒一齊煮，營養豐富。記住記住 只收現金

喺中環返工嘅人應該對滿滿都唔陌生 。有好好味嘅日式石燒套餐但係你可能唔知道 佢嘅晚餐係更加吸引 同一個價錢或者更抵嘅價錢 。你可以有更多嘅選擇晚餐仲可以加鵝肝帶子 等等等等海鮮除此之外 除此之外 除此之外！！！仲有泡菜沙律同椰子湯任飲任食😻😻😻😍🫰去完韓國之後 。一直對於任食泡菜念念不忘❤️今晚終於可以日常心願特別明謝肥仔老公 過嚟接放工陪食飯🫰另外晚餐同午餐一樣 。係可以以半價 。飲埋台式特飲嗌咗個蘋果醋真係好臭😂😂不過佢都幾有心意多咗片西柚同橙

滿滿食堂位於中環鬧市既地庫，日系既裝修，價錢平民，食物質素高，份量多，餐廳設置自助沙律吧，沙津任裝，椰子湯和醬汁都係任添，醬汁嘅款式亦都十分多，完全性價比高，抵食又好味

喺中環寸金尺土嘅地方，有一間餐廳日日都排長龍，只因為三個字，平，靚，正。佢主打係日式丼飯，石燒肉料理。位置都好方便，喺皇后大道中，donki附近。餐廳裝修簡約日本風，空間好寬敞，無壓迫感。今日我就唔係食燒肉，試吓佢嘅早餐，因為實在太抵食啦叫咗豬扒公仔麵，仲可以配豬柳漢堡煎蛋加奶油豬。佢嘅豬扒好大塊，絕無將價就貨，煎至金黃鬆脆，煎太陽蛋控制火喉剛剛好。都係38蚊。地址中環皇后大道中58-60號振邦大廈地庫港鐵中環站D2出口，步行約3分鐘

🥩安格斯窄身西冷 $88兩大塊🥩，性價比高👍🏻，厚肉牛味濃，不過會多筋啲，至於醬汁就系自助區自己揀，石板🪨熱既時間有限要盡快兩塊一齊燒，不過好彩可以拎多一塊石板😂，燒既時候滋滋聲.✨自助燒肉，抵食親民價，有圍裙唔驚整污糟，但系食完衣物都會有一陣味😂，除左燒肉仲有其他日本嘢食拉麵、丼飯、蛋包飯

只收現金 💵只收現金 💵只收現金 💵重點要講多幾次😂呢間位於中環(黃金地段)只收現金既滿滿食堂，日日LunchTime都排長龍，皆因佢哋嘅石燒料理抵食又好食。上星期同朋友仔又走咗去食Lunch，我哋同時都係叫石燒肉💕♥︎ 滿滿石燒牛扒100g+超嫩石燒雞扒$86♥︎ 羊鞍 300g $98再追加♥︎ 日本廣島蠔 3隻$32餐廳好窩心，會為你提供一件圍裙，咁就唔怕比啲油彈污糟啲衫啦。另外仲有個自助調味料區，好多不同款式醬料任你攞，我最欣賞佢啲蒜頭，加埋落啲肉度一齊燒超級正。話明石燒，所有肉類上枱嘅時候係半生熟的，要慢慢向石頭上烤熟。塊石頭超級熱，一陣間d牛、雞、羊同蠔就熟哂，話咁快就食得。所有肉類嘅肉質都好味、最緊要係冇雪味，加追既蠔🦪抵食呀，好好味，以呢個親民價錢真係冇得輸，仲要包埋杯飲品。大大力推👍🏾推介指數：8.5/10

位於中環黃金地段都有咁超值嘅石燒餐廳，所有套餐都已包肉、飯、任飲靚湯、任食沙律同埋甜品🍮～🔸石燒扒餐 — 西冷(100g) + 一口牛(100g）一放舊扒上鐵板，熱石好夠力燒到 jarjar聲，啲油彈到周圍都係，記住一定要帶圍裙啊💕！我係就咁放咗喺鐵板上煎到熟曬，表面煎得好香脆但食落一啲都唔乾，肉質嫩骨，一口牛仲正，入口即溶，簡單加啲鹽同黑椒已經好好食🥩！石燒扒餐仲會配一碗飯，可以揀日式咖哩飯、紫菜飯或白飯～PS如果食到咁上下鐵板唔夠熱，可以叫店員換一塊新鐵板。至於是日靚湯就係椰子豬肉湯，飲落好清甜，忍唔住飲咗3碗，哈哈～🔸黑蒜油藍青口配黑蒜油一定唔會唔好食，無論聞落定食落都好香！仲要係估唔到咁大兜，勁抵食呀！😍整體黎講係中環呢個黃金地段，呢個價錢絕對係超值，唔使HK$400食到捧腹走！滿滿食堂📍中環皇后大道中58-60號振邦大廈地庫

處於地牢位置的日本餐廳，看見石燒料理，感覺很特別，而且價錢便宜！.石燒雞扒🐔醃好的生雞扒，配上芝麻粒，份量很大！.銀鱈魚🐟有一隻手掌之大，魚身非常滑溜！.薄切鹹牛脷👅有四塊大牛脷，放上石板上，可以燒到脆脆的！.帆立貝🐚處於半熟狀態，醃料入味！.A5牛肩胛🐮性價比極高！油脂分佈平均，可以看到漂亮的雪花，而且肉味濃郁，一咬下去滿口油香味！.杞子蜜🥤吃過石燒料理後，喝一口杞子蜜，可以一解熱氣和滋潤喉嚨，感覺很清涼！

最近光顧了一間以食石燒牛扒聞名的日式餐廳，性價比高，美味又豐富的菜式讓我們大開眼界。👍🏻自助沙律吧🥗自助有多種前菜小食，例如沙律菜、青瓜、海帶、椰菜絲、泡菜、芽菜等，可以自行選擇份量，又可以無限添加，另外亦有湯品仼添，湯味濃郁，湯料足，帶點椰香味，非常推薦👍🏻石燒set A🫓石燒牛柳🥩帶子三件芝士年糕🧀以石板燒的牛柳占最重頭戲。牛肉分量足200g，熟度可自行調整，放上石板的時間，外帶焦脆內裡微紅。簡單調料調出牛肉天然香氣，牛肉味濃，肉質軟，肥瘦適中。🥩另擇帶子三件作為海鮮小菜,新鮮帶子軟嫩不膩,放上石板稍微煎一煎，香味無比，十分推薦👍🏻最後以芝士年糕作甜品，一樣放上石板微烤，外脆內軟的，加上濃郁的芝士香氣,為菜譜畫上完美句號。🧀石燒set B石燒窄身西冷牛扒🥩鵝肝廣島蠔以窄身西冷牛扒為主,高等級牛肉頂級口感,簡單灑上鹽粒和黑胡椒後用石板烤焦,香氣十足。第二配搭大推鵝肝，輕輕一煎香氣爆發，入口即化的口感帶香濃既油香味,與牛肉極佳搭配，回味無窮。第三配搭廣島蠔亦非常推薦,新鮮原粒蠔放上石板煎香，蠔味十足。🦪加小食：黑松露味薯條🥔份量適中，薯條粗身香脆，黑松露醬香氣十足，放上薯條簡單又非常合

呢日森仔係中環做完啲嘢就自己食啲嘢，搵到一間石燒餐廳，價錢都算親民。😍😍佢係半自助形式，可以任食沙律、湯、甜品。沙律有很多蔬菜❤️而當中亦有不少調味料和紫菜🙌🏻方便進食。日本A5牛匠岩手牛牛西冷 $158/100g100g有3大塊，和牛果然係A5等級，牛味濃！充滿濃濃嘅油脂香味，入口即溶，沒有渣。仲可以按喜好，烹調成五成熟。😝😝可以隨自己口味加調味料。自助區有好多醬料，燒肉汁、鹽、蒜蓉等等。配埋滿滿紫菜飯，好快食曬成碗飯。滿滿食堂 (中環)📍中環皇后大道中58-60號振邦大廈地庫

同朋友收工一齊食晚飯 去返平時食開午餐既飯堂 貪佢多選擇 夜晚食就唔會咁多人 靜靜地傾下計咁晚上既 set 同午市唔太一樣我地叫左2個$128 自選肉 鍾意任何配搭都可以 最好就係咁 自選3款肉或海鮮或蔬菜我地分別叫左牛肩扒，鴨肝，魷魚 set ,友人叫左和牛漢堡，鴨肝，燒茄子，一齊share食咁就可以食到多d款等緊食物我地叫左啤酒Asahi 發現超級抵飲！$38支 有2大杯正 當chill下飲返杯都好正！仲有免費自助沙律吧、湯、飯（一碗）我地加左$5 可轉滿滿紫菜飯或咖哩飯 好似牛角飯！牛肩扒，鴨肝，魷魚 份量都唔少！第一次自已燒鴨肝勁出色 可以燒到外脆內軟 入口即溶 好油好香口！和牛漢堡又係好香牛味， 比較難燒！但值得花時間的 ， 燒茄子剛剛好中和肉肥膩感！配飯食都好食！$38黑蒜油トト蜆， 好抵食！成個湯都蒜頭有黑蒜的風味和口感，蜆配上黑蒜的香氣和蒜油的濃郁味道！又平又抵既一餐，試到咁多野好唔錯！2個人加埋$400都唔洗！可以自己燒下 又傾下計，飲返杯！ 係冷氣凍左d 其他性價比都好超值

今天上班好辛苦，被上司駡到喊。好了，下班吃好西發洩一下。好喜歡去這兒食石燒牛，平貴可自由選擇，款式也不少，而且沙律🥗菜和濃郁椰子湯任飲，真是非常吸引我。調味最愛黑松露蒜蓉加上黑胡椒，這組合令人食指大動。安格斯窄身西冷超抵食，份量剛好，肉質鬆軟，有光澤，口感細緻，價性比高，推薦。西冷🥩很好送飯，實在滿足。每份扒類還有免費😊 白飯牛肩胛肉眼熱石溫度高，但想有最熱效果，最好吃快點，雪花牛煎得剛好就拿下，確保肉不要太熟。紋理不俗，肉味好香，外脆內軟，質素高，味道👅好。石燒刺身級帶子帶子厚身，熟了肉質亦很滑溜，充足味道，再加黑松露蒜蓉，真的超美味。石燒巨型蟹棒蟹棒要燒完扒有油份才燒，因易痴底。長長的一條，有少許海鮮味，入面不太乾身。黑松露蒜蓉燒茄子🍆茄子燒得恰好，放滿蒜蓉粒，惹味無窮，茄子肉質厚，質感軟熟，也很適合下飯。要好好留意火喉，否則好易燶。邊繼續吃沙律喝甜粟椰子湯在自助吧內任飲任食，實在快樂。仙草古早冬瓜茶清甜的冬瓜味，好潤喉，又大杯，降火一流，推介。香芋仙草奶茶每一遍來都必點甜飲，大大杯跟餐便宜，不喝白不喝。芋頭味又甜又香，仙草有咬口，奶茶味少，今次進步了，沒有那麼膩。免費甜品有蕨餅，