滿粥順德粥底海鮮火鍋

营业中

休息中

好耐都未食過海鮮 所以特登黎呢到食下 咁我就試下佢既海鮮粥底先 海鮮份量都足夠 完全足夠四個人食既 食到最後個粥底吸收晒海鮮既鮮味 所以好鐘意食佢個粥 我係覺得幾滿意 不過黎要book位

粥底海鮮火鍋係香港真係唔多，$198呢個價錢唔算貴，值得一試。未食之前睇左d食評話食唔飽又盛，都有d 驚。但食左之後，真心唔伏👍🏻好飽佢有職員會幫你煮埋，而且會計時，唔怕會搞到d海鮮太熟而好‘鞋’或者唔熟。第一樣係食貴妃蚌，一啖放曬落口，印象難忘。因為海鮮有職員幫你計時煮，熟度岩岩好，好滑，同埋好新鮮，唔會腥！淨係食完海鮮已經好驚喜😃佢仲可以揀6個自選配料，火鍋更係要有肥牛，佢個肥牛都比想像中出色，唔太喜食牛既我都不停食。食完所有野，職員就會黎煮粥，好快就會煮好，個粥吸收曬d海鮮精華，無得輸。其實就算我咁大食，都真係夠飽👍🏻因為佢個粥都好多總結係，真係好食，值得一試👍🏻PS: 如果大家想個粥甜d，自選配料可以揀雞🐔

本來真的無機會來幫親這家小店， 原因是友人見頭幾個食評講到大伏，可是我堅持要試， 心想$198 一位粥底加小量海鮮+ 打邊爐配料， 你仲想有咩要求呀？！ 結果一試後， 完全沒有後悔來到這樣海鮮新鮮不在話下， 而且店員會親自來幫你煮海鮮並話你知幾時可以享用。 食完海鮮後， 仲有火鍋配料+ 精華粥底實在是大滿粥的一個晚餐。 絕對誠意推薦！如果你的胃口是黑洞或者你 expect 付了 $198 就想連人地間舖都比你食埋的話，請你千萬不要來！ 免得讓三名小員工處理你那鯨魚的胃口 希望大家能幫手支持本土小店🤝

一行六人去食海鮮粥底火鍋有7款特定海鮮先講句公道說話跟餐嘅海鮮係新鮮嘅 好食嘅之但係除左鮑魚、貴妃蚌計人頭各一蝦一人兩隻 蟹一人半隻之外多寶魚一人兩件都無 沙白同蜆仔一人3至4隻？ ！ 完全覺得同隔離枱2個人食嘅份量各多幾隻自選火鍋料嘅牛肉同豬肉又係多2個人食ge幾塊墨魚滑6個人份量竟然係飯碗半碗ge份量粟米得5薄片 最嬲係咩？ 以下係我唯一一張太睇唔過眼影低嘅一張相呢碟野 係夾左3 4塊之後影我真係太睇唔過眼決定要影低佢寫呢編食評！ ！ ！我地額外叫左碟大嘅手切肥牛 138蚊無錯 係138蚊！ 仲要加一 應該有10至12塊上到枱 我問 “呢碟大黎架？”個男侍應自己都忍唔住笑左 話 “係呀！”不過長輩話算喇 我就無再追問！由於太小食物 加了其他食物個炸魚角咸到飛起！ 🤢又加左8隻蝦但上枱時好古惑地主動幫我地一野倒哂d蝦落煲到然後我地發現 係死蝦黎 跟餐嘅係生蝦其實20蚊4隻唔會話期望d咩但佢呢個行為 再加上本身已覺得伏 所以好反感！食到咁上下 個煲得翻勁小湯要求加湯被拒話一陣煮粥會太多水 依家岩仲話包我地一人食到兩碗粥但目測d湯 得一人半碗？ ？ 仲話要煮粥？最後我地堅持加 食埋d野就

$198 有海鮮，有6款配料，在openrice book 位仲要送多一款配料，非常抵食。海鮮新鮮，大件，只是蜆比較細小。配料多選擇，個粥底鮮甜好味，仲要有蠔仔一齊煲，唔係求其比d白粥你放落去就算，真心抵食足料，想信第二間都食唔到。而店員服務也很貼心，會全程幫你落火鍋料，計時，以免煮得過火，唔好味，兩個小時都有專人服務，真係唔錯，食完仲要有甜品，雖然只是每人一粒泡芙，但味道不差。呢間店唔好在離地鐵太遠，交通唔方便，但有時間我會再來食。

行過 貪平 198 食蒸氣火鍋 入左去 本身都預左唔會好食但係真心有d過份 蝦重幼過女人隻手指蟹 有泥味貝類 我都唔求好食 但求冇沙已經謝天謝地d侍應成班傾計 叫極唔應 可能個場細 但放太多枱 好嘈聽唔到個祝底先係精髓 白白灰灰 佢話係米水 一路食一路海鮮d汁滴落去有海鮮味喎 大佬呀 都要你d海鮮係掂先得 隻蟹我唔講咩喇 呢個價錢 你俾隻有泥味既蟹我 我不如食蟹柳 侍應整個祝 倒d冷飯落去 加d配料 就係 我真係睇見都唔想食 老實講 200 唔駛 食海鮮 本身都唔預係好 但唔好太過份丫 我寧願你收貴d 俾好少少質素 真係每樣試少少就冇食慾 我只可以話最好係個可樂！食唔飽 走番去mikiki 食個kfc 仲好過佢！我真係唔明點解會有人讚呀大佬

$198有7款海鮮，6款自選既打邊爐食物。首先食海鮮貴妃貴妃旁，鮮蝦 真係好生孟，同時會落埋鮑魚和蟹，之後就魚同兩款蜆。但在不同時節更改不同的海鮮。食了好幾次都不需要侍應服務烹煮，但如果有需要他們都會負責煮的。他們亦會提點海鮮那一些部位好吃。食完海鮮會把南瓜碎，芋頭碎和粟米放入煲。我們加了至尊手切肥牛！就少少厚度，肉質非常軟有少少油脂！好好味！自選打邊爐食物選了雞件，墨魚滑，花膠，娃娃菜，金菇和炸魚皮。最後的粥才是精華，他有很多配料可以加入粥裹，但也可選擇那些不要。他們會加入蛋漿令到粥更加香滑。食埋粥包曬！四個男人一個女人飽飽！

呢間第一間餐廳令我即刻開Acc寫食評，$198海鮮火鍋，話有6款配菜，3款蔬菜，原來3款蔬菜就係南瓜碎， 芋頭碎，2件粟米海鮮蜆每人兩粒，蝦兩隻，蟹半隻，大蜆一隻，每人一粒丸，兩片豬肉。服務員態度差，黑口黑面，附近大把好過佢，食咁多間最搵笨呢間上當一次，無下次

訂位條例：訂座及惠顧海鮮粥底火鍋套餐可獲汽水一罐 (成人,2位起 ) 4位起 再送頂級精選飲品一支（數量有限）就這個條款當日我們4位光顧，但精選是一支大白酒 對於我地唔飲酒既人 店員只換來兩罐汽水， 這係不值得。 為何不一早講明呢。 再加上 條文都寫到明 首先光顧已取可樂一罐 何況我哋係換取 就不值。服務係有， 還幫我們煮海鮮 但變相迫住食得好趕。 最後大多數 服務員 沒有笑容。

第一次幫襯，無訂枱居然立即有位，第一個驚喜。之後第二個驚喜，係原來好多規矩😂職員會好積極幫手搞啲食物。第三個驚喜，食物確係出色，海鮮新鮮好味，其他食物同個粥都相當出色。價錢合理，絕對推介👍😎雖然鋪面受環境所限，確實會有啲逼，但整體環境清潔舒服，同小朋友都食得滋味又開心，加上職員相當快手同貼心嘅服務，我第一次幫襯已經愛上呢間小店！👏👏👏👏👏值得支持💪💪💪💪💪今次晚飯，因為同小朋友去，食得唔多，淨係食$198套餐，無另外加嘢，但整體係夠食同抵食嘅👍

今日朋友生日，想食海鮮，去左這間滿粥試，火鍋套餐$198不用加一，不收醬料費，有7款海鮮同其他火鍋配料，但不包飲品。這間店舖比較狹窄，所以在打邊爐時要不停讓位比店員，因店員會幫忙煮海鮮，而限時兩小時也有點趕，不能好好享受。見到海鮮真係會嘩嘩聲，今日有大蝦、蟹、蚌、鮑魚、蜆、多寶魚，樣樣都好鮮甜，好新鮮。另外套餐可選6種火鍋配料，這裡的火鍋配料很一般，美國牛肉原全沒有牛味，其他也沒特別好味的。全部野食完之後店員會幫忙用火鍋煮粥，所以個粥非常鮮味，我自己都食左兩大碗。

朋友生日提議一齊去新蒲崗食海鮮火鍋，話啲間順德滿粥火鍋海鮮好新鮮，有得用優惠價再追call海鮮，重有服務人員專人服務,提點食物需要滾幾耐時間，免得過熟影響效果質素，但環境和地方就嫲嫲，四個人嘅座位比較逼夾。最欣賞係貴妃蚌好大隻又鮮甜爽口，所以再encore。

真心推薦呢間餐廳，海鮮極新鮮，唔加配料，每人賣單唔洗$200，性價比極高👍以粥水作湯底，更能突出海鮮既鮮味。有6款自選配料。只能夠講，肥美鮮甜多汁～好幸福呀！鮑魚都唔錯。鮮蝦有4隻，每人分到2隻。珍珠硯就一般般，新鮮但唔岩我口味，而另一款體型大舊少少既蜆好出色，鮮甜多汁。因為我地唔食蟹，所以要多左份蜆，好滿足呀～黑毛豬夠薄身，輕輕一淥就食得，味道濃郁。魚滑好彈牙，內藏粒粒墨魚，真材實料。準備要煮粥啦！金黃色既粥，味道鮮甜但略嫌稀身左少少。冬瓜茶甜左少少，但可以接受。

本來想去「鍋心」食過暢快粥底鍋既，之前已經去過兩次，兩次都好唔錯！但因為早場太早，朋友們都趕唔切，而第二場要等到8:30至可入座，最終放棄左而上網搵左好多好評既「滿粥」！但佢都只係早左半個鐘開始，即8點至10點！禽晚7:55分已到，先入店報到，話要響門口等叫，期間8點後有兩檯開始埋單，之後有三張空檯，跟住見店員清理檯面，再舖好檯面同擺位，最後所終於等到叫名時係8:20分，叫到最後人地入晒店內時再叫我地入座，五人只有四位座位，話等遲小小有人埋單時可以比多個位我地！我心諗，其他檯都係同我地同一個時段入場，要等人埋單時，相對我地都埋單啦仲話咩到時比番一個位我地！即係講左等如無講！見到個場環境好細好窄！檯與檯之間行入去條隙都係一個身位僅僅過到！我再講，一入場時已經係8:20分，一坐低我地已立即寫紙點左六樣網上人地話必點既美國肥牛、黑毛豬腩片，另外仲有醬爆貢丸、蟹粉蝦子丸、養顏花膠片等！到開始有野放去我地檯面時，時間係8:40分，你可以諗下，明明時間話8-10點既，根本好多時間係浪費既，好似未入場見到佢地鋪檯既動作好慢，可能店員來去都係兩個三個人！到開始上煲等水滾，再有海鮮逐步上檯時都去左45分

預約咗8點，入面有吉位，但入咗去又同你講出面等，等到8點4先可以入座，明明有位，天氣咁熱，一直叫客人外面等，有朋友已經想走服務:其中一位服務員態度有改善空間,又要問配料落唔落，答你唔落啫，又要發脾四走，奇怪粥底火鍋?同預期有落差，望落係一兜粉水，咁都叫粥底，最後用火鍋完嘅水再加爛飯攪埋，就係粥?呢個粥的東西真心唔好食食材:尚算新鮮，同其他海鮮火鍋一樣，冇乜驚喜，但一入舖頭就一陣腥味，佢抽風有d差完全沒有想去下一次嘅感覺