滿粥順德粥底海鮮火鍋

营业中

休息中

第一次食海鮮粥底火鍋，感覺好新鮮啊，啲嘢真係好好食。雖然間鋪係細咗啲，但係食物嘅質素真係非常之高，海鮮非常之新鮮，配料亦都好有特色。重點係最後嗰個粥真係非常之好食，海鮮味同配料味，全部融合晒埋一齊，而且個粥完全靠海鮮嘅精華將成個境界提升到另一個層次成個配搭非常之完美！而且員工態度好好，我打嚟訂枱嘅時候問咗好多問題，佢哋都一一解答，一開始我以為係同蒸氣火鍋嘅感覺差唔多！但結果完全唔同，粥底火鍋將所有海鮮直接放入去煮，個味出好多！正好多！仲有優惠卷送添！我一坐低就有同事同我講只要喺Facebook like 左個page 就有白酒送！一邊飲白酒一邊食海鮮成個感覺真係好滿足！！

又係新蒲崗之友時間！話說之前新年時，同家人想去試粥底火鍋，佢哋就响網上揀咗呢間，咁我哋一行7人昂首闊步咁去到，ohhh.....呢度空間實在狹小，坦白講，想坐得舒服既話還是唔好响度，尤其係有小朋友嘅就更麻煩~不過如果大人唔怕迫既話，呢度啲食材都ok既~呢個海鮮塔內既鮑魚都無乜特別，但隻貴妃蚌就唔錯喇，好鮮甜，不過唔係隻隻都咁大㗎~多寶魚亦係唔錯，好新鮮，你睇佢隻眼仲咁精靈就知啦～雖然蝦就無得添食，但一人都有2隻過你嘅~總結:服務跟得好足，但我哋額外叫咗個細桶蠔，一碟得3隻差唔多圍起上嚟廿幾三十蚊隻就貴啲咯…如果寫明得3隻就唔叫啦～至於個粥底…啲人成人講到幾咁鮮甜，或者我唔係一個特別鍾意食粥嘅人、又或是因為環境太狹窄搞到無乜心機，令到我覺得以二百幾三百一個人嘅價錢，係可以有好多其他選擇。

見天氣凍凍地就同埋老公過咗嚟呢度打邊爐啦呢到既食法係每人包一份海鲜及6，7份配料到！！打完邊爐仲可以食埋佢個粥底，個粥底超級鮮甜好食，咁既價格真係物超所值！！下次一定會再黎食過全部海鲜都好新鲜 ！其餘配料我地揀左響玲 雞件 鱼皮餃同埋2款肉類……首先放晒D海鲜落去1獲熟食到最後就到食個粥底啦！！將d配料撈埋1齊再倒個蛋漿落去滚幾滚就有得食了

初嘗粥底火鍋，海鮮非常新鮮，好抵食！$198/位 海鮮包括基圍蝦，鮑魚，肉蟹，大蜆，兩款不同既細蜆，依先後次序分別放入鍋中。每人分到兩隻大蝦，落鍋個陣仲非常生猛，好新鮮😱隻蟹斤兩十足，啖啖肉，十分鮮甜，令人回味！而蜆洗得好乾淨，一粒沙都冇，份量仲唔少添😆而魚就較多骨，但一啲都唔腥。食完海鮮都五分飽。套餐包括六款自選配料。我地揀左肥牛，黑豚肉，雞肉，魚滑，腸同莞莤。比起海鮮，肉類就遜色得多，肥牛同豬肉都好多肥膏，而雞肉幾嫩滑，唔錯👍🏻食完配料後加入粟米，南瓜，芋頭，蛋漿令粥水變杰身。隨後再加上豬油渣，莞莤，冬菜，蔥同菜腩煮成粥。粥底帶點咸香，好鮮味，為今餐畫上完美既句號😆全程有職員服侍，計時，更換碗碟，服務值得一讚。海鮮好高質！一定會再回頭😋😋😋😋

一行二人去食滿粥，見評語唔差想試下舖頭比較細$198/位，冇加一，包幾款海鮮，6款配料粥底火鍋上先，跟住店員會幫手整海鮮海鮮都算新鮮，配料都係按份量最後食埋個粥，如果唔食個粥真係完全唔會飽滿座時候店員都好忙甜品都冇食到就走咗最後我埋單都冇睇單，掛住吹水坐車先發現2人食，比咗500找數，找反70+2蚊貼士😭😭😭😭😭😭唔通記錯價錢⋯⋯but應該唔會再去

海鮮新鲜份量夠一般人，其他六款自選配料尚算可以，但居然無花膠(自選清單項目)無嘅原因未發好(入坐時差不多晚上七点)，改選雞件，居然無，原因冇貨，改蟹柳又冇貨，最尾侍應重覆又重覆問你想要乜配料整煲粥，侍應(四眼年青人)整粥時拿走D唔開口嘅死蜆(约六至七隻)又拿走煲緊嘅粟米件，全部放在我的圓碟上，但圓碟上尚有我食緊之食物及一些魚骨殘渣，我問D粟米件High到D殘渣喎，掂完再放回粥內，其他人咪食我口水尾？四眼年青人居然驳我話隻碟是预計比客人放煮熟煮好的食的食物，我話你公司預計，客人不一定要跟，你放D仍要食的食物去碟時，要唔要睇下隻碟是否乾乾淨净净或是有殘渣骨頭嗎？無言，作為一個服務行業人員，第一句不是唔好意思，而係將責任推番比客人，可能店員只是時薪兼職吧，不過因此而使店舖失了不少分數。而店中年長的經理則服務態度很好

事源係男朋友獎勵我勞碌左一個星期甘辛苦、就提議不如食好d，食個粥式打邊勞．因為我收工已經係夜晚十點去到餐廳當然都係唔洗等位食用時間為２小時。如果你有食過另一間出名既粥底邊勞，你一定唔會對點樣叫野食陌生佢本身會包左七種海鮮，你之後可以再揀番六樣配料。俾大家既建議，黑豚肉腸係比較林身，著重口感既朋友真係唔好點。但係黑毛豬腩片好滑好正至於娃娃菜就真係差Ｄ比較老。（唔知係咪因為我地比較夜先食呢～）野飲係要另外收費既～～海鮮係包括左大細蜆，沙白，蟹，蝦，多寶魚同埋鮑魚。我地另外仲叫左隻瀨尿蝦。由於食既時候大餓，冇影低相但可以講番佢既蝦係好新鮮！至於鮑魚就比較細隻同埋口感較難嚼最好呢個粥先係重點。係有侍應幫手煮，但水太多，而且ｄ配料（如：南瓜，芋頭）其實係未磨溶，所以個鮮味唔重好一般。提番大家，用信用卡俾錢係要收手續費。如果要食，記得帶定多ｄ現金先抵ｄ呀^_^

一年一度四姊妹為九月之星慶祝生日，難得大家喜愛海鮮，一於試下滿粥，地方雖小，但他們用特色的三層上菜架放滿新鮮的海產，非常吸引又慳位，最緊要是海鮮樣樣都新鮮，蝦仍會動，肉蟹很大隻，扇貝花甲，蜆沒有沙，非常乾淨，鮮甜，本來想再加單龍蝦，可惜要預訂的，所以下次來的時候一定預訂龍蝦試試，這間可以介紹給朋友再來聚餐，值得再來！

來到新蒲崗開會，散會後順道約了生日之星吃頓飯，對這區較熟悉的食肆除了「金錢雞」外，其餘都不太認識，離公司附近有這間吃粥底火鍋，見價錢不算貴，免加一又不收油料，便入內試試。粥底火鍋包括有七款時令海鮮：肉蟹，基圍蝦，鮑魚，大蜆，沙白，細蜆，多寶魚，另外可選六款滋味配料。選了調味醬料，加蔥，蒜，芫茜，辣椒後，便開始滾粥水，先放斬開的肉蟹一隻落粥水，要煮十分鐘。肉蟹非常新鮮，蟹身的肉一梳梳，頗結實，很鮮甜，蟹鉗巨大和蟹腳也不放過，吃蟹頗花時間，但值得的。接著是吃鮑魚和基圍蝦，新鮮鮑魚當然沒有乾鮑般濃味，但日常食用也覺不錯，彈牙，爽口；基圍蝦不黐殼，表示是新鮮的，爽口有蝦味。大蜆類是貴妃蚌，放落滾的粥水烚三十秒已可撈起，否則蚌肉會變韌，蚌肉肥美漲卜卜，加幾滴辣椒豉油，正到無朋友。沙白又是貝殼類，味道獨特甜美，一隻復一隻，吃得愜意。細蜆也很鮮甜，無沙。多寶魚已切成條狀，烚三分鐘便可吃，肉滑是多寶魚的特色，無腥味，骨也不多。接著放些粟米，南瓜粒等，以便稍後滾粥。六款滋味配料選了響鈴，花膠片，肥牛，豬腩片，娃娃菜和豆腐。響鈴浸兩秒便可吃，半軟與脆之間，口感最好。豬腩的油膏香好滋味，點了辣椒豉油無得彈。

好少黎新蒲崗，今次過黎做野順便食埋野先走。搵到呢間食海鮮粥底火鍋幾特別就試下啦。店舖唔算大，不過裝修都幾特別，一個個鍋係個牆到。呢間餐廳唔係任食，$198一位 ，包7種海鮮，6個自選配料，3個時蔬，最後會加粥膽幫你煮粥。佢係按人比份量，如果驚唔夠都可以另外加錢加配料。不過$198就唔包飲品，亦唔可以自己帶飲品去。一坐底佢就已經放左個粥水鍋係到喇，之後就拎左一個海鮮塔出黎，店員幫我地放左d 海鮮入去，有個計時器，一夠鐘就可以拎起喇。佢亦都有張指示比你睇住時間，包保唔會熟過頭。貴妃蚌最快，30秒食得，個湯底係粥水所以完全唔影響海鮮嘅鮮味，食落去勁清甜，一啲都唔腥👍🏻之後就係鮑魚同蝦。鮑魚size 都幾大隻，成隻匙羹咁大，又係3分鐘岩岩好，唔會太硬，好易咬開，咩野都唔洗落都好好食，食得出佢地嘅海鮮係好新鮮。蟹要放最長時間，10分鐘，個粥水湯底就開始變淡橙色，變成海鮮湯。蜆同沙白係一d沙都冇，粒粒都開口冇死蜆，而蟹亦都係肉蟹，隻隻腳都好厚肉，未試過係街咁比心機剝蟹😂餐廳食材真係揀得好。食完晒海鮮，就會上之前揀定左火鍋配料。肥牛係手切肥牛所以要等耐少少，另外黑毛豬肉都係肥瘦均衡，睇落都好靚。我見

今日去新蒲崗開會，開完會後同幾個同事去附近食晚飯，上 openrice 睇下有乜好食，見到滿粥順德粥底火鍋～於是就去揾食😋去到門口，唔使等位，侍應話如果晏d就好多人，最好book位～入面地方唔算大，有十幾張枱，坐底後，侍應介紹我地$198/位海鲜餐，有6款海鮮，再加火鍋配料，於是我地4人order左4個$198套餐，有蝦、鮑魚、蟹、貴妃蚌、蜆2款，材料都好新鮮～侍應教我地食海鮮既先後次序，每張枱都有個timer方便睇時間，等d海鮮唔會煮過龍，食完海鮮後，再食自選配料～之後就食粥底，侍應加飯、冬菜、朱油渣、蛋⋯⋯，煲左大約10分鐘就食得～煲粥好鮮甜、所有既海鮮精華都在粥入面，真係好好食～下次依間火鍋店值得再黎👍

我係一名粥痴，聽朋友講新浦崗有間火鍋店用粥底打邊爐，我聽到就雙眼發光😍今日就約朋友仔去食啦👏🏻餐廳細細，座位約有二十幾個，好彩我地有訂檯咋😝套餐包7款海鮮，另外可自選6款配菜打邊爐每位$198店員會幫手落海鮮，當海鮮熟咗都會提我地食得啦，咁就唔會太熟唔好食😘基圍蝦好大隻肉質爽口新鮮最大隻蜆好爽脆鮮甜，30秒食得肉蟹有好多膏架，好厚肉自選配菜，有肉類、菜類、菇類我就覺得豚肉最好味好吸引既海鮮粥呀😍所有海鮮配菜食飽飽，店員就會幫手煲粥啦期待咗好耐既海鮮粥出場啦，好綿好鮮味，加咗些南瓜同粟米令粥更鮮甜，食埋碗粥就十分飽啦仲有件南瓜餅送呀用粥底打邊爐真係好掂👍🏻

今晚同幾個朋友敍舊，大家約左去新蒲崗食粥底火鍋～之前有朋友食過話幾好食，所以今次専程黎食下～朋友有訂位，所以唔使等，但有d walk in客就要等，因為店內唔係好多枱，大約容納28-30人～～$198/位，有海鮮7款及自選配料～有蝦、蟹、貴妃蚌、魚、二款蜆、鮑魚~d海鮮好新鮮枱面有個Timer,可以比我地計時d海鮮幾時食得～另外，侍應亦幫手放海鮮入煲，提我地幾時可以食煮好既蟹，好新鮮、又多膏食曬海鮮及自款配料後，就可以煲粥，粥底吸收曬海鮮既精華，再加豬油渣粒、冬菜、菜甫、蛋～碗粥好鮮、好入味食完後送甜品～不錯

身為海鮮控的我，每隔一段時間就會海鮮癮起，要食海鮮餐滿足一下口腹之慾，現在食海鮮餐不一定是貴，要食得精明，我們就選擇這間新蒲崗的$198粥底火鍋海鮮餐，二人就可成行，簡單方便。第一輪先食海鮮，七款海鮮有貴妃蚌、多寶魚、肉蟹、基圍蝦、細蜆、沙白、鮑魚，全部有寫烹煮時間，提供計時器，客人可以自己處理。貴妃蚌：每人一隻，放入水30秒即可，最快可以食的一款海鮮，烹煮時間剛好，保持嫩滑鮮味，甜中帶點海水味，好新鮮呢。基圍蝦：比我印象中的基圍蝦大隻好多，每人兩隻，未煮時要用蓋蓋住，以防蝦太生猛跳出來，果然肉質緊緻彈牙，超級鮮甜美味，一試難忘！肉蟹：一隻二人分享，雖然不算大隻，但肉質鮮甜嫩滑，每樣海鮮食少少，都足夠滿足。沙白和蜆：已乾淨吐好沙，也屬新鮮。鮑魚：每人一隻，按照時間煮3分鐘，已令口感稍靭，鮮味稍遜，或許時間短一點會更好。第二輪是自選食物，美國肥牛、黑毛豬腩片，佩服師傅刀功好，肉都切得很薄透，兩款肉都頗多脂肪，特別是肥牛，脂肪集中在邊位，好處是如不想吃容易除掉，薄片的肉個人是接受的，不用怎麼咀嚼，有入口即溶之感，可是卻不太嚐得清楚原身肉味。鮮滑雞件、手打墨魚滑、鮮淮山：雞的確很夠滑，鮮淮山

之前睇電視介紹過這間，一直想去試試，今日去開新蒲崗就去試下。店鋪細細間但很企理，特別是墙上的裝飾很有特色。滿粥海鮮套餐包括7款時令海鮮、6款自選配料、3款特選時蔬、1款精華海鮮粥、1款甜品。$198價錢都十分大眾化。根據提示先落左肉蟹，雖然現在唔是蟹最肥美的季節，但的蟹肉都十分鮮甜。基圍蝦上來的時候仲郁咯，蝦好大只，蝦肉鮮甜彈牙。鮑魚煮3分鐘剛剛好，爽口彈牙十分鮮甜。大蜆、沙白、細蜆的肉無沙，鮮味爽口。多寶魚十分嫰滑，但魚味就就淡左的。6款配料就選左花膠、鮮滑雞件、黑毛豬腩片、櫻桃鴨肉丸、手打墨魚滑、鮮淮山。花膠要提早落煮久的才好味。黑毛豬腩片值得一試，肉味香濃食落唔覺得肥。最好味的時候到了，吸收了海鮮精華的湯加上日本珍珠米膽、冬菜、芫茜、豬油渣，一陣間鮮香味匯集於一身的海鮮粥完成了。粥吸收了所有海鮮的鮮味加上豬油渣的香味好好食。大眾化的價格十分滿足的享受。