滿粥順德粥底海鮮火鍋

营业中

休息中

這日約左朋友去新蒲崗，順便食個dinner，行過景福街，見到呢間滿粥，198元每位，都好似幾吸引，就試下。食店都好細間，桌位之間好似幾逼，不過坐落又OK闊落，環境都好乾淨。海鮮盤：鮑魚，貴妃蜆，肉蟹，兩種蜆，多寶魚，活蹦亂跳的蝦真的是新鮮又大只湯底粥米水，清清淡淡的米香，waiter幫手好小心的落左蹦蹦跳的生蝦，幾好服務。鮑魚彈牙嫰口，味道香甜，蝦大只肥滿，味道鮮甜，肉質爽口。肉蟹雖然不是最肥美的季節，不過都算大只飽滿，估唔到的是肉質非常嫰滑清甜，相當好食。兩種細蜆都相當飽滿鮮味，多寶魚味道比較清而鮮，肉質嫩滑細膩。自選組合推介:黑毛豬腩片：看上去好似都幾肥，滾熟左連我這個不喜歡肥豬肉的人都覺得好好食，爽口香味濃郁，一點肥膩感都沒有，鮮淮山：脆口清爽，味道清甜。櫻桃鴨肉丸：味道有點像貢丸，但比較清，爽口嫩滑，值得一試手打墨魚滑：好有質感，味道鮮，有口感，最後加米飯，蛋漿落湯底中，沸騰攪拌熄火，再加入豬油渣，芫茜，菜䈻，冬菜，蔥花，一起攪拌，美味的海鮮粥完成，鮮味濃郁，口感豐富，入口綿滑，

住喺附近咁耐，一直都好想試吓呢間粥底火鍋。因為我咁耐以來都未食過粥底火鍋。見到佢只係＄200全包免加一，真係搵暈晒成個OpenRice都搵唔到咁平！等齊朋友之後我哋就叫嘢食，佢有七款已經包左嘅海鮮。我記得有蝦、蟹、蜆貴妃螃、魚、鮑魚，最後一樣真係唔記得😂但係可以講食物質素方面，係十分之鮮甜！蝦蟹全部都好新鮮大隻，鮑魚仲有係匙羹咁大隻，貴妃旁更加係不得了咁大隻豐富，魚亦都都腥。呢度已經豐富到我哋四個人都食唔晒。除咗海鮮之外，仲可以叫六款自由配搭嘅食材。我哋就叫咗豬肉牛肉雞肉牛丸花膠等等，不得不提嘅就係花膠真係好爽滑，其他自選嘅材料亦都不過不失！去到最後女經理就幫你將精華嘅湯底加返菜莆、蔥等等煮成順德粥，雖然我哋四個已經飽到捧住個肚，但係為咗唔好冇衣食，我哋都食晒呢一個精華。其實可以講精華真係十分之好食，佢有晒所有海鮮嘅鮮味諗返起都舔舔脷。PS 呢一間店舖嘅員工同埋女經理，佢哋嘅服務都十分之好由頭到尾都有幫我地將食材放落火鍋度，不停提醒我哋邊一樣已經食得，仲幫我地計埋是預計食材要幾多分鐘會熟，避免食材過熟影響鮮味，特別係海鮮

黎到新莆崗朋友話有間火鍋必吃,就睇下坐低等食,準備打大佬睇下係唔係朋友口中咁正先今晚我就點左以下6樣黑毛豬腩片,鮮滑雞件,櫻桃鴨肉丸,鮮淮山,養顏花膠片,手打墨魚滑點左野後先黎指定海鮮E個海鮮盤蜆--有兩款,無沙架無沙架無沙架,重要既野係要講3次魚夠鮮味都好滑蟹--夠新鮮,實肉架,堅新鮮蟹,唔係渣流灘水蟹蝦--新鮮蝦生猛既,店員仲好細心話,唔好打開佢驚佢跳D熱水彈到我地...隻中蝦堅得講多無用,以下係熟左既樣隻蟹實肉到拆開雞脾咁,鮮到暈之後到自選6樣黑毛豬腩片--唔肥,有好香既豚肉味 鮮滑雞件--冇雪味,好鮮櫻桃鴨肉丸--咬落都OK鮮淮山--保腎佳品,好FRESH味道養顏花膠片--都好好食,想硬身又得,軟身又得,自己控制,骨膠原手打墨魚滑--好香口,隻味都幾好食完就加配料煮粥,連埋海鮮汁一流食完仲有甜品送,凍凍地咬落去,爽呀

男友要到mikiki睇街霸30週年展覽，其實無咩睇，影下相就睇完，又係時候搵食，行過商場對面見呢間好乾淨企理，而且套餐已經選好海鮮，唔需要自己傷腦筋！！七款時令海鮮 (10/10)肉蟹十分大隻，有膏有肉很鮮味！基圍蝦一來到仲係紮紮跳，店員幫忙放入鍋內，2分鐘後又過來提醒我們要吃了，真的真的很鮮味！鮑魚已清內臟，放入鍋滾內3分鐘，沾少許醬油，一整隻放入口品嚐，十分爽口鮮味！大蜆類今晚是貴妃蚌，滾30秒就食得，十分鮮甜彈牙。魚類沙白細蜆等，都能在湯底造就鮮味。蜆類都好乾淨，不需擔心有沙。另外的配料選了肥牛，響鈴，芋泥丸，魚皮餃，墨魚滑，菜。其中芋泥丸很特別，芋泥打得香滑。墨魚滑也真的夠滑，墨魚打到起膠。最後落埋粥膽珍珠米及蛋醬，變成海鮮粥！還有久遺了的豬油渣，好脆好有咬口，菜脯冬菜葱花等，再加點胡椒粉吊味，賣相好看又好吃！店內冷氣十足，埋單時又送上雪米滋，絕對不似係大熱天打邊爐，而係好滿足的海鮮盛宴。

唔係下下要一家人出動嘅， 單對單， 可以聽下孩子嘅心聲 尋日同完家姐開餐，今日到細佬， 佢話想食打邊爐， 仲話邊個話一定要冬天先可以打， 一於奉陪到底記得電視介紹過呢間舖頭， 就試一試。 鋪頭喺新蒲崗Mikiki商場後面 ，好易搵， 地方唔大但幾骨子，大概坐三十人左右。book咗枱七點去到， 到八點左右已經爆棚了 。一人一個海鮮餐，七款時令海鮮，肉蟹， 基圍蝦， 鮑魚， 扇貝， 沙白，細蜆，魚。等粥水底滾，店員幫我哋先放肉蟹，然後叫我哋 按照檯面嘅牌嘅烹調時間指示制作。根據指示，海鮮的確又鮮又滑，一啲都唔過火仲有自選火鍋配料， 我哋揀咗肥牛， 黑毛豬腩片 ，滑雞件，醬爆貢丸，響鈴同花膠片最後 ，佢哋攞出一碗飯， 蛋漿，豬油渣，芫茜，菜脯，冬菜，蔥花製作一鍋海鮮粥。湯底已有濃濃海鮮甜味，加上各樣配菜，真係好味到不得了奉送雪糕糯米糍。每位$198, 唔使加一。我哋叫咗汔水，都唔使加一

今日係新蒲崗做完野, 同同事周圍睇下有咩食, 記得之前電視介紹過呢到有間粥底火鍋, 一於去試下, 地方唔大, 坐得比較迫, 而且店員態度比較燥底, 對住火爐多定因為客人多招呼唔黎?! 定上左電視HIU左?! 講返野食, 首先海鮮分別有蚌, 蜆, 蟹, 蝦, 鮑魚, 多寶魚, 全部都新鮮, 所以非常鮮甜, 蜆類洗得乾淨沒有沙, 蟹同蝦都啖啖肉, 多寶魚嫩滑, 鮑魚彈牙. 而火鍋配料就一般般, 沒有什麼驚喜. 食哂野之後店員會加蔥, 雞蛋, 菜浦, 南瓜…煮粥, 味道有蟹既鮮味, 但好似醒左少少, 所以落返D楜椒粉會比較好. 最後每一人粒雪糕糯米糍.

之前見到電視介紹過呢間餐廳, 今日走左去試下, 因店舖細細, 所以枱都比較細, 放唔係好多野, 食得有少少辛苦.每人包一份海鮮同6款配料, 7款海鮮包括1)鮑魚 – 不太大隻, 勝在夠彈牙, 每人一隻. 2)半隻蟹 – 夠鮮, 肉質嫩滑. 3)蝦 – 要用碗CUP住, 因為太生猛了, 仍在跳, 放佢落鍋到有少少覺得殘忍, 哈哈, BUT 肉質爽甜, 每人兩隻4) 蚌 – 大大隻, 沒有沙. 5,6)沙白蜆, 細蜆 – 夠鮮甜, 分量不多. 7)多寶魚 – 夠嫩滑, 啖啖肉.配料我地點左1)肥牛 – 夠嫩唔鞋. 2)魚片頭 – 有少少怪味. 3)花枝丸 – 會切開一半, 份量夠多, BUT味道仲怪, 好似有少少變左咁. 4)花膠 – 要烚耐D, 最好一早放落去. 5)墨魚滑 – 最正常, 夠彈牙. 6)響鈴 – 都係最正常的, 打邊爐必食.最後將蛋, 冬菜, 菜脯, 蔥, 南瓜等材料落落個粥水到煮成粥, 落D楜椒粉會好味D.其實海鮮係OK, 但其他配料就差左少少, 有待改進.

作為九龍人，很多時食飯都會去九龍城，因為這里食肆林立，提供很大的選擇空間，人聞亦聞，所以晚上比較難揾位，其實，附近的新蒲崗就是另一個好選擇，自從附近的大型商場成立已來，行街購物方便了，同時也帶動附近人流漸多，不斷有新食肆進駐。曾經舊機場時代風光無限的地區，也開始因而興旺了不少。我是一個喜歡懷舊的人，不少時候會選擇和家人到新蒲崗用膳，每逢蹈入這區，父母總是有滔滔不絕的話題，很有那些年的味道，因此對這區情亦有獨鍾。貼在門口左下角的宣傳海報，＄198/位，而且不收加一，茶芥，的確吸引。父母一致通過決定一試。原來是順德出名的粥水火鍋，一盤清淡的粥水為鍋底，店主介紹這是選用日本珍珠米煮成，無油，無味精，非常健康。首先提供預設的7款時令海鮮，操作非常簡易，當粥水煲滾後，按次序落各鮮去煮，時間一到，便可撈起，海鮮是預設的，份量不多，但勝在味道夠鮮，落蝦的時候，蝦受熱會亂跳，為免被彈親，提醒大家最好用鍋鏟壓住，以防萬一。待完成食海鮮之後，這個時候的粥底開始錦密，便可以加入南瓜、芋頭、粟米落去煮，待煮滾後開始放入款6款自選火鍋配料。務求讓鮮味延續。眼明手快的侍應，見到我們差不多食完那6款配料，就前來把粥

難得今晚老婆有野做咁Free，梗係要約老友撐枱腳吹下水啦。由於我放得比較早，所以我地約定放工後係老友公司附近開餐，老友推薦係佢公司隔離街的滿粥順德粥底海鮮火鍋，呢間店推廣緊$198位的粥底海鮮火鍋套餐，已包哂粥底海鮮及所有配料，而且不需加一及任何雜費。👍新蒲崗我唔太熟路，不過我按老友指示落左巴士穿過Mikiki商場就見到滿粥順德粥底海鮮火鍋，位置都幾就腳。門口除左貼有推廣緊的$198粥底海鮮火鍋宣傳之外，仲貼左好多藝人黎開餐的照片，香港、台灣同韓國都有。店入面唔大，裝修都幾有個性，一煲煲粥底火鍋同海鮮配料放哂係牆上面做裝飾，十分有趣。😆由於我地已經訂了枱所以唔需要等位同埋，雖然好多組客人都是兩位，但感覺店員會優先將比較大的枱安排給有訂枱的客人。😍枱面的塾枱紙有詳細介紹粥底火鍋的食法。(我原以為係直接用個粥底打邊爐🤣)$198粥底海鮮火鍋已預設左7款海鮮，我地只須按自己心意揀選6款食材配料。我地揀左肥牛、花膠片、娃娃菜、滑雞、鴨肉丸同黑豚肉腸。上海鮮前，店員會先提供配料用來自行調配豉油。7款時令海鮮會用三層塔分式上枱，賣相一流。大蜆真係幾大隻。肉蟹亦好大隻，睇黎好肥美飽滿。預設時令海鮮(

之前有一晚同我老公食過呢間「夜粥」，一試難忘，已經想再來幫襯多一次，近日晚上經過，見到裏面人頭湧湧，可見美食帶來好生意是很正常的現象！好朋友搬咗過來新蒲崗，一於約埋佢兩公婆帶佢哋去試吓呢間海鮮粥底火鍋，今晚約埋佢哋兩個加埋我老公，四個人，好彩嚟到嘅時候剛剛有四個位，唔使等。唔知係咪季節唔同左，見到今次啲嘅鮑魚、蚌、蟹，比上次仲多肉仲大隻左！店員好好招呼，幫我地一次過落定啲蝦蟹同鮑魚，等佢哋可以同時滾，比較慳時間，而因為蝦熟所需嘅時間比較短，我哋就先食大蝦。啖啖肉，勁鮮甜！店員好細心咁樣比一個大碟比我哋，等我哋可以將已熟嘅海鮮放上去慢慢食，朋友老公撈到一大堆蝦，朋友講先知道原來每人有兩隻，真係幾抵食。每人有半隻蟹，但係都好舊式，因為隻蟹好大隻，而且啲肉好鮮，仲有少少膏，好香溜。嘩！鮑魚大大隻，口感好好，又唔會太韌。蜆又有大又有細，啲肉滑溜溜！有我最喜歡嘅多寶魚，啲肉超滑，而且仲有好多係魚背為，特別肥美。個湯底，只不過係一啲類似米水嘅東西，冇其他調味，但係啲海鮮就咁食都覺得好好味，本身嘅海鮮味已經唔需要其他嘅額外調味，超讚。個餐包埋五款自選配料，今次我揀咗雞件、貢丸、金菇、午餐肉、墨魚滑:

第一次黎呢度係第一次食粥底火鍋，充滿驚喜。隔一段日子，朋友甘岩又約我來，鮮味依然。食物質素不但無下降，更係有進步，新食店來講確係難得。套餐價錢仍是$198全包。海鮮份量十分豐富，七款時令海鮮，一次過滿足甘多個願望。最愛的海蝦，大隻得來異常生猛，下滾水後差少少跳返出黎！入口當然係實淨鮮味啦。象拔蚌仔同鮑魚好欣賞佢地洗得好乾淨，白雪雪食落口都安心d。而肉蟹就比上次黎食更加大隻，肉更厚口感更佳。蟹的鮮味好突出，下鍋後成個湯都充滿蟹香。除左套餐，我地今次四人加左個手切肥牛。肥牛都幾高質，牛味濃郁，肥瘦分佈得唔錯。如果份量多返少少就更好啦（圖中為大肥牛）。食粥底火鍋高潮往往在最後，食完所有配料後，精華全部聚於粥底中。每一小啖都係海鮮的鮮味，軟綿綿的卻是一切新鮮食材的昇華，實在精彩。再食都依舊精彩，相信我會成為佢地的熟客了。

小朋友忙著要考試，好久都沒有出去食過飯了，而家，剛好考完了，放下緊張的心情，係時候出去同個仔撐下檯腳了，我又可以放鬆一下心情，迎接來緊的暑假。夏日炎炎，講真，胃口都是麻麻地，要食得清淡，又開胃的，自然想起粥粉麵，是夏日一個星期少不了有幾餐為主食的。海鮮是我家人的至愛，又點可以無左它呢？平時見到是什麼海鮮刺身火鍋，今晚我地都來食返餐海鮮粥銅吧！雖然地方小小，但都坐了客人，大部分客人都會訂左位，如walk in 則可能要等一下，才可以有位。基本上，這間餐廳都是以套餐粥鍋為主，每人一個套餐，$198/位，都好低食！海鮮預有七款海鮮及另加五款自選食物。湯鍋底是用米粥熬成的，好有米飯香味。海鮮塔放著七款海鮮，侍應會幫客人每款放入粥鍋裏，調較好每樣海鮮所需的時間，希望你食到又鮮又甜，不會過火的海鮮。新鮮大海蝦，足有手掌咁大，還生猛跳動，要落湯底時，用碗蓋著，因跳動時，湯汁會彈出，濺到身上。時間較得剛剛好，蝦肉剛熟轉色，侍應就幫我地盛起放入碗內，已嗅到鮮甜味，蝦頭還在爆汁，鮮味十足，蝦肉結實，彈牙爽口，啖啖蝦肉，在口中嘴饞著，鮮甜美味，唔需要點上醬汁，好有口感。每樣海鮮都是鮮味鮮甜，蟹夠多肉，一蔬蔬

同阿妃來到新蒲崗因為某超市做特價, 濕平後諗住食埋晚餐先, 對商場內嘅嘢食都無乜興趣, 所以走出去搵食, 正正喺對面馬路就見到呢間"滿粥"個名好正喎, 又整整齊齊, 門口易拉架寫呢間係食粥底海鮮火鍋, 我未食過, 一於入去試下.舖內充滿住海鮮味, 好似係正個海裡面嘅感覺, 再望入舖頭內有個高高嘅水吧位, 裡面就有好大嘅魚缸, 舖內唔算好大, 老闆放個咁大個魚缸, 一定係對保持海鮮嘅新鮮度有好高要求喇.    平日夜晚7點前, 已有半數枱坐滿咗, 店員好親切咁介紹佢地嘅套餐, 每位HK$198, 包7款海鮮, 5款滋味配料, 最後有海鮮粥, 只係唔包飲品, 我地OK之後好快就SET好個粥底鍋, 用粉紅色鍋我最鍾意呀, 有TASTE吓好快上咗海鮮HIGH TEA SET, 每層都唔同, 有大蜆, 鮑魚, 蟹, 沙白, 細蜆, 多寶魚, 另外仲有紮紮跳嘅蝦, 上枱時店員同用個蓋仔阻住D蝦跳出來, 個粥底未滾前我聽住D蝦係咁跳係咁跳, 好有活力呀....個粥底一滾起店員就幫我地放咗鮑魚, 蟹, 同蝦落, 蝦係超超新鮮嘅, 一落水時仲要跳咗幾下, 好在店員用個碗隔住咋, 仲同我地講咗每樣海鮮需時