漁之部屋 (已結業)

order外賣自取比預計自取時間遲左25分鐘去到門口問職員。職員話等一陣，我再等左15分鐘再問都未有餐俾我！之後兩個職員同時話小姐妳以後唔好係我地餐廳落單唔好黎食嘢⋯⋯仲即刻叫我取消order。。一句唔好意思都冇，如此態度試問點可以做服務性行業，打開門唔係想做生意仲鬧客人！！！

今天放假，來到將軍澳逛街，突然很想吃日本菜。上網搜尋後決定來吃漁之部屋。餐廳人山人海，因為這裡有放題和午市定食提供。今天就先吃午市定食。刺身丼刺身份量真的不少，而且十分新鮮，尤其是蝦，有蝦膏而且非常肥美。其他三文魚、帶子、海膽亦是十分和味。定食包括麵豉湯、沙律、泡芙，份量很足夠。吃得很飽很滿足！

食物質素還好，但服務有點不足，飲品都送到隔離枱，催左好幾次先送黎，壽司要等比較耐，小心唔好重複落單，嚴重唔夠人手，食完嘅碟冇人收，放到成張枱都係，要出聲先有人肯收，而且有人過黎hard sell 會員，但咁樣嘅服務真心唔會有下次（有個侍應態度特別差，送錯晒啲野，仲叫極都唔應）

位於天晉滙的漁之部，係將軍澳小有嘅日式放題，放題黎講款式多，味道好。食品種類多，有放題基本嘅刺身，壽司，炸物，串燒，天婦羅。比較特別嘅係有三文魚嘅唔同部位，同埋佢哋午市賣嘅拉麵，烏冬，炒飯等。飲品種類選擇多，有特色飲品，例如雜果賓治，水果茶。有日本燒酒，紅酒，白酒，啤酒任飲。亦都有多款甜品選擇例如，香蕉船，糯米糍，亦有比較小見嘅日本焦糖布甸。放題嚟講係比較多食物種類比較有記憶點嘅係刺身嘅帆立貝同泰式生蝦。熟食嘅龍蝦沙律伴鴨肝。 係將軍澳人幾好嘅選擇

其實好耐冇食放題，因為質素參差，中伏就GG。今次多謝朋友請食飯之餘，介紹一間好ok 既放題店。🥢剌身係主角：大蝦、劍魚腩、三文魚籽出色🤩。大蝦新鮮鮮甜，劍魚腩爽口又有油香，三文魚籽卜卜脆。反而油甘魚同炙蠔就一般。🥢牛油🧈粟米：新鮮粟米粒（唔係罐頭✌🏻）用鐵板上，微焦粟米粒加牛油，係香甜誘惑既爆谷味😳，幾好食！🍸飲品：巨峰果酒🍾️同藍色夢幻（類似波子汽水），望落fancy 又好飲。🍵H牌抹茶朱古力雪條：少澀抹茶味同朱古力甜味好balance ，為gathering 畫上完美句號。味道 : 🔅🔅🔅🔅新鮮 : 🔅🔅🔅🔅分量：🔅🔅🔅🔅衛生：🔅🔅🔅🔅速度：🔅🔅🔅（5🔅為滿分）

食過好多間日式放題，呢間算係款式又多又好食。而且加埋一都係$230，晚市任飲任食真係非常抵.刺身 - 好新鮮，款式又多，啲蝦又大又鮮甜、鮑片好味！其他魚類都唔錯！.各款壽司 - 賣相已經要讚，整得好靚，味道都唔錯，整體都高質.天婦羅 - 不過不失，如果可以熱少少會較佳。.熱食 - 清油煮蜆味道較淡。蟹翅唔錯，食到蟹肉。蟹粥都好味，肝多士個包淋晒唔夠脆，如果脆身會加多好多分。.飲品及甜品 - 款式真係好多，飲品多都好好飲，可以試下奶蓋紅茶.其實最驚喜係每人可以揀個雪糕，有Haagen Dazs嘅海鹽焦糖加晒分

之前午市食到3點，今日改左食兩個鐘，訂左12點，12:15先坐低，交枱時間14:15，30分鐘前截單，13:30落單，截我單，話我12點左，遲左所以都係1330截，以午市食到3點，依家話無晚市就得兩個鐘，同事無同我講，佢話唔關佢事，想問下佢地唔係同一間公司，佢唔駛負責咩？

經過呢間舖頭好多次，都畀佢外面嘅餐牌吸引，主要都係留意到佢嘅放題。始終個肚都係食唔到咁多嘢，所以今次嘅晚餐唔係食放題， 而係散叫。 收銀嗰位職員(可能係老闆)喺入門口之前招呼唔錯，亦好有禮貌地介紹餐廳食物；反而是應態度就一般，可能人手唔夠而且經驗尚淺。點食物只需要用手機scan QR code落單，本身方便又快捷，但係居然都有幾多圖片係睇唔到，感覺有點一般。 餐廳衛生環境一般，普通一間繁忙茶餐廳嘅感覺。「日式叉燒炒烏冬」HKD78呢段日式炒烏冬反而成為成個晚餐嘅最大驚喜，因為份量夠大味道亦唔差，食得出同埋睇得到佢係用切碎咗嘅日式叉燒去炒，保留咗日式叉燒嘅味道喺裏面。「金箔香蔥拖羅飯定食」HKD80真係有一啲金箔點綴， 普普通通一個香蔥拖羅飯，分量一般。「極上刺身盛」HKD102裏面有鮭魚 、拖羅、油甘魚、松葉蟹腳、帶子、甜蝦、大赤蝦、海膽、鮭魚籽，再配個冷麵， 咁嘅價錢確實有點驚喜，刺身尚算新鮮。

嗰日去咗呢間日式餐廳吃中午，因為係午膳時間所以等得比較耐，我坐係中間個位置，環境衛生一般，侍應態度有小許怠慢，舉手示意要點餐，侍應行來行去都好似睇唔到，我點咗一份鰻魚炒飯，炒飯超好味😋有好濃郁嘅燒鰻魚汁味道，另一份是兒童餐，兒童餐包含有Mini汁燒牛肉飯，紫心香芋年糕2件，三色小卷壽司3件，啲牛肉配飯很開胃，最好食係香芋年糕，好香香芋味，好有口感，兩個餐都有甜品🍮，而兒童餐仲多一杯特飲，價錢一點也吾貴，另外只需$2就可以加配一件壽司🍣

家人生日，又到呢度慶祝，已經食過呢間好幾次，每次來食都爆場，但食物都保持到水準。以下有啲個人推介嘅食物：刺身-夠新鮮又大大件，最推介帶子同紅蝦，份量又足壽司同手卷：推介左口魚邊燒壽司同金箔櫻花魷魚手卷另外仲有燒魚干同炸榴槤波波好正！每次來食，無論平日同假日都爆場，但見啲侍應都滿場走，好忙好忙，有個男侍應見啲食物遲咗比我哋，每次上枱都連番講“唔好意思”,其實都算係甘，我哋都明白嘅！埋單時有位叫“阿碧”嘅同事向我哋推介vip優惠，佢好細心講解，又非常健談，當晚我哋都食得好開心👍🏼

今次就食左lunch set，只需scan Qr code落單，方便又慳時間👍👉🏻鹽燒/蒜香龍骨 今次叫左鹽燒龍骨拉麵（鰹魚湯）烏冬果然係彈牙啲，4件大大件龍骨，勁抵食❗️😎lunch set仲配埋沙律，2件加州壽司，是日甜品同柚子蜜可加購優惠價$2 每件壽司，仲有得另加10蚊小食 eg.燒菠蘿，刺身，迷你香蕉船等。。但我太飽，實在食唔落😅自私評分：🟡🟡🟡🟡🟡自私評論：成餐連加一都係$66‼️餐廳除左lunch set，夾到時間我都會食埋放題，lunch有成3個鐘食😂有時都會冇位，要有排隊既心理準備

📍 漁之部屋 之前同朋友一齊去開將軍澳 因為我朋友好鍾意食日本嘢 所以經過就揀咗呢間餐廳嚟食😝-我覺得呢度嘅放題同其他放題有嘅分別係呢度選擇嘅種類款式都幾多🤭除咗有刺身、熟食、炸物、飲品等 連小編最鍾意食嘅甜品種類都有好多款選擇😍另外不得不讚呢間餐廳食物擺設好有心思👍🏻無論係刺身、炸物、壽司等 都幫你裝飾得好靚🤩 啱晒打卡不過炸物就偏油 食幾舊就已經覺得滯😳佢哋有嘅壽司款式都好多 而且有啲都幾特別幾靚😆 鍾意食壽司嘅可以試試！另外佢哋呢度都有好多唔同特色嘅飲品同甜品🤫小編叫咗豆腐花芝麻糊、香蕉船等 都幾好味😚佢哋另外都有串燒食 熟食方面我都有叫左花膠試試🤭 花膠都幾大隻✊🏻✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ★回頭率：★ ★ ★ . 5 抵食指數：★ ★ ★ . 5✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎

媽咪生日話要食呢間放題 咁唯有去啦 去到啲枱都幾逼 想搵個位放野都難... 😅 服務:打去Book個時態度已經麻麻 仲要電話係長期打唔通🙄🙄 咁去到啦 我企係門口等人過尼話佢知我booking啦 點知個staff見到我竟然轉身走...😑😑 終於有另一個staff理我啦 佢睇完我booking就同我講62號枱 跟住就完左啦😃 我實係知62號枱係邊... 🧐媽咪日我地照買左蛋糕去慶祝 食唔落都影下相 點知staff又攞錯左人地個蛋糕比我地 有啲混亂😅食物:上菜速度都幾快 而且食物同飲品選擇都幾多 仲有啲幾得意嘅野食🤗😌 雖然質素冇話好好 不過放題係咁架啦...~

星期六想食放題但又懶得去其他區，search到呢間係屋企附近，雖然睇返之前啲食評都話侍應態度差，但都去咗試試。12點準時去到餐廳門口，有唔少人等緊，入面侍應仲set緊位，大概5分鐘後就開始入座，用QR code落單。食物種類好多，上菜速度唔算快，但都無漏單。我對"食"唔係好奄尖，所以嘢對我嚟講都好食，特別係個魚乾，第二日仲回味緊。值得一讚嘅仲有飲品，手沖飲品都好飲，又唔會太甜。最後會另外俾張紙係揀movenpick或者Haagendazs雪糕，每人一杯。侍應態度幾好，用餐愉快。一開始掛住食無影到相，之後先醒起，所以得啲熟食嘅相。

食過都4 5次作為將軍澳唯一放得入口嘅放題都叫做捧場客。近來就有個師奶侍應成日扮fd sell會員但又煩又唔老實樣臨尾無做會員呢樣貨無 果樣貨無叫咗椰子水佢聲稱無貨App唔更新 員工無講附近幾枱都咁白等九個字最離譜連羊架都無貨我食7至9 9點後有一輪食客咪玩啦大佬！白等完就過咗Last order 然後就扮哂嘢幫我手求其拎啲嘢食出來我就黎跪底謝主隆恩架啦管理層見到麻煩檢討下啲好窄嘅位已經唔討論實在差咗好多好多ps 其中一個後生女態度好好 管理層改善，但我都唔會再食！寧願出車遠少少 Byebye~