漁之部屋 (已結業)

漏單, 食物數量唔啱都算啦, 叫罐可樂都要四個字先嚟到, 食到火滾！成個餐牌由刺身、壽司、 天婦羅、 燒嘢、炸嘢、鍋物... 等等, 全部非常普通, 冇一樣值得再order, 燒嘢炸嘢仲要唔熱, 完全冇誠意！

由開業到而家，已有過10次幫襯漁之部屋。記得中間有一排食物質素一般，但昨日再食既時候，食物同服務都改善左不少！先講服務，跟單比以往快左好多，唔洗催就有了，作為放題呢個係食得暢快既原因之一晚上8點幾開始有得食，今日既刺身好新鮮，阿根廷紅蝦同甜蝦都唔會有雪味而且鮮甜，大大隻真係好滿足！師傅通常第一轉刺身都會比油甘魚楠，呢個每次都必叫，入口快溶。帆立貝同長腳蟹正常，惟獨吞拿魚非常多筋，唔建議叫呢個。一口海膽魚子壽司無得輸，分量唔會過多，海膽亦無腥味，正呀極力推介呢個鵝肝多士，上碟時多士仍脆底，鵝肝油分多，上面仲有藍莓果醬酸酸甜甜，除去左油既味道，香脆口感一流第一次食呢款餃子，香煎九菜餃，唔會炸到好硬，小食多滋味呢個炸豆腐一定要叫，每次都會叫好多，雖然有沖但唔會浸哂成粒豆腐，所以食既時候一半juicy一半脆，即刻唔覺得熱氣小心熱！佢地既炸物一直都出色，炸蝦x10雞軟骨可以但牛舌就一般，太淋。友人好中意食燒菠蘿同饅魚，一樣咁出色，饅魚上檯時賣相已十分吸引同飽滿，香氣撲鼻。柚子酒其實似柚子梳打多d, 夾放題飲好爽

自己生日想請屋企人食番餐見同事分享開話依間唔錯決定就BOOK位試試首先位置黎講確實有D僻但僻都有僻嘅好可以無咁逼不過同事話星期五六日都會好多人想試就注意番首先必需提提大家佢個放題係包埋酒精飲品我覺得淨係依一樣野已經超值始終出面好多差唔多價位而又做放題嘅都未必包酒精飲品要飲酒仲要加幾十蚊除咗酒仲有D特飲俾大家選擇真心唔錯！刺身新鮮我叫咗三ROUND三ROUND都非常新鮮有時出去食刺身頭兩ROUND OK到第三ROUND就會有骨但今次一條都無 證明師父非常細心蟹腳其實勁新鮮不過略為有D麻煩如有埋鉗俾大家或者師父做多少少功夫大家食得方便D會開心D燒烤鯖魚 雞軟骨好妹味不過個雞翼略為淡應該係未醃或者醃唔夠耐不過所有野出到黎都係熱嘅燒番薯仔都好正夠甜食到咁上下叫番串都錯壽司唔會大大夠飯塞飽你用料新鮮之餘仲要有海膽+三文魚子嘅選擇好味燒蠔本人唔食蠔不過聽屋企人講好妹味叫咗兩隻佢都一個人食哂就知係正嘅甜品方面估唔到有水玄信餅無落黃豆粉不過就用咗黑糖而且佢仲會俾你每人ORDER一個MOVEN PICK或haagen dazs雪糕拎走俾你食足兩個鐘WAITER態度200分咁好成件事真係超值超級推介大家！

已經唔係第一次嚟呢間自助餐，食材超新鮮，而且無論刺身，燒物，飲品都好多選擇！兩小時用餐真係有排都試唔晒D野！小朋友不到1米=免費，1.4米以下半價，1.4米以上大人價。我們預早慶祝母親節，又唔想諗食乜嘢最好就係食放題，任點任嗌仲有人頭計嘅生蠔或鮑魚餸添！點知嗰一晚生蠔同鮑魚賣晒，就送咗隻龍蝦。download apps 落單，超方便（注意：限時2小時，落單最好30分鐘前要叫晒-否側有機會趕不及上檯）燒物今次比上次差左！勝在其他野搭救，好多款式飲品（果茶好好味）食完之後仲有雪糕送！雪糕食唔落可以帶走真係超正，超讚

一家人得閒食飯，要迎合一家大小不同人的口味，要食魚生有得、熟食又得放題係不錯的選擇。今次我地黎到漁之部屋，食物種類豐富，刺身新鮮，熟食味道質素都不錯。叔叔、媽媽們最喜歡食燒魚乾，送下酒傾下計一流。另外，我地最喜歡佢地既飲品，有特色飲品，有凍，有熱，仲有包裝飲品，比其他放題食店多元化啲。服務人員都動作好快，上菜速度都配到，我地有個BB要熱水，即時送上熱水。唯一係地方好細，枱有啲窄，出入有啲辛苦，肥肥啲都難出入。

之前已經試過午餐，拉麵幾好，性價比高，碗大系特色，麵都正常，餸的份量適中。但呢間野賣點系刺身放題。朋友叫刺身，我就燒物餐，雞軟骨串一啲都唔硬，系有咬口既雞肉咁，比較岀色系牛舌，真心有烤過，外面有少少脆，有落鹽，真心惹味，肉質彈牙，好爽白飯幸好有蛋相配，不然會有點Dry。刺身食落感覺冰冰新鮮衛生，比燒物更有水準。難怪身邊食客多以刺身為主。最後配上咖啡。泡沫很足夠。沒特別提及的食品，沙律，雞翼等，為正常味道，沒人岀人意表的感覺。但刺身類及牛舌為極為推薦。！

同舊同事慶生加食開年飯，因為佢住將軍澳又鍾意食日本野，所以我地揀左食衣間放題。因為係星期五晚巿，所以$288一位，但啲野食都好多款同好味，抵返晒。我都係第一次食衣間，個同事就話衣間好受歡迎好多人，唔book 位唔駛旨意walk-in 食到，好彩個同事早一個禮拜訂位咋。又有串燒，又有魚生，又熟食，又有甜品同好多款雪糕批。我地落左單，一張單都無走單，啲野食又好味又新鮮又多款，怪唔知得咁多人食佢啦，因為真係好抵食。衣間可以再encore ! 同埋個同事話慶祝生日既話可以叫職員熄燈開射燈照住壽星仔同有專人攞個點左蠟燭既蛋糕出黎一齊唱生日歌架。但我地成班老野唔敢咁張揚話比人知又大一歲，所以今次無玩到🤣。

食物款式少了, 品質亦差了, 炸蝦炸蚧柳炸多春魚一上枱都已是林的, 一口牛超肥, 連朱古力雪條都沒了! 本人食5點, 但一坐下叫的三文魚骨腩便沒有!常有漏單, 羊架點了兩次要再追才上.此價錢不值

近這年都每1，2個月就去這放題，一向食物新鮮及服務很好。 但今天去，人客少了不用等，2人可坐4人枱。現在改為用app下單，但食物選擇卻少了。叫了幾款刺身，八爪魚跟赤貝都廷腥的，不新鮮。海膽肯是臭臭的。 服務更是差了太多，明白可能人手不夠。但白衣眼鏡的馬尾女侍應，明明見到有客人叫，完全不理會。明白你太忙，但一句請等等，客人會明白的。到結賬時，收了信用卡到簽卡足足需時45分鐘。大門口放了消費滿400就可抽一次的扭蛋，問那那馬尾女侍應是否可參與，她只說了一個字"是"就不理會然後走了。 足足再多等5分鐘，有另外3桌人走了，問另一位待應才有人理會。 不建議光顧，食物少了差了，服務更不合格，難怪人少了。

最鍾意食日式料理的我聽講將軍澳有兩間分店的漁之部屋，當然不會錯過啦，日式串燒是出面的居酒屋食好貴的，在日式自助餐一定要點成盤，一串串看著非常誘人，這樣食日式串燒才過癮，仲有好多小食都好好事=食，壽司刺身都任食，最後來碗拉麵收尾，食到扶著墻出來的日式放題真是滿足。

雖然星期六日冇加錢任食三文魚，但係$2壽司仍然幾吸引值得行遠啲過嚟食叫咗兩個定食之後就加咗幾轉壽司，壽司係最快到嘅，即叫即整幾新鮮三文魚壽司係腩位，好肥美甜蝦壽司幾大隻厚肉，而且佢嘅飯夠細粒唔會太飽啲三文魚幾靚，encore咗一轉，仲叫咗蟹籽定食set有蜜桃沙律同味噌湯牛肉調味唔錯，加上溫泉蛋，幾啱撈飯滑蛋豬扒就唔推介，一開始我哋加咗$5芝士食落我哋先發現佢冇加，叫佢加返點知只係求其係面頭放兩片芝士片，用火槍燒兩下，都未融化就上枱，唔好食

來到將軍澳好出名的自助餐，排隊排左好久才可以開始食，一入座服務員的服務就好Nice,可以任點，都有自己去夾的，點的多點我中意食的，碗仔翅超足料，清酒蒸花甲肉都几大下，飲料都不會馬虎，西柚梳打飲落去超解膩，最鍾意的鮮蝦刺身我點左好多輪啦，吃的好過癮，超抵得日式放題！

放工嚟食下日式放題梳乎下， 呢間都嚟過好幾次㗎啦，都覺得服務同食物唔差嘅。叫刺身蝦、赤貝呀、帶子呀， 同芝士焗生蠔 一round又一round，都冇漏單唔使催。 真心覺得個海膽手卷都唔錯， 紫菜脆嘅，海膽一啖過， 都算係幾好嘅放題。

頂你個肺！諗住咁耐冇食放題 食返次啦因為之前起佢另一分店都食過 當時都幾好食 但事隔2年 食物質素差左十倍 漏單情況十分嚴重😡😡我8:00叫左個三文魚頭 8:45都未黎既情況下 追問底下 話冇晒 但我隔離台又有 離晒大譜！再過多陣我叫啲野食發現有部分野食去晒隔離枱囉！！！🙄🙄🙄即係一直都有落錯單嘅情況！連叫埋單都講錯枱號 個侍應拎張單去第二個張枱🤦🏻‍♀️🤦🏻‍♀️痴根！咁多張圖唔好以為嗌咁多 黎咁多！10樣裡面我唔追 分分鐘3樣都唔知有冇！啲刺身又唔新鮮！仲要大部分野都話冇晒！🤬🤬🤬咁嘅價錢咁嘅質素！我去劣食塔食都冇咁嬲！總之 no next time 冇下次！😤😤😤😤😤😤😤🤬🤬🤬🤬🤬🤬🤬

經常聽講漁之部屋的日料又便又抵食，終於有機會來試下啦！來日料店當然點壽司吃下啦，點左三文魚、海膽拼魚籽同埋鰻魚壽司，個個都料超足，料仲多過飯，三文魚上面的魚籽真是超多，加埋美乃滋一口超級滿足，海膽同魚籽好鮮甜，鐘意食海膽的我，當然不會錯過啦，鰻魚都是超厚一塊，加上海苔芝麻夠曬用心。點了啵啵脆的天婦羅，外脆內軟應該沒人會步鐘意啦。重頭戲來啦，鮑魚超大只，肉快要大過它的殼，味道調的好正，分幾口吃都得，真是便靚正得日料！！