漁之部屋 (已結業)

食物新鮮好味, 種類不少, 等候時間合理, 服務也不錯!  有vip卡更抵食!7月中開始會設有C區, 可以服務多於四位已接種疫苗的食客, 因為餐廳員工都已經接種新冠疫苗,  到時會食得更開心及安心。😃Bonus: 生日月份的客人減50元! 

星期四午餐時間1245黎到，只坐滿1/3，職員慢慢行唔忙。依家轉左用手機掃QR 落單，追加10蚊小食同其他野都係要請待應，但待應態度極差，見到你舉手3次都唔會理你，仲要啤你，放底飲路過掉低又無禮貌，返工咁大怨氣不如休息下啦。岀餐位果男士好人好多，其他職員忙果時會喝啲客，除左平同抵食，如果想食lunch都受下氣，可以去試。

6月12日，帶同父母一齊去食放題，好滿心歡喜喺門口等，點知遲左15分鐘先比入場，落單時間只有1小時15分鐘，過程食得好急趕，而且好多食物甩漏，同侍應講返，態度極差，都係只有叫我哋等等等，已經食到一肚氣，最尾埋單嘅時候，叫佢俾返張單我哋，要去儲分同泊車，跟住佢話係冇收據😨😨，只有簽卡紙，同泊車卷，最後我哋成肚氣離開，冇儲到商場分。真係唔明白，點解咁大間食肆，可以話冇收據？我哋都想知道個收費過程係點樣，但係佢求其敷衍一句就叫我哋離開☹️☹️

食飯中途有位老的女職員推廣VIP優惠，我沒有接受優惠，之後我還有一個半小時的用餐，食物是不催不會到，枱上的已用餐的碗碟已很多，沒人收拾，今天是我的生日，真的匙不良好的回憶，如果要開心，請勿冒險。因為這一餐，真的食到不開心。

原本想以支持同區小店的心態，母親節同一家人嚟食，但點知食得很不愉快 很掃興首先 食物質素是無問題的，魚生很厚很好但最需要改善的是電子落單及人手問題1）人手短缺叫極不理全間店目測樓面只有3-4個人手更要兼顧送餐即時跌筷子要換過雙都要叫足10分鐘先有人理你2）QR code電子落單錯漏百出QR code 落單但難scam好難得處理好落完單先發現原來部機撞咗最後落唔到但又無餐牌可以讓你人手order落單3）服務態度欠佳我們7:45pm入座到8:30連一支飲品或水都無好辛苦攔截一個姐姐waitress問我哋落單的飲品全部無嚟，佢竟然冷冷地丟下一句「要做㗎嘛！等吓啦！」即刻又來去如風地飄走（然而我們叫的只是可樂，不知可以點做咁犀利）最後我們等了40分鐘只來了一盤魚生與成功爭取的一罐可樂，媽咪明顯已經不耐煩，未免再難受多1個鐘，忍唔住提早離開了。雖然最後店家都給了我們免費，但真心建議請多D人手及改善一下落單問題，因為即使食物質素ok，但如果buffet一個鐘只來一碟，真對不住buffet這個名字很少給差評，第一次給了這間餐廳希望能夠改進

與家人晚飯慶祝母親節，都知道正日勁忙服務一定打折扣，但服務態度真係不得了，果然天外有天。用QR code落單本來係幾好嘅安排，起碼可以睇到你自己幾時落單。但一開始QRcode唔得，顯示還未結帳⋯⋯都未開始食⋯⋯好啦！改完都要等，又因為技術問題，要你取消所有從頭來過，開始有啲火起⋯⋯之後開始叫，頭一次只叫咗刺身，十分鐘內上枱，還好，可惜由第二次叫壽司開始就一直慢，出餐慢、追單時眼都無望一眼就説「做緊㗎啦」！5點47分落的單，7點截單之後先上枱，仲要送來時串我哋「嘩！落咁多都唔知你哋食唔食到！」明串我哋嘥料⋯⋯喂！攪清楚，你75分鐘後先上枱，係咪仲要我讚你無漏單叻仔吖！每人可以包一個杯裝雪糕，Movenpick或Haagen Daz，食唔切可以拎走，但原來堂食同拎走嘅分別，只係拎走佢會用個你係超級市場買雪糕時用嚟袋住走的透明膠袋，嘩！唔該晒，唔係將軍澳街坊都應該唔可以拎住走啦，乜都溶晒！OK屋企人揀地方，佢哋食得開心我忍你，但我必須要分享俾人知，原來三百幾蚊一位要咁樣俾人串，市度明顯係恢復咗！

見平日有時間，決定同大食仔朋友游完水去食個buffet lunch 1有訂位，一到就有位。比想像中多人食buffet/set2 刺身所有都唔錯，尤其係阿根廷紅蝦/蟹腳///以依個價位計 3煮食都ok既 首推酒煮蜆4 串燒太咸5 飲品好多 choice，有黑牛，鹹檸7等6甜品都多choice，的我食左木槺布丁ps 當我們食到好飽好飽時，隔離既老人家枱完勝我地两個肥仔。。。

本人於7-5-2021，17:30光顧佢地嘅放題，由於唔係第一次光顧，所以帶住滿懷歡喜嘅心情去慶祝我嘅生日，點知就令我過咗一個難忘嘅生日。1:除咗頭一轉到刺身喺落單之後15分鐘到，其他食物一概等15分鐘以上，仲要係催單先至比一、两樣你。2:同個侍應講啲食物好耐未到，佢竟然話：出緊架喇，廚房都排哂隊，佢都無辦法！我再同佢講：咁你地做放題，點可以咁甩單，我地食等2個鐘，剩係等都等咗我1個鐘，我點食？佢係咁講：出緊架喇，出緊架喇....就走咗去，轉頭再放低碟天婦羅，我地又再等....後尾我留意到，每次有侍應出餐，佢地盤上面都係同一樣食物，例如成盤都係串燒，或者成盤都係天婦羅.....嗰一刻我就明白，原來係廚房儲單！咁已經衰，仲要後來先到！見到咁，我再叫多次未嚟嘅食物，咁先開始有啲野食！但係已經過咗1個鐘......講真，佢地食物唔差，尤其刺身，係新鮮嘅，不過食過咁多次，睇住佢地啲食物款式變少，熱食味道都差咗！啲侍應仲周圍同人sell佢地個vip會籍，未食之前都有啲心動嘅，不過今日之後，唔好話買會籍，想我再嚟食都好難！PS.最尾半個鐘，佢一次過將之前無上到嘅食物一次過上比我🙄對唔住，我真係食唔

本身買左會員卡裡面仲有2個放題quota比錢既時候佢收曬正價唔扣quota，同佢理論佢話收左錢無辦法，叫我地下次再黎食唔好話市道差要體諒下d餐廳，有D餐廳唔值得生存態度差食物質素差仲要唔老實，開左一日都嫌多

💖漁之部屋將軍澳天晉果面都有好多野食，依間係PopWalk2。本身係做放題，依加lunch做埋set，好抵食🤤💰人均都要$100以下依個魚生船有海膽 蟹腳 吞拿魚等等本身見佢話係特級魚生，但只需要90幾蚊，以為唔係Set🤔點知一嚟到有飯，有湯，又有甜品，仲包嘢飲🤣真係好抵食！佢仲有得入會送一大盤甜蝦！

以前跟家姐都係去大間的日式放題，有自助區，人丁旺，好不熱鬧！但通常個洗手間都係衛生條件欠佳，所以好耐都冇去食喇。「漁之部屋」在商場內，洗手間亦然，但又唔會行成里路才到。裏面相對乾淨企理。其實可以想像洗手間對於食自助餐或者放題嘅食客係好重要㗎😜餐廳係用App手機落單, 隨時可以睇返order嘅嘢有冇嚟齊，比手寫單好用。建議預先下載App, 入內研究下餐牌。到時入座後掃QR code檯號就立即馬上有心水可以點餐！沙律前菜餐廳供應嘅芥辣Wasabi都幾辣㗎，但始終都係預製包裝版。放題就可以揀碟「生磨芥辣」。佢冇咁辣又冇咁攻鼻，不妨叫一碟嚟試吓！刺身刺身係用嚟番本。🦐「甜蝦」又甜又鮮，比起餐牌中的阿根廷紅蝦、大甜蝦同埋泰式生蝦好食。🦀「松葉蟹腳刺身」，餐廳己經預先在蟹腳位剪一刀，唔會太麻煩。雖然無蟹味，都叫嚟食喇，番本。🍣「拖羅刺身」就有根而且鞋口，不了！🍣「帶子」不大粒，味道唔算鮮甜，不過不失。「北寄貝」、「墨魚」、「油甘魚」刺身都可以試吓。天婦羅/楊物🍤炸槳做得好，所以各款天婦羅炸物都不錯。「松葉蟹棒天婦羅」啖啖肉，要食。🍤推介「芝麻雞翼」，炸得好香口，有肉汁。「榴槤忘返」，Q糯，滿滿榴槤

今次已經是第二次幫襯了，第一次食完覺得唔錯，所以今次帶埋媽媽來一齊食，我地今次都係食日式放題～$248一位價錢同食物質數都非常滿意～去到時重full場，我地都等了大概十分數才有位，原先已訂枱了～我地被安排座最入嘅四人枱真好彩，因為唔使噤多人出出入入，我至like食放題多數去油尖旺區同銅鑼灣，灣仔區。民區真的係少數有放題～飲品都有好多選擇，最正係紅酒白酒梅酒都係任飲架我呢啲鍾意飲返兩柸嘅人至like壽司同刺身水準尚可，而且款式都好多，最特別係有長腳蟹，多數放題都少供應～呢個黑松露鵝肝炸多士，我記得第一次去食，整得好好味😋一啲都唔漏，我同我男朋友每人食左幾件，但今次再去食有啲失準，整出嚟有陣濃味，再order 多次都係有有啲失望。主食卡邦尼汁煮蝦意粉同鰻魚飯都好食，全部都係熱嘅，食得出全部都係即叫即煮，唔係整定～媽媽都表示好味，呢兩碟我地都係清晒嘅我地都叫左幾款炸物，溫泉蛋，串燒特別啲係有炸香蕉🍌，魚頭幾乎我每次食放題必點又係我嘅至愛。點了呢個炒韮菜，又係放題少有提供，加左孜然粉炒，好有返大陸食街邊檔燒韮菜感覺最後講講甜品呢part,呢到真係勁多選擇因為我鍾意食香蕉船所以來第二次都係ord

日式餐廳午市提供放題和套餐。午市套餐選擇有很多，亦可以加配小食。咖哩雞扒真打烏冬定食，選了豬骨湯底。配了兩件加州卷，甜品泡芙，沙律。不只碗很大，烏冬也真是份量多。烏冬麵很滑身。咖哩雞扒是另上的。日式甜咖哩，雞扒嫩滑，薯仔夠淋入晒味。溫泉玉子鐵板牛舌丼。配了白飯，麵豉湯，甜品泡芙，沙律溫泉蛋流心。牛舌鋪滿了鐵板。濃厚的牛舌味，煮得軟淋，入口即溶。點套餐可以無限加配壽司和小食。加了芥末八爪魚軍艦，甜蝦壽司，京蔥吞拿魚壽司。芥末八爪魚軍艦夠芥末味。甜蝦雖細隻，但很新鮮。吞拿魚壽司較普通。飲品熱柚子蜜，泡沫咖啡。

星期日同朋友去吃午餐。本身無預約，所以擔心walk-in要等很久。我們大約12：40到門口，幸好當時無人等位，所以很快就可以入座。朋友點了汁燒金菇牛肉便當，便當包了沙律，刺身，而金菇牛肉卷大約有6，7件。隨套餐還附上味噌湯，飲品，甜點。我郤點了芝士年糕烏冬，隨餐附送兩件壽司，一小個甜點，沙律及飲品。那個湯碗幾乎有餐盤般闊，我一見到"嘩"了一聲。年糕是另上，雖然只有2件，但2件也足以令我覺得油膩，不想再吃。另外，各加$10點了串燒雞軟骨及廣島炸蠔。雞軟骨加了大量味粉，相當香口。整體食物味道不錯，份量十足，上菜速度快。但服務就……首先，可能人手不足的關係，店員都是忙忙的，無暇理會客人。一直想叫他們，但他們都沒看過來。後來，叫了3次，才有人給我們兩杯水。然後，到結帳時，應該是到門口付錢吧，我們在門口待了一會兒才有人過來收錢。其間，有好幾個店員對我們視而不見。

同朋友慶祝, 但又唔想出旺角銅鑼灣咁多人喎, 所以就去左公司附近嘅呢間放題食啦. 夜晚黎到都幾多人, 所以一定要BOOK左位先黎，如果walk in可能都要等好耐架刺身，有我最鍾意嘅吞拿魚剌身, 唔出到旺角銅鑼灣都好難有. 剌身種類夠多, 有好多款唔同嘅蝦, 拖羅長腳蟹都有. 熟食方面, 食物種類多, 有花膠湯飲下, 鵝肝食, 叫左個炸香蕉糕, 即係個款好甜懷舊香蕉糕, 都幾新奇, 不過自己本身唔係咁食甜野, 所以淨係叫左件同朋友SHARE. 野飲除左紙包罐裝飲品, 仲有特飲任叫, 雜果賓治, 水果梳打汽水. 價錢黎講算貴，貴過旺角銅鑼灣嘅，如果唔想出多人嘅地方，間唔中黎呢啲食下放題，過下口癮都唔錯架