漁之部屋 (已結業)

一家七人去食，菜上得很慢，問要醬油都要叫幾次，飲品半小時都未上，叫職員跟幾次之後居然話原來我們未下單。如果他們有跟進，為何不是第一次就知單已經「自然消失」呢？無論食物和服務的水準都下降至新低。

下午茶吾知食咩，走左去天晉，發現原來天晉都幾多野食，最後簡左呢間曰本野。😛 入到去，其實服務就麻麻地，因為無人理我，自己行左入去坐低，之後就睇餐牌，之後侍應就行埋黎吹我落單，因為已經Last order, 佢地要落場😕最後簡左呢個兒童餐，都ok抵食，份量岩灑我，價錢40幾蚊算抵，可加$2蚊 叫一件壽司，無上限，呢下讚，鐘意食壽司可以試下🤣 最後覺得驚喜既係個甜品，牛奶布丁，真係好好味❤️

星期五，和朋友兩人去食放題，埋單$612，$278加埋一，$306這個價錢，真係完全唔抵食，食物質素差，唔夠新鮮（某些刺身有酸味），就算熟食都是不好號吃，（清酒煮蜆味道很怪、串燒不好吃）數之不盡，兩人桌沒有地方放食物，但他們收東西很慢，要叫先收，服務態度麻麻，另外，落單又要用微博或飯團app 落單比較混亂，沒有提供落單紙或電子器材給我們落單，比起其他放題真是很差，所以我不會再去這間放題，亦不建議大家去

以$248+1蚊既價錢食左$150質素既放題都可謂香港少見。首先間野唔大，張桌好細，勁迫，完全冇夜晚放鬆食飯既感覺。魚生質素正常，但唔特別好食，刺身種類太少，total得10樣都冇，食黎食去都係果D。壽司都係爭鮮都食到既款式，魚子壽司塊紫菜都可以包到咩哂，可見廚房質素不高。一品料理種類亦太普通，味道一般，爐端燒最離譜，落單燒雞中翼可以半個鍾都未黎。拉面非常難食，屋企既公仔面我諗都會好食D。員工服務態度可以接受，但太唔醒目，本身張桌都細，好快就冇位，見到食完既野都唔自動自覺收左去，次次都要我叫先識收，員工係後生仔，工作表現未如理想。總體黎講，你話難食又唔係，但唔會係$248+1囉!非常唔抵食，成個環境，食物種類同味道，員工效率，我最多會俾$150食，以後唔會再食呢間!

從openrice 見到介紹，滿心歡喜book咗星期日放題，今天下午同囡先來試試佢午餐，殊不知，未開始食，個感覺已經好差，間餐廳好似十大X牛，處理食物器皿四處放，環境差，座位窄，無乜招呼，中午1200竟然得3枱客，坐底好耐都無人理我，我舉手要餐牌，先話我知餐牌在枱底，我重以為唔招呼我；環境擺設混亂，廚房混亂，日式餐廳播廣東歌（比十X牛管理更差），茶餐廳咁⋯我份人無乜大要求，但咖啡唔好飲嘅程度，竟然連我食開茶餐廳水準都過唔到⋯隔離來了盤定食，個樣擺得幾好，但侍應完全無講呢個係乜，（睇返餐牌原來係便當丁，盛惠$85）其員工管理可想而知⋯天晉竟然有咁嘅餐廳,失望⋯勘察完畢。我已經取消了星期日booking。

好難得一到便有位，成日行過見到D人勁開心係度猛甘食，終於有機會試！好窩心地先放好個袋係凳內方便舒服地刷餐飽！Apps. 落單的確環保又方便（要數的：有出單慢情況叫多左都唔知😓），刺身好新鮮，好多款式，的確好值得試！加埋好多款串燒（香港食串燒好貴，呢個時候係大顯身手嘅時間喇如果鐘意食串燒的話）任飲，D飲品一D都唔hea, D 椰青水超市賣成$10蚊支，飲番幾支即刻ger 晒😅 個蝦蟹粥先不得了，鮮甜到呢，仲有好多各式各樣嘅野揀！由刺身到串燒到壽司到粥到飲品，最後甜品（登登登登！係哈根達C雪糕囉）嘩，簡直無得輸，價錢$276+10% 值得再再再回味，勝價比超高

刺身 - 有三文魚、甜蝦、帶子…… 三文魚刺身好新鮮肥美，希靈魚都罕有咁鮮甜！！蝦連頭上，夠晒大隻，勁多膏天婦羅 - 海老天婦羅永遠都係我的至愛最愛天婦羅蝦，蝦好彈牙，炸得嚟唔會好油膩，水準不錯日式牛肉鍋 - 湯底好清甜，有好多好多好多菜燒羊鞍 - 肉質鬆軟牛油粟米 - 牛油味好濃芝麻雞翼 - 雞翼大大隻，熱辣辣脆卜卜，香口惹味，肉質很嫩其實還有很多東西想吃，不過肚子的容量實在有限......值得一讚，我們點了這麼多食物全都到齊，沒有走單！

好姊妹出嫁，當然要搵個坐得舒服又好食嘅地方傾吓結婚嘅安排啦。但因為第二日大家都要返工，所以近近地去附近搵食，今日就去到天晉匯嘅漁之部屋，貪佢多嘢食又坐得舒服，可以慢慢傾。原來食物質素都好有驚喜，搞到準新娘唔小心食多咗，減肥計劃又要重新計劃喇。刺身三文魚、甜蝦仲有呑拿魚都係我地嘅最愛，新鮮度不錯，仲好有口感，嚟多兩三round都得呀。海膽手卷想食海膽，可以揀海膽筒，份量唔少，都好新鮮。最重要係飯唔多，食完都唔會過飽。日本甘薯串好甜加上焦香，真係好SWEET。串燒菠蘿係近期去放題店嘅必點項目，因為酸酸甜甜，夠晒醒胃。焗廣島蠔好嫩滑，好濃芝士味，大大隻，值得推介。而呢度嘅飲品同甜品選擇都唔少，好滿足。

從來無打過食評都忍唔住😡今晚一行六日訂咗枱，打算提早慶祝父親節，訂咗7:30，但因為無黎過呢間餐廳，喺附近兜咗啲路、7:34先去到餐廳。一到步就同職員講訂咗座，然後職員一面愕然，之後不停打電話，心諗大獲喇⋯⋯⋯.然後佢去咗其中一張近門口嘅六人枱度問人地幾號電話，原來佢地係求其指咗我地個電話就可以入座😡但職員就自圓其說扮晒野話，過咗訂座時間五分鐘，以為我地唔會到，所以就將張枱比咗Walk-in客🙄但當我地表示係7:34已經到咗，佢就無聲出，因為佢係亂咁比個Walk-in客指我電話入座架嘛🤷🏻‍♀️.解決方法：佢叫我地搭的士去寶琳分店食、可以喺寶琳分店憑單claim返去程錢，然後我問咁回程呢？佢話要搭返車去將軍澳分店比單先有得claim～大佬，即係你犯錯，我一行六人要麻檸煩地移師去寶琳，我食完飯要專登行返去你間老檸咁遠嘅鋪頭交單claim回程錢先返屋企？（間鋪係商場嘅最篤篤位、步行再20分鐘來回）😑😑😑😑😑.呢個時候見到佢有兩張大枱空咗，即刻同佢問佢啦⋯⋯佢話喎⋯⋯嗰兩張枱係8:00嘅客架喎⋯⋯真係滴咗九萬滴汗😓😓7:30嘅客未入座，你夠膽死同我講係比8:00嘅客😡.然後我地就嬲得濟走咗，五

唔知各位吃貨會唔會唔講都唔知，呢到除咗放題之外 係有午市套餐架！質素仲十分有意外驚喜添我一定會再黎講少少題外話，就我個人而言，我本身食過佢既放題，對呢間餐廳就無咩好感，都無咩大期望同喜好，而今次再去呢到食係源於有朋友推介佢既Lunch，於是就去食下一入到去都依然見到好多人食放題，個個都又飲又食咁，而我同朋友入黎食Lunch set好似寧捨突兀咁，但過咗一陣都有兩三枱係黎食lunch我個飯就係「溫泉玉子鐵板牛舌粒飯丼」配凍檸茶。佢一黎到已經覺得好豐富，除咗有主菜之外，仲有配菜沙律同麵豉湯。第一啖試食嘅就當然係牛舌粒啦，佢味道偏甜，肉質軟熟，入口即溶佢無平時牛舌咁重口味（無帶任何蘇味，雖則我prefer佢會有），所以無食過牛舌、想試但又怕難以接受既吃貨可以食呢個做試驗。此外，佢伴碟有車厘茄同洋蔥，都好好食架，因為洋蔥吸收晒醬汁既味道，加上佢既洋蔥好熟好林，無生味，完美吸取晒味道既精華，真係好難忘佢碗白飯大大碗，但就偏乾，撈佢既汁就perfect；最畫龍點睛既位亦都係最令我不知所措既位 - 就係鐵板上既溫泉蛋，佢常溫、有彈性，但正正係太有彈性，我唔知道應該點「不」佢上黎食，好易爛，最後我真係

因為同事求婚成功，我哋一行八人去食放題慶祝，每位＄268 ,仲有買六送一嘅優惠真係十分之抵。佢可以食兩個鐘分兩個時段，我哋book咗6:45依個時段。我哋準時到達坐低，佢係用電話電子點菜。一邊有好多款式問題供選擇，有壽司，刺身，炸物，串燒，火鍋，沙律，甜品同埋好多款飲品提供選擇。大部份嘅食物都十分美味，特別係炸榴槤同埋榴槤糯米糍，食到大家津津有味。以依個價錢來講算係香港高水準嘅放題。

今日轉左用電話App落單, 情況非常混亂，電話訊號唔好, 咁啱我個電話又冇電, 如果要同時用兩部手機落單又要分開裝主機同附屬機, 落完一次單要隔幾分鈡至可以再下單佢又唔提供手寫落單,一個字亂有彈有讚嘢，用電話落單啲嘢係嚟得快左

早前都去過晚市放題，味道不過不失，今天家姐介紹去食午餐，我們叫了一個刺身拼盆，配沙律，麵豉湯，蕎麥冷麵配飲品$92，金菇牛肉卷配沙侓，豬骨湯烏冬配飲品$50 左右（吾記得）另每人惠顧一份午餐，可以$2 加配壽司，$10 一份小食！數量不限！我們要了16 件壽司，壽司好大件同新鮮，絕不將貨就價！尤以大蝦壽司最正，蝦是完整有蝦頭的，每款壽司都好食，$2 件抵抵抵！三份小食，燒菠蘿三件，好吃；燒日本蕃薯一串得兩粒，超吾扺；鮑片刺身四片，好普通，無味，吾抵！服務有禮，壽司上菜倒下了一件也和我們道歉！埋單$248 ！抵，一定再食！

訂了9:30時段，因為母親節關係價錢比平日貴了$30。也沒關係，節日就是這樣。開始點餐後，入了3張食物紙，只有其中一張部分食物有來，而且等候時間頗長。其間要問店員食物是否漏掉？要從新下單，如是者又是等。吃了2輪後店員說last order 了，實在無耐，最後last order 點的都是沒來，最後店員幫忙寫單，但3種食物最後只來了2種。觀看其他桌也有同樣情況，也在追單....其實店內衛生環境只是一般，大垃圾桶就放客人桌後，可能是第一時段清場後來不及清潔，地面、桌面濕滑。食物水準是可以的，但就是沒法吃完想吃的，以這個價錢，我零願加點小錢去酒店吃了。真的不推薦這家，失望啊😞

住係將軍澳嘅朋友介紹食漁之部屋，話好好味架，所以今日去開將軍澳探舅母，一於去試試。餐廳面積雖然唔算大，但就坐得好舒。選擇都非常多：前菜、刺身、天婦羅、日式熱餐、甜品、飲品等，其中甜品同飲品仲有好多自家製，好有新鮮感呀。飲品櫃除咗罐裝飲品，仲有好多自家DIY！先叫我至愛嘅刺身，三文魚、赤蝦、甜蝦、吞拿魚、赤貝等，一D雪味都無，肥美鮮甜，好正！壽司當然唔少得炙燒三文魚，入口即熔，必點！食完刺身壽司，熟食種類很多，炸物、串燒、煮物、鍋、天婦羅、粥，炒花甲，多不勝數。最後以甜品作結，呢間餐廳最開心有Haagen Dazs，真係大滿足。