漁匠屋

营业中

休息中

今日收早 終於可以試到lunch set🥳1點去到門口 幸運地拎到飛做埋我既最後一枱店舖唔算太大 但裝修都幾靚 貼左好多好日式既圖系牆上面我同老公各自叫左個lunch set溫泉玉子雜錦魚生丼醬漬魚生同溫泉蛋撈埋一齊 個口感都幾得意，幾好食黑丼有甜蝦蓉 間八魚 北寄貝同黑飛魚籽 可能系因為甜蝦蓉 所以入口都幾甜都幾特別整體上都幾滿意，開頭睇評價講老闆娘態度麻麻，但親身去到又唔系甘覺得。要我地等甘耐 老闆娘都話唔好意思 又講笑講我老公著黑色衫食黑丼唔怕整污糟所以下次會再試下夜晚去食過

上網一search，見到屯門有一間好出名，話好好食，好新鮮，日本級數嘅魚生飯，仲要係屬於同路人嘅店，梗係要試吓啦！.試完之後，食物的確係好好味，好新鮮！不過服務同其他評論講嘅一樣，真係麻麻地🤧 好多小店都會有性格，因為注重食物質素等等。但係老闆娘對客人態度真係麻麻，問嘢嘅回答，都係都冇尾音😖不過因為啲嘢食真係好味，所以都係好評！👍🏼丼飯set配湯及芝士芝士食落牛乳味好重，好鍾意！個湯都清清地，好好味呀😛嚟到呢度，當然要嗌佢哋舖頭嘅特色黑甕丼！另外仲叫左個弍重丼。兩個丼飯都好新鮮份量都好足夠。特別值得一提嘅係個黑甕丼，第一次食搭配黑飛魚籽同埋松露醬嘅日本丼飯，估唔到咁rich咁match，好味！！而家打食評都有啲回味啊！😋😋😋😋😋本身見到黑媽媽，想像唔到佢個味道🤣海蝦好大隻，丼飯唔係普通白飯，nice！

【💛】​🉑：外賣自取 ​⭐評分: 5/10 ​———————————————​自中學起已經聽講呢間日本丼有幾正，睇大家啲post睇到口水流，最近終於午市去咗食。唔知係午市較平，所以用料會將貨就價定點，質素真係強差人意。小pin失望到唔相信自己條脷，本身打算夜晚再試一次😓但最後食咗個嘆甜品下午茶所以無試到​——————————————————
​▪️ 午餐：黑丼 （甜蝦蓉、間八魚、北寄貝、黑飛魚籽）$75​▪️ 午餐：赤丼 （三文魚、青瓜、飛魚籽） $75​▪️ 小食：醬油炸雞 ​ $48／3​​出呢個post真係戰戰兢兢，因為呢間素來好評如潮，有讀者都dm話晚市好食又新鮮，屋企人幾年前食過又話正。但我哋親身經驗去食個午市，就真係非常極度失望​​首先呢度嘅飯唔知點解係熱嘅。你哋實話：日本嘅壽司飯係熱架！😤但佢絕對唔係手溫嗰種微暖，而係真係熱，係你去食豆腐火腩飯嗰種熱....同埋食落無咩醋味，就好似真係係對面茶記食嗰啲飯咁，以為自己條脷壞咗​🤯🤯​見到openrice個個食呢個黑丼，都話覺得墨魚汁成pat嘢咁，有人更指「分不清口中吃著的是什麼」。但係大家又覺得咁樣無問題喎，食新鮮嘅魚生飯，但唔知

已經第三次光臨漁匠屋，之前好似不可訂位，今日打去竟然可以訂位，一家四口坐吧枱，兩位中間要隔一個位。魚生飯好好吃，之前去過見其他食客order和牛海膽飯好吸引，今次想order可惜店主話飛機貨未返，要等下次再試啦。因為疫情現只有午餐，因為不設外賣所以晚市暫停。

老公提早一日打去訂台，約了星期日12:30分堂食，由於泊車原因遲到幾分鐘，行到店門同個肥女人講到了，她話我哋遲到所以俾下一位，我已經好有禮貌同佢解釋由於泊車原因，佢話冇吖，咁我問結果即是點，佢話冇得食。佢有冇諗過有心打來訂位便不是是是但但？一D都唔識做生意，不會招四方客，大家食前考慮清楚。

雖然係黃店，但態度真心好差！仲要食完趕客走！ 好似覺得你幾個字好食哂佢！ 大佬我都有俾錢食個丼！最慘係你一定一定要等齊人先入，唔齊人唔入得！仲要你暴哂你三十度以下，其實老闆你知唔知天氣好x熱！ 最慘係你屋企人諗住食住等，後面有一個人想黎冇得加位冇得食完換你入去食（我知你既店有你地原則，老闆都有同我屋企人講冇得加位）但都唔洗咁撚大聲講話對出面排隊果d人唔公平，求撚其俾張飛我叫我自己一個排！ 真心想𨳒9佢，唔得咪唔得，態度可唔可以好小小，真心咁既態度食完都背脊骨落！ 我就唔q食！ 連出面排隊既人都話你態度差！ 入黎食個飯，洗唔洗當人狗咁吠！ cls如果你地想當你狗咁俾狗糧你地食，你地咪去試law!

屯門少有相機食先高質丼🤩▶黑丼 $75 （甜蝦蓉、間八魚、北寄貝、黑飛魚籽）▷溫泉玉子雜錦魚生丼 $75（套餐送吸物及沙律）一路都知紅橋附近有呢間日本野，望個價唔算話好親民所以窮L一直冇食過😂 見係黃店，同埋近排見到啲相勁吸引就走去試下，食完覺得不錯！黑丼影相黑蚊蚊，視覺效果非常好😎 但唔好著白色衫去食(我著咗)店員同我講彈到洗唔甩，嚇到我慢動作咁食...😬 主要食到墨汁加蝦蓉加飛魚籽，其他兩隻魚我食唔出～ 啖啖都feel到啲魚籽卜卜卜咁爆開，蝦蓉味道鮮甜，食到中段我覺得甜得滯creamy得滯添😂另外個雜錦魚生丼好食啲，三文魚吞拿魚同油甘魚都食到唔同魚味，有鮮味而且油脂豐富☺️ 晚市仲有個超巨型帶子都好想食！！下次再試！！﹣漁匠屋屯門井財街21號協邦大廈地舖

呢間黃店出面一張文宣都冇；大排長龍；入到去播足全程願榮光歸香港；牆上少量文宣；幻想有啲藍絲跟風排隊入到黎食就會好搞笑😂 排左咁耐走又唔係，但聽足一個鐘榮光又尷尬😂 正壱之重丼 $218 （第二個正價晚餐，較低價餐有半價）兩種魚（油甘魚、池魚）、吞拿魚腩、海膽、蔥吞拿魚腩蓉、牡丹蝦、三文魚子乜都有勁豐富！樣樣野都好新鮮，就係應該有既味囉，所以唔知點highlight 俾大家聽，真係自己去食下！三國海膽丼$248日本🇯🇵加拿大🇨🇦澳洲 🇦🇺 加隻生蛋黃。兩個晚餐都係赤醋飯，即係琥珀色飯粒，比起普通經濟日本餐廳食到嘅白飯，有少少酸，更香醇濃郁同有層次感。前菜有一小塊好濃郁嘅芝士，開胃！同埋麵豉湯，唔鹹，有白昆布同埋好香脆嘅芝麻。高質！濃厚醬油炸雞（3件） $48睇佢個樣黑黑地都驚佢好燶，但原來係醬油既色水黎😍 炸得岩岩好，勁有豉油味，外脆內軟非常Juicy。Kirin荔枝酒 $55/杯 果酒但係唔會太甜，好香荔枝生果味。

啲人成日話黃店唔好食但其實好食又有心嘅黃店都好多繼續支持黃店先可以打造黃色經濟圈今日就嚟到井財街依間日本餐廳建議book位先，平日夜晚都full晒時代抗疫期間第二個丼飯仲有半價優惠丼飯同小食都好多選擇我同個frd都揀咗「壱の重丼 $218 」依到嘅丼飯會送麵豉湯同一小塊煙燻芝士雖然舊芝士好香濃幾好食但唔係好明食點解食魚生前會食一塊咁重味嘅嘢依個丼飯有兩款澧洲鮮魚+吞拿魚腩+ 海膽+ 葱吞拿魚腩蓉 + 牡丹蝦 + 三文魚籽望落好豐盛好吸引美中不足係我嗰碗海膽係苦個frd嗰碗又無事不過其他都係中上質素最愛嘅吞拿魚腩夠晒油香啊炸蟹肉忌廉餅 $48略嫌忌廉味太重店內仲痴有文宣食物質素同服務態度都好好第二客半價更加抵食仲有就係黃店

+++美食分享+++屯門區+++【#大力支持#黃色經濟圈】...『高質刺身丼飯___漁匠屋』介紹返呢間算係我食得最多次魚生丼飯的餐廳小店，日式裝修，係屯門虹橋打滾多年，作風低調，但用料好新鮮，價錢有點小貴，不過佢地用啲海膽都係日本飛機貨好新鮮，加上佢地宜家做緊優惠，第二客半價，大家可以特登去懲罰下佢地！！.........#三國海膽丼 ($248)～平時我係食弍の重丼，但今次超級想食海膽，佢地啲刺身冇令我失望過，一碗丼飯入面有三個國家的海膽，今次有日本，韓國，同我最愛的加拿大海膽，但三款最最最creamy都係日本海膽，佢中間加一隻日本生蛋，加埋佢調左味的醋飯，我一粒米都冇食剩。定食包左一會海苔湯同一塊好香的煙薰芝士～中意食丼飯的朋友一定要去試下🤤

今日友人揸車載我同 P san 入咗屯門井財街搵食。 好耐無食日本嘢, 又無得去旅行, 唯有喺香港望梅止渴啦, 就搵到喱間漁匠屋。大門係簡潔嘅木條子趟門, 感覺置身於日本啲小店, 好撲實。 我哋一行四人喺門口一邊睇門口嘅餐牌諗食乜, 一邊等咗大概 10 分鐘就已經可以入内, 喺等緊位嘅途中, 店員拎咗四份餐牌俾我哋, 等我哋唔使圍埋一齊睇得咁辛苦, 入坐之前已幫我哋落咗單。 因疫情關係, 店員當然有用體溫計幫我哋逐個量體溫啦! 一入到店内, 真係仿似身處日本家庭經營小店, 有很 warm 嘅感覺。入坐嘅時候, 店員為我哋介紹進食次序, 我哋都未知咩事, 原來一坐低, 有一小塊芝士同一碗湯端上, 店員叮囑我哋要先食芝士, 再飲湯。 芝士入口有濃香芝士味, 同時亦有著淡淡煙熏味, 單係喱塊小小嘅芝士已經想 encore, 食完塊芝士, 開始飲湯, 這湯不是一般日本食店供應的麵鼓湯, 很清甜, 很鮮味, 只係湯同芝士已經令我哋一行四人有驚喜!我喺進店前點嘅係壱 の 重丼, P san 點嘅係北海三味丼。雖然份量唔大, 店員有同我哋講今日嘅兩款魚生刺身係乜, 但我唔記得咗, 入面仲有海膽、三文

已經食過漁匠屋3次，第一次係係附近行完山，朋友介紹食既，食左第一次就欲罷不能啦，次次去屯門都想食！！！首先，幫老闆娘抱下不平先，食左3次，老闆娘都好好態度，服務一流，好好語氣，又主動介紹食物，完全唔明點解有人話佢態度唔好啊（黑人問號）頭2次7 8點先到，都要等位，今次就特登6點就到，終於唔洗等。第一次食就食左壱之重丼，有唔同種類新鮮魚生，仲有海膽同蝦，當然好好味啦，但令我留下最深刻印象既係朋友食既黑甕丼，個陣食左一啖就好念念不忘，一定要食第2次，自己食晒成碗佢！呢個黑蚊蚊既飯，有甜蝦蓉、帆立貝、小柱、黑飛魚籽、黑松露醬，一片黑色海量地cum住晒d飯，密密麻麻，就知道有幾足料！每一啖都係滿滿的黑松露mix黑飛魚籽味，齒頰留香就係咁解啦。面頭上白白的蝦、帆立貝、小柱mixture有令人想不停encore的口感，好幸福的感覺。底下既壽司飯亦有預先調味，無須再加豉油／wasabi，直接就可以享用老闆調好的美味。呢個飯絕對係令我一再返黎食的主因，係香港完全無食過呢個level的魚生飯<3 今次見有期間限定的穴子丼，一於試試佢。穴子原來姐係海饅，一貫不吝嗇的作風，佈滿飯上不是滿滿的大平台，

屯門有好多高質餐廳，用心經營先有高質食物，今次朋友帶左我去試呢間魚生丼，雖然價格比其他附近食店高少少，但絕對係物超所值！佢午市套餐有幾款魚生丼選擇，今次同朋友試左黑丼，赤丼及雜錦魚生飯/黑丼🌟雖然望落去冇咁吸引，但係食落去好鮮甜。黑色既醬入面係有滿滿的魚生，雖然我剩係食得出甜蝦同飛魚籽。😂/赤丼🌟雖然話辛口，但唔算太辣，佢嘅三文魚除左辣醬，仲有好多粒粒脆脆係上面，加埋一咬就爆開的飛魚籽、爽口的青瓜，成個飯充滿哂唔同的口感。/

呢間係景峰嘅魚生丼都幫襯咗幾次，呢排仲要有週年紀念優惠，第二碗半價！我地今晚揀晚餐黎食，6點幾就黎到啦，唔使等好耐就入得啦！我地叫咗北海三味丼，有松葉蟹，三文魚籽同輕輕燒過嘅帆立貝都幾新鮮架！第二碗叫咗黑甕丼,原來有黑松露醬撈小柱，墨魚，仲有海量嘅黑飛魚籽，將所有配料撈起黎食，口感好正，仲有每啖都充滿黑松露味，好香！仲有佢地啲丼飯係撈咗啲豉油，好惹味！佢地每個丼上之前都有碗湯同芝士，要先食左塊芝士先飲碗湯，口感豐富，好味道啊！

壱之重丼：有築地鮮魚，吞拿魚，蝦，海膽同三文魚籽！本身最愛食三文魚生既我食呢個丼都食到好滋味😍兩塊既吞拿魚腩係入口即溶，朋友仲以為係和牛🤣🤦🏻‍♀️牡丹蝦都係無得輸，老闆娘教左我地點樣剝蝦殼，可以連蝦頭都啜埋！超級鮮甜😭參之重丼：有築地鮮魚，蝦，帆立貝，三文魚同蔥吞拿魚腩蓉！呢個丼係回頭率極高，有齊最基本既魚生但又食過番尋味🤤北海三味丼：有火炙珍寶帆立貝，三文魚籽，松葉蟹肉🦀帆立貝係半生熟保留左本身既鮮味👍🏼三文魚籽大粒有鮮味，蟹肉相對上就無咁出色，但勝左已經拆晒肉比你食🙈漁匠屋係一間有誠意有質素既小店😭係少有一間我會自動幫佢同朋友宣傳既餐廳👍🏼👍🏼