漁吉海鮮丼專門店

营业中

休息中

今日晨早流流就落毛毛雨，完全無心機煮飯食，踢拖落街係屋企附近覓下食！觀塘有為數唔少嘅工廈美食，今日LUNCH就決定食個日式丼，簡簡單單又一餐！😋 漁吉特選丼 $228呢個特選丼不得之了，超多款海鮮刺身；三文魚，油甘魚，三文魚籽，赤蝦，左口魚邊，帆立貝，吞拿魚，櫻花魷魚，仲有海膽，而飽魚就因為供應問題轉左用饅魚代替，嘩嘩嘩！真係數有成十款海鮮俾你嘆～係咪想像下都覺得正呢，呢個丼飯性價比係非常之高架，一次過可以試咁多款刺身，係咪唔錯呢！‼️好食指數8/10‼️推介指數 8/10😋 三文魚親子丼　$168作為三文魚控既粉絲，食日式料理我一定唔會錯過，呢個丼全部都係用三文魚刺身同三文魚籽推砌出黎，而且魚生十分新鮮，真係好正呀！呢度既醋飯有別於其他餐廳，酸度係比其他既地方低，如果唔岩呷醋嘅你就岩晒啦～‼️好食指數 8.5/10‼️推介指數 8.5/10🍽️ 漁吉海鮮丼專門店📌 觀塘觀塘道396號毅力工業中心8樓E室☎️ 9860 5952⏰ 星期一至六 11:30-20:00

:💁🏻‍♀️今日黎到觀塘工廈搵食，揀左呢間主打日本🇯🇵海鮮丼飯的店，環境幾好好闊落，以和式🥢裝修為主，望落去好乾淨企理，睇下menu先，海鮮丼飯有12種，今次揀左三文魚親子丼同埋比目帆立丼🎏► 比目帆立丼🎌 $158有左口魚裙邊、帆立貝、三文魚籽，左口魚裙邊有驚喜，燒到好香，左口魚裙邊肉好滑好有魚🐟味，帆立貝鮮甜有厚度，米飯用日本珍珠米，份量好多好滿足。► 三文魚親子丼🏯 $148有三文魚同三文魚籽，勁多三文魚同三文魚籽，鐘意食三文魚既我食得好開心🥳，擺盤擺得好靚好有心機😋，另外想講下啲雞蛋🥚好香甜。〠總結 ▁ ▂ ▃ ☻4/5 同區黎講價錢唔算平，不過睇得出小店幾有心機，海鮮刺身份量多，豉油都比得好夠。

觀塘工業區有間日式丼飯，幾岩lunch 黎食，環境都唔錯，仲可以堂食。但其實唔止丼飯，仲有卷物、刺身、手握壽司同軍艦。今日黎到一人前，叫左個丼飯外賣回家吃。佢個menu都有幾多選擇，今次叫左個蟹王丼松葉蟹肉海膽三文魚籽，番到屋企一打開見到大半邊都係蟹肉，海膽份量都正常，飯都有好多，價錢小貴，但都好足料，啖啖蟹肉飯都好好味。佢外賣都幾貼心，會有埋冰袋、餐具同豉油比你。基本上所有野都準備好。咁熱既天氣買個外賣番屋企或者番公司食都冇問題。下次可以試埋其他卷物同刺身先。蟹王丼松葉蟹肉海膽三文魚籽 $228

今日黎到漁吉新店，餐廳舊站係九龍城，而家搬咗嚟觀塘。睇完餐牌發現雖然餐廳主打丼飯 （有12 款），但都有唔少輕食/刺身/壽司 比大家選擇。我地叫左兩個丼飯🍱：1️⃣海膽三文魚籽丼每個丼飯都會有件印咗餐廳名嘅玉子。驟眼睇👀丼飯份量充足，海膽都相當大件，食落鮮甜之餘，一啲都唔腥 ，仲幾creamy。😍😍然後吉咗個蛋黃，再加日式豉油連埋三文魚籽，一齊撈飯，感覺相當滿足！另外仲有半個青檸， 中意帶清新感可以加少少落去個🤤🤤🤤2️⃣比目帆立丼鍾意食火炙嘅朋友必點呢個，因為呢個丼主要係火炙嘅，火炙帶來香口既感覺同香味，正！！丼入面有四隻帶子同埋左口魚裙邊 🥰帶子口感唔錯、火炙左口魚既魚油好香，呢個丼飯加埋青檸會更夾，同多左個層次。雖然火炙但唔會帶來太強嘅油膩感同太燶。飯嘅溫度都控制得唔錯，唔會話凍。整體黎講係CP幾高既一個丼飯。

第一次去到毅力工業大廈，本身以為係主要賣野多，但原來入面有間海鮮丼專門店，當然佢有有賣其他日式料理🍣。今次我主要到訪目的都係為左丼飯，天氣咁熱，食日式料理唔單止健康之餘仲好清涼❄️食完個人都舒服啲😌。因為自己一個都唔想阻住人地既位，所以嗌左外賣慢慢拎番去嘆，雖然觀塘翻去都有一段距離🚇但店員貼心咁用冰袋同雪種幫我包裝好，即使大熱天都無有怕☀️。🐒北海帆立海老丼💰$168(帆立貝x2，牡丹蝦，甜蝦x2，赤蝦，玉子，三文魚子，蟹子)如果一個女仔細食既話，呢個份量就岩岩好，因為佢on top刺身份量係貴精不貴多🐟所以都食得出新鮮。豉油有個樽仔裝住，even番到去都無漏到出嚟，另外包裝都好精美🤣慶幸係外賣先有機會欣賞到🥡不過下次有機會一定要堂食！試一試佢最新鮮既感覺❤️

之前收工之後係觀塘工廈覓食，搵到呢間幾吸引環境又乾淨嘅日本嘢食晚餐😻//🐟漁吉特選丼 $188比其他魚生飯相對大碗🤤飯量十分充足💯因為嗰日冇磯煮鮑魚所以試唔到🥺但其他魚類好新鮮😻特別係三文魚好肥美🥰不想食太多飯可以叫飯量減半🙈🦐北海帆立海老丼 $168壽司飯軟硬恰到好處，唔會太酸🤭丼飯有大量三文魚籽🤪海膽鮮甜✨帆立貝表面有經炙燒所以更加香口😭如果唔係特別鍾意魚類刺身嘅朋友非常推薦揀呢款丼飯🥳

好味指數：😋😋😋😋推薦指數：⭐⭐⭐⭐Lunch搵咗間丼飯專門店，主打日式刺身丼，可以選自己中意嘅刺身😍蟹王丼$228材料有：松葉蟹肉、三文魚籽、帆立貝，由於海膽賣灑，轉咗帆立貝🙈見到有蟹肉丼非常吸引，叫咗呢款試下☺️蟹肉量驚人‼️三分二個碗都係蟹肉，可以撈飯一齊食，啖啖蟹肉☺️豪快海鮮丼$128呢款海鮮丼有三文魚、油甘魚、帆立貝、甜蝦，賣相好吸引，一個丼就可以滿足灑食唔同刺身嘅慾望😆另外佢地嘅玉子燒印上漁吉，好有心機🤣🤣📍漁吉海鮮丼專門店 (觀塘)地址：觀塘觀塘道396號毅力工業中心8樓E室

觀塘工廈真係有好多好野食(｡･ω･｡)ﾉ 前幾日就同朋友去咗呢間良心小店食，佢主打刺身海鮮丼飯，除咗丼飯仲有壽司、卷物、小食等等٩(˃̶͈̀௰˂̶͈́)و 🐟漁吉特選丼 $188想咩都試下嘅我就揀咗呢個有齊三文魚、油甘魚、帆立貝、鰻魚、海膽、三文魚籽、櫻花魷魚、火炙左口魚邊、赤蝦嘅漁吉特選丼 😋 款款刺身都好厚切，最鍾意佢嘅油甘魚同帆立貝，油甘魚肉質鮮甜(⁎⁍̴̛ᴗ⁍̴̛⁎) 牡丹蝦好大隻，好鍾意佢黏稠嘅口感。呢個價錢好抵食♪(´ε｀ )🦀蟹王丼 $228另外呢款蟹王丼都好推薦(⁎⁍̴̛ᴗ⁍̴̛⁎) 有松葉蟹肉、三文魚籽同海膽 ٩(˃̶͈̀௰˂̶͈́)و 松葉蟹肉有成大半碗😍😍 蟹肉夠晒鮮甜，海膽好鮮甜完全唔腥 ♪(´ε｀ ) 三文魚籽好重海水味，撈埋飯食一流😆 另外佢嘅自家製玉子都好好味，大家一定要試下😋  

今日去左觀塘試新餐廳，地點係漁吉海鮮丼專門店，位於工廠大廈，所以入到去感覺別有洞天。呢度主打刺身丼飯，款式多樣，一共有12款。另外都有刺身壽司卷物同輕食。今日第一次黎，一人叫一個丼飯試試先。漁吉特選丼 $188漁吉特選丼材料豐富，有一大片鰻魚，厚切三文魚，油甘魚，吞拿魚各一片，少少海膽同三文魚籽，一隻連頭赤蝦，一細片火炙左口魚邊，同一隻火炙帆立貝，仲有唔少櫻花魷魚。都有一件厚切香甜玉子，好refreshing。材料好新鮮又豐富，鰻魚啖啖肉，海膽唔腥，三文魚油甘魚吞拿魚鮮甜，赤蝦連頭都好多汁。櫻花魷魚鹹香脆口，撈飯食唔錯。另配新鮮日式芥末同少少酸薑片。飯面上面有少少蟹籽，令飯粒食落脆脆地，如果飯粒可以濕潤d同酸d就更好。北海帆立丼 $168北海帆立丼有火炙帆立貝3隻，兩片火炙海膽，同大量三文魚籽，當然都有印左餐廳個名既甜蛋，蟹籽，日式芥末同酸薑片。呢碗飯既刺身都好新鮮，三文魚籽同壽司飯係絕配，而且份量夠多，撈飯食正。餐廳裝修簡單，不過坐得都可以，茶水自助。

天氣依加勁熱，屋企人連出街食飯都賴，無計啦唯間唔中就就下佢買外賣番去食。近近地去左觀塘毅力工業中心依間專賣日本海鮮丼飯嘅餐廳試下。餐廳環境真係唔錯，和式嘅裝修，地方寬廣又好好日光。如果唔係屋企人等我開飯堂食都好唔錯。餐牌方面，有共12款海鮮丼飯選擇，價錢由98-228都有。龍蝦、松葉蟹、 磯煮飽煮、櫻花魷魚依d比較少見嘅海鮮都可以依道搵倒！屋企人好中意食蝦，北海道帆立海老丼岩晒佢。帆立貝、牡丹蝦、赤蝦、甜蝦，因為牡丹蝦冇貨就轉症赤蝦比我。屋企人話幾種蝦都好鮮甜，幾款蝦食晒好滿足。漁吉特選丼就岩我依d每款刺身都想試下嘅人。三文魚、油甘魚、海膽、三文魚子、櫻花魷魚、赤蝦左口魚邊、帆立貝。磯煮鮑魚冇貨就換左鰻魚比我。刺身每款都好新鮮，其中左口魚邊同埋油甘魚同好多油脂非常肥美，櫻花魷魚量好多味道鮮甜口感爽脆我超愛！鰻魚大大塊啖啖肉。

夏天有時候天氣太熱，真係無咩胃口，所以有時候會選擇食下涼快既野食。最近就去左觀塘工廈入面既【漁吉海鮮丼專門店】，主打海鮮丼、壽司同刺身。佢地既海鮮丼已經幫你搭配好，岩曬選擇困難症！ 漁吉特選丼：包括三文魚、油甘魚、鰻魚、海膽、時令魚生、三文魚籽、櫻花魷魚、赤蝦、左口魚邊同帆立貝。飯入面加左蟹籽，唔會得白飯好寡。Wasabi係用新鮮山葵磨成，好香又唔會太辣。所有魚類既魚生都好新鮮，無咩腥味。個人最推薦入面既櫻花魷魚同左口魚邊。厚煎玉子燒都非常不錯。 比目帆立丼：包括三文魚籽、左口魚邊同帆立貝。雖然個碗既size比特選丼細碗，但食材既分量都唔少。如果怕食全生既呢個適合，因爲係火炙左，左口魚邊同帆立貝都非常鮮甜。 不過因爲餐廳係工廈，所以夜晚閂門時間都比較早，夜晚8點就會閂門，如果有興趣去要留意。

啱啱喺牛頭角站同觀塘站中間啲工廈到上到去 見到廚房透明度十足即叫即整 2個丼飯都係用8分鐘就搞掂 好快手鮮有地用拉鍊保溫袋 + 乾冰 💯價錢由$98-$228不等當中$118起就已經有海膽 相對地親民👍🏿但要注意佢哋19:30截單 20:00就閂門大家想試就要留意返時間喇漁吉特選丼 $188 🙆🏿‍♀️落單前店員已告知磯煮鮑魚改咗做鰻魚確定我唔介意先幫我落單 好均真👍🏿小妹最鍾意乜都有少少嘅丼飯 食落唔會太dry 呢個特選丼夾夾埋埋有成10款海鮮算得上係海鮮盛宴 加埋印有店舖名嘅玉子 賣相一流💯首先要講係鰻魚好有口感 唔會一夾就散直頭要用鉸剪剪先分得開 超好味😋另外三文魚同油甘魚都係腩 又肥又鮮入口啲油脂感十足而當日產地直送嘅鮮魚係赤身同上面兩種魚成強烈對比 比較有咬口但係又會令你食過返尋味 重點係健康呀！！！再加上帆立貝夾住海膽 真係好不得了😍另外我哋都好欣賞櫻花魷魚🦑份量多不特止 口感一流 Q彈左口魚邊會喺以下丼飯到介紹～👇🏻👇🏻👇🏻比目帆立丼 $158 🙆🏿‍♀️因為漁吉特選丼已經有好多款唔同嘅魚生所以小馬第二碗就叫左比較少見嘅左口魚裙邊(註：左口魚即係比目魚)佢淨係食咗一啖飯 已經

塊塊魚生都好新鮮大塊🥺飯又好多醋又夠。左口魚入口即溶！$188有三文魚、油甘魚、赤身、鰻魚、帆立貝、三文魚子、赤蝦、櫻花魷魚。真係抵到不得了！出面食過嘅櫻花魷魚都偏咸唔會好爽，佢呢到係超新鮮同爽口，調味都岩岩好。其他魚生都冇雪味同超厚切，相信有set lunch嘅話一定更多人會黎🙈.碗平面其實裝唔曬啲魚生，下面仲有好幾種勁誇張✨我哋食都好飽都要拎走，唔想曬😝可能因為係工廈星期六唔算多人，呢啲小店真係要支持下～

🇭🇰Hong KongAverage expense pp: HKD$200-300+Address: 漁吉海鮮丼專門店 ISAKICHI, Kwun Tong以前呢間舖頭係九龍塘絡繹不絕，想食飯都要排隊，依家佢係牛頭角又重新開張啦！🔥原因係食材非常新鮮，份量又大碗，CP值好高！有不同壽司、丼飯、刺身選擇～海吉特選丼係比較豪華嘅選擇，材料有三文魚、油甘魚、赤蝦、三文魚籽、櫻花魷魚、左口魚邊、帆立貝，本身仲有鮑魚可惜賣晒，所以用咗醬燒鰻魚代替。大蝦入口非常爽口鮮甜，所有魚類刺身非常新鮮！鰻魚非常厚身，魷魚份量多到每一啖飯都可以食到。蟹黃丼🦀蟹肉愛好者必點，一絲一絲拆出嚟嘅蟹肉、三文魚籽、帆立貝同埋玉子。蟹肉份量多到鋪滿成個飯，非常新鮮。配三文魚子撈飯，係一種享受！食完碗飯之後都仲有好多蟹肉，幾抵食。

星期六番工繼續搵野食上黎一search 估唔到毅力樓上都有間丼飯店諗住外賣番公司食就唔方便單點直接叫一個丼飯漁吉特選丼每款刺身類都好似有dd, 可以食多d 唔同種類帆立貝同左口裙邊係特別火炙過陣味特別香帆立貝爽口彈牙左口裙邊d 油脂火炙完之後滲出黎下面d 飯特別香同好食！！！真係估唔到鰻魚大約有平時三分一條，份量都唔少燒汁鰻魚又係好好送飯櫻花魷魚好爽口，口感比較特別赤蝦size 正常，都唔錯三文魚，吞拿魚，油甘魚依d魚生都算鮮味唔會好重雪味整體味道份量都唔錯