漁屋日本料理 (海寶花園) (已結業)

本人首次填寫食評今晚一行四人到店慶生因為實在沒遇過食物質素如此低的放題必需分享食物外表可算正常但魚生非常腥清酒煮蜆完全無味落單落十樣得兩樣左右隔離情況全部都係一樣跟開店初期相差很遠實在沒原因需再光顧

臨近中秋，我地一家人去食放題😚😚去開荃灣間分店，第一次食呢間😋我覺得比荃灣分店好😆 款式都幾多，刺身幾新鮮 但數量就唔太足 而且成日漏單😢 最後叫我地last order，但問題係我地之前遞左紙好耐嗰啲又未到，驚再點又會重覆曬，所以就有啲困難，但佢就猛咁吹。。另外，可能太多客人 所以會有時有啲亂 會上錯菜 但整體食物係好味嘅😂最正既刺身係阿根廷蝦🦐🦐超爽 蝦味鮮 上面仲有兩三粒三文魚籽😆一齊食個口感幾qq><呢塊餅正呀 佢好似係喺創意壽司嗰版到🤣成舊野既味好夾 好特別！另外既香芋波波 芝士年糕都好好味><甜品方面 都幾多選擇😝幾精緻😋 但窩夫嗰啲就比較淋 比較好既係雪糕糯米糍，oreo奶凍

今日黎左呢度，見佢星期六都有lunch set,所以就走左入黎食日本定食，同一個朋友入到去都唔洗等位，店員帶左我地行去個位再比茶我地。甘我地就揀左兩個餐。而佢每個餐加10蚊就有d 小食揀(指定左有十款左右)我朋友就嗌左呢個饅魚定食，賣相好吸引。又唔會只得細細舊既饅魚，幾足料，個餐仲有沙律，湯同甜品。朋友話個饅魚好好食，好滑，但都幾多骨，所以要好小心甘食。我就嗌左呢個牛肉鍋，又係好大份，見到好開心，都一樣有沙律，湯同甜品。仲好多塊牛肉，好多菜，同日本粉絲。d 牛肉唔肥，好味，個蛋同個牛肉湯撈埋，個湯都變到好滑，好濃既牛肉味。我地兩個餐，另外再加左小食，每個餐加10蚊既呢個係黑松露吞拿魚，吞拿魚唔係甘新鮮，同有少少根。仲有呢個燒波蘿，好甜，好多汁，好好食。佢呢個餐湯，原本未開蓋，以為係普通既麵豉湯，點知有驚喜。佢有d 蝦肉，冬菇同豆腐係入面，幾清呀個湯。另外仲有餐飲包埋，我地都嗌左熱柚子蜜。佢放既柚子份量岩岩好，好飲同夠潤喉，d 柚子又好好食。哈哈呢餐lunch 食到好飽，個牛肉鍋真係好足料，同埋，每人60-70蚊左右。甘多野食，呢個價我覺得唔太貴呀。

漁屋既Fans，經常幫襯荃灣區既漁屋。帶著開心愉快既心情替家人慶祝生日，帶著肚餓激氣心情埋單。漏單情況極度嚴重。我們預早book定位準時到達，坐低即時落order先叫沙律、刺身、飲品。無野飲無野食期間分別搵了幾個待應追了N次order，奇怪呢間漁屋竟然要35分鐘先回覆我們的order單唔見晒。到出第一次刺身差不多已經接近一個鐘頭，飲品奇怪到落幾次單追完又追先拎黎，其他串燒食物更超過一個鐘頭先到。終於得一樣野最準時就係呢頭拎刺身黎都未有野飲就已經拎張單黎叫埋單…。我同個待應講，之前個1個鐘頭野都無得食又無野飲，坐了咁耐會唔會俾番時間我們，個待應呢頭答應，轉個頭就拎張雪糕紙埋黎話last order。令到我們個個一肚氣，出野飲野食混亂到咁，呢間漁屋真係要好好改善。若果大家想考驗自己EQ&忍耐性有幾高就要試下呢間漁屋啦。

話說某一日，我同大學同學講開，我哋咁大食，竟然從來未試過一齊食放題，真係難以置信！所以今日就一早約好，去食放題。聽講呢間位於大埔嘅漁屋好多人食，就搵間黎比試下啦! 之前行旺角經過, 見到呢間價錢都幾抵，我地呢啲放工放放得早嘅6點前入2百都唔使，價錢非常OK!枝豆一開始，食啲清清哋嘅枝豆先🙊🙊。燒牛舌🐗牛味好香濃，一啲都唔un。正呀！食完再叫過。牛油炒雜菇食到差D影唔到相呀😅😅😅，牛油同菇真係係絶配呀！燒菠蘿🍍戰鬥力開始下降啲時候，最好食返件燒菠羅，開下胃先。 好juicy呀！燒鯖魚🐟燒得啱啱好，Keep到鯖魚嘅水份。真係食到好飽呀！不過唔可以放棄，食埋甜品先。呢到有好多選擇，首推韓國蜜瓜雪條。

是日走咗去大埔探朋友，再齊齊去漁屋度食放題晚餐。其實都唔係第一次去，去咗幾次對佢嘅食物質素都有信心。我哋一嚟到就係咁嗌最鍾意食嘅野，特別推薦第一次黎嘅朋友，記住試下佢個炒飯！放題食炒飯？係呀！真係好夠火喉，好好味架。刺身呢就一定要食甜蝦，好新鮮又彈牙。嘢食陸續送上，食物味道一如既往地好，今次仲第一次試咗個牛仔骨，甜甜哋，好好味！飲品選擇好多。不過，甜品選擇就少啲，除咗雪糕，今日仲食咗個果盤，好新鮮，好好味！以呢個價錢食放題絕對係經濟實惠嘅選擇。

與朋友約會，突然想食放題，雖然旺角有好多選擇但係質素就唔係間間都好。漁屋一向聽朋友講過話唔錯既，咁我地就決定去食啦。雖然放題來來去去都係食壽司刺身一品料理天婦羅串燒炸物。不過我真係要讚讚佢既刺身真係好新鮮好好味，仲有蟹腳象扙蚌可以揀 個兩隻牡丹蝦真係好大隻爽的，NICE～佢有好多卷物每隻都自家設計的，都幾唔錯。炸物一般般，炸蠔唔係話唔好食但太多粉細粒左小小但勝在好熱。佢既所有野都好夠熱好fresh，所以比其他放題店好。佢個鐵板韭菜、冰鎮鮑魚都好味👍🏻值得一試既放題店，仲有Häagen-Dazs同Mövenpick雪糕比你揀，真係大滿足

家下出面消費咁貴，相比之下覺得任食放題價錢更加划算，本來打算同班同事食日本菜晚上慶祝生日，要食得夠飽，埋單分分鐘每人要五百幾蚊！計返其實食放題仲抵... 雖然黎到食放題，刺身要食返夠本，不過都唔好miss左熱食，好似呢個烏冬咁，真係出面餐廳質素，不過個人建議，一碗幾個frd分好啦，唔好自己一個食晒，如果唔係，個肚仲邊有位食其他野？ 有張點餐紙叫做「奇妙脆脆」，係好似手卷咁，不過用雪糕筒裝住D刺身。一次過點左個「戀上雲丹」同「高海拔之戀」，平時食開手卷，今次紫菜換左值雪糕筒，都ok既！不過我prefer紫菜~ 最後食返幾個甜品，有movenpick之外，甜品都有幾多選擇。好似呢個creme brulee 咁，賣相真係普普通通，但食落去都似樣既，唔洗擔心中伏。不過呢個白色甜品....就麻麻啦，係益力多乳酸杯，不過加左落甜品度，個味道有點怪怪的，可能係我唔識得欣賞啦～Anyway，我真係幾中意呢間放題，唔講甜品，其他刺身、壽司種類又多，已經Win其他店成條街啦！下集去邊度食好野，等我諗下再話比大家知啦！

每個星期日，為左比呀媽抖下唔洗煮飯，我地成家都會落家食飯。呢間放題距離屋企都唔算好讓，上次見到已經有D想試，加上今日就正好係個機會啦！正當我同屋企人提議食呢間個陣，我呀媽話原來都聽過鄰居食呢間，都話唔錯！你知啦，D爸爸媽媽一聽到人地介紹，就心癢癢想去試下，咁下次同人地傾計又可以有話題。我地不嬲對食野都冇咩要求既，所以個日阿媽就Book左位去試下！ 雖然店舖唔算好大，枱同枱之間既距離叫做正正常常啦！ 一黎我地就係咁睇點餐紙，發覺都幾多野食喎，仲有幾多唔同既種類揀，啱晒我地各人有不同口味添！ 個日去食其實上菜好快。預左放題入面D店員都唔方好得去邊，呀～但佢地真係好好禮貌，個人都食得開心D！ 味淋魚乾：好多人都唔知佢係咩，其實係雞泡魚乾。剪開一條條，所以食起上黎都好方便，而雞泡魚乾醃過再烘乾，味道相當惹味。   火焰三文魚醬油燒：灸燒我不嬲都好鐘意的，而呢個三文魚燒得都唔錯！好食架！   牛油焗野菌：真心冇得輸！一食就諗返起去BBQ食既金菇野菌啦，不過比起自己燒，呢度既就梗係唔會燒焦啦，牛油味仲要好香添！  水信玄餅：最後食甜品冇諗到會有水信玄餅，我爸最鐘意試新野，貪佢幾得意就點個黎食

食物一般,2百幾無咩要求,洗手間要出去去公共的,重好污糟,廁間好細.服務態度差,我一行3人去的,食物常拿錯,10號桌和11號也分不好,不是一個員工,是每個員工都錯,大部份都拿去我11號桌,我再說錯的才轉返10號,超煩人.交單比員工,個個扮睇我唔到,好過份~最最重要的是,到叫甜品,一直都唔比,問左好多次,都講幫我追下,之後無件事,追左3-4次,都成45分鐘,最後我槽佢先話無單~佢先話唔好意思無呢張單,離譜~重點係,阿漁屋老細,我好想同你講,你唔比我係咪以為我食你好多?你自己睇下單啦!10號桌就多,2個人食禁多就得,我3個人,食小小都唔比,唔好以為我唔見你地成日眼望望,連10號同11號都分唔到,唔好將人地食架野入我數,我真係未試過食放題會唔飽LAW,好多謝你比我知黎你度食重慘過乞兒. 員工又好,好不容易搵到人睇到我,又會說唔好意思幫我跟下單,我無費事理我,等人客一路等,又唔洗比野人食,又有錢收,高明~為你鼓掌~

邊個話日式放題一定要出到旺角尖沙咀先有㗎? 大埔一樣有，仲要係質素高，排長龍。記住訂定位先，如果唔係都幾難有得食。刺身有好多選擇，有蝦，有三文鮮，有帆立貝，有赤貝，有蟹腳，有希靈鮮，有吞拿魚，真係花多眼亂!! 除咗生嘅魚生之外，仲有好多熟海鮮選擇， 有芝士焗蠔，炸蠔，燒海蝦。雪花牛肉鍋都勁有驚喜，好足料，有粉絲、娃娃菜！值得讚賞嘅係呢度嘅甜品選擇真係好多呀，粉紅佳人同焦糖燉蛋，仲要好好味，真係好滿足!

大埔，平時真係唔多會嚟，今日約咗frd由大圍踏單車去到大埔，真係攰到無朋友。唔得，我哋要食餐勁嘅，保返啲energy! 要食得多嘢，就梗係食食放題啦! 就嚟咗漁屋日本料理，怒食! 好彩唔係好多人，Walk In等咗10分鐘就有位!  放題就梗係食刺身啦，我哋4個人總共叫咗60隻蝦，真係好誇張! 啲刺身真係勁新鮮，凍冰冰，又夠肥美。另一個朋友就怒食蟹腳，大大隻，好多蟹肉，真係正。另外，壽司都有好種選擇，炙燒系列無得彈。炙燒三文魚好香，好肥味。串燒都值得推介，呢個蕃薯串，粒粒都係紫心，好甜呀。另一正嘢，就係牛油粟米，鐵板上，熱辣辣，好香牛油味，我哋食完一碟，再叫多一碟，因為真係太正啦。食咗咁多嘢，飲返支解茶先，消消脂。總括嚟講，呢到比平時坊間嘅放題質素更高。下次嚟大埔都可以encore。

而家天氣熱到咁，同fd食飯既餐廳要有冰涼飲品同冷氣夠勁都好重要。雖然我好中意打邊爐，但係夏天....都係暫停一排先啦。 一嚟到，拎左張紙點左飲品先，好彩枝烏龍茶都係凍既，即刻消暑左勁多！ 仲有而家有訂座優惠，送黑松露鮑魚，好彈牙爽口，正！ 點左碟螺肉，都ok。 食埋枝豆作前菜，就正式開動了！枝豆都幾好食，一路傾計一路食，好快就俾我地KO晒成碟! 跟住就嚟啦，我地一嚟就點左勁多刺身，成盤咁樣上真係勁正，點知隔離個幾個又要「相機食先」，拎住對筷子等左勁耐先食得！ 拖羅既level 未去到入口即溶咁勁既質素，但係食落冇渣，又有鮮味，真係唔多放題餐廳有得食。 三文魚、呑拿魚都唔錯，最好就係佢夠厚切。燒物食左唔多，記得牛舌係我最中意既~

同表妹由細玩到大，湊著而家放緊暑假，又就黎生日，近近地帶佢去大埔既漁屋日本料理食放題。而家佢真係好鐘意食刺身，Round Round黎刺身都完全冇問題。不過我自己其實不太吃刺身，唯有主打熱食同壽司，表妹就主打刺身啦！ 食物有多款選擇，寫上數量遞給店員，很快就可以吃！服務態度都很好，而且冇漏單情況發生～ 金菇肥牛卷雖然多油左少少，但係食落去都唔錯，金菇好爽甜！ 見到日式餅卷個樣好似幾靚，所以點左個黎試下，下面係餅乾，上面放左沙律同蟹籽，一口放晒所有材料入個口度，呢個小食都幾好味，不過如果比我整既話，我會用蝦餅代替餅乾，好似大阪食個款咁，脆身感覺口感更佳。 網燒羊架燒得非常好，香味十足！仲有隔離既紫心蕃薯仔，好香甜，Encore左幾次添呀！ 漁屋日本料理花之戀壽司真係大舊，三文魚比平時個D厚身～跟住一食左可以食埋中間D蟹籽，次次花之戀都係我既必點Item！ 雲丹壽司即係卷物上面加吞拿魚同海膽，食落去我覺得吞拿魚既軟綿綿質感同味道都較為突出！ 最後食甜品，有我每次去韓國都要食既蜜瓜雪條呀！雖然明明就係食日本野，但係又有韓國版雪條，真係唔知點解，不過是但啦，就當滿足下我啦！哈哈！ 下次會為左魚

今日入左大埔搵朋友食飯，我對大埔既路真係唔多熟，所以食乜去邊呢D交晒比朋友話事。佢帶左我去漁屋日本料理食晚飯，感覺都唔錯喎！ 我地Walk In，不過好好彩我地等左5-10分鐘，店員就安排到座位比我地啦，不過我地之後既客人就冇咁好彩啦，入完我地之後已經滿座，要等其他人食完先有位入，所以如果早就決定左黎食，不如早D打電話訂座啦！ 朋友一黎就點左勁多蟹腳，我都已經叫停佢，佢話唔洗擔心，包好食wor! 我最驚就係點左勁多最後食唔晒。不過一黎到，我就明點解我朋友要點咁多，因為蟹腳實在唔大，如果中意食蟹既應該唔多夠喉。不過佢勝在夠多蟹肉，D蟹肉好似多到爆出黎咁！平時食個D放題點會比到呢個質素我地丫～真係冇介紹錯！ 跟住我地仲食左芝士焗蠔，比起炸蠔，我都係中意芝士焗蠔多D，中意芝士個種Creamy的！！！同蠔一齊整勁Match！ 雪花牛肉鍋都勁有驚喜，入面D材料都幾足架！仲有粉絲、菜個類，就當食D熱食打定底啦！ 佢地真係幾多甜品架，我就食左粉紅佳人同焦糖燉蛋。 都好好食！記得留肚試埋佢地既甜品呀！