漁屋日本料理 (已結業)

買咗飛夜晚睇寒戰，襯早啲搵嘢食先，行過見到呢間漁屋，原來係食放題嘅，朋友見話有松葉蟹想食，都真係少見嘅，不過walkin唔知有冇位，原來有人取消咗booking，咁啱有位俾我哋，lucky。一入座已有蟹剪同蟹醋ready咗，一定要叫蟹喇。刺身都幾多選擇，除咗啲大路嘢，仲有玻璃蝦，赤貝，花螺，帶子呢啲罕見嘢，啲蟹唔差嘅，肉唔算多同厚，但限時真係好難食蟹，食得蟹嚟又食唔切其他嘢，所以係試咗一round，花螺就細細粒，一般喇，寧願食螺肉。大推玻璃蝦，正過蟹，肉質爽，鮮甜唔腥，食咗起碼廿隻，大件夾抵食，赤貝超爽甜，10個正。壽司都正，有火焰壽司，整得出嚟都靚仔唔係hea，燒和牛壽司，牛肉都有少少入口即溶，唔係話常見。料理推介金菇牛肉卷，肥牛唔會死得個肥字，金菇唔痴牙。燒物炸物種類好多，但試唔晒囉，好似芝士焗蠔，鐵板九菜，羊架，炒蜆都唔錯。 飲品方面都係無限任飲，汽水就skip喇，估唔到有asashi啤酒，啱晒我個酒鬼fd。我，就飲烏龍茶喇。落單後上枱好快手，員工冇西面，值得支持呀喂。喺正商場入面，都算方便，不過我又唔係成日去荃灣。

話說我都算係漁屋老顧客了吧，光顧應該不下十次。什錦魚生飯是我每次必點之一，水準依舊，食材新鮮。但份量就不如從前的多，但對我來說就剛剛好食得完。朋友份鰻魚飯就一言難盡，問咗五六次都唔見來，見到隔離枱的菜陸續端上來，而我們這裡還是空空如也！在我們不停地催促下終於來了，時間已經超過三十分鐘。好彩唔難食，如果唔係真係掀桌走人！而飲品就遲得更過份，飯食到一半先上。我杯凍奶茶比較淡想要些糖漿，又係問咗好多次先要到。舉手啲店員當見你唔到，同佢地講完想要咩就似耳邊風咁，吹完就過，真係好嬲！講真呢間在我心目中一直都係好評餐廳之一，午市又有學生優惠。雖然一直係慢開，有些暇疵。但而家係越來越慢，如果服務再咁差真係唔得，唔係嘅話去一次少一次。

漁屋除咗有午間日式放題，亦有午間定食。因為唔想晏晝食得太飽，所以散叫咗三文魚海膽飯定食。呢個定食有4片厚厚三文魚刺身，一小堆海膽。兩者都十分新鮮好味，叫咗定食還可以加$10再叫其他小食，例如$10/2串蕃薯仔(4粒)、鮮鮑片(4片)……等。其實……食完都好飽，好滿足😊

其實已經黎過幾次食物都吾錯 刺身 壽司都好新鮮 而且份量又夠大 一大班人黍食都好正 近排仲出左D迷你甜品都係任食 小小咁可以試多幾款但D服務態度 就差左D 落單永遠當睇你吾到問少少野好似我阻住佢咁 希望改善埋就prefect 啦💃🏻💃🏻💃🏻

之前有朋友推薦黎漁屋日本料理放題，今日有幸前黎一試，呢間食材質素二百幾蚊都算抵食，刺身拼盤又新鮮厚切，係一個好去處。將三文魚片，蘸上醬汁與芥末，擺落口中，剛開始咀嚼時，可以品嚐出三種味道，三文魚的本身味道，醬汁的鮮味，芥末的辣味（富有刺激性的辣嗆味）。隨著不斷地咀嚼，魚肉越嚼越肥美鮮嫩，你會感覺到滿口生津，既辣又香。香，甜、鮮，鹹，辣混爲一體，十分美味。

從來只會係opensnap post下相打幾句食評講下好唔好味咁 但呢間漁屋真係令我嬲到要上黎打返篇食評如心呢間漁屋，對上一次食已經係大約年半前，個陣通常食放題都會話要黎返呢間食，甚至我會同我啲朋友講話呢間係我最鐘意、最好味既放題！今年生日一心諗住同男朋友黎返呢間食，生日前幾日就已經Book定 21:30 食 (因為電話個個人話平啲，點知$26x 一個人)首先一去到，問我地Book枱電話，點知話無我地電話，好啦，之後佢大嗌入去問有無2人位就比左間近廚房既包廂我地，有幾張枱咁9點9開始點野食，一開始我地點左好多既，張張紙都有點幾樣野咁，到10點3 過左半個鐘都只係黎左一碟刺生、一碟冷盤前菜、可樂X1  (我杯巨鋒果酒都未黎)好啦，其他野食未黎都算，我地再點第二輛，諗住坐多陣第一輪既野食就會黎，到10點半，都仲只係黎左幾串串燒，炒硯，羊架。跟住我真係忍唔住行出去個包箱（一出去就見到廚房）就問啲員工點解我地可以坐左接近一個鐘都仲係黎得咁少野？要等到幾時先有其他野食？我連野飲都未黎係發生咩事？我地啲點餐紙係咪掉哂？5百幾蚊 2個人食餐咁既放題！我真係寧願食第二啲！仲要係生日，同男朋友係度一等再

荃灣呢間漁屋基本12點開門都排哂隊,d個午餐價錢系平民價，而且大件夾飽肚。Lunch set會有包一碗蜆湯加沙律，仲有一個正餐,出使學生証有平d優惠。同兩個朋友各自叫左唔同lunch,首先呢個鰻魚便當既份量有兩碗飯咁多，而且鰻魚系良心份量，配埋燒汁醬，咬落去啖啖鰻魚肉,其實冇得輸wor, 隔離有個黃色蘿蔔系開胃,酸酸甜甜。跟住個蛋包肉飯,有成個面咁大既,里面包住肥牛,用既系珍珠米,有嚼頭得黎又吸哂d肥牛味,加埋雞蛋淋上一d類似沙律醬既汁. 呢個餐系高卡路里😂但得閒可以食下。呢度人均50一60 蚊lunch都可以食到好飽！

經常都會食日式放題，今次試下呢間，比預期好，壽司，刺身都好新鮮，不會梅同埋怪味，新鮮既魚生係特別甜口鮮味既，最緊要係款式夠多，令我最欣賞係甜品，好小日式放題會有咁精緻好味既甜品，而且味道不會太甜，仲有特式飲品，款式又多，不過就要好d叫左先，因為好快會冇晒

平時係荃灣放lunch都好中意黎呢度食，雖然服務不算特別好，但每次都好滿足，性價比好高。令我翻桌再翻桌食過甘多款，個人最喜歡雪壽司定食 $62,學生價 $57，貪佢抵食呢個set有六件壽司加三件小卷，沙律同手打烏冬。壽司平價但質素唔曳架，都幾新鮮！烏冬同以前唔一樣，以前係豬骨味精湯，依家就細份左，不過個湯就好味過之前，溫烏冬暖暖地，唔會好熱佢仲有加十蚊小食，再加十蚊有任食三文魚壽司，最岩大食積，不過我就已經好夠飽，就無再追加，費時浪費食物

同朋友經過荃灣，見到餐廳做緊 蟹-做主題嘅放題，基於我同朋友都是日本菜嘅忠實fans, 立刻坐低~估唔到會驚喜連連先講刺身，本來估唔到放題有咁好質素，蟹肉好新鮮，好鮮味，正！其他有貝類，鮑片，三文魚等, 大路貨色。手卷推介海胆，細細個，好好味，一個一口，最少可以食到3到4個，食唔停口。如果人多可以食一品鍋，好足料，不過，個鍋太大了，4人份量。 服務方面， 落左order, 5分鐘所有菜已經上齊，仲要無漏單，服務效率超高，抵讚！其實款式超多，可惜我地遲左半個鈡，所以，時間太趕，試唔到太多款式，我同朋友，相約下次再來~p.s 喜歡飲清酒嘅朋友，一定要試，因為好正，而且任飲

食過好多間放題～～要搵平靚正嘅日式放題真係好難。呢間算係唔錯$248加一，4送一。服務幾好，有時候太多真係好難應付，其實叫多次，佢地一定回應你。當然最重要食物質素啦～～刺身，唔好期望係高級餐廳嘅味道，但絕對唔係差，反而每樣都會有鮮味～～枱枱客都叫幾轉刺身～～而我就鍾意火灸燒物 最欣賞梅酒清酒日本啤酒都任飲，甜品都十幾款，最正係每人限一個嘅Movenpick 雪糕去片～刺身算幾新鮮～～值得叫多兩轉～～呢個不得了～必叫，推介火灸牛肉，左口魚❤️啲牛肉燒得勁香，啲燒汁好好味。左口魚係板前都係咁嘅味道，呢度任食，仲要勁好味，魚油好多❤️海膽係唔差，可以放心叫。 呢啲味道正常～～好欣賞，好少有放題係梅酒啤酒任飲，出面都幾廿蚊一杯啦～～連清酒都有 嘩，佢有張甜品已經任叫，馬卡龍、糯米糍、雪條、芒果甜品、等等...係有十幾款。但呢款Movenpick雪糕只限每人一個，但真係好好味。剩係雪糕+梅酒都值哂值得再去～～～～P.S.生日日子，佢會安排熄燈播生日歌可以俾驚喜你地嘅朋友

已經幫襯過呢間好幾次，每次都好滿意！雖然訂位要早幾日訂，即日訂通常都冇位，除非9點後都有機會有位（星期五，六，日就一定要早訂）每次黎到一定會叫個剌身！ 不得不讚呢度的剌身！！！蝦身非常肥大，味道鮮甜，三文魚都好正！！另外亦點了八爪魚、墨魚片、榮螺片等，整體來說都幾新鮮。超級滿意！！好多選擇，最中意佢地既焗蠔同金菇牛肉卷！每次都一定order!! 佢地個烏冬煲都好正。好多甜品選擇，每次都食到好飽好飽！有時撞正有人生日，佢地會關燈＋播生日歌。幾有氣氛，不過一播就播幾分中，英文，廣東話，普通話連播幾次，有D太長，如果可以短D就好。有一樣唔好就係佢地成日唔見單！ 要不停吹佢地，好多時明明落佐單，等佐好耐都未有野食，跟住佢地話揾唔到你張單，要你再落過。（但你都唔記得自己之前落佐d乜）。但總體黎講，都好滿意，野食好好食。D位唔算太迫。

荃灣CITY WALK的漁屋總是坐滿客人,正當要等位時,店員問我們要過去如心廣場那間嗎?有位以及食到9點半。反正如心未試過,就過去吧!分店位於如心廣場較偏僻的位置,但地方都比較大,環境光亮,座位都較舒服。第1 ROUND 緊係叫刺身先啦~叫左甜蝦,SIZE唔算大,但都新鮮;玻璃蝦,唔夠爽口,細隻;帶子清甜,有光澤;三文魚最好味,厚身而不肥不膩;墨魚片爽口;TUNA都厚身而不太腥;翡翠螺彈牙,整體都OK,唔差的。個人最喜歡以及必叫的燒菠蘿。要有甜同多汁的燒菠蘿出現,其實要睇下間餐廳買的菠蘿夠唔夠熟,第1 ROUND的燒菠蘿就甜而多汁,第2 ROUND 就酸左D。芝士焗蠔,沙律醬太多,搶曬味,隻蠔細到食左都唔知牛仔骨(唔太記得),醬料味好怪唔太MATCH,但都算JUICY。蟹黃翅,估唔到放題都有翅食~!蟹黃其實只是蟹子,有金菇同冬菇,仲有芫茜,我鍾意佢味道清清地,當湯飲幾好。牛舌,厚同燒得剛好,但唔入味。燒全翼,表面燒得金黃香脆,散發誘人吸引力,咬落去香噴噴,可是皮脆肉嫩,D肉是無味的,D香料醃得唔夠,白白浪費了燒得咁正。火灸壽司,飯太軟,面上的配料都加了太多香料,無火灸的香味,唔夠舊店咁

今日放假，原本想一個人喺屋企坐定定乜都唔使做，不過有人突然俾咗個morning call，話已經book好位，叫我一齊出去食飯，好啦，咁就勉為其難咁出去嚕~~嚟漁屋絕對唔可以錯過噶絕對喺刺身啦，特別喺三文魚，厚切真係厚到無人有吖~~而且刺身好新鮮，嚟食日本料理絕對唔可以錯過！！甜蝦，一排擺得整整齊齊，好誘惑吖，食落去真係甜甜地，名副其實噶肉質鮮甜。~~燒烤烤噶肉真係烤得啱啱好吖，鮮嫩多汁，而且舊舊都好大塊，味道好正！滑蛋豬扒飯，味道一般搬，都ok噶...

放題，其實並不是只適用年輕人。用一種固定的價錢，食自己最喜歡的東西，而且不用理會價錢，這是一種多麼幸福的事。而今日小弟訓晏左連午餐都未食，諗食咩好嘅時候，突然就靈機一動，就對自己好一點吧，把省下來的午餐錢，食一次放題吧。而今次就選擇了漁屋，原因係想起中學同學推介，也可以去去百貨公司，把家中的東西採購並送回家。看看環境，坐位較其他放題大一點，而整體環境則與其他放題差不多一坐下，當然是叫杯日本啤，難得放題都有如此質素的飲品，抵讚而第一樣嚟嘅食物就係焗蠔。我心想，第一樣嚟嘅就係焗蠔，應該係焗定吧。結果是真的，不夠味，汁也蓋過了蠔味，蠔也太小，令人失望食完蠔後，終於到我最期待的魚生也。魚生包括左甜蝦，三文魚，帶子等等，全部都有點鮮味，而且也夠凍，最推介的是甜蝦，夠大隻，而且是有頭甜蝦，不像其他放題般係用平價的無頭甜蝦，必食。壽司令小弟都幾驚喜，百多元竟然有海膽同三文魚子，兩者加上壽司，出其地夾，海膽嘅鮮味加上三文魚子在口中爆發嘅口感，令人一叫再叫。清酒煮蜆　蜆都算新鮮，但細左少許，而且清酒味道過濃，不過勝在夠熱，食完魚生後可以暖暖。牛油粟米　牛油太多，令其更加油膩，如果可以叫少牛油就更好。鐵板