漁牧 (已結業)

係尖沙咀返工耐左，lunch 都開始食其他餐廳有啲悶，同事係open rice 發現到漁牧有set lunch 一於去試下，等一陣好快有位，menu 都好多選擇，有辣同唔辣。叫左農家炒小肉，小小辣，仲可以加錢叫湯飲。

一向不太受辣的我，其實一直都很想吃水煮魚，但又怕川菜辣度太勁而 吃了幾口就吃不下去。 今次來到漁牧，雖然是四川菜水煮魚，但餐廳會按照客人辣度要求，而調節辣度，特別適合想吃辣 又受不到辣的矛盾友。餐廳位於加拿芬廣場樓上，原來都幾旺中帶靜， 餐廳空間感大，就算一大班朋友一齊去吃都不會很擠迫。Conrona  特調$68/ glass炎熱嘅天氣底下，當然要飲番杯冰涼特飲。雖然餐牌有寫係一樽，但想不到是超大杯，大到可以分出幾杯共享， $68超級抵飲！啤酒混果汁及鮮雜果，酒味不明顯，很易入口，味道宜人！醬油皮蛋 $33推介！晶瑩剔透的皮蛋，竟然醃製得爽口彈牙。平時食皮蛋黃會覺得有陣難以形容的味道，是羶味，就算我會吃皮蛋但都怕這味道而2、3件止。不過漁牧這個醬油皮蛋真的很出色美味，完全沒有羶味，令我追著不停接住吃呢。來到一定要試試。  清江魚回味酸辣味 $298如有不太吃辣的朋友，可以跟店員要求小辣，雖然吃川菜要辣才好吃，但也得意照顧同行朋友，調節一下辣度，大家都可以共享。湯底還有芝拍腸，食完條魚不想浪費美味入味的湯底，另可點配一些火鍋食材。龍蝦雞煲$298唔辣嘅雞煲配上原隻龍蝦， 雞件不太多，但

已經第二次來呢間餐廳，地點當然係冇得輸啦，實在太方便，裝修都冇過敏，不過唯一唔好嘅地方係長枱，如果一大班人睬長枱就唔太方便傾計啦。。烤魚嘅種類都好多係新式嘅錶蓴菜，坐得又舒服，後院來嘅時候好大盆，我哋三個女仔都食唔晒，每樣配料都可以加錢，另外仲試咗烤乳豬同埋片皮鴨。全部嘅菜式都好合胃口，份量可能係偏小不過好適合女仔嘅胃口。烤魚嘅配菜好入味,個湯底都好好味,烤乳豬當然就好香脆啦。個糯米飯都好味。所以值得一試。

這餐廳終於可以一嚐聽聞朋友食後感不錯喔碗碗碟碟也是魚的圖案喜歡這些精細愛辣者必試這味麻辣十兄妹絕對能夠滿足你味蕾的一道小菜，令我想起了滋味麻辣燙如果可以要求麻的程度再強烈就好了口感如避風塘雞翼雞翼的確是無醃製過無任何味道的，只靠配料，不過不失，而且配料不夠香口主角終於來了，份量足夠4人條魚是嚐得出的新鮮，我們點了泡椒酸菜味完全嚐不到泡椒味，被酸味蓋過了，而且有朋友說太酸了，若果可以帶回泡椒味就好了

前陣子同朋友去撐枱腳，麻辣癮又發作，決定試下新派川菜漁牧! 食過先知真驚喜!同傳統食雞煲嘅大排檔/中菜餐廳好唔同，漁牧走嘅係young and fresh路線，以前一直覺得依D新興中菜廳得個樣，味道/食材一定落唔足料，但係今次食完，絕對推翻我以往固有印象!8點入席，唔駛等位，入到去裝修好trendy,空間勁寬倘，最怕食熱辣辣嘅雞煲仲要同人迫。打開menu先知菜單好多元化，諗左勁耐，終於揀左養顏花膠雞煲!一上枱已經超驚喜!花膠絕對可以用XL size黎形容，絕無誇張，黏口，食落唔會韌，份量足，配料足，兩個人真心唔曬，滾起已經聞到陣陣麻辣雞煲香~食雞煲當然唔少得各式配料，我地嗌左:墨魚滑、豬紅、豆腐、葛粉、生菜，樣樣都好新鮮。特別推薦爽口豬紅，我一個人啪左成碟都唔夠喉!仲有墨魚滑都係鮮味之選~前菜我地就叫左糖心皮蛋同手抓餅，好有台灣風味~糖心皮蛋係必食架!高質皮蛋唔係間間都有。我仲自創手抓餅包麻辣雞，覺得自己好有創造力。至於野飲，由於辣得太過癮嘅關係，我地先後叫左酸梅湯同特飲。推薦菠蘿特飲，有氣又開胃，好特別ahh總括而言，依餐食得好滿足啊，絕對會再翻啅漁牧，試其他菜式!

可能我孤陋寡聞，我唔知而家餐飲業已經去到連飲杯水都要收錢，$6/樽。其次，服務員態度真的非常需要改善，樓面同事落錯單，上菜同事在知情下當無事發生，照上錯的菜色比我，然之後同我講無所謂，請問是我錯嗎？以後不會再光顧。

今晚約齊人去試菜，一直都想試試北京菜，上openrice搜索其間發現呢間好多好評嘅新派京川菜，決定約埋成班朋友去試食。一坐底掀下本menu，感覺好似一本故事書，有人物設定簡介，也有各式各樣的食物圖片，成個主題都很活潑新穎。先嚟一碟小食香辣鴨舌，可能我唔太食得辣嘅關係，我覺得非常之辣，但亦好入味，食得辣嘅朋友不妨試試食京川菜當然要食片皮鴨啦！夾埋啲瓜啊洋蔥啊醬啊一齊食，一咬落去口感很豐富；隻鴨皮脆肉嫩，鴨油與青瓜互相抵銷，油膩感瞬即減少。很不錯重頭戲當然係龍蝦雞煲啦！大大隻龍蝦同花膠放係面，裏面仲有好多海鮮﹕吊筒墨魚、生蠔等等‥‥啲海鮮索哂雞煲嘅湯，食落去啖啖肉，好正愈煲愈入味，落埋其他火鍋配料簡直一流最後食咗咁多油膩熱氣野當然要飲返啲椰青水清下熱氣啦

本身想吃茶木, 見到隔鄰食店又雞煲又水煮魚, 突然想試新野, 就一個箭步轉移陣地.急不及待點菜:前菜叫了醬油皮蛋, 麻辣牛肚絲和口水雞, 皮蛋極度流心, 醬油酸辣醒胃; 麻辣牛肚絲又爽又麻, 醬汁調較得相當好, 如不太吃辣的亦可叫作伴菜~! 口水雞, 就如其名, 雞件滑溜, 真想將醬汁帶回家撈麵, 惹味非常~!本身吾好魚, 就來一個原味雞煲吧!醬汁偏甜, 雞肉幼嫩, 不錯不錯~食完雞煲打邊爐, 豚肉, 墨魚滑,豬紅和田園雜菜盤, 墨魚滑略嫌不夠彈, 但味道十足~ 雜菜盤蔬菜新鮮, 縱使我們飽到不行了, 依然要吃畢所有菜特別是菜心, 因為太清甜了~用料如此認真, 應記一功~後記: 坐著坐著, 眼見隔離左右, 都會叫一條魚, 用長方型邊爐盛著, 香氣瀰漫著整間食店, 食客慢慢食, 魚慢慢煮, 見醬汁有辣有吾辣, 心想下次一定要再來試試!!

雖然天氣仲係好熱，但好辣嘅我已經急不及待食熱辣辣嘅雞煲，見到有花膠雞煲，我同朋友不約而同都話想試下呢個！食雞煲梗係要辣先夠過癮！由於我地都幾食得辣，所以就order咗重慶麻辣味前菜方面點少得醬油皮蛋，糖沁皮蛋加埋有少少辣辣地嘅汁，好match，超至於雞煲，果然不負眾望，調味料充足，辣得嚟帶點麻，啲雞入味之餘，啲花膠都好正，滑捋捋，諗返起都流口水飲品叫咗jar梅子冰，開頭飲落有啲澀澀地，但係神奇地，食完辣辣雞煲之後再飲一啖梅子冰，梅子冰竟然變得甜甜地，好好飲仲叫咗其他配料打邊爐tim！特別想提下個墨魚滑，真係幾彈牙，唔錯有趣嘅係，見到枱枱差唔多食完嘅時候，都會order白色一舊舊裡面紫色嘅野，見咁多人食就叫嚟試下！原來佢叫驢打滾，外面好似糯米滋咁，裡面夾住紫薯，煙煙unun唔太甜，又幾好味喎！

二人枱等太耐。明明只係要等三個號碼，最後係等左一個鐘。有個餐廳職員嘅朋友上黎walk in，職員卻即時安排座位俾佢地!怪唔得要等咁耐。一坐低，碟上竟然有條魚骨...同職員講既時候，佢個樣都唔surprise，不禁懷疑係咪經常發生依啲事...叫咗一星辣度的酸辣魚。明明兩日前來食，覺得辣的程度剛剛好，所以今天特意再來吃。點知今日食嘅辣咗好多，只有麻辣味，完全蓋過應有的酸味。我唔算食得好辣，所以根本食唔到。想要水去浸下啲魚，職員竟然話普通水都要俾錢。。好無奈。為咗賺錢可以有幾盡？最後只係食咗條魚，一jar西瓜汁(因為太辣)，已經要五百元。性價比好低。。。來食咗三次，食物質素同辣度參差，職員的行為，公司收費亦令人失望。

好耐冇一家人去撐枱腳，而先生今次安排食川菜，對我來講係好有新鮮感。一直我都好怕刺激食物，但原來少少辣仲更加可以提升鮮味！ 今次真係改觀！來緊中秋家庭做節食飯可以再去！

今日同老婆黎試佢一直都好想試既漁牧川菜，但當日喉嚨又發炎，所以都唔敢點太辣的菜式捨命陪君子也！我地習慣食飯時會先食蔬菜，因為會比較健康嘛 ：）爽甜的沙律菜配上日本香濃麻醬，十分Fresh 魚湯浸時蔬，魚湯濃郁配上又淋又甜的菜心彷彿為豐富的晚餐打開序幕！！風沙雞翼，意想不到的香脆可口，皮脆肉嫩，配上炸得香噴噴的蒜粒，的確一流！WOW....主菜要出場了回味酸辣味燒龍脷魚，味道調配得十分夾，酸辣湯底很開胃惹味，加上數款自選配菜： 雲耳、薯粉，大白菜和豆卜，十分豐富！龍脷魚的肉質十分嫩滑而且很鮮甜入味，火候控制得很好，令人回味無窮最後，當然不能少了女人最喜歡的甜品 - 椰汁桂花相思糕～～～

今次去尖沙咀食咗間高水準的川菜本人很嘉愛吃川菜 去到其它郭區食最好味都是這間川菜館 我發現仲有女明星来食，果然識食吓！我最喜歡 川辣 大魚鍋 好大碟呀！令外醬油皮蛋 醬汁很香可有口感 自己一個人食一碟都唔夠 叫再叫多一碟 真係好正香脆雞翼 香脆可口一試難忘!

本身不太嗜辣, 朋友建議來漁牧食飯, 有些戰戰競競, 心想: 有什麼東西不辣而我又可以吃呢？...朋友很貼心, 打開菜譜, 點了北京片皮鴨和鴨湯手作麵給我填填肚, 片皮鴨真是一流~! 皮脆肉嫩, 最貼心是麵皮一塊與一塊之間用牛油紙相隔, 務求每個麵皮拿出都完整無缺!! 另外, 麵皮很薄又有靭性, 不易穿, 故可以完滿地包著鴨肉, 醬和京蔥, 美味無窮!!!好戲在後頭, 我連自己也估不到, 最令我一口接一口的竟是“漁牧沸騰魚“!!! 未熟的魚片魚身放在一個大湯碗內, 然後用沸油一“讚”, 充滿辣椒花椒八角的滾油令碗內魚肉發出滋滋聲!! 視覺一大享受!本身我只是想做個觀眾, 朋友鼓勵一場來到, 小試一口何防? 誰不知把魚肉放進口, 滑到不得了！而且非常鮮味, 隨後慢慢滲出微辣, 很香的花椒八角味, 接著不用朋友說, 一塊接一塊的送進口中... 以我不吃辣的都接受到, 相信大家一定承受到, 不可不試! 口水雞對我來說就真是太辣了! 不過, 漁牧的確有很多款式, 一定滿足到每個人口味~!!

尖沙咀的一間重口味餐廳，環境方面好有特色，有卡坐有大枱，整體室內設計得獨特，地方大座位寬敞食品是以中式菜中的京川湘菜來主，即是重口味，重口味之首在我角度是辣，今次試左個火辣香辣味鱸魚，鱸魚比較穩陣，普遍魚味不會腥，但這種煮法都應該不會有腥味，喜歡食辣的都會喜歡這味道，另外叫了渣梅子冰，味道濃郁酸酸甜甜，食住辣野飲住梅子冰，匹配非常…總結，環境座位很好，食品適合喜歡重口味人士，下一之要試另一味道的烤魚，睇睇係咪有分別，都係個句，越濃味越難分別好唔好味