漁舍酸菜魚 (已結業)

第一次食呢間野，原本態度都係一般，最後食到甘上下舉手叫人可唔可以要一杯熱水？之後個女人拎左杯凍水比我，我再叫果個女人我要杯熱水食藥，佢串返我話頭先冇講，真係好想串佢，但由於佢哋唔係集團式，所以投訴無門，唯有係到吐苦水，佢既食物係酸同咸，都冇乜特別，絕對唔會再幫襯，最後我哋問個男員工果個女人係咪經理，佢答係，難掛人地串得起🤣

第一次食倒咁難食嘅嘅酸菜魚，過酸，冇其他味，同飲醋冇分別，D吖姐態度好寸，受倒不禮貌對待，雖然收加一服務費，但一點服務態度都沒有，感受一點也不好，只能說🤬🤬

北角滙入面好多餐廳都係港島區少見既連鎖餐廳，尼間主打四川酸菜魚既餐廳就幾吸引啦，因為好難係香港食到啲有四川風味既酸菜魚！ 平時經過見到尼間餐廳冇咩人食，抱住試一試佢既心態去食，反而有驚喜午市套餐：酸菜魚配薯粉+雞絲。 8/10所謂既套餐只係主菜配粉麵飯+小碟涼菜，唔包飲品有啲可惜！但見佢份量都幾大，魚肉同雞絲份量唔少！魚肉冇雪味之餘又入味，雞絲似鹽水雞既味道，配埋個酸菜湯超夾重點係個辣度剛好，係食得舒服既辣！薯粉唔係想像中既煙韌，而係似韓國粉絲🙂下午茶套餐：麻辣水煮牛肉配珍珠米飯。 7/10尼個份量比午市套餐細少少，但都絕對夠飽！辣度比酸菜魚辣，鍾意食辣既朋友一定要試！涼拌土豆絲。 6/10土豆絲刨得太幼，冇土豆既口感，而且味道偏甜，如果酸辣度高啲就好食啲

晚市堂食令放寬後不斷在家附近覓食，之前試過這餐廳的午市套餐，是晚決定一試它的晚餐裝修設計以藍色和木為主調，又會掛滿旗幟和燈籠為等裝飾晚市時段的定食套餐只貴十元，自選湯底及配料，包是日涼伴及主食金牌酸菜湯配特色鮮魚片啖啖肉，愈吃愈開胃麻辣水煮湯配美國穀飼牛有濃烈肉香感帶有咬勁！追加麻辣豬紅及麻辣墨魚丸惹味十足小食泡椒鳳爪骨肉生香， 清脆爽口必食的水煮田雞腿肉質細嫩香辣套餐可以半價加配飲料，黃金蕎麥冷泡綠茶清甜不澀口王老吉涼茶清爽好喝，消暑退火

上菜時有蠟燭烘住，食法幾新鮮，最鍾意食熱辣辣嘅嘢。整體味道唔錯，好味過一樣開喺北角匯嘅碼頭酸菜魚。不過個餐牌就有啲難明，店員亦都唔熱心介紹，不過裝修新淨整潔。呢個水準係最低標準，如果下次去嘅時候體驗差過今次就唔值得再去。

新開既商場北角匯真係愈開愈多餐廳，真係要慢慢試哂佢。行下行下，見到竟然新開左間酸菜魚；酸辣開胃最岩春天食。環境餐廳環境舒服，全部都係卡位，有梳化好舒服。樓底好高配上設計感十足既吊燈，十分摩登。食物顧明思義，漁舍一定是食魚了吧？不過除左酸菜魚，都仲可以揀其他湯底配角，同埋小食。我地一行2人， 叫左：椰香脆皮BB鴿x 2一人一隻，好爽！椰香迫人，一上台已經聞到香噴噴炸至金黃香脆，唔會太乾，肉質嫩滑啖啖椰香，好解辣。金牌酸菜魚配薯粉湯底清，唔會太重口味，襯托番魚肉鮮味。幼身薯粉好清爽，唔會好heavy。魚肉好滑，無骨。配上酸微辣的湯頭十分開胃呢。麻辣水煮魚配淮山麵加配豬紅及豬皮淮山麵好入味，配料豬紅及豬皮浸入滿滿水煮辣油，又辣又麻，好過癮。不過我自己就中意食清點，所以prefer金牌酸菜魚多d。 雪燕黑糖冰粉只係$28但就可以食到雪燕，口感真係好似燕窩。黑糖配埋涼爽冰粉，十分解辣。不得不提，兩個魚都有個火坐住，魚肉唔會涼左變腥；同埋乳鴿跟埋手套上，仲要係厚身手套，絕對唔會漏油，餐廳安排真係好貼心。

北角匯商場又一新店，這間叫漁舍的位於北角匯2期一樓。店鋪位置比想像中大，可以容納接近50人左右。我這次是去了吃午餐，進去時餐廳已有很多客人了，最後被安排坐在卡位，也很舒服。看一看餐牌，以它的名字看來是吃魚的，但原來除了魚還有其他選擇。這次我們點了定食套餐。金牌酸菜魚湯 ＄78點餐時已看到每位客人都用了一個大盤子承載著，而下面是有一個火爐，完全感覺到餐廳的用心，令到食物不會冷卻太快。對於女士們來說，份量是會有點多，我點的餐是跟淮山麵，所以真的很豐富。除了啖啖酸菜魚之後，還有少量配菜，有少量的腐皮及少量的芽菜，另外由於定食套餐，所以有時日涼伴，今次是我最喜愛的木耳。酸菜魚份量足夠，不會太多或太少，而且是吃開的酸菜魚味道，而湯底也有足夠的酸菜湯味，不會太過重酸味，還有小小的辣味，吃落非常惹味香口。麻辣水煮牛湯＄78而老公不太喜歡吃魚，所以他點了他最愛的牛，而麻辣程度是可以選擇的，他選了小的，雖然他可以吃得很辣，但還是怕搞肚子痛。另外他還配了麻辣豬紅＋＄10（因為我想吃，但覺得配麻辣比較搭），而他選了白飯。牛及豬紅的份量都非常足夠，男士們不用怕不夠飽。但辣的程度，老公說小辣原來也很辣！所以不吃

昨天點了一個酸菜魚配薯粉因盛載器皿的關係湯保持熱夠熱👍🏻這酸菜魚與一般不同，酸菜少、兩片腐皮硬、湯底淡但魚肉尚算新鮮、唯一滿意吃到差不多尾聲還保持熱度。唯一令我不滿意就是這店有位蓄長髮的職員服務態度欠佳☹️☹️☹️

搭個丁丁去北角匯食呢間新開既漁舍，主打酸菜同水煮魚，好難得午餐有得食。定食套餐$78，有三款湯底：金牌酸菜，麻辣水煮，蕃茄牛骨湯，唔食辣可以揀蕃茄味。特色魚片同美國榖飼牛之中揀左牛，份量都幾多，而且麵碗底部既蠟燭熱熱下啲牛油香滲左出黎，酸菜既酸味同泡椒既辣味愈食愈濃，可以考慮放一陣先食。覺得唔夠味仲可以加辣椒油同花椒油，我就加左花椒油，好正。如果魚同牛都唔岩，可以自選配料3種，另外飯，薯粉，米線，淮山麵選一款。淮山麵爽口又健康啲，必選。飲品半價，嗌左煎茶解解辣。test_northpoint______________________________🏠 漁舍📍北角渣華道123號北角匯2期1樓112號舖💵 $78 🌼 Working vibe 🌼‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾........#hkfood #hkfoodblogger #hkfoodreview #hkig #hkfoodie #foodstagram #eatstagram #tea #foodblog #getinmybelly #heresmyfood #foodporn #foodr

疫情實在太耐了，已經有一年半沒有回內地，實在太掛住酸菜魚同埋麻辣嘢食，要在香港搵一間正宗好味的酸菜魚真是10分難，呢間漁舍新開冇幾耐所以黎試吓，不過始終都不及內地好味道，店舖裝修都頗優雅，幾有日本feel，冷氣非常充足未食之前真係好凍，叫咗兩次服務員關細啲個冷氣！所有服務員都非常細心及有禮貌，令我們一行七人食得非常高興😊1）虎皮青椒皮蛋- 不過不失2）麻辣手撕雞-麻醬撈得不錯👍🏻3）山葵小木耳-原來木耳加Wasabi汁是不錯的配搭4）酸菜湯配魚片- 其實真係同內地的酸菜魚差很遠，無論湯底，魚片，這裏都是一般5）椰香脆皮BB鴿- 炸得都夠脆，肉質都幾好6）蕃茄牛骨湯配淮山麵- 估唔到成晚最好食應該係呢個淮山麵，淮山麵好食7）極品毛血旺- 味道非常濃郁，夠辣，所有食物都很入味，唯一係食完之後好口渴8）水煮田雞腿- 味道也是非常濃郁，田雞腿很入味，不過食完都係好口渴總括來說食物不算差但也不算稱得上很好味，不過都值得嚟一試😁

是日來到北角睇電器，經過北角匯搵到尼間魚舍酸菜魚係最盡走廊位，一人一個叫咗酸菜魚定食，配木耳涼菜，酸菜魚好好味～魚肉滑嫩～少少酸辣麻的湯底～夠嗮正宗！👍🏻👍🏻👍🏻涼菜就一般般食唔出什麼味道

有朋友話我知北角滙1樓牛牛日式火鍋料理旁邊開咗間吃酸菜魚的，今日特登去試下，去到已經係下午3點，攞咗飛見到大把位都無人叫號，等咗好耐，有個唔知係咪侍應既哥哥見我無人理就叫我去坐某一張空位，真係好服務叫咗個招牌酸菜魚下午茶餐，有酸菜魚鍋配白飯，個酸菜魚鍋賣相同味道係唔錯，不過D魚肉片係寥寥可數，即使我吃哂碗飯都係依然唔飽，其實我唔介意個餐貴番D俾多幾塊魚肉片我送下飯咪仲好。個餐無包飲品可加十元加野飲，我吃完叫佢先識得俾杯水我飲下，今時今日服務態度真好

原本諗住今日過黎食牛牛邊爐點知見到新開嘅魚舍，決定過黎試下新嘢兩個人點咗一份酸菜桂花魚$298加埋可樂配菜服務費就$403上菜嘅時候見到好大一份酸菜魚，覺得好抵好開心然後同老公食咗兩啖，成個人都洩曬氣人生第一次食完全唔酸唔辣嘅酸菜魚❓❓連啲湯飲一碗都覺得無味叫咗侍應姐姐拎入廚房加酸菜先有返少少味🤷🏾‍♀️最緊要係條桂花魚又厚又多骨 同埋臭腥🙄連我老公咁嘅雜食動物都話難食最後係因為唔想浪費先堅持食一大半邊食邊後悔點解唔去食牛牛放題😭總言之 真系唔會再黎下次