漁舍酸菜魚 (已結業)

✅漁舍基少去北角既我 今次就去到北角匯揾野食🥰北角匯都有唔少餐廳 戲院咁 去行下都唔錯今次就食左呢間酸菜魚餐廳而家真係愈黎愈多酸菜魚食😆呢到主打酸菜魚 當然亦都仲有其他川菜選擇亦都有一人份量酸菜魚麵👍🏻同男朋友去食當然就叫左個2-3人set晚市2-3人套餐 (5道菜)🔆酸菜湯石班魚 (半份) $428我地叫左酸菜湯配石班魚當然可以揀水煮湯或者蕃茄湯👍🏻魚類都有得揀石班魚或鮮魚片石班魚好夠滑 仲連埋魚皮 好有骨膠原🥰酸菜湯既酸味適中 唔會話太咸或太酸要左正常辣度 食落帶微微既辣 唔錯😋半份魚既份量都算多 而且入面仲有蓮藕 豆皮 寬粉 芽菜配菜都有幾多👍🏻😆味道: 3.5/5賣相: 3.4/5🔆椰香BB鴿 估唔到個套餐入面包埋乳鴿😍雖然係迷你size 但食落都有好多肉而且好有肉汁 係熱辣辣🔥😍唔使點淮鹽都夠咸味👍🏻味道: 3.7/5賣相: 3.5/5🔆酒醉鴨舌啲鴨舌圍住個碟邊黎排份量都唔少呢😈😆中間有啲辣椒同剁椒 增加層次感鴨舌本身就好軟腍🥰 食落帶少許酒既香味但又唔會重到食唔到 咸咸辣辣咁😋味道: 3.6/5賣相: 3.5/5🔆酸辣蝦脆麵男朋友話想試呢個脆麵 於是就試下啦😋佢上枱既時候

之前都介紹過北角匯有唔少好嘢食，今次同朋友就嚟咗食一間主打酸菜魚嘅餐廳🍴環境幾舒服，佢哋仲有提供午市同下午茶套餐，價錢都幾抵食味道都唔錯㗎😀鍾意食川菜嘅朋友仔一定要試吓🤍_午市定食套餐水煮湯美國肥牛薯粉+是日涼菜 $78蕃茄湯美國肥牛薯粉+是日涼菜 $78值得一提嘅係店員送餐嘅時候主食會用蠟燭維持溫度，咁食嘅時候都唔使怕越食越涷😙夠晒貼心💜湯底有三款選擇包括酸菜湯/水煮湯同蕃茄湯，小編特別推介水煮湯，湯底夠惹味亦能自選辣度🌶份量都非常充足，薯粉吸味後好正食落好滿足！是日涼菜係中華沙律🥗青檸梳打 （跟餐飲品+$14）百香果梳打（跟餐飲品+$14）餐廳亦有提供多款飲品選擇，今次所揀嘅兩杯味道都唔會太甜，幾清新有助解膩黑糖冰粉 （跟餐甜品+$14）推介大家試吓佢呢個甜品，冰粉有助解辣，特別之處係佢哋嘅黑糖冰粉係呈現條狀，好似食緊麵條咁，配上黑糖甜甜地幾特別，值得一試😀

呢間位於北角匯一樓嘅餐廳，最主打係佢哋酸辣開胃嘅酸菜魚，啱晒夏日又濕又笠的死人天氣。內裡環境簡單舒服，都幾適合一大班人坐低食好靚lunch或者dinner仔。-晚史2-3人套餐：1）酸菜魚 （鮮魚片）💰388 8⃣魚片入口非常之滑，基本上可以話真係無乜骨，大家真係可以安心使用。湯底味道調配相當好味，佢哋仲放咗啲其他配菜薯粉蓮藕筍等係個底，吸收晒酸酸辣辣嘅湯底！-2）椰香BB鴿 8⃣本身小編真係對佢哋嘅BB鴿唔係話咁有信心，因為固有印象都係傳統茶樓先整到好味！但係！佢哋嘅乳鴿真係相當出色，BB鴿肉質相當細嫩又多汁，睇得出廚師好用心去整不講經。-3） 拔絲香醋豬肉柳 7⃣香醋豬肉柳最啱呢個時候食，酸酸甜甜配飯真係無得輸。-4）蒜泥白肉 7⃣佢哋嘅蒜泥白肉好味過譚仔或者三哥嗰個好多，因為調味更多層次唔會一味死辣，再加上放一片薄切青瓜係中間令人一啖接一啖。-5）新鮮時蔬 7⃣新鮮蔬菜筆嬲都好好味就唔會評價啦。

假期前夕，老公話同我過海到左北角嘅漁舍食酸菜魚晚餐。晚上7點都差d 爆滿，差幾步就要排隊。晚市酸菜魚5道菜 套餐$388都真係幾抵。（涼菜同小菜係菜單上可任選一款）酸菜鮮魚片+ 拔絲香醋豬柳條+蒜泥白肉、椰香乳鴿+白灼油菜叫左罐王老吉下火先。酸菜鮮魚片半份（小辣）份量都幾大碟鮮魚片厚肉嫩滑而無骨。配料仲有紅薯寬粉，彈牙QQ!仲有百頁、蓮藕、萵筍，吸味爽口。椰香乳鴿 幾有驚喜，真係好椰汁味又幾juicy!香醋豬柳條用豬扒切成，肉質幾爽彈。蒜泥白肉 每卷白肉夾住酸青瓜，酸酸辣辣更適合當開胃菜。油菜供應竟然是油麥菜，比較少見。

一人份量酸菜魚真係唔係間間有，每次食酸菜魚都要兩人以上先好似食到。今日放假，去北角行街順便食個TEA，行行下北角匯見到「漁舍」，而且有細份量嘅酸菜魚下午茶，即刻入去試下😋😋😋真係滿心期待❤️❤️❤️❤️❤️入到去，職員禮貌招呼坐卡位😊而且好nice，座位闊落而且好乾淨。叫左個下午茶餐A 酸菜湯配輕量魚片薯粉，加王老吉（套餐另加飲品半價）。上枱時配有火鍋底，真的很細心的餐廳，可以確保客人食野可以keep住食物的溫度，而且只係好細嘅蠟燭仔，絕對冇好熱嘅感覺，讚👍🏻落單嗰時心諗其實都幾驚係啲好薄嘅普通魚片，但真係不愧我滿心期待，係好滑好滑既鮮味魚片😆😆😆👍🏻👍🏻👍🏻湯底少少辣但絕對唔會遮蓋左酸菜嘅味道☺️，除左魚片同埋薯粉之外，配有輕量嘅配菜。整體來講呢間餐廳會再幫襯 哈哈😝

星期日中午去了北角滙食午餐，但5位食午有D難度，先用手機每食店取票，但處處都等很長，最後剛剛好去到〈漁舍〉最後一張可接納5人，分兩張枱。之前吃過一碗碗麵，今次試吓食火鍋加一些少食。酸菜魚：鮮魚片（約900g)$248加了：美國牛肉$68牛柏葉$48薯粉$28不喜歡一齊煮，因為會過熟。➡️魚片少骨，白嫰口感，跟酸菜湯配搭是最好。➡️薯粉是我喜歡吃的，不過少了煙靭口感，要煮長少少時間更好味。➡️鍋內配菜不錯，蓮藕、萵筍、腐皮條。涼拌土豆絲$48喜歡吃土豆絲，以往吃兩味：麻辣及酸醋味，但今次吃較淡味。拔絲香醋豬肉柳$98好似京都骨味道，還以為好似拔絲地瓜般有絲。不過味道可以，酸酸甜甜，肉質夠爽口，不會過硬。香醋木耳$48爽口涼伴，若香醋同上會更好，因為太Dry。🥤豆漿$12個杯外觀很靚，好似飲台式飲品，姪女喜歡。

去北角做完嘢唔知食乜好。突然間見到我摯愛嘅酸菜魚，二話不說就入咗去，然後見到大大個字寫住，從來只認第二。而內裏裝修都幾別緻，就睇下自認阿二有幾好食。叫了一份午市定食套餐。我揀了鮮魚片加酸菜湯，而麵底要了薯粉， 另配一份時日涼菜。裝米線的餐具都幾特別，下邊放了一個蠟燭仔座熱D食物，都幾細心。首先呷咗一啖酸湯，精神為之一振，我個人覺得太酸，魚片不多不大片一夾就散，夾了好幾次才可以夾到一片原整的拍照，但好在魚片都夠鮮甜。另外薯粉如果有闊的紅薯粉就更好味。反而我覺得涼伴木耳俾到我驚喜，味道調教得很好，又不太辣，哩個值得讚。但總括來講酸菜魚就一般，再加上以午餐嚟計，呢個價錢連一杯嘢飲都冇，就一D都唔平。

本身諗住食北角匯嘅另外一間燒肉，但係因為真係太多人等位嘅關係，就揀咗呢間試吓！👀本身揀呢間嘅時候係比酸菜魚鍋吸引🤭 但原來唔止有酸菜魚同水煮魚，仲有好多前菜小炒食😙 佢有個晚市套餐非常之抵食，$428石班魚片+1涼菜+1小菜+1乳鴿+1碟菜，可以試多啲其他嘢嘛！😂❤️ 石班魚片酸菜魚入口非常之滑，有極少量骨，個底都有其他配菜薯粉蓮藕筍等😁 湯底酸酸辣辣幾開胃，我都忍唔住𢳂多兩啖嚟飲。好食度：⭐️⭐️⭐️✨ (3.5/5)❤️ 水煮田雞腿呢個係比酸菜魚更加辣🔥 田雞腿好滑，一入口骨肉勁易分離，亦都非常入味！好食度：⭐️⭐️⭐️✨ (3.5/5)❤️ 蒜泥白肉蒜泥唔會好重食到個口臭哂，中間夾咗青瓜🥒 平衡返個油膩感。好食度：⭐️⭐️⭐️✨ (3.5/5)❤️ 乳鴿肉就唔係好多，同埋唔知點解奶味勁重，個人食唔慣呢隻味😗好食度：⭐️⭐️✨ (2.5/5)餐廳推薦度：⭐️⭐️⭐️ (3/5)平時食飯都會揀啲多人長龍嘅地方，但發現原來誤打誤撞，唔洗等都會有意外嘅驚喜，下次多啲發掘下呢類嘅餐廳😎

The staff was courteous and very friendly！The food that they recommended was excellent especially the fish soup。 I would highly recommend to anyone looking for a great atmosphere, friendly service and delicious food!!Great value for the money!!!

我今日同女朋友經過，見到有間酸菜魚所以入去試吓，當我同女朋友係門口研究餐牌時，有個年約三十幾歲束馬尾女侍應一見到我地，就好快招呼我坐低，介紹食物，仲問我女朋友如果唔食辣可以揀唔辣，幾細心，食物水準都唔差，可能因為唔辣關係，所以無咁出味，當時都幾多客，幾忙，D職員做嘢都幾快手，無因為忙而影響服務，到收錢時，又係個束馬尾女侍應招呼我地，態度誠懇，叫我地下次再幫襯可以試下小辣，個味道會好d，我同女朋友下次會再去幫襯

很久沒吃過酸菜魚，見食評寫依間有一人份量的酸菜魚餐，便決定唔約人自己去吃。餐廳環境0K。甫坐下看餐牌，見酸菜魚午餐有$68,$78等的選擇，分别在於配菜是2款定3款，因一心只想著吃酸菜魚，亦不知道配菜指甚麼，所以便向仕應落order要一個酸菜魚配薯粉，接著問配菜有甚麽選擇。自問自己問得非常有禮，但那女仕應(年約40多，束高馬尾，淺啡眉附圖)竟非常兇惡地又大聲又憤怒地怒吼“冇㗎喇，你要咗魚就冇㗎喇！”，語氣和激動的手勢都像在説“食咁平仲想有配菜？！食懞你牙？！”咁。我當下打個突，完全佢咁惡做乜。但因一時反應不過來，並沒指責她的不禮貌。期後見此侍應招呼其他食客都好有問題，有一枱家點了比較多菜，而這餐廳的菜色多連爐上，所以當惡女仕應再上菜時見枱面不夠位放，她竟一臉不悦呼喝那女食客把餸移開，更大聲粗暴地說“咁你用唔到爐㗎喇！”,之後更大聲“鞋”了一聲，一邊搖頭一邊將那碟菜放在一張吉枱，再忟忟憎憎繼續搖住頭行去那枱客將菜移位騰位置。另一次是那女食客望了好耐都不見仕應經過斟水，所以自己起食去攞水壼斟。雖然這樣不太好，但作為仕應也不應該大大聲粗聲粗氣地罵“你坐响度得㗎喇，你叫我地得㗎！唔該呀吓！”。

自從北角有商場後，陸陸續續有不少餐廳選擇。家人今晚想吃酸菜魚，於是在北角匯吃飯。餐廳面積很大，裝修企理乾淨。晚市餐牌沒有套餐，酸菜魚可以自己再加配料和小吃。⭐️金牌酸菜魚$248一大鍋酸菜魚有芽菜、酸菜、芹菜、萵筍、薯粉、豆皮和蓮藕。另外加了鴨血$38，份量恰當。我很喜歡魚湯湯底，不會太辣，不過辣椒泡久了再辣一些。魚肉頗嫩，芽菜、萵筍和蓮藕夠爽口，入口酸菜再多一些就更好了。寬條薯粉入口QQ，配酸菜魚必吃。鴨血入口軟軟QQ，很棒。⭐️酸薑皮蛋$28皮蛋沒有任何調味，要配酸薑吃。▫️只是點一份酸菜魚都夠二人吃，因為已經有薯粉和配菜。

以前曾經在北角住了10多年，最近在網上看到北角區增加了很多不同的食肆，今天便來到其中一間以酸菜魚為主打的食肆。金牌酸菜湯鮮魚片$248，魚片鮮嫩美味可口，份量適中，湯底味道帶點微酸，不會過濃。配菜有芹菜、芫荽、芽菜、百葉、萵筍、蓮藕片。薯粉$28，廚師在廚房已經將薯粉煮熟，只需放在湯裏一會，便可以吃到爽口彈牙的薯粉。雪燕黑糖冰粉$28，甜度適中，冰粉以條狀造成，爽口彈牙，口感豐富，是吃過冰粉最好的其中一款。

之前嚟過北角滙食嘢，發覺呢度都幾多嘢食，今日就約咗朋友嚟呢度嘞，揀咗呢間食川菜嘅！地方都好大坐得好舒服！見到好多人食酸菜魚同雞煲，掙扎咗好耐之後就揀咗叫雞煲！叫咗個前菜麻辣皮蛋涼拌豆腐，本身以為係酸酸辣辣，但因為佢應該係加咗梅子，所以味道係甜甜辣辣咁，味道都幾新鮮幾得意，好開胃，用嚟做前菜真係一流！本身我以為個雞煲係好似出面咁，食完用嚟打邊爐，但店員話呢度嘅做法係揀好哂嘅配菜會一次過咁炒埋落去，咁我哋就揀咗金菇、油麥菜、枝竹等幾個配菜！嚟到見到好熱辣辣，賣相好吸引而且份量都好多！輕輕再炒炒就食得嘞！雞件好嫩滑，成個雞煲辣度都好夠！枝竹吸收晒雞煲嘅汁所以好惹味！本身嘅雞煲都有好多附帶嘅配菜，好似呢啲萵筍咁，好好食！食完飲返杯青檸梳打解辣真係一流！今次呢個雞煲好食得嚟又好有新鮮感，下次嚟會試埋呢度嘅酸菜魚！

戈日撞啱系復活節假期前兩日，放咗工拿拿臨番屋企，度度都吾想去🥱喺北角碼頭落車，北角匯系新開咗冇耐嘅商場，新開咗好多間餐廳，一抬頭就發現咗一間「漁舍」，咁一聽個名就知系食魚啦🤣系咪有排深圳好興食嘅烤魚呢？好奇上網睇睇原來系酸菜魚。裡面嘅環境幾整潔，天花板嘅造型吊燈都設計得別有心思。下午茶、自選雙拼麵餐同埋定食套餐都好抵！不過留意番自選雙拼套餐下午5:30後只提供外賣，主打鍋物就全日供應嘅。揭到餐廳後頁就見到好多大大小小嘅菜式，川菜好多都系辣嘅菜式，中意食辣嘅朋友應該會好有興趣～酒醉豬手系中菜入面好傳統嘅一道菜式，有「酒醉」味即系酸酸哋的，豬手嘅質感就淋淋哋嘅，肉嘅部份就吾算好多，不過對身體好有益，有好多骨膠原。鴨舌都系「酒醉」味，酸酸哋嘅味道配鴨舌都match到，鴨舌本身個feel都幾似雞翼尖，咬落啲肉滑溜溜，精髓就系呢樣。醬麻手撕雞一定要叫，手撕雞好吸引🤤喺呢度嘅醬麻原來系花生醬🥜啖啖都食到勁濃嘅花生醬味，好正！單純花生醬味，冇乜其他添加嘅調味料，配埋爽滑嘅手撕雞，一絕呀💯主角就緊系最後先出場，系金牌酸菜魚💚就咁睇用個美的爐裝住好似好兒戲咁😂酸菜魚湯底真系幾酸，又未至於入吾到口嘅，都有