漁釧 (將軍澳中心) (已結業)

第一次寫食評，因為實在太差，希望其他人唔會中伏⋯⋯真係唔好試！食爭鮮壽司都好食啲！又貴又唔好食，除咗幾位阿姐，啲男侍應服務超差！平目🐟壽司軔到食唔到！雞泡魚乾硬過膠！師傅比錯壽司，問吓嗰侍應就發晦氣話請我哋食，我哋話唔駛，佢就話咁掉咗佢啦！真係莫名其妙！嗰商場其他餐廳排曬隊，呢間好多位，應該知道唔會好好食，諗住叫啲普通嘢，唔會差得去邊，就中伏啦！四個人食$900+，$300都唔值！今時今日咁差嘅水準，真係唔想做生意！

中午都過嚟食開定食，感覺都算係性價比好高嘅餐廳。夜晚同朋友放工聚下，嗌咗d刺身同埋串燒，串燒就相當唔錯，但是刺身完全唔掂，三文魚散散地，帶子又霉又水，吞拿魚偏灰色，一樣嘢衰都可以原諒，幾樣嘢都衰真係唔係巧合。裏面個師傅成身都係紋身，低住個頭好似想釣魚，真係見到都唔開胃，難怪夜晚堂食冇乜人。 認真講串燒係值得食，好味可以番食。but刺身真係唔掂，失望，雖然價錢經濟實惠，但是寧願加多d錢都唔想食埋d垃圾。

平日放假半天，喺屋企好懶唔想自己煮，於是就去咗我嘅其中一個飯堂 - 漁釧。今次叫咗午市套餐：天婦羅+五件壽司定食套餐，天婦羅即叫即炸，等候時間大概10分鐘，上菜時食物都很熱，天婦羅漿又薄又脆，蝦和蔬菜味道都很好。壽司味道不錯，刺身都夠新鮮。另外，套餐附送的茶碗蒸和麵豉湯都不錯。餐廳侍應服務態度都算好，加茶執枱都很勤快，唯一美中不足的是套餐份量不算多，幸好那天我都夠飽。

新年食咗太多中式嘢，轉下口味食壽司：三文魚壽司$13、劍魚腩壽司$20、鰻魚壽司$22、帆立貝壽司$22🍣 呢到有好多選擇！係一件一件嗌嘅。我自己比較鍾意帆立貝，幾有口感～鰻魚都燒得好香跟住仲嗌左燒羊架：羊架既肉質幾結實，有羊既蘇味，燒得有少少焦，加埋側邊既芥末醬， 幾好味鹽燒雞肉串，都好香口 $26/ 一串海蝦天婦羅稻庭烏冬$98，總共有五個天婦羅，兩個海蝦、冬菇、南瓜，水準正常發揮～呢一餐簡簡單單，食得輕鬆自在

廚師態度表現認真，表現親切，但樓面服務完全三流。死氣沈沈，態度差，十叫九唔睬，完全害死間餐廳。收加一服務費但冇服務根本係搶錢。請認真處理樓面毒瘤，唔係間餐廳一年內一定執笠

上次贊完呢間野，今次要反口了！！上次食個set整體都好新鮮，今次打算食全三文魚，應該都有上次的三文魚香味，點知食左垃圾？有2舊三文魚開始有D臭味...而且三文魚壽司比個部位已經冇晒血色勁乾，我究竟食左啲咩？如果我第一次來食，我估唔會再有下次，今次簡直跌左落地獄咁....所以上次推薦完，今次要反口了😑😑😑#中伏 #中伏系列 #香港特色 #日本拉面 #日本拉麵 #日本菜 ##日本 #食好d食平d #難食 #難食到嘔 #黃怪獸 #黃怪獸覓食 #hk90s #hkfood #hkfoodie #foodie #followforfollowback #foodblogger #想要更多真實食評搜尋ig黃怪獸覓食

漁釗晚餐 06-11-2022(燒雞泡魚乾) $68即叫即燒，熱辣辣送到我們枱上，勁香勁入味，一流，正🤣可以推薦試下👍👍價錢OK，可以一試🤣🤣(鐵朳牛肉飯) $108 雖然牛肉比較肥，但足料，夠熱 (P.s.: 鐵板太熱啲飯太黑, 味道一般)(綠茶冷麵) $82好濃味，賣相幾靚☺️☺️ 份量太少感覺😱😱 (香芒大蝦卷) (8 pics) $138(即叫即做，賣相幾靚) (份量OK)價錢OK，可以一試

次次經過將軍澳呢間魚釧都見好多人食，但價格都要中上，閒閒地一個lunch都過百，見到成日都咁多人食應該唔會太差，今日終於入去試下👍🏼極上四色刺身丼定食價錢已經係免加一，除左有個飯﹑中有茶碗蒸、沙律仲有面豉湯😏我食呢個飯的時間都幾有驚喜，佢賣相都冇咩討好，又好似細細碗...但一食落去，比呢個價錢...值晒..😃三文魚腩真係好香😍有好重油脂味，好少食到呢種質素吞拿魚碎就有魚味，但味道唔算太鮮，都可以接受👍🏼雖然蝦都係得一隻，但食得出都係算新鮮😍最尾就係仲有一粒帶子，同樣味道鮮甜😚佢的沙律我覺得就不過不失，用黑醋撈嘅🤔茶碗蒸都係正常的味道，都好食，略嫌入面只有一塊菇同蝦..個湯就冇咩特別，普通野整體嚟講..個丼飯真係算有驚喜，下次可以再試埋其他野❤️#將軍澳 #將軍澳美食 #漁釧 #香港特色 #香港美食指南 #香港 #香港美食 #食好d食平d #食評 #食好西 #食食食 #食 #yum #yummy #hk90s #hk #hkfood #hkfood #hkfoodie #hkfoodblogger #foodie #foodblogger #followforfollowback #foo

拉麵好食過拉麵店1️⃣醬油濃雞白湯拉麵非常濃味,湯底好正,仲好味過拉麵店🤫叉燒幾淋,有成5片🤩份量多,好抵食💰HKD$982️⃣清酒煮蜆幾清甜,份量正常,價錢略貴左小小💰HKD$923️⃣三文魚腩,活赤貝刺身三文魚腩好肥美😋赤貝好爽口新鮮👍🏻👍🏻💰HKD$138餐廳裝修好有日本居酒屋feel

幾鍾意漁釧呢間餐廳，耐唔耐就會搞啲特別嘅活動，好似之前食過嘅清酒配對夜，非常滿足，而且學到好多清酒嘅知識。今次知佢有藍鰭極鮮主題，我當然唔會錯過。炙燒吞拿魚沙律或網燒牛肉野菜沙律都幾大一份，而且吞拿魚份量好多，啲沙律菜又好新鮮，加入和風醬，非常開胃，最特別係加入天婦羅脆脆，增加口感而且好好味。燒日本魷魚一夜干大大塊魷魚乾好啱送酒呀，咬落彈牙而且香口，味道唔會好重可以加入少少薑蓉。本鮪魚六點盛(壽司)壽司嚟啦，藍鰭壽司六點盛，有大拖羅、中拖羅、赤身同拖羅蓉卷，入口即化，好香好好味呀。清酒蒸日本生蠔(6隻)生蠔用清酒浸住，上到嚟加熱四分鐘再焗三分鐘就食得啦，真係好重清酒味。陶板炭火燒雞開頭見黑黑哋，以為上錯咗菜，原來真係燒雞，味道比賣相好好多，啖啖肉食得好開心。海蝦雜錦天婦羅有三隻天婦羅🍤，仲有南瓜、菇、茄子同青椒，好豐富，卜卜脆，送酒一流。另外仲加咗2碗豚肉味噌湯，竟然有好多豬肉，好飲。仲有之前飲過覺得好唔錯嘅自家製梅酒，甜度適中，正。

今次嚟到將軍澳中心品嘗高質素嘅日本料理，平日夜晚都全場滿座，證明性價比十分高😎炙燒吞拿魚野菜沙律 $148近魚背部位嘅吞拿魚，脂肪比例較少，質感較腍加上魚味最濃，配上酸酸甜甜嘅醬汁做沙律最為適合🤤 燒日本魷魚一夜干 $68烤原條魷魚，食落爽口之餘仲好鮮甜，送酒一流👍本鮪魚六點盛(壽司) $228吞拿魚品種有好多，亦可以由品種去分辨出吞拿魚嘅等級。喺日本常見嘅吞拿魚有五種，最高級嘅係本鮪🤓 本鮪即藍鰭吞拿魚，就只有喺高級壽司店先會有供應，屬高級食材，唔怪得六種唔同食法都同樣鮮甜可口，入口即化😋清酒蒸日本生蠔(6隻) $192繼上次omakase之後愛上咗生蠔🦪 今次嘅食法就特別啲，用清酒去蒸4分鐘再焗3分鐘!! 熟嘅程度恰到好處，所以口感十分幼滑，鮮味十足同時充滿清酒香氣🍶生蠔愛好者一定不能錯過!! 陶板炭火燒雞 $88睇到碟炭火燒雞咁黑以為係燶咗？原來係加入左墨汁烹調，特別鮮甜🤓大部分雞肉都起咗骨，食落啖啖肉又好嫩滑juicy仲有爽口嘅雞腎伴碟，炭火烤成超惹味😋海蝦雜錦天婦羅 $78點少得我最鍾意嘅炸物🍤 海蝦天婦羅好大隻又好爽口，脆漿唔會過厚，剛剛炸起熱辣辣真係好正!! 仲有炸南瓜、

漁釧 「漁釧」日式餐廳將日本高級料理平民化選用日本最大型批發市場直送既時令海鮮入饌，以製作出各款地道既日本料理無論用料、味道同賣相都媲美高級日本料理餐廳仲會不定期有活動🌟炙燒吞拿魚沙律🥗 $148用咗沙律醋調味 酸酸地好開胃有6塊炙燒吞拿魚 上面有啲脆脆 口感唔錯🌟燒日本魷魚一夜干🦑 $68表面燒至焦香 重海水味 好煙靭 最啱飲酒作小菜 🌟本鮪魚六點盛(壽司)🍣🐟 $228有大拖、中拖、赤身、火炙、吞拿魚蓉同卷物全部都幾好 大拖油脂豐富 食落最濃呢件中拖都近大拖位 所以顏色都接近 一碟可以試到唔同部位同做法都幾好 🌟清酒蒸日本生蠔(6隻)🦪 $192會直接係你面前蒸😂 蒸完再焗一焗就食得生蠔都幾飽滿肥美 略有少少清酒既回甘🌟陶板炭火燒雞🍗 $88係黑晒既雞肉 幾好食 但空口食會偏咸🌟海蝦雜錦天婦羅🍤 $78有蝦🍤、冬菇🍄、青椒、南瓜🎃、茄瓜外層炸粉夠薄 炸到金黃香脆 幾抵食🌟豚肉味噌湯🍲 $32/1好足料既味噌湯 打開見到好多豚肉 幾好飲🌟自家制梅酒🥃🍶 $38/1屋企人都話幾好飲 易入口 帶少少甜 📍漁釧將軍澳唐德街9號將軍澳中心地下G89號舖深旺道28號V-Walk地下G-19號

Came here on a weekday hoping to have some decent food. Ordered the chicken soup ramen and the beef rice. Both were extremely bland and had barely any taste. Food was very overpriced considering the quality and location - the bowl of ramen was $168 when other specialist ramen stores serve ramen that tastes better at a much lower price. Service wasn’t great, the ramen was served without any spoon. Left feeling hungry and disappointed.

A funny thing is that I’ve never tried this restaurant despite the fact that it has been here in my neighbourhood for a very long time. Craving for ramen, I finally gave it a go today.It’s nice that they’ve got a weekend set lunch, which the food were not cheap yet not overpriced either. I was amazed by the serving size of the ramen. There were five slices of pork belly. They looked like a lot but actually each of them was thinly sliced. In my opinion, the meat was way too fatty and to be honest

平時都會去TKO做野，今日落雨勁大。心血來潮不如去返將軍澳中心泊車食午飯。泊好車週圍行左一轉都冇乜心水，之後見到間餐廳門口都裝修幾有日本feel，就決定下試下！平日唔洗等位我地就入左去喇，一入門左邊有環境以日式為主題地方算寬敞,另外有吧枱如果食壽司就比較有feel小弟午市叫左個午餐有以下食物 日式咖哩豬扒飯 - 個咖哩唔辣都有香味唔錯，個豬扒炸得香脆又唔肥，肉質適中口感不錯味噌湯 - 味夠濃但有小小小咸沙律 - 個人覺得呢個不太好酸瓜漬物 - 呢個普普通通冇乜特別蒸蛋 - 呢個有驚喜幾鮮味又夠熱總括黎講我比75分，值得一試及可以回頭再食其他食物