漁釧 (將軍澳中心) (已結業)

天婦羅盛烏冬定食$98定食包沙律，蒸蛋蒸蛋就等咗好耐先有，蛋夠滑身天婦羅有蝦、青椒、茄子、南瓜、冬菇炸得香脆薄身👍可以encore但係拉麵就越嚟越唔好食湯底冇咩味😢服務態度一般，啲員工唔多想做咁😮‍💨

今朝跟同事出site工作下晝返office之前 順便黎到附近食晏同事帶左我黎呢間日式居酒屋睇睇個menu 呢度嘅價錢都比較貴諗左諗就揀左個比較平嘅親子煮定食1. 滑蛋雞親子丼定食等左10分鐘左右 食物終於上枱成個定食非常豐富主食有煮滑蛋雞肉 同 珍珠飯配菜有沙律、麵豉湯、酸青瓜 同 蒸滑蛋沙律同麵豉湯比較普通 都係大部分日式餐廳果隻味 所以唔多講滑蛋雞肉淋有壽喜燒汁 好夾蛋夠滑 雞比較乾 冇乜肉味珍珠米粒粒分明 有咬口 同滑蛋雞好夾食完主食 食幾粒酸青瓜清一清個口最後食埋個蒸滑蛋蒸滑蛋內有昆布、蟹柳 同 蘑菇粒味道比較淡 幾唔錯

剛經過這日本餐廳，之前嘗過數次印象良好，剛好沒有太多人等位，於是再來一次，但姑結果另人非常非常失望。首先，串燒完全沒有風味，做不到餸酒，嘢味效果。炸物如天富羅，漿厚，淋身，不吃也罷。壽司吧衛生情況也另人擔心.....

平時經過將軍澳中心都見到呢間日本野好吸睛，大大個天燈寫住漁釗。今晚同老媽兩入食好西。入面裝修幾有日本特色，木系為住，座位闊落，好高私隱度。本人喜愛魚生，叫左極盈四色刺身丼，有赤蝦、中拖羅、吞拿魚、帶子再加半生熟蛋，刺身份量好足，勁飽滿夠新鮮，混合蛋汁伴上壽司飯，跟餐有麵豉湯同沙律。再額外叫咗網燒牛肉沙律、海膽年糕燒。呢個都較特別，用紫菜包住海水味既海膽，配上煙煙韌韌嘅年糕，口感豐富。仲有雞肝醬tapas ，呢款都係比較少見，雞肝味道有點似蟹膏，少少咸不過配上餅乾原來幾惹味，值得一試！再來點要咗至愛既燒魷魚筒和燒鯖魚，呢兩款都比較抵食，燒既火喉恰到好處，作為小食一流！整體餐廳味道唔錯，價錢方合理，值得再去！

舊同學相約聚下，約咗去將軍澳中心食日本菜，漁釧以高級日式料理為主打，價錢親民。裝潢設計以日本居酒屋無異。特盛濃厚醬油雞白湯拉麵，雞白湯很色澤和豚骨湯有明顯分別，不再奶白，而且離遠已經聞到雞湯香氣。先嚐一口，雞湯頗濃。叉燒薄切且略帶肥肉，入口毫不費勁。溏心蛋原隻奉上，溏心度也做得很好。極上四色刺身丼，有三文魚、赤蝦、帆立貝、拖羅蓉，刺身係日本每天空運到港，所以好肥美又新鮮！香芒大蝦卷，中間嘅炸蝦香脆，香芒酸酸甜甜，加埋蟹籽，有多重口感和味道。鹽燒雞中翼，即叫即燒，皮香肉嫩，作為啤酒佐菜一流。海蝦天婦羅6件，剛剛炸好的海蝦，熱辣辣香脆可口。黃金軟殼蟹，軟殼蟹炸得香脆，外層鹹蛋黃鹹香惹味！珍寶赤海蝦壽司，赤海蝦爽口甘甜。

蟹味噌配鮮野菜條 $68味噌如果handle得唔好，好容易死鹹本身諗住呢個都有機會係咁不過第一次黎又無理由唔畀機會佢咦！點知喜出望外，調味控制得好好，而且真係有蟹味如果有多啲青瓜條就可以lam曬成個汁啦😂海膽海盜芝士 $98芝士味蓋過海膽味🧀️老公係海膽忠粉，佢就覺得呢四塊餅唔夠喉啦壽司14點盛 + 鐵火卷3點 $348刺身新鮮，份量合理，賣相不錯鹽燒牛舌 $48雞軟骨粒串 $20牛舌十分香口，咬落去淡淡油香，好想再encore雞軟骨就好難唔好食既😁幾好啦！不過得四定五粒，呢個價錢份量可以多啲黃金軟殼蟹 $88好味～黃金同軟殼蟹呢個組合無得輸啦！香口又酥脆！美國牛小排壽喜燒湯鍋 $278壽喜燒係我最後決定追加既，唔係食唔飽，而係佢太吸引牛肉有兩款，我揀呢款係基礎版，有另一隻靚啲既但我想話唔嘴刁的話，基礎版都已經好好味雪花均勻，有牛味🐮配埋壽喜燒呢啲甜甜啲既湯，真係好食

朋友出左花紅，帶我去食日本料理，哩間餐廳由外到內都感受到濃厚既日本情懷，裡面面積廣闊，卡位坐得寬敞舒適，採用日系淺木色調裝潢，格調和諧，加上竹簾作屏風，散發濃濃和風禪意兼播放著輕柔的日本歌曲，嘆住日式料理仿如置身在日本一樣，而喜歡睇廚師煮野食既人可以坐高凳子位置。 朋友見到餐牌上既美人鍋套餐$418可選擇配壽司盛鐵火卷或特上刺身5點，對於壽司我一般所以另外叫左碗拉麵、小食同飲品。 特盛濃厚醬油雞白湯拉麵$98一股雞油清香飄逸，拉麵唔知係咪因雞油影響，比出面其它地方食到既更滑溜，裡面有八塊日式叉燒，平時最多得三片，加上好多木耳絲同有隻日式溫泉蛋，哩碗拉麵真抵食。 牛油焗帶子$58一碟有6粒,面層用了些沙律菜作點綴及將炸蒜分開放，讓客人自行添加，帶子咬落食到牛油既微脆外層兼內實既口感，雖然牛油邪惡，但兩個人share食少少都ok。綠茶可樂貪得意叫黎飲下，飲落唔似綠茶又無可樂果種磅礴既味道，感覺新穎。壽司盛鐵火卷刺身上枱啦，從顏色、紋理、切法就能看出這個廚師的手藝，手握拿捏得美，加上菊花作點綴，精緻得像一幅藝術品，食落鮮美和有自然甜味，漸漸滋潤了整個味蕾和口腔，真是極至美味。第一排右起：三文

將軍澳中心嘅漁釧以高級日式料理為主打，但價錢頗為親民，而且上菜速度快效率高，晚市頗為旺場！足量香蔥吞拿魚腩卷 $138吞拿魚腩蓉多過壽司飯，真正足量！魚腩蓉夠晒肥美，入口軟綿鮮美！網燒牛肉沙律 $138牛扒份量極多，燒到啱啱好，保留住肉汁！菜葉爽脆！鐵板牛肉飯 $108既香口又惹味，真係多多都食得落！濃厚醬油雞白湯和牛拉麵 $169湯底濃厚得嚟，味道香而甜！帶靚靚雪花紋嘅和牛由湯底慢慢浸熟，入口肉味香郁，口感極軟嫩！燒豚肉蘋果串 $28鹽燒黑豚腩串 $26腩串又肥又香口！蘋果串勁有特色！富士山可樂 $28個樽夠靚，飲落勁多汽，好爽！

同男朋友食好野，大推大家都黎食，性價比極高，我地首先叫左個海鮮海膽炒飯，真係有鮮甜滑嫩既海膽架！好中意清食有好濃郁既海膽味，男朋友叫左極盛四色刺身丼，有生日本蛋拌飯，葱吞拿魚蓉，新鮮拖羅同赤蝦，赤蝦好大隻，入口即溶又彈牙，跟住叫左個平時未見過既煙燻三文魚，一打開蓋就好香既煙燻味，微炙既三文魚配豉油，味道層次更豐富，火炙平目魚邊壽司，即係火炙左口魚，個種超幸福既油脂感，真係好正，滿滿既魚油壽司，唔洗沾豉油都好好味，蟹肉蟹膏軍艦則係走鮮甜路線，紫菜爽脆，蟹膏鹹鹹地完全唔腥，整體全部海鮮同菜式既水準都好高，而且埋單只係681食左咁多野，讚！🤣#漁釧 #isanakushior #日本料理 #日本菜 #將軍澳 #將軍澳美食🌟

提早放工又臨近晚飯時間, 相約住將軍澳嘅丫姨一齊dinner, 佢提議去將中一間較有人氣, 每次經過都幾乎座無虛席嘅日本餐廳「漁釧」食Dinner。餐廳環境裝修以木為主, 感覺很有日本居酒屋style。主打日本料理, 包括有刺身、壽司、燒物、串燒、丼飯、拉麵、沙律小食等等...款式選擇多。三文魚腩刺身: 很厚切, 魚質爽彈, 充滿魚油香。 煙燻油甘魚: 上檯時開蓋, 隨小小煙霧, 散發著陣陣煙燻香, 油甘魚近側邊位燻至3成熟, 整體依然keep到刺身口感, 味道鮮香。足量香蔥吞拿魚腩卷: 每件卷物中都有一小卡青瓜, 面層放了充滿魚香嘅吞拿魚腩蓉, 同埋些少香蔥, 整件入口, 魚鮮味依然突出。唐揚雞軟骨: 炸皮脆而不油, 很爽脆, 點沙律醬食, 送酒岩哂!燒豚肉蘋果串: 豚肉包住爽脆清甜蘋果, 豚肉兩面燒至金黃, 雖然質地唔嫩, 但蘋果平衡到豚肉嘅肉味。鐵板牛舌: 薄切牛舌偏有少少口感, 配上鹹甜汁醬同埋索咗汁嘅洋蔥。海蝦天婦羅: 炸皮唔夠香脆, 但唔油, 入面隻蝦微爽唔夠肥美, 鮮味亦唔太出。栗米天婦羅: 同樣炸皮偏林, 栗米粒密集式炸成餅狀, 每啖都食到層次豐富兼清甜嘅粟米粒。鐵板牛

Happy Friday 揀咗呢間裝修幾有日本風味既舖頭食晚飯，整體質素都唔錯!日式麻婆豆腐呢個好有驚喜，日式既麻婆豆腐有少少甜辣既調味再加上脆餅，夾埋一齊食呢種口感好爽脆又唔會太咸，豆腐本身都入哂味，好值得試!海蝦雜錦天婦羅新鮮即炸既天婦羅本身都已經好惹味，佢既炸漿唔會厚而且蝦肉係新鮮彈牙，食落更加吸引。加上仲有番薯、茄子等等配菜，又係必嗌既食物!網燒牛肉野菜沙律呢個比起一般泰式餐廳既燒牛肉沙律冇咁濃味，佢用既牛都係高級貨，食到牛肉本身既味道又唔會羶，好易咬得到唔韌，加埋沙律菜一齊食可以清一清油膩感添。炭火燒雞燒雞整得好嫩滑而且入哂味，佢亦都切到一口size咁樣好易入口，炭燒味道唔入算濃但整體都好食既!四色刺身丼呢個真係睇得出師傅既功架，刺身好新鮮而且魚油十足又有鮮味，唔需要好多豉油都夠哂味，wasab相對比較辣而且好香，幾有驚喜!和牛粒炒飯飯身炒得乾身唔老加上和牛粒本身既油香令成個飯都好惹味，和牛粒本身都好嫩滑食落口感一流!

將軍澳而家有好多餐廳選擇，住左嗰度咁耐真係食咩都唔厭，今晚就去左將軍澳中心既漁釧食晚餐。入面裝修好有日本風，地方闊落好有私隱度。主食叫左極上四色丼飯，有三文魚、吞拿魚、蝦同帶子，刺身份量不吝嗇，夠鮮甜，兩人食剛剛好。黃金軟殼蟹，炸得火候剛剛好，咸蛋黃味香濃，均勻地包圍住軟殼蟹，香脆可口。海膽年糕燒好正，年糕外脆內軟，啖啖嘅年糕米香配埋海膽令海水味更突出。海膽酒盜芝士，呢個配搭新鮮，驚喜地好食，梳打餅夠鬆化，配埋紫酥葉清新味令芝士不太濟！燒明太子好少見，呢間可以做夠皮脆，內裏有口感，但味道會較重，青瓜青脆，應厚切同明太子一齊食更清新消滯。食左咁多野，好彩最後叫返個沙律，清新啲，配埋銀魚仔，一解油膩感。

今晚有在將軍澳吃飯。這家餐廳面積算大，卡座座位寬闊，加上隔板，可以跟朋友暢所欲言。天氣凍，只是點了幾款熱食和卷物。⭐️鰻魚柳川鍋$98柳川鍋有滑蛋，配料有牛蒡條，牛蒡條口感帶脆，略帶甜味。鍋底加上汁壽喜燒汁，所以滑蛋入口也有甜甜的醬油味，配搭柔嫩的鰻魚，入口嫩滑，冬日吃是挺暖和的。⭐️足量香蔥吞拿魚腩卷$138一共有六件香蔥吞拿魚腩卷，每件的吞拿魚腩蓉份量都不少，入口清爽香甜。⭐️平目魚邊$20平目魚邊入口爽口，魚味較淡。

邊個話將軍澳係美食沙漠，呢度嘅選擇不知幾多，但係荷包君未到出糧日係擇使啲嘅所以行左好耐，唯有對自己好一啲，決定食一餐日本放題我又來啦～呢間位於將軍澳中心入邊嘅居酒屋「漁釧」，選擇非常多，甚至地方寬敞，適合一家大細一齊食晚飯，正所謂「我現時自己肯做飯」呢個組合價錢真係唔錯，平時好少叫鍋物又叫壽司盛，今次真係大釋放款式好多，而今日天氣都凍凍地，決定食返啲暖野旁下身估唔到咁快就黎我地嘅主菜—壽司盛二他他T媽s~入面都有八款壽司，三文魚、甜蝦、三文魚子、吞拿魚、鰻魚……飯團十分入味，而且選用的魚生也非常新鮮，沒有一點魚腥味道，鰻魚也處理得非常乾淨，很適合我們這些腌尖食客當壽司來了不久，侍應都好快送上我哋嘅「特盛醬油雞白湯拉麵」首先一定要讚下，濃湯嘅溫度非常合適，麵條也十分掛汁除此之外，每一啖麵條滲透着濃湯的香濃口感，非常彈牙你哋睇吓！破開了的溫泉蛋，還滲透着金黃的蛋漿終於到了我們今晚最期待的博多美人鍋陣容非常鼎盛，特別有鮮雞肉、豆腐、魚肉丸、白菜、菇……呢啲都係我哋最鍾意食嘅鍋物伴菜每一條菜滲透着濃郁的雞湯味。有機會真要試一試！最後的一道甜品—蟹肉玉子燒如果是計算上碟的分數，這絕對是精心之作蛋

今日同男朋友去將軍澳 經過見到有間日本餐廳幾吸引就去咗試吓😍佢嘅裝修非常之有特色🥰餐牌都幾多選擇 最特別係佢嘅一品料理 睇見都流口水🤤我哋叫咗幾串串燒 個鹽燒黑豚腩串 燒豚肉蘋果串燒雞肉串配明太子醬 呢度啲串燒幾好食 肉質鮮嫩 配搭都好特別又開胃🤤之後仲叫咗個鐵板牛舌 入口即溶 仲有啲洋蔥解膩🥺再叫咗特盛醬油龍雞白湯拉麵 估唔到雖然唔係食拉麵嘅專門店但非常出色🥰我哋見到沙鎚魚天婦羅好似幾特別就試吓 咬落魚肉幾鮮嫩 天婦羅嘅粉好薄一層 外脆內軟🤤仲叫咗個燒日本魷魚一夜干 魷魚好煙韌 仲有啲檸檬汁同姜蓉😚然後再叫咗個火灸鰻魚芝士芝麻反卷 有八件 啲鰻魚都好大塊 反卷包住左青瓜蟹柳芝士等等😆最後叫咗個帶子三文魚親子丼 三文魚有6片 仲有兩粒帶子同三文魚子 食落都幾新鮮👍🏻