漢年茶餐廳

营业中

休息中

近期不知何故, 總是想吃中式炒粉麵飯或小炒, 想吃那種鑊氣和風味。早上10:30來到漢年, 即使還在供應早餐, 也忍不住要點炒粉麵飯, 撫慰一下心靈。漢年環境乾淨企理, 座位全是中式圓枱, 有中菜館的感覺, 店員親切, 富有人情味。招牌菜有鹽焗雞飯和椒鹽豬扒飯, 是日目標清晰, 點了干炒椒鹽豬扒意粉。1) 干炒椒鹽豬扒意粉 $642) 熱檸檬茶 $11 干炒椒鹽豬扒意粉份量不少, 2人享用剛好, 上菜時意粉和豬扒混在一起, 把豬扒抽出, 驚訝竟有6件以上的豬扒, 啖啖肉, 只有2件連骨。豬扒肉厚不柴但有咬口, 椒鹽微香, 如蒜粒多些更添惹味。意粉有洋蔥芽菜同炒, 醬油掛色均勻, 不會過鹹, 入口微辣, 吃著吃著, 竟把整碟吃完。由於事前已要求少油, 故碟底沒有太多多餘油份。熱檸檬茶有檸檬3片, 茶色深, 香而不澀, 不用加糖, 味道剛好。

好耐無去過呢檔茶記，今次又掛住佢哋嘅招牌菜，味道已經在腦海中，一食入口已經知道會係點。舊式茶餐廳就係「人情味」同埋師傅嘅烹調味道，好唔好食見仁見智，最主要係啱唔啱口味，只要滿足到個胃最重要❗️———————————————————————————.🍜招牌鹽焗雞米粉 $50 🐔💬一份豐富嘅招牌鹽焗雞，可以配粉、麵、飯，唔係話配咗湯麵🍜啲雞又會少咗，同樣係一樣咁多件咁重份量，十件八件走唔甩，無乜要求揀咩部位當然係廚師👨🏻‍🍳發辦，切到咩就俾咩位，一樣係鹽焗味香濃又夠嫩滑；如果想扮識食又比較食量大嘅話，可以試下配飯炒底，食完就知道點解🤓

鹽焗雞脾飯是漢年茶餐廳的招牌美食之一，今次我加錢改成雞脾, 肉質感覺更好。鹽焗雞飯是漢年茶餐廳的特色之一，備受食客喜愛。這道菜品以嫩滑的雞脾為主要食材，並且配以特製的鹽焗調味，讓味道更加突出。評價中提到，鹽焗雞脾的調味剛好，既能夠保持雞肉的鮮嫩口感，又能夠使其充滿豐富的風味。鹽焗的方法使雞脾的肉質更加嫩滑多汁，入口即化。而且，雞脾的肉質搭配鹽焗的調味，讓整道菜品的味道更加均衡和美味。除了鹽焗雞脾，漢年茶餐廳還有其他豐富的選擇。從參考資料中可以看出，餐廳的菜單包含了多種港式經典美食，例如燒鵝、燒鴨、蜜汁叉燒等等，滿足了不同食客的口味需求。這些菜品都以優質的食材和獨特的烹飪方法製作而成，保證了口感的豐富和美味。值得一提的是，餐廳的裝潢風格簡潔舒適，氛圍愉悅。這樣的用餐環境讓人感到放鬆，能夠更好地享受美食。而且，餐廳的服務態度也受到了食客的好評，服務員親切友好，讓用餐體驗更加愉快。漢年茶餐廳的鹽焗雞脾飯的確是一道令人回味的美食。嫩滑的雞脾搭配特製的鹽焗調味，味道鮮美均衡。無論您是港式美食愛好者，還是想要品嚐正宗香港風味的人，漢年茶餐廳絕對值得一試。

*:.｡..｡.:* 漢年茶餐廳-大圍*:.｡. .｡.:*長期多人嘅餐廳，預左一定唔會坐得舒服但呢啲就係香港茶餐廳特色呢度最最最多人叫嘅就係椒鹽豬扒飯同鹽焗雞飯椒鹽豬扒飯上次食 豬肉無咁乾身，今次改善左好多。夠晒鑊氣，豬扒同飯超級多，椒鹽香口惹味，送飯一流。鹽焗雞飯（碗）雞肉夠嫩滑，好入味，落埋沙薑汁+雞油撈飯真係好邪惡，不知不覺食多左飯。但之後要飲返多啲水🤫而且雞同飯嘅份量都真係幾大，兩個人分都得👍🏻👍🏻

大件，抵食夾高質！唔食唔知有幾好！食店內幾乎80% 都係男人，仲要大大隻💪🏼同碗飯一樣！✨👨🏻✨友人極度推薦呢道鹽焗雞飯，專登揸架車嚟食個晏！碟上，碗上，髀位，胸位，湯米，飯炒底任君選擇！今次叫咗碗裝雞胸飯炒底！食慣雞胸，所以唔會指意滑，但絕對唔鞋口，髀位一定正正子，加上個沙薑調製得幾好，令人回味！需然炒個底要加$12，但炒得好香，加上大大碗！值回票價！大胃皇仲可以叫碟上，包你食飽之後有氣有力！是日碗雞胸炒底飯加杯檸茶成為$77！

睇到個個讚去試下，試完中伏，個炆米無咩味，义燒得4舊又乾又鞋，好彩買外賣屋企支辣椒醬幫到手，唔係就垃圾桶，熱奶茶又無比糖，睇黎真係得鹽焗雞同椒鹽豬扒好食！！！！

今次係我短期內第二次食～ 第一次食完先發現鹽焗雞飯無加炒飯底🤣 早幾日心思思又再想食，於是揸車去大圍再食～舖頭位置唔難搵，如果搭港鐵喺大圍站行過嚟都唔係好遠～大約5分鐘左右就到～ 但舖頭入面#鹽焗雞飯 基本上檯檯都有人叫呢個，我上網見到好多人都叫炒飯底，今次都叫咗❤️ 佢個雞係幾香幾滑幾入味，份量又算多～ 我本身都鍾意食沙薑，點埋一流～ 再加上炒飯底，今次即刻食多咗飯🙈#椒鹽豬扒飯又係另一個多人點嘅飯，完完全全夠晒鑊氣咁炒，非常香口惹味，不過今次唔夠多椒鹽汁，重口味人士覺得上次食得開心啲～

呢間嘢喺火車站附近嗰條街都有好多其他細嘅食店這一間舖頭相信都有啲歷史都算舊但係佢地方企理乾淨啲枱面唔會黐立立見到個環境都會開胃聽聞這裏出名食鹽焗雞飯因為嗰日嚟都好多人叫咗牆上面嘅快餐就算上菜速度非常快感覺呢度應該會係地盤工友至愛食物質素方面ok以呢個價錢可以接受冇乜嘢投訴下次會再嚟食鹽焗雞

昨天早上去大圍踩單車，由大圍踩到大埔，再由大埔踩回大圍交車。交車後唔知食乜，想起社交平台説大圍有間舊式茶餐廳專門食沙薑雞，叫一碗沙薑雞髀飯+涷奶茶（64+12）=76元。整體不錯，下次去開大圍都會再幫襯

【沙田區】【漢年茶餐廳】呢排嘅生活有幾分混沌，又有啲不安。好彩有個好地方畀我個腦放空吓，唔係我驚我真係會變痴線。然而，唔緊要啦，本身都已經痴得好匀循，就算再痴多少少對大家睇到嘅觀感上可能都冇乜分別，但係自己就好覺。喺好肚餓嘅狀態下經過大圍，咁就梗係想食吓嘢，火車站附近嘅餐廳好多都食過，而有啲去到門口都唔想食。喺呢個一籌莫展之際，我記得我係未食過呢間漢年茶餐廳而又想試吓，真係好耐之前已經聽過佢哋嘅鹽焗雞出名嘛。個耐嘅程度係講緊我喺大圍讀中學嗰陣，因為有個同學同呢間嘢有關，之後就冇點留意。又有消息話賣咗盤，不過都係一味得個講字，冇真係去到。再加上經過親都見到好多人坐爆晒，好難有機會食，今次見到有位，就食佢。見到餐牌有其他茶記食物，不過都吸引唔到我，淨係想試佢哋個「著名金牌鹽焗雞」，一場嚟到就整返碟「雞髀飯」轉「炒底」，成碟嘢邪惡度爆晒錶。啲雞髀肉勁嫩滑，鹽焗味道對我嚟講啱啱好，可能其他人會覺得淡口。不過唔夠味咪點醬囉，另外，雞味都好出，唔怕。個炒飯底都唔差，勁易入口，好快啪晒。個飯配杯「凍檸茶」走甜夾埋要 $91，係唔平，不過我覺得如果去開附近又想嘆個飯，呢個係幾好嘅選擇。所以，好多時都要

經過大圍附近， 識途好友叫我去吃大圍站附近的"漢年茶餐廳" …大圍站附近勁熱鬧，到中午吃飯時間附近簡直係市集一樣漢年係街坊路線嘅茶餐廳, 充滿懷舊的老味道，碟頭飯勁大一碟， 細食嘅女孩子夠二人份。鹽焗雞飯是招牌菜😋，雞肉貨真價實 雞背十分嫩滑 雞胸夠曬咬口，伴自製沙薑醬夠哂惹味， 下次要試下炒飯底一定出色。 提提大家睇清楚餐牌原來有分碗和碟價錢大概差幾蚊，鍾意多飯嘅梗係嗌碟頭啦😂 最重要嘅係原來好pro架 😝走雞翼雞胸雞背係要加2蚊㗎😚 要雞髀加14蚊

今日過開嚟大圍，同事帶咗去食一間睇落去完全唔起眼嘅餐廳，我心諗大圍咁多新式茶餐廳唔去，做乜要去呢間有咁耐歷史嘅舖頭🙈一坐低咗佢就解釋佢以前住喺大圍，呢間嘢好出名㗎‼️的而且確12點左右已經滿晒人，同埋亦都要搭枱‼️帶咗最出名嘅鹽焗雞飯同埋椒鹽豬扒飯，仲要加咗$12炒底🤭講咗個飯先，我覺得一定要叫炒底，佢個底係蛋炒飯，炒到粒粒分明亦都唔會覺得佢好油膩👍🏻 完全可以令個主菜加分😛 鹽焗雞好食，但係唔夠淋，有少少Un，但椒鹽豬扒真係做得好出色😆 佢嗰啲蒜香🧄好正😍千祈唔好俾佢嗰門面呃咗，可以屹立喺大圍咁多年就知佢咩料😛 雖然真係好大碟而我哋都食唔哂😂 但大家唔好係食飯時間share吖，因為外面嘅人會令你有壓力😂 叫外賣先share la😂

今晚無住家飯食，近近地叫左個鹽焗雞飯炒底外賣食，好快就有得拎飯走，返到屋企，一打開盒炒飯！哇！d雞好似人地食剩嘅雞甘！勁瘦！無麥肉，仲有雞翼部位！更加無肉食！個炒底飯勁濕！加成$15炒到甘？係咪外賣就要甘俾人食？好差嘅食品！吾會再幫襯！已經吾算便，仲要俾甘差嘅雞人食！以前食過一次，覺得都算係幾好味嘅鹽焗雞，所以今日再次幫襯，點知會爭得甘遠？係咪多左人食，水準就差到甘啦？真係食雞骨甘😂😂定係覺得外賣走人吾會有人投訴？所以求其俾人食？

大圍嘅美食選擇非常五花八門，有特色咖啡店、高級西餐、米芝蓮中菜館……等等！不過今次波波想推介畀大家嘅，係響大圍已經屹立超過30年，而且深受大圍街坊、單車友歡迎嘅舊式茶餐廳 - 漢年茶餐廳“漢年” 係波波喺大圍數一數二光顧得比較多嘅餐廳！呢間茶餐廳唔單止保留典型港式茶餐廳嘅裝潢，而且店員服務亦非常貼心殷勤；喺芸芸眾多嘅招牌食物當中，波波特別對「鹽焗雞」情有獨鍾……💛💛💛💛💛鹽焗雞髀飯（碗）🍗🍚白飯底：$64炒飯底：$76“用雞湯浸透嘅雞髀肉新鮮嫩滑、厚肉、有油光；炒飯粒粒金黃分明、富蛋香，再加上自家製嘅沙薑醬，令成碗飯更加錦上添花”除咗可以選擇雞髀之外，店裡面仲有其他款式（鹽焗雞、鹽焗雞胸、雞湯……）供食客選擇，如果唔想食白飯或炒飯，亦可以選擇配米粉、通粉……㖭吖💛💛💛💛💛凍奶茶（跟餐價）：$12 🥤“奶、茶比例非常完美，飲完無澀口嘅感覺”💛💛💛💛💛📌 大圍積福街100號溫馨提示 - 呢間餐廳夜晚七點半就收鋪啦，要食好東西就要趁早啦～

地點在大圍火車站附近，就腳。今日下午12:45分去到，不用等位。 但吃到中途已經开始要排隊等位了。久仰大名，心中巳知道環境不會太好，不會寛趟，今日一吃簡直覺得痴L線，六十幾元一碟雞飯，另外炒底加十五元，比一碟骨頭雞我，而且炒底D飯濕到一個點，真係不懂欣賞。雞無雞味但鹽焗雞的醬是真正的 鹽焗雞醬。 椒鹽豬扒還算可以，但不值得專程去吃。希望幫到大家。最後提一提各位，不是每一位落單的阿姨都清楚價錢,今天我的单阿姨都錯了價錢要改。自己記得對單