漢年茶餐廳

营业中

休息中

話說嗰日朝早好趕出門口，所以最後就決定咗食呢一間老店啦，喺附近住咗咁耐都一直未幫襯過，咁本身以為茶餐廳服務都麻麻地咁我坐低咗冇幾耐已經有人幫我落單啦其實早市時段餐廳都有八成滿座㗎但係上餐速度都非常快，落咗單之後大概15分鐘內已經上菜啦沙嗲牛肉公仔麵唔算好鹹，同埋牛肉份量其實真係幾多，至少比其他我食過嘅茶餐廳多，起碼都有5塊。至於多士真係好誇張，我拎起嘅時候牛油係熱到可以流出黎，同埋個包係熱辣辣脆卜卜既，佢係真係喺岩岩係個多士機度拎返出嚟，食開快餐店嘅包都係好硬，真係沒有比較沒有傷害🤷🏿‍♀️嘢飲同炒蛋就正常啦，冇乜特別都算正常發揮😬聽朋友講呢度鹽焗雞飯好出名，諗住下次再嚟試☺️

大圍其實都有好多小店見條大街到呢間有人排隊就衝左入去似係一間經營咗好多年嘅餐廳舊嘅裝修，環境衛生妥當有少少舊香港嘅情懷眼見每台都有人食緊鹽焗雞我都叫咗個鹽焗雞飯味道唔錯足料啲飯都幾大碟經開呢頭嘅朋友可以一試

今日去漢年食lunch，未去到之前想食乾炒牛河，但去到坐低之後又係忍唔住叫咗碗鹽焗雞飯 ($64) 水準如一，雞肉好滑，好香鹽焗雞味😋 另外叫咗碗紫菜湯 ($10) 味道普普通通咁啦⋯⋯

漢年茶餐廳基本上係我一年會黎食一次嘅茶餐廳，佢嘅名物係鹽焗雞飯～蒜蓉豬扒飯鹽焗雞食過好幾次，見到蒜蓉豬扒飯又想食蒜蓉汁咪試試佢😬呢度個蒜蓉汁麻麻地啦～唔夠蒜、汁比較杰身少少🤏豬扒一般般😐鹽焗雞飯炒底炒飯底依然係無得輸，雞嘅味道跟以前差不多～第一次食嘅朋友仔都話炒飯炒得好！鹹魚雞粒炒飯係因為有菜嘅關係比較濕少少？！味道還好，份量算是超大碟的！熱檸茶普通冇特別

大圍肥遊記（1）積福街茶餐廳漢年茶餐廳- 招牌鹽焗雞就係令到呢間舖頭多年來屹立不倒的原因。雞料理永遠是原汁原味的最好吃，而一盤合格的鹽焗雞，除了不能太乾而且要夠嫩，鹹度更要剛好帶出味道，太多就喧賓奪主。這裡的鹽焗雞飯就做得很出色，皮薄肉嫩，雞汁滲入飯內，很美味。配白飯撈自家製沙薑，最能帶出雞鮮味，但不少街坊熟客會加錢配炒飯底，炒飯粒粒分明更滋味，炒底食法係我最愛，驚食唔晒又可以叫一碗，又可以選擇雞翼、雞髀、雞胸，好似入咗行運茶餐廳一樣「蔥花飛邊蛋治看底、鴛鴦三七少甜」食得夠了能，專做街坊生意。如果食得再精細一啲我會建議預訂新鮮鹽焗雞，味道更上一層樓椒鹽豬扒飯亦都係佢嘅另一個名物，肥厚的豬排現點現炸，入口仍然保持著肉汁，椒鹽配上炸蒜超級夠味，加上每一份分量十足，絕對能吃得捧腹而回

今日同朋友去大圍踩單車，踩到馬料水就返轉頭，然後求其搵啲嘢食。個人比較喜歡一啲舊式茶記，於是行左一個圈就入左呢間茶餐廳喇。其實呢間嘢都幾爆下，但都比到1張枱我哋。我哋3個人一人叫左一樣嘢，2其中2個係晚餐連嘢飲，都一般茶記水準。勝在大件夾抵食，$49一份晚餐跟埋嘢飲，仲要勁大碟！朋友叫豬扒飯$51跟嘢飲，成碟有3-4塊豬扒，豬扒唔錯。雪菜肉絲燜米$49連飲品，太大碟食唔晒，不過好似有啲清淡，不過不失。乾炒牛肉公仔麵，$51不連飲品，牛肉無牛肉味，公仔麵比較好食😂比較注意到一樣嘢，呢間餐廳應該有樣招牌菜：鹽焗雞飯（碗），我覺得幾得意，仲幾多人叫。留意：茶餐廳比較舊式，關門時間比較早，夜晚收7:30pm㗎咋，好多人入到嚟都冇得外賣同堂食喇。

好耐無嚟大圍，之前嚟親大圍都係踩單車踩去大埔，今日放假就轉登過嚟食吓野，四圍行吓😊😊夜晚六點多經過呢間裝修好舊式既茶餐廳，見到都好多客人叫外賣，應該都好受歡迎，就入去試試先😎由於款式太多，選擇困難症嘅我，坐低見到隔離枱哥仔個碟飯好吸引，就同姐姐講我哋要個碟呀 唔該！😜😋正所謂隔離飯香，呢碟滑蛋叉燒飯炒底，就係俾隔離枱哥仔影響到我哋都要叫埋一份🤣🤣滑蛋叉燒飯炒底$61 份量好大碟，叉燒又多，飯炒得好香，加上滑蛋一齊食，好好味～不過叉燒就好一般，比較瘦，無咩味。干炒牛河 $51份量同樣都好大碟，牛肉好多，味道不錯，只可惜個人覺得唔係好夠鑊氣。見到好多人叫佢哋既鹽焗雞飯，相信係佢哋店既拿手菜式，下次都試返佢哋拿手野先得😝

大圍美食多已不用多說🤫，但要說到大圍其中一款必吃的美食，我會向大家推薦這裡的鹽焗雞飯✨！這店的鹽焗雞飯我可是一吃便愛上😍～ 是一間只要想起鹽焗雞飯時就會🎤來訪的一間老店！鹽焗雞脾飯 $61/碗 $64/碟（轉炒飯底 + $12）配熱飲 + $11；冷飲 + $12店家的鹽焗雞飯提供不同部位跟不同份量予客人選擇，當然價錢💰也各有不同啦，豐儉由人，就按自己需要點算就可以😙，但要留意‼️這個份量也不少，女士們可以兩個人👯‍♀️分享一碟飯啊～這店的鹽焗雞以新鮮雞🐔製作，又以雞湯浸透，皮爽肉嫩，就算雞胸肉也不會有太差的口感，雞脾肉當然就更美味👅！沒有多餘的脂肪層，滿滿鹹香及雞的鮮味，會令人一口接一口！配上自家製沙薑，香口惹味，滿有舊式客家酒樓製的風味～飯也因為滲滿雞汁💦也變得好吃，不過個人推薦加錢轉成炒飯作伴，一份簡單的蛋炒飯，🥚蛋味不錯而且稍作調味，炒飯粒粒分明，拌上雞肉、雞汁跟沙薑，滋味無窮🤤～這店已經屹立大圍區已經超過三十個年頭，居住在附近的街坊絕對是無人不曉💁🏻‍♀️店面偏舊但光猛，打開門🚪就像走進九十年代港式茶餐廳格局，🪑座位較狹窄，衛生環境比想像中好的除了鹽焗雞飯，這裡另一款signatu

因為晚上剛巧要去大圍辦點事，天氣涼了，傍晚5點幾有少少肚餓，所以想在附近找點吃的，但怕食飯太飽，就在漢年叫鹽焗雞湯米。開頭見佢餐牌寫一碗，以為啲雞會好少，但碗湯米上到檯，啲雞肉接近一般「例牌」嘅份量：啲雞預咗係冰鮮，得好輕微雞肉味，肉質有啲「霉」，但未至於難食。米粉入面搭條菜心，啲湯有少少雞味，唔會淡茂茂，所以啲米粉都好易落肚。整體嚟講，$48咁多雞，份量搭夠，而且唔算難食，如果為了填肚，都值得去食。

有對couple朋友早兩日剛榮升父母👏🏻今日就同另一個朋友去左仁安探佢地～探完都接近夜晚7點，就同朋友係大圍食埋晚飯，揀左呢間出名既茶記雖然呢度既鹽焗雞係最招牌，不過都係下次先試，今晚我地就叫左咕嚕斑腩飯同椒鹽豬扒飯～椒鹽豬扒飯勁快黎到，豬扒份量好多👍🏻 肉質唔算淋但都唔韌～佢既椒鹽唔夠乾身，面頭有啲油，但蒜味好重，帶輕微辣，雖然唔夠乾但好香好惹味，係幾好食既 （當然食完都好口渴啦🙈）咕嚕斑腩就等左一陣，黎到熱辣辣，斑腩份量同樣好足👍🏻👍🏻 炸皮夠薄啖啖肉，個汁酸酸甜甜好好食😋不過$49係唔包飲品，如果加熱飲要$11，加埋就唔算平嚕下次再黎既話一定會試鹽焗雞，因為真係見到檯檯都叫，只係因為今日晏晝都食左雞肉所以今晚先無叫，呢間茶記都值得再黎👍🏻

大圍漢年每次都一定要食佢地既鹽焗雞飯同埋椒鹽豬扒飯。而撞正假日都一定係要等好耐位..所以今次都係決定嗌外賣回家慢慢食鹽焗雞翼飯…呢度嘅鹽焗雞飯有好多唔同嘅部位比你選擇..我就叫鍾意食雞翼呢個部位雞件夠味嫩滑….再加沙薑汁響飯度..好惹味..而呢度既椒鹽豬扒都係好多人會叫既….椒鹽夠哂惹味….豬扒炸得岩岩好……..好似一碟小菜咁…..豬扒本身味道都好足夠……..好容易就可以chur哂一碟飯………..

我間唔中都會去漢年茶餐廳吃午餐，很喜歡佢好懷舊嘅瓷磚，好有特色，靚靚老闆娘好熱誠，當然重點佢啲炒粉麵好食，師傅炒得好夠鑊氣👍🏻👍🏻👍🏻今次我食咗楊州炒飯走蝦，每次食都好大碟，一定食唔晒，仲有叫咗杯好好味嘅奶茶走甜，慣咗咁叫，因為有啲茶餐廳會幫你加埋砂糖的😆😆😆

聽人講大圍鹽焗雞飯出名，來到試試佢，星期六中午入去，不用等位，餐廳間格似舊式茶餐廳，餐廳在牆上。點了招牌鹽焗雞飯，味道的確係鹽焗雞味，但我感覺不是想像中咁多人講的出色，雞肉比較粗糙，飯係普通白飯。

一心諗住入去大圍食小肥豬扒，好辛苦咁樣搵個位泊咗架車，跟住行咗好大段路，然後…..冇開。明明OpenRice 寫住營業中。見到呢間裝修懷舊同街坊嘅茶餐廳，即上OpenRice睇吓，見到都好多好評，就 入去食。豬扒沙嗲牛肉米早餐，$36，經濟街坊價錢。豬扒不是一塊，大約是1/3 塊吧，有二條厚切肉；沙牛有4片牛肉；米粉是粗身用嚟炒星洲米果隻，唔夠餸，拎咗友人一隻雞翼。豬扒厚身，又鞋又痴牙，好處係冇落鬆肉粉，但亦都冇拍鬆，或者用其他方法令到佢鬆軟，炸粉好厚，浸落去碗湯麵變到一pet嘢嘅口感。沙牛正常，不過不失，冇花生味，普通茶餐廳質素。有一大條菜，真心大，如果佢切開一半仲好，易食又好睇。湯米用粗身米粉不是我杯茶，只吃了幾啖。反而奶茶OK。總結：平，正常，見佢同人客有講有笑，應該都係做街坊同熟客生意多， sell人情味多過食物果隻。

幾年前食過呢間餐廳嘅沙薑鹽焗雞髀飯，喺我心中，一直未有其他餐廳可以超越。今日再次黎試試質素有冇變，一嚟到依然坐無虛席，等左一陣先有得食。每次都要加錢轉雞髀同轉炒飯底😍雞髀厚肉滑身唔靭，鹽焗雞夠哂入味❤️炒飯乾身唔濕，蛋亦夠多，飯嘅份量夠大，沙薑汁亦非常出色，混在飯中或沾雞吃，更加錦上添花👍🏻👍🏻👍🏻估唔到幾年冇食，質素不變，依然好好味😋眼見其他食客嘅碟頭飯/麵，份量很多，望落亦很有鑊氣，好想試😍